लुका 9
9
बारा शधाणूं छ़ाडणैं
(मत्ती 10:5-15; मरकुस 6:7-13)
1तेखअ शादै ईशू आपणैं बारा च़ेल्लै और तिन्नां लै दैनी भूत और बमारी दूर करने शगती और हक। 2तिंयां च़ेल्लै छ़ाडै परमेशरे राज़े प्रच़ारा करदै और बमारा ठीक करदै।
3ईशू बोलअ तिन्नां लै इहअ, “बाता लै निं किछ़ै निंईं; नां ता शोठअ, नां झ़ोल़ी, नां रोटी, नां ढबैओ थैलू और नां दूई कुर्तै। 4तेखअ ज़हा घरै बी तम्हैं बेशे, तम्हैं रहै तिधी और तिधी का डेओऐ। 5ज़ुंण तम्हां नांईं मनें, तेसा नगरी का बागै निखल़दी ठुल़्हकै आपणैं खूरा का धूल़अ बी पोर्ही ताकि तिन्नां लै गवाही होए कि तिन्नैं निं थारअ सुआगत किअ।”
6तिंयां नाठै गराऊंऐं-गराऊंऐं खुशीए समादा खोज़दै और हर ज़ैगा रहै लोगे बमारी का ठीक करदी-करदी हांढदै लागी।
हेरोदेस राज़े उलझ़ण
(मत्ती 14:1-12; मरकुस 6:14-29)
7तेऊ देशे च़ौथै निसब गलील प्रदेसे राज़ै हेरोदेस राज़ै फिरअ इना गल्ला शूणीं हैल़अ, किल्हैकि कई लोगै बोलअ तेऊ का इहअ कि युहन्ना हुअ मरी करै ज़िऊंदअ। 8और कई लोगै बोलअ इहअ बी कि हाम्हां का शुझुअ एलियाह; और कई बोलअ इहअ कि परमेशरे पराणैं गूरा मांझ़ै हुअ कोई एक ज़िऊंदअ।
9पर हेरोदेस राज़ै बोलअ, “युहन्नो ता आसा हेरअ द मंऐं कैल़अ काटी, पर ऐबै अह कुंण आसा? ज़सरै बारै हुंह एही गल्ला शूणां?” और तेऊए हुई ईशू भाल़णें च़ाहा।
पांज़ा हज़ारा मर्धा का रोटी खैऊंणी
(मत्ती 14:13-21; मरकुस 6:30-44; युहन्ना 6:1-14)
10शधाणूं बी फिरै बापस और ज़िहअ-ज़िहअ तिन्नैं किअ त तिन्नैं खोज़ी ईशू सेटा पुजी करै तिंयां सारी गल्ला बाढै और सह नाठअ तिन्नां छ़ाडी करै बैतसैदा नगरी लै। 11ईशू भाल़ै आप्पू पिछ़ू बडै भारी खास्सै लोग एछदै और सह भेटअ तिन्नां का खुशी-खुशी; और तिन्नां का खोज़ी परमेशरे राज़े गल्ला और ज़ुंण बमारी का ठीक हणअ च़ाहा तै तिंयां किऐ ठीक।
12ज़ांऊं सान्ह च़ाल्ली पल़ी ता तेऊए बारा च़ेल्लै बोलअ, “इना लोगा लै बोल ऐबै आपणैं घरा लै डेओआ; ताकि ईंयां किधी गराऊंऐं आप्पू लै रोटी पाणींओ इंतज़ाम करी सके और तिधी रहे; किल्हैकि हाम्हैं आसा इधी बडी कांगनरांगी ज़ैगा दी।”
13ईशू बोलअ तिन्नां लै, “तम्हैं ई दैआ इना लै खाणां पिणां लै”, तिन्नैं दैनअ ईशू लै ज़बाब, “हाम्हां का निं पांज़ रोटी और दूई माह्छ़ली छ़ाडी होर किछ़ै आथी। पर हाँ ज़ै हाम्हैं इना लै रोटी मोल आणे लई तै सका हई।” 14तिन्नैं बोलअ तिन्नां लै इहअ तै कि तिधी आसा तै आऐ दै कोई पांज़ हज़ार लोग, पर ईशू बोलअ च़ेल्लै लै, “इना लोगा बशैल़ा पज़ाह-पज़ाह करै घेहल़ी दी।”
15च़ेल्लै बी किअ तिहअ ई और तिंयां सोभ लोग बशैल़ै घेहल़ी। 16ईशू ढाकी तिंयां पांज़ रोटी और दूई माह्छ़ली हाथै, संघा किअ सरगा बाखा भाल़ी करै परमेशरा लै शूकर, संघा दैनी रोटी च़ेल्लै लै और तिन्नैं दैनी लोगा लै बांडी। 17तेखअ ज़ांऊं तिंयां खाई करै रज़ै, ता बच़ी दी रोटीए च़कै तिन्नैं बारा च़ठै। (2 राज़ा 4:44)
पतरसो ईशू लै “मसीहा” बोल़णअ
(मत्ती 16:13-20; मरकुस 8:27-30)
18ज़ांऊं ईशू कांगनरांगै ज़ैगा दी प्राथणां करदअ त लागअ द और च़ेल्लै बी तै तेऊ संघा; ता ईशू पुछ़अ तिन्नां का, “लोग मुल्है किज़ै बोला कि हुंह कुंण आसा?”
