Epesus 6
6
1Tuktan nani, man nani aisikam bara yaptikam wal bîla wali daukaia sma, Dawan latwanka lâka ba mita.#Kol 3.20. 2Naha sika lâ pas ba bara diara wankaia pramis win ba kasak sa: “Aisikam bara yaptikam ba kulki bas, 3bara baku mika naha tasba ra lilia kama bara piuam sin yari brima.”#Imp St 20.12; Kli S 5.16.
4Aisa nani bara yapti nani, man nani luhpiam nani ra ai kupia#Kol 3.21. baikaia tatuski kapara, sakuna Dawan latwan lâka ra witin nani ra smalki paks, lâ kat wapni tauki kaia.
5Bara alba nani, man nani naha tasba ra dawankam nani ra bîla wali dauki bas, kulki sin bas, kunin âpu kira dawankam ra sibrin luks, sim wark kum Kraist dukia kan daukisma ba baku. 6Bamna dawankam nani dukia pain dauki bas, witin nani wal pain kaia wisi mai kaiki ba ra baman lika apia, sakuna Kraist napakanka nani baku, bara kupiam aiska kira dauki bas Gâd kupia lâka ba kat. 7Kupiam aiska kira witin nani warkka ba dauks, Dawan warkka dauki baku, bara upla ra baku lika apia. 8Bamna man nani lika pat kaiki banhwisma kumi bani, alba apia ba sut, Dawan wina ai mana yabia dîa yamni daukan ba kat.#Kol 3.22-25.
9Bara man nani, alba dawanka nani sma ba, trai kaiks baha sim natka ra albikam nani ba yarka warkkam dauki kaia, taiban lâka âpu kira. Kupiam krauki bas, man nani wih alba nani wal Dawankam kasbrika purara ba mihta ra sma,#Kol 4.1. bara witin lika upla kumi ba upla wala wal aihka baku kulkras sa.#Kli S 10.17; Kol 3.25.
Kristian nani spirit warka aiklabaia dukia nani
10Bara nanara, muihki nani, karna bas Dawan asla lâka ra, witinka karnika tara pali bri ba wal. 11Gâd mita aiklabaia dukia nani wanki ba sut brih dims,#Ro 13.12-14; 1 Tes 5.8. bara baha ni sip kama bapi kaia Sitan kuninka nani ba mapara. 12Kan yawan aiklabi ba lika upla aihwa, wîna tara bara dusa nani sin bri ba sâtka mapara apia sa, sakuna pirit saura nani ai karnika bri ba mapara; kasbrika purara bara tasba ra sin karnika bri ba, bara wihta kaia karnika alki ba, naha tasbaya tihmika ra ba mapara sin karnika alki ba. 13Baha mita, Gâd bui war aiklabaia dukia nani wanki ba sut buki bris, bara baku lika yua saura ra bapi buaia sip kama, bara baha daukma ba ningkara, ban bapi bûi kama.
14Bahamna ban bapi bûi banhwi bas, kasakka lâka kwalka ba ni dims,#Ais 11.5. bara wapni lâka ni kainam suni bas.#Ais 59.17. 15Man nani piu bani ridi bas kupia kumi sturka ba smalkaia waia.#Ais 52.7. 16Baha sut purkara, kasak lukan lâka ba kainam kahbaika baku buki bris, sitan trisbaika nani sim pauta klauhi baku ba sut daskaia dukiara.#Law 7.13. 17Swaki sakan lâka ba sin lal pura bikaia baku lamla ra baps,#Ais 59.17. Spirit Holikira mita wanki sord ba sin bris,#Hib 4.12. baha sika Gâd bîla. 18Man nani puram sunisma ba swipara,#Kol 4.2-4. piu bani Gâd ra bik taki makabi bas, Spirit man nani tâm briaia. Ridi bas, lukankam swapras kira bara Gâd uplika nani sut dukiara sin man nani puram suni kama. 19Yang dukira sin puram suni bas, aisaia awarka ra Gâd mita bîla nani aikka aisamna, bara baku mika yang sip kamna swaki sakan sturka yamni yukukan ra ba sibrin âpu param aisaia. 20Naha smalkanka na dukiara Gâd mita baha lâka tâwan aisaia ai blikan, bara baha tâwan sika naiwa silak ra ai brisa. Puram suni bas, baku mika naha sturka yamni na aitani kat sibrin âpu smalkamna.
Prakaia lakula bîla nani ba
21Wan muihni latwankira Tíquico,#Ap St 20.4; 2 Ti 4.12. witin lika Dawan warkka dadaukra painkira pali sa, bamna witin mita yang tâinka na bara dîa daukisna ba sut mai wibia. 22Baha mita yang bui witin ba man nani ra blikuna, yang nani nahki sna ba mai wiaia, bara tâm baikaia sin.#Kol 4.7-8.
23Bamna Gâd Aisa bara Dawan Jisas Kraist mita, wan muihni nani ra kupia kumi lâka bara latwan lâka yabia, kasak lukan lâka ba wal; 24bara Gâd mita wan Dawan Jisas Kraist ra, latwan kaiki uplika nani sut ra yamni munbia, latwan lâka kum sip aihka takras ba wal.
