लुका 4
4
ईशूए परिक्षा
(मत्ती 4:1-11; मरकुस 1:12,13)
1तेखअ नाठअ ईशू पबित्र आत्मां दी भर्हुई जरदण नदी का फिरी करै कराहणीं उज़ल़ ज़ैगा लै और च़ाल़्ही धैल़ै तैणीं रहअ पबित्र आत्में साबै उज़ल़ ज़ैगा हांढदअ-फिरदअ लागी। 2राख्स रहअ तेऊ परखदअ लागी और तिन्नां धैल़ै निं ईशू किछ़ै बी खाअ-पिअ और ज़ांऊं च़ाल़्ही धैल़ै पूरै हुऐ ता तेऊ आई भुखै।
3राख्सै बोलअ ईशू लै, “ज़ै तूह परमेशरो शोहरू आसा, तै बोल एऊ पात्थरा लै कि रोटी बण।” 4ईशू दैनअ तेऊ लै ज़बाब, “पबित्र शास्त्रा दी आसा लिखअ द कि मणछ निं सिधअ रोटी करै ज़िऊंदअ आथी।” (बधान 8:3)
5तेखअ निंयं राख्सै सह एकी उछ़टी धारा दी और तेऊ ईशू का सारै संसारो राज़ और सुख रहैऊअ, 6संघा बोलअ राख्सै ईशू लै इहअ, “इना सोभी गल्लो हक और राज़-पाठ दैणअ मुंह ताल्है किल्हैकि अह आसा मुखा सभाल़अ द और ज़हा लै हुंह च़ाहा तेऊ लै दैआ हुंह। 7ज़ै तूह मेरी भगती करे तै हणीं ईंयां सोभै गल्ला तेरी।”
8ईशू दैनअ तेऊ लै ज़बाब, “पबित्र शास्त्रा दी आसा लिखअ द, (बधान 6:13-14)
‘तूह निं आपणैं प्रभू परमेशरा छ़ाडी होरी कोही सेटा माथअ टेकी
और सिधी तेऊए भगती करै।’”
9तेखअ निंयं राख्सै सह येरुशलेम नगरी लै और मांदरे पुंडरी दी खल़अ करी करै बोलअ तेऊ लै, “ज़ै तूह परमेशरो शोहरू आसा तै पल़ इधा का ढेका! 10किल्हैकि पबित्र शास्त्रा दी आसा इहअ बी लिखअ द, (भज़न 91:11-12)
‘तेऊ छ़ाडणैं स्वर्ग दूत तेरी सेऊआ टैहली करदै और ताह बच़ाऊंदै।
11तिन्नां च़कणअ तूह हाथो हाथ,
ताकि तेरै च़रणैं ठोहल़ नां लागे।’”
12ईशू दैनअ तेऊ लै ज़बाब, पबित्र शास्त्रा दी आसा इहअ बी लिखअ द, “तूह निं आपणैं प्रभू परमेशरा परखदअ लागी।” (बधान 6:16) 13ज़ांऊं पापी राख्स हर तरिकै दी परखी मुक्कअ तेखअ नाठअ सह थोल़ी घल़ी लै ईशू सेटा का दूर।
ईशूए सेऊआ-च़ाकरीए शुरूआत
(मत्ती 4:12-17; मरकुस 1:14,15)
14ईशू आअ पबित्र आत्में शगती दी भर्हुई करै गलील लाक्कै लै बापस और तेऊए गल्ला पुजी ओरी-पोरी सारै देशै कई ज़ैगा। 15और सह रहअ तिन्नां ई आराधना कोठी दी शिक्षा दैंदअ लागी और सोभ करा तै तेऊए सराहणा।
नासरत नगरी ईशूओ अदर नांईं करनअ
(मत्ती 13:53-58; मरकुस 6:1-6)
16तेखअ आअ ईशू आपणैं घर नासरत नगरी लै फिरी ज़िधी सह धाचअ-पाल़अ त। तेखअ हुअ आपणैं रिती-रबाज़े साबै बशैघे धैल़ी आराधना कोठी दी बैणा पहल़दअ खल़अ। 17तेऊ लै दैनी परमेशरे गूर याशायाहे कताब पहल़णा लै और तेऊ काढअ कताब खोल्ही करै सह भाग ज़िधी इहअ त लिखअ द,
18 “प्रभूए आत्मां आसा मुंह दी
कि तेऊ आसा दुखी दल़िदरा लै खुशीओ समाद खोज़णा लै आसा मेरअ अभिषेक किअ द।
हुंह आसा एते तैणीं छ़ाडअ द कि
गुलामा लै छ़ुटकारेओ
और कांणै लै शरैछै हणैंओ खुशीओ समाद खोज़ूं।