19तिन्नैं दैनअ ज़बाब, “युहन्ना डुबकी दैणैं आल़अ, और कई लोग बोला एलियाह, और कई बोला इहअ कि परमेशरे पराणैं गूरा मांझ़ै हुअ कोई एक ज़िऊंदअ।”
20तेऊ पुछ़अ तिन्नां का, “तम्हैं किज़ै बोला? हुंह कुंण आसा?” पतरसै बोलअ, “परमेशरो मसीहा।” 21तेखअ नैरै तिंयां ईशू इहै कि एसा गल्ला निं कोही का खोज़ी।
आपणीं मौते बारै ईशूओ पैहलै ई खोज़णअ
(मत्ती 16:21-23; मरकुस 8:31-33)
22तेखअ बोलअ ईशू तिन्नां लै इहअ, “मुंह मणछे शोहरू लै आसा ज़रूरी की हुंह बडै भारी घोर दुख ज़िरे और मुखियै, बडै परोहित और शास्त्री मुंह नकाम्मअ समझ़ी करै मारी पाए, और हुंह चिऊथै धैल़ै ज़िऊंदअ होए।”
ईशू पिछ़ू डेऊणेओ मतलब
(मत्ती 16:24-28; मरकुस 8:34—9:1)
23ईशू बोलअ तिन्नां सोभी लोगा लै इहअ, “ज़ुंण बी मेरअ च़ेल्लअ हणअ च़ाहे, सह निं तिन्नां गल्ला करी सकदअ ज़ुंण तेऊओ दिल च़ाहा। तेऊ लागणअ अपराधी ज़िहअ दाह-दुख ज़िरी करै आपणअ क्रूस आपणीं कान्हा आप्पै च़कणअ।
24 “किल्हैकि ज़ुंण बी एसा पृथूई दी आपणीं ज़िन्दगी बच़ाऊंणी च़ाहे, सह करा परमेशरा संघै सदा रहणैं आल़ी ज़िन्दगी बरैबाद, ज़ुंण मुंह दी विश्वास करनै पिछ़ू आपणैं प्राण दैए, तेऊ भेटणीं परमेशरा संघै सदा लै ज़िन्दगी। 25ज़ै मणछ सारै संसारा आपणैं बशै करे और आपणैं प्राण शोटे; या तेऊए आपणैं प्राणें हान्नी होए; ता तेऊ लै किज़ै फाईदअ हणअ?
26 “ज़ुंण मुंह आपणअ प्रभू मनणै और मेरी शिक्षा मनणै का हुधिए, तेभै हुधणअ मुंह मणछे शोहरू बी ज़ेभै हुंह आपणैं पबित्र स्वर्ग दूता संघै पृथूई दी फिरी एछणअ। तेभै भाल़णअ सोभी मेरअ प्रतप ज़िहअ मेरै बाप्पूओ आसा। 27हुंह खोज़ा तम्हां का सत्त कि ज़ुंण इधी खल़ै आसा, तिन्नां मांझ़ै आसा कई इहै बी; कि ज़ेभै तैणीं परमेशरो राज़ निं भाल़ी हेरे, तेभै तैणीं निं तिन्नां लै मौत एछणी।”
ईशूए काया बधल़णीं
(मत्ती 17:1-8; मरकुस 9:2-8)
28इना गल्ला हणैं का बाद नाठअ कोई आठा धैल़ै बाद पतरस और युहन्ना और याकूबा संघा निंईं करै धारा प्रैंदा लै प्राथणां करदअ। 29ज़ांऊं ईशू प्राथणां करदअ त लागअ द, ता ईशूए मुंहों रूप बधल़ुअ और तेऊए झिकल़ै हुऐ शेतै और तिंयां लागै च़मकदै। 30परमेशरो गूर मुसा और एलियाह लागै दुहै ईशू संघै गल्ला करदै। 31तिंयां शुझुऐ बडी प्रतपा संघै और तिंयां लागै ईशूए मरने गल्ला बाता करदै ज़िहअ-ज़िहअ येरुशलेम नगरी दी आजू हणैं आल़अ त।