ទើបបានជ្រើសរើសហើយ៖
Epesus 6: MSKTU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2010 Bible Society in Nicaragua
Epesus 6
6
1Tuktan nani, man nani aisikam bara yaptikam wal bîla wali daukaia sma, Dawan latwanka lâka ba mita.#Kol 3.20. 2Naha sika lâ pas ba bara diara wankaia pramis win ba kasak sa: “Aisikam bara yaptikam ba kulki bas, 3bara baku mika naha tasba ra lilia kama bara piuam sin yari brima.”#Imp St 20.12; Kli S 5.16.
4Aisa nani bara yapti nani, man nani luhpiam nani ra ai kupia#Kol 3.21. baikaia tatuski kapara, sakuna Dawan latwan lâka ra witin nani ra smalki paks, lâ kat wapni tauki kaia.
5Bara alba nani, man nani naha tasba ra dawankam nani ra bîla wali dauki bas, kulki sin bas, kunin âpu kira dawankam ra sibrin luks, sim wark kum Kraist dukia kan daukisma ba baku. 6Bamna dawankam nani dukia pain dauki bas, witin nani wal pain kaia wisi mai kaiki ba ra baman lika apia, sakuna Kraist napakanka nani baku, bara kupiam aiska kira dauki bas Gâd kupia lâka ba kat. 7Kupiam aiska kira witin nani warkka ba dauks, Dawan warkka dauki baku, bara upla ra baku lika apia. 8Bamna man nani lika pat kaiki banhwisma kumi bani, alba apia ba sut, Dawan wina ai mana yabia dîa yamni daukan ba kat.#Kol 3.22-25.
9Bara man nani, alba dawanka nani sma ba, trai kaiks baha sim natka ra albikam nani ba yarka warkkam dauki kaia, taiban lâka âpu kira. Kupiam krauki bas, man nani wih alba nani wal Dawankam kasbrika purara ba mihta ra sma,#Kol 4.1. bara witin lika upla kumi ba upla wala wal aihka baku kulkras sa.#Kli S 10.17; Kol 3.25.
Kristian nani spirit warka aiklabaia dukia nani
10Bara nanara, muihki nani, karna bas Dawan asla lâka ra, witinka karnika tara pali bri ba wal. 11Gâd mita aiklabaia dukia nani wanki ba sut brih dims,#Ro 13.12-14; 1 Tes 5.8. bara baha ni sip kama bapi kaia Sitan kuninka nani ba mapara. 12Kan yawan aiklabi ba lika upla aihwa, wîna tara bara dusa nani sin bri ba sâtka mapara apia sa, sakuna pirit saura nani ai karnika bri ba mapara; kasbrika purara bara tasba ra sin karnika bri ba, bara wihta kaia karnika alki ba, naha tasbaya tihmika ra ba mapara sin karnika alki ba. 13Baha mita, Gâd bui war aiklabaia dukia nani wanki ba sut buki bris, bara baku lika yua saura ra bapi buaia sip kama, bara baha daukma ba ningkara, ban bapi bûi kama.
14Bahamna ban bapi bûi banhwi bas, kasakka lâka kwalka ba ni dims,#Ais 11.5. bara wapni lâka ni kainam suni bas.#Ais 59.17. 15Man nani piu bani ridi bas kupia kumi sturka ba smalkaia waia.#Ais 52.7. 16Baha sut purkara, kasak lukan lâka ba kainam kahbaika baku buki bris, sitan trisbaika nani sim pauta klauhi baku ba sut daskaia dukiara.#Law 7.13. 17Swaki sakan lâka ba sin lal pura bikaia baku lamla ra baps,#Ais 59.17. Spirit Holikira mita wanki sord ba sin bris,#Hib 4.12. baha sika Gâd bîla. 18Man nani puram sunisma ba swipara,#Kol 4.2-4. piu bani Gâd ra bik taki makabi bas, Spirit man nani tâm briaia. Ridi bas, lukankam swapras kira bara Gâd uplika nani sut dukiara sin man nani puram suni kama. 19Yang dukira sin puram suni bas, aisaia awarka ra Gâd mita bîla nani aikka aisamna, bara baku mika yang sip kamna swaki sakan sturka yamni yukukan ra ba sibrin âpu param aisaia. 20Naha smalkanka na dukiara Gâd mita baha lâka tâwan aisaia ai blikan, bara baha tâwan sika naiwa silak ra ai brisa. Puram suni bas, baku mika naha sturka yamni na aitani kat sibrin âpu smalkamna.
Prakaia lakula bîla nani ba
21Wan muihni latwankira Tíquico,#Ap St 20.4; 2 Ti 4.12. witin lika Dawan warkka dadaukra painkira pali sa, bamna witin mita yang tâinka na bara dîa daukisna ba sut mai wibia. 22Baha mita yang bui witin ba man nani ra blikuna, yang nani nahki sna ba mai wiaia, bara tâm baikaia sin.#Kol 4.7-8.
23Bamna Gâd Aisa bara Dawan Jisas Kraist mita, wan muihni nani ra kupia kumi lâka bara latwan lâka yabia, kasak lukan lâka ba wal; 24bara Gâd mita wan Dawan Jisas Kraist ra, latwan kaiki uplika nani sut ra yamni munbia, latwan lâka kum sip aihka takras ba wal.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2010 Bible Society in Nicaragua