“ज़ुंण गुलामीं दी दाभूऐ दै होए तिन्नां लै छ़ुटकारअ दैंऊं (याशायाह 58:6; 61:1-2)
19 और प्रभूए खुश हणें सालो प्रच़ार करूं।”
20तेखअ दैनी ईशू कताब बंद करी करै टैहलूए हाथै और आप्पू बेठअ। ता आराधना कोठी दी बेठै दै सोभ लोग लागै तेऊ राम्बल़ै करै भाल़ै। 21तेखअ बोलअ तेऊ तिन्नां लै इहअ, “आझ़ हुअ अह शास्त्रा दी लिखअ द थारै सम्हनै पूरअ।”
22तिधी बेठै दै सोभी ज़ण्हैं सराहअ सह और ज़ुंण जशा आल़ी गल्ला तेऊए मुंहां का निखल़ा ती, तेता शूणीं हुऐ तिंयां रहैन और तिंयां लागै इहअ बोलदै, “अह ता युसुफो शोहरू निं आथी?” (लुका 2:42; भज़न 45:2)
23तेऊ बोलअ तिन्नां लै इहअ, “तम्हां बोल़णीं मुल्है अह कहाबत कि ‘बैईद, तूह कर पैहलै आपणअ लाज़’, मतलब ‘ज़ुंण हाम्हैं शूणअ कि कफरनहूम नगरी किअ, तिहअ कर इधी आपणैं देशै बी।’ 24पर हुंह खोज़ा तम्हां का सत्त कि परमेशरे गूरो निं आपणैं देशै अदर हंदअ।
25 “सत्त आसा इहअ कि एलियाह गूरे ज़मानैं ज़धू साढै चिई साला तैणीं सरग नांईं हुअ और इधी तैणीं कि सारै देशै पल़अ त नकाल़ और इस्राएल देशै दी आसा ती कई बिधबा। (1 राज़ा 17:1; 18:1) 26पर परमेशरे गूर एलियाह निं तिन्नां मांझ़ै कोही सेटा लै छ़ाडअ। पर सह छ़ाडअ सैदा नगरीए सारपत गराऊंए होरी ज़ातीए बिधबा बेटल़ी सेटा (1 राज़ा 17:9)
27 “परमेशरे गूर एलीशे ज़मानैं तै इस्राएला देशै बडै भारी कोल़्हे बमारी आल़ै। पर नामान नांओंए सिरीया लाक्के राआम राज़ैए सैनापति ज़हा कोल़्हे बमारी ती, तेऊ होरी ज़ातीए मणछा छ़ाडी निं होर कोहै तिन्नां मांझ़ै राम्बल़अ किअ।” (2 राज़ा 5:1-14)
28इना गल्ला शुणदी ई तिधी आराधना कोठी दी बेठै दै हुऐ सोभ रोशै दी लाल-पिंऊंल़ै। 29तिन्नैं काढअ ईशू नगरी बागै और ज़हा धारा दी तिन्नें नगरी ती बस्सी दी, तिन्नैं निंयं सह तेसा धारे प्रैंदै ढेका शोटी मारना लै। 30पर ईशू नाठअ तिन्नां मांझ़ा का दूर।
भूत शाचअ द मणछ ठीक करनअ
(मरकुस 1:21-28)
31तेखअ नाठअ सह गलील लाक्कै कफरनहूम नगरी लै और बशैघे धैल़ी लागअ लोगा लै शिक्षा दैंदअ। 32लोग हुऐ तेऊए शिक्षा शूणीं रहैन, किल्हैकि तेऊओ बैण त हका संघै। 33आराधना कोठी दी त एक इहअ मणछ तेऊ दी त भूत शाचअ द। 34सह लागअ ज़ोरै-ज़ोरै हाक्का लांदअ, “हे ईशू नासरी, हाम्हां भूता निं ताह संघै किछ़ै काम आथी! तूह कै हाम्हां खतम करदअ आसा आअ द? मुखा आसा थोघ कि तूह कुंण आसा? तूह आसा परमेशरै छ़ाडअ द पबित्र मणछ।”
35ईशू लागअ तेऊ नैरदअ, “च़ुप्पी रह, और एऊ मणछा का निखल़ पोर्ही।” तिंयां भूत निखल़ै तेभी तेऊ मणछा धरनीं बदल़ी करै बाझ़ी नकसान करी करै पोर्ही। 36इहअ भाल़ी हुऐ सोभ रहैन और तिंयां लागै आप्पू मांझ़ै बोलदै, “अह किहअ बैण आसा कि अह काढा बडै हक और शगती करै भूता दरल़ाऊई और तिंयां निखल़ा?” 37इहअ करै लागी सारै दी कई ज़ैगा तेऊए