32पतरस और तेऊए होर साथी तै निंजै भर्हुऐ दै और ज़ांऊं तिंयां राम्बल़ै बिऊंछ़ुऐ ता तेखअ शुझुई तिन्नां का ईशू झ़ामण लागअ द और तिन्नां का शुझुअ इहअ बी कि दूई ज़ण्हैं आसा होर ईशू संघै खल़्हुऐ दै। 33ज़ांऊं तिंयां दूई तेऊ सेटा का बापस डेऊंदै लागै; ता पतरसै ईशू का बोलअ, “हे मालक, अह हुअ ठीक कि हाम्हैं आसा इधी, हाम्हां बणांणैं इधी चअन मंडप, एक ताल्है, एक परमेशरे गूर मुसा लै और एक परमेशरे गूर एलियाह लै।” पर पतरसा का निं थोघै त कि सह किज़ै बोला। 34सह आसा त बोलदअ ई लागअ द कि एक बादल़ घोर्हुअ तिन्नां प्रैंदै और तिंयां डरै।
35तेऊ बादल़ा पिछ़ू का बोलअ परमेशरै इहअ, “अह आसा मेरअ शोहरू ज़हा लै हुंह सोभी का खास्सअ झ़ूरा और अह आसा मंऐं छ़ांटअ द, एऊए शूणां ज़िहअ अह तम्हां लै बोले तिहअ।” (याशायाह 42:1)
36स्वर्गा का परमेशरे बोलै दै इहै बैणा शुणनै का बाद दैनी तिन्नैं फेर आछ ता तिधी भाल़अ तिन्नैं ईशू एक्कै; और तिंयां रहै च़ुप्पी और ज़ुंण बी तिन्नैं भाल़अ त; तेते गल्ला निं तिन्नैं तिन्नां धैल़ै कोही का खोज़ी।
भूत शाचअ द शोहरू ठीक करनअ
(मत्ती 17:14-18; मरकुस 9:14-27)
37और दुजै धैल़ै ज़ांऊं तिंयां धारा का उंधै होथै ता बडै भारी खास्सै लोग आऐ तिन्नां सेटा लै कि कोई गिणती निं करी सकदै। 38और तिन्नां लोगे जेल्ह-मरेल्ही जैंदरा का पाई एकी हाक्का, “हे गूरू”, हुंह करा ताखा अरज़ कि मेरै शोहरू लै कर झींण, मेरअ आसा सह एक्कै शोहरू। 39तेऊ दी आसा एक भूत शाचअ द और सह लाआ लैल़ा-पकारा; और सह मरोक्का तेऊ इहै कि तेऊ का निखल़ा शेफा और सह हआ धरनीं चाछल़दअ और तेऊ हआ बडी भारी दाह। 40“मंऐं की ती तेरै च़ेल्लै सेटा बी अरज़ कि एऊ भूता काढ पोर्ही पर इने भलै निस्सअ अह निखल़ी।”
41ईशू बोलअ, “हे बैहम करनै आल़ै और हठी लोगो, मुंह कधू तैणीं रहणअ तम्हां संघा कि तम्हैं विश्वास करे? मुंह केभै तैणीं रहणअ तम्हां न्हैल़ै लागी कि तम्हैं विश्वास करे? आपणैं शोहरू आण ओर्ही।” 42सह आसा त एछदअ ई लागअ द कि भूतै शोटअ सह मरोक्की करै धरनीं और तेभी ईशू तेऊ लै झ़ाहल़ काढी करै नैरअ कि एऊ का निखल़ पोर्ही, और शोहरू हुअ राम्बल़अ और ईशू सभाल़अ सह तेऊए बाप्पू का। 43तेखअ हूऐ सोभ लोग परमेशरे माहा शगती कामां भाल़ी रहैन।
ईशू बोलअ भी आपणीं मौत हणें बारै
(मत्ती 17:22,23; मरकुस 9:30-32)
पर ज़ांऊं सोभै लोग तेऊ किऐ दै तिन्नां कामां भाल़ी रहैन तै हुऐ दै, तेखअ तेऊ आपणैं च़ेल्लै लै बोलअ, 44“इना गल्ला डाहै तम्हैं शूणीं, किल्हैकि हुंह मणछो शोहरू आसा लाअ द मणछै ई ढाकी।” 45पर ईशूए ईंयां गल्ला निं तिन्नां समझ़ आई, तैहीता ईंयां गल्ला तिन्नां का गुप्त रही; कि तिंयां समझ़ी नां सके और एसा गल्ला पुछ़णा का बी डरा तै तिंयां।
सोभी का बडअ कुंण आसा
(मत्ती 18:1-5; मरकुस 9:33-37)
46और एकी धैल़ै लागै तिंयां आप्पू मांझ़ै हठल़दै कि हाम्हां मांझ़ै बडअ कुंण आसा? 47ईशू हेरी तिन्नें मनें गल्ल भुझ़ी और एक लान्हअ आप्पू सेटा खल़अ किअ और 48संघा बोलअ ईशू तिन्नां लै, “ज़ुंण बी मेरै नांओंऐं एऊ शोहरूए कदर करे, सह करा मेरी और परमेशरे दुहीए कदर ज़ुंणी हुंह संसारा लै आसा छ़ाडअ द। किल्हैकि ज़ुंण तम्हां मांझ़ै होछ़ै का बी होछ़अ आसा सह आसा सोभी का बडअ।”
ज़ुंण खलाफ निं आथी सह आसा पक्षा दी
(मरकुस 9:38-40)
49तेखअ बोलअ युहन्ना ईशू लै, “हे गूरू, हाम्हैं भाल़अ तेरै नांओंऐं एक मणछ भूता काढदअ हाम्हैं लागै तै तेऊ लै नांईं करदै बी कि इहअ निं करै। किल्हैकि सह हाम्हां संघै ता एछदअ निं आथी।” 50ईशू बोलअ तेऊ लै, “तेऊ रोकदै निं लागी। किल्हैकि ज़ुंण थारै खलाफ निं आथी सह आसा थारै पक्षा दी।”
सामरी लाक्के लोगै किअ ईशूओ बरोध
51ज़ांऊं ईशूए स्वर्गा डेऊणे धैल़ै नेल़ तै, ता ईशू किअ येरुशलेम नगरी लै डेऊणेओ बच़ार पाक्कअ। 52और ईशू छ़ाडै आप्पू आजू-आजू दूत कि सामरी गराऊंऐं डेओऐ और तिधी करै मुल्है ज़ैगा तैर। 53पर तिन्नैं निं ईशू तिधी एछणैं दैनअ किल्हैकि सह आसा त येरुशलेम नगरी लै च़ाल्लअ द। 54एसा गल्ला भाल़ी तेऊए च़ेल्लै याकूब और युहन्ना बोलअ इहअ, “प्रभू, तेरअ कै बच़ार आसा, हाम्हां इहअ हुकम दैणअ कि सरगा का लोल़ी आग पल़ी और ईंयां लोल़ी सोभ भस्सम हुऐ?” 55पर ईशू नैरै तिंयां, “तम्हां का निं थोघ कि तम्हैं केही आत्में आसा।” 56पर तेऊ काढी तिन्नां लै झांश और बोलअ, “हुंह निं लोगे प्राणा बरैबाद करदअ आथी आअ द, हुंह आसा सोभी बच़ाऊंदअ आअ द।” और तिंयां नाठै कसा होरी गराऊंआं लै।
ईशूए च़ेल्लै हणैंओ मोल
(मत्ती 8:19-22)
57ज़ांऊं तिंयां बाता हांढदै तै लागै दै, ता मांझ़ा का बोलअ ईशू लै कुंणी इहअ, “ज़िधा लै बी तूह डेओए, मुंबी लागणअ ताह पिछ़ू हांढदै।”
58ईशू दैनअ तेऊ लै इहअ ज़बाब, “शैल़ीए हआ जुहल़ी और सरगै डैऊंदै पंछ़ीए हआ बसेरै। पर हुंह मणछो शोहरू ज़ुंण स्वर्गा का आसा आअ द मुल्है निं कोऐ घर आथी ज़िधी हुंह सुत्ती सकूं।” 59तेखअ बोलअ ईशू एकी होरी लै, “मुंह पिछ़ू एछ।” पर तेऊ दैनअ ज़बाब, “हे प्रभू, मुंह दै पैहलै आपणैं बाप्पूए क्रिया कर्म एछणैं करी।” 60ईशू बोलअ तेऊ लै, “ज़ुंण आत्मां दी मुल्दै आसा तिन्नां दै मुल्दै दाबणै पर तूह खोज़ लोगा सेटा डेऊई करै परमेशरे राज़ो समाद।” 61तेखअ बोलअ एकी इहअ, “हे प्रभू, हुंह च़ाल्लअ ताह संघै, पर मुंह दै आपणैं घरै टबरा का बिदा हई एछणैं।” (1 राज़ा 19:20) 62ईशू बोलअ तेऊ लै, “ज़ुंण बी आपणअ हाथ हल़े आल़ी दी डाही करै पिछ़ू भाल़ा, सह निं परमेशरे राज़ा जोगी आथी।”
ទើបបានជ្រើសរើសហើយ៖
लुका 9: OSJNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
This work is licensed under Creative Commons Attribution-ShareAlike 4.0 License.
लुका 9
9
बारा शधाणूं छ़ाडणैं
(मत्ती 10:5-15; मरकुस 6:7-13)
1तेखअ शादै ईशू आपणैं बारा च़ेल्लै और तिन्नां लै दैनी भूत और बमारी दूर करने शगती और हक। 2तिंयां च़ेल्लै छ़ाडै परमेशरे राज़े प्रच़ारा करदै और बमारा ठीक करदै।
3ईशू बोलअ तिन्नां लै इहअ, “बाता लै निं किछ़ै निंईं; नां ता शोठअ, नां झ़ोल़ी, नां रोटी, नां ढबैओ थैलू और नां दूई कुर्तै। 4तेखअ ज़हा घरै बी तम्हैं बेशे, तम्हैं रहै तिधी और तिधी का डेओऐ। 5ज़ुंण तम्हां नांईं मनें, तेसा नगरी का बागै निखल़दी ठुल़्हकै आपणैं खूरा का धूल़अ बी पोर्ही ताकि तिन्नां लै गवाही होए कि तिन्नैं निं थारअ सुआगत किअ।”
6तिंयां नाठै गराऊंऐं-गराऊंऐं खुशीए समादा खोज़दै और हर ज़ैगा रहै लोगे बमारी का ठीक करदी-करदी हांढदै लागी।
हेरोदेस राज़े उलझ़ण
(मत्ती 14:1-12; मरकुस 6:14-29)
7तेऊ देशे च़ौथै निसब गलील प्रदेसे राज़ै हेरोदेस राज़ै फिरअ इना गल्ला शूणीं हैल़अ, किल्हैकि कई लोगै बोलअ तेऊ का इहअ कि युहन्ना हुअ मरी करै ज़िऊंदअ। 8और कई लोगै बोलअ इहअ बी कि हाम्हां का शुझुअ एलियाह; और कई बोलअ इहअ कि परमेशरे पराणैं गूरा मांझ़ै हुअ कोई एक ज़िऊंदअ।
9पर हेरोदेस राज़ै बोलअ, “युहन्नो ता आसा हेरअ द मंऐं कैल़अ काटी, पर ऐबै अह कुंण आसा? ज़सरै बारै हुंह एही गल्ला शूणां?” और तेऊए हुई ईशू भाल़णें च़ाहा।
पांज़ा हज़ारा मर्धा का रोटी खैऊंणी
(मत्ती 14:13-21; मरकुस 6:30-44; युहन्ना 6:1-14)
10शधाणूं बी फिरै बापस और ज़िहअ-ज़िहअ तिन्नैं किअ त तिन्नैं खोज़ी ईशू सेटा पुजी करै तिंयां सारी गल्ला बाढै और सह नाठअ तिन्नां छ़ाडी करै बैतसैदा नगरी लै। 11ईशू भाल़ै आप्पू पिछ़ू बडै भारी खास्सै लोग एछदै और सह भेटअ तिन्नां का खुशी-खुशी; और तिन्नां का खोज़ी परमेशरे राज़े गल्ला और ज़ुंण बमारी का ठीक हणअ च़ाहा तै तिंयां किऐ ठीक।
12ज़ांऊं सान्ह च़ाल्ली पल़ी ता तेऊए बारा च़ेल्लै बोलअ, “इना लोगा लै बोल ऐबै आपणैं घरा लै डेओआ; ताकि ईंयां किधी गराऊंऐं आप्पू लै रोटी पाणींओ इंतज़ाम करी सके और तिधी रहे; किल्हैकि हाम्हैं आसा इधी बडी कांगनरांगी ज़ैगा दी।”
13ईशू बोलअ तिन्नां लै, “तम्हैं ई दैआ इना लै खाणां पिणां लै”, तिन्नैं दैनअ ईशू लै ज़बाब, “हाम्हां का निं पांज़ रोटी और दूई माह्छ़ली छ़ाडी होर किछ़ै आथी। पर हाँ ज़ै हाम्हैं इना लै रोटी मोल आणे लई तै सका हई।” 14तिन्नैं बोलअ तिन्नां लै इहअ तै कि तिधी आसा तै आऐ दै कोई पांज़ हज़ार लोग, पर ईशू बोलअ च़ेल्लै लै, “इना लोगा बशैल़ा पज़ाह-पज़ाह करै घेहल़ी दी।”
15च़ेल्लै बी किअ तिहअ ई और तिंयां सोभ लोग बशैल़ै घेहल़ी। 16ईशू ढाकी तिंयां पांज़ रोटी और दूई माह्छ़ली हाथै, संघा किअ सरगा बाखा भाल़ी करै परमेशरा लै शूकर, संघा दैनी रोटी च़ेल्लै लै और तिन्नैं दैनी लोगा लै बांडी। 17तेखअ ज़ांऊं तिंयां खाई करै रज़ै, ता बच़ी दी रोटीए च़कै तिन्नैं बारा च़ठै। (2 राज़ा 4:44)
पतरसो ईशू लै “मसीहा” बोल़णअ
(मत्ती 16:13-20; मरकुस 8:27-30)
18ज़ांऊं ईशू कांगनरांगै ज़ैगा दी प्राथणां करदअ त लागअ द और च़ेल्लै बी तै तेऊ संघा; ता ईशू पुछ़अ तिन्नां का, “लोग मुल्है किज़ै बोला कि हुंह कुंण आसा?”
19तिन्नैं दैनअ ज़बाब, “युहन्ना डुबकी दैणैं आल़अ, और कई लोग बोला एलियाह, और कई बोला इहअ कि परमेशरे पराणैं गूरा मांझ़ै हुअ कोई एक ज़िऊंदअ।”
20तेऊ पुछ़अ तिन्नां का, “तम्हैं किज़ै बोला? हुंह कुंण आसा?” पतरसै बोलअ, “परमेशरो मसीहा।” 21तेखअ नैरै तिंयां ईशू इहै कि एसा गल्ला निं कोही का खोज़ी।
आपणीं मौते बारै ईशूओ पैहलै ई खोज़णअ
(मत्ती 16:21-23; मरकुस 8:31-33)
22तेखअ बोलअ ईशू तिन्नां लै इहअ, “मुंह मणछे शोहरू लै आसा ज़रूरी की हुंह बडै भारी घोर दुख ज़िरे और मुखियै, बडै परोहित और शास्त्री मुंह नकाम्मअ समझ़ी करै मारी पाए, और हुंह चिऊथै धैल़ै ज़िऊंदअ होए।”
ईशू पिछ़ू डेऊणेओ मतलब
(मत्ती 16:24-28; मरकुस 8:34—9:1)
23ईशू बोलअ तिन्नां सोभी लोगा लै इहअ, “ज़ुंण बी मेरअ च़ेल्लअ हणअ च़ाहे, सह निं तिन्नां गल्ला करी सकदअ ज़ुंण तेऊओ दिल च़ाहा। तेऊ लागणअ अपराधी ज़िहअ दाह-दुख ज़िरी करै आपणअ क्रूस आपणीं कान्हा आप्पै च़कणअ।
24 “किल्हैकि ज़ुंण बी एसा पृथूई दी आपणीं ज़िन्दगी बच़ाऊंणी च़ाहे, सह करा परमेशरा संघै सदा रहणैं आल़ी ज़िन्दगी बरैबाद, ज़ुंण मुंह दी विश्वास करनै पिछ़ू आपणैं प्राण दैए, तेऊ भेटणीं परमेशरा संघै सदा लै ज़िन्दगी। 25ज़ै मणछ सारै संसारा आपणैं बशै करे और आपणैं प्राण शोटे; या तेऊए आपणैं प्राणें हान्नी होए; ता तेऊ लै किज़ै फाईदअ हणअ?
26 “ज़ुंण मुंह आपणअ प्रभू मनणै और मेरी शिक्षा मनणै का हुधिए, तेभै हुधणअ मुंह मणछे शोहरू बी ज़ेभै हुंह आपणैं पबित्र स्वर्ग दूता संघै पृथूई दी फिरी एछणअ। तेभै भाल़णअ सोभी मेरअ प्रतप ज़िहअ मेरै बाप्पूओ आसा। 27हुंह खोज़ा तम्हां का सत्त कि ज़ुंण इधी खल़ै आसा, तिन्नां मांझ़ै आसा कई इहै बी; कि ज़ेभै तैणीं परमेशरो राज़ निं भाल़ी हेरे, तेभै तैणीं निं तिन्नां लै मौत एछणी।”
ईशूए काया बधल़णीं
(मत्ती 17:1-8; मरकुस 9:2-8)
28इना गल्ला हणैं का बाद नाठअ कोई आठा धैल़ै बाद पतरस और युहन्ना और याकूबा संघा निंईं करै धारा प्रैंदा लै प्राथणां करदअ। 29ज़ांऊं ईशू प्राथणां करदअ त लागअ द, ता ईशूए मुंहों रूप बधल़ुअ और तेऊए झिकल़ै हुऐ शेतै और तिंयां लागै च़मकदै। 30परमेशरो गूर मुसा और एलियाह लागै दुहै ईशू संघै गल्ला करदै। 31तिंयां शुझुऐ बडी प्रतपा संघै और तिंयां लागै ईशूए मरने गल्ला बाता करदै ज़िहअ-ज़िहअ येरुशलेम नगरी दी आजू हणैं आल़अ त।
32पतरस और तेऊए होर साथी तै निंजै भर्हुऐ दै और ज़ांऊं तिंयां राम्बल़ै बिऊंछ़ुऐ ता तेखअ शुझुई तिन्नां का ईशू झ़ामण लागअ द और तिन्नां का शुझुअ इहअ बी कि दूई ज़ण्हैं आसा होर ईशू संघै खल़्हुऐ दै। 33ज़ांऊं तिंयां दूई तेऊ सेटा का बापस डेऊंदै लागै; ता पतरसै ईशू का बोलअ, “हे मालक, अह हुअ ठीक कि हाम्हैं आसा इधी, हाम्हां बणांणैं इधी चअन मंडप, एक ताल्है, एक परमेशरे गूर मुसा लै और एक परमेशरे गूर एलियाह लै।” पर पतरसा का निं थोघै त कि सह किज़ै बोला। 34सह आसा त बोलदअ ई लागअ द कि एक बादल़ घोर्हुअ तिन्नां प्रैंदै और तिंयां डरै।
35तेऊ बादल़ा पिछ़ू का बोलअ परमेशरै इहअ, “अह आसा मेरअ शोहरू ज़हा लै हुंह सोभी का खास्सअ झ़ूरा और अह आसा मंऐं छ़ांटअ द, एऊए शूणां ज़िहअ अह तम्हां लै बोले तिहअ।” (याशायाह 42:1)
36स्वर्गा का परमेशरे बोलै दै इहै बैणा शुणनै का बाद दैनी तिन्नैं फेर आछ ता तिधी भाल़अ तिन्नैं ईशू एक्कै; और तिंयां रहै च़ुप्पी और ज़ुंण बी तिन्नैं भाल़अ त; तेते गल्ला निं तिन्नैं तिन्नां धैल़ै कोही का खोज़ी।
भूत शाचअ द शोहरू ठीक करनअ
(मत्ती 17:14-18; मरकुस 9:14-27)
37और दुजै धैल़ै ज़ांऊं तिंयां धारा का उंधै होथै ता बडै भारी खास्सै लोग आऐ तिन्नां सेटा लै कि कोई गिणती निं करी सकदै। 38और तिन्नां लोगे जेल्ह-मरेल्ही जैंदरा का पाई एकी हाक्का, “हे गूरू”, हुंह करा ताखा अरज़ कि मेरै शोहरू लै कर झींण, मेरअ आसा सह एक्कै शोहरू। 39तेऊ दी आसा एक भूत शाचअ द और सह लाआ लैल़ा-पकारा; और सह मरोक्का तेऊ इहै कि तेऊ का निखल़ा शेफा और सह हआ धरनीं चाछल़दअ और तेऊ हआ बडी भारी दाह। 40“मंऐं की ती तेरै च़ेल्लै सेटा बी अरज़ कि एऊ भूता काढ पोर्ही पर इने भलै निस्सअ अह निखल़ी।”
41ईशू बोलअ, “हे बैहम करनै आल़ै और हठी लोगो, मुंह कधू तैणीं रहणअ तम्हां संघा कि तम्हैं विश्वास करे? मुंह केभै तैणीं रहणअ तम्हां न्हैल़ै लागी कि तम्हैं विश्वास करे? आपणैं शोहरू आण ओर्ही।” 42सह आसा त एछदअ ई लागअ द कि भूतै शोटअ सह मरोक्की करै धरनीं और तेभी ईशू तेऊ लै झ़ाहल़ काढी करै नैरअ कि एऊ का निखल़ पोर्ही, और शोहरू हुअ राम्बल़अ और ईशू सभाल़अ सह तेऊए बाप्पू का। 43तेखअ हूऐ सोभ लोग परमेशरे माहा शगती कामां भाल़ी रहैन।
ईशू बोलअ भी आपणीं मौत हणें बारै
(मत्ती 17:22,23; मरकुस 9:30-32)
पर ज़ांऊं सोभै लोग तेऊ किऐ दै तिन्नां कामां भाल़ी रहैन तै हुऐ दै, तेखअ तेऊ आपणैं च़ेल्लै लै बोलअ, 44“इना गल्ला डाहै तम्हैं शूणीं, किल्हैकि हुंह मणछो शोहरू आसा लाअ द मणछै ई ढाकी।” 45पर ईशूए ईंयां गल्ला निं तिन्नां समझ़ आई, तैहीता ईंयां गल्ला तिन्नां का गुप्त रही; कि तिंयां समझ़ी नां सके और एसा गल्ला पुछ़णा का बी डरा तै तिंयां।
सोभी का बडअ कुंण आसा
(मत्ती 18:1-5; मरकुस 9:33-37)
46और एकी धैल़ै लागै तिंयां आप्पू मांझ़ै हठल़दै कि हाम्हां मांझ़ै बडअ कुंण आसा? 47ईशू हेरी तिन्नें मनें गल्ल भुझ़ी और एक लान्हअ आप्पू सेटा खल़अ किअ और 48संघा बोलअ ईशू तिन्नां लै, “ज़ुंण बी मेरै नांओंऐं एऊ शोहरूए कदर करे, सह करा मेरी और परमेशरे दुहीए कदर ज़ुंणी हुंह संसारा लै आसा छ़ाडअ द। किल्हैकि ज़ुंण तम्हां मांझ़ै होछ़ै का बी होछ़अ आसा सह आसा सोभी का बडअ।”
ज़ुंण खलाफ निं आथी सह आसा पक्षा दी
(मरकुस 9:38-40)
49तेखअ बोलअ युहन्ना ईशू लै, “हे गूरू, हाम्हैं भाल़अ तेरै नांओंऐं एक मणछ भूता काढदअ हाम्हैं लागै तै तेऊ लै नांईं करदै बी कि इहअ निं करै। किल्हैकि सह हाम्हां संघै ता एछदअ निं आथी।” 50ईशू बोलअ तेऊ लै, “तेऊ रोकदै निं लागी। किल्हैकि ज़ुंण थारै खलाफ निं आथी सह आसा थारै पक्षा दी।”
सामरी लाक्के लोगै किअ ईशूओ बरोध
51ज़ांऊं ईशूए स्वर्गा डेऊणे धैल़ै नेल़ तै, ता ईशू किअ येरुशलेम नगरी लै डेऊणेओ बच़ार पाक्कअ। 52और ईशू छ़ाडै आप्पू आजू-आजू दूत कि सामरी गराऊंऐं डेओऐ और तिधी करै मुल्है ज़ैगा तैर। 53पर तिन्नैं निं ईशू तिधी एछणैं दैनअ किल्हैकि सह आसा त येरुशलेम नगरी लै च़ाल्लअ द। 54एसा गल्ला भाल़ी तेऊए च़ेल्लै याकूब और युहन्ना बोलअ इहअ, “प्रभू, तेरअ कै बच़ार आसा, हाम्हां इहअ हुकम दैणअ कि सरगा का लोल़ी आग पल़ी और ईंयां लोल़ी सोभ भस्सम हुऐ?” 55पर ईशू नैरै तिंयां, “तम्हां का निं थोघ कि तम्हैं केही आत्में आसा।” 56पर तेऊ काढी तिन्नां लै झांश और बोलअ, “हुंह निं लोगे प्राणा बरैबाद करदअ आथी आअ द, हुंह आसा सोभी बच़ाऊंदअ आअ द।” और तिंयां नाठै कसा होरी गराऊंआं लै।
ईशूए च़ेल्लै हणैंओ मोल
(मत्ती 8:19-22)
57ज़ांऊं तिंयां बाता हांढदै तै लागै दै, ता मांझ़ा का बोलअ ईशू लै कुंणी इहअ, “ज़िधा लै बी तूह डेओए, मुंबी लागणअ ताह पिछ़ू हांढदै।”
58ईशू दैनअ तेऊ लै इहअ ज़बाब, “शैल़ीए हआ जुहल़ी और सरगै डैऊंदै पंछ़ीए हआ बसेरै। पर हुंह मणछो शोहरू ज़ुंण स्वर्गा का आसा आअ द मुल्है निं कोऐ घर आथी ज़िधी हुंह सुत्ती सकूं।” 59तेखअ बोलअ ईशू एकी होरी लै, “मुंह पिछ़ू एछ।” पर तेऊ दैनअ ज़बाब, “हे प्रभू, मुंह दै पैहलै आपणैं बाप्पूए क्रिया कर्म एछणैं करी।” 60ईशू बोलअ तेऊ लै, “ज़ुंण आत्मां दी मुल्दै आसा तिन्नां दै मुल्दै दाबणै पर तूह खोज़ लोगा सेटा डेऊई करै परमेशरे राज़ो समाद।” 61तेखअ बोलअ एकी इहअ, “हे प्रभू, हुंह च़ाल्लअ ताह संघै, पर मुंह दै आपणैं घरै टबरा का बिदा हई एछणैं।” (1 राज़ा 19:20) 62ईशू बोलअ तेऊ लै, “ज़ुंण बी आपणअ हाथ हल़े आल़ी दी डाही करै पिछ़ू भाल़ा, सह निं परमेशरे राज़ा जोगी आथी।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
This work is licensed under Creative Commons Attribution-ShareAlike 4.0 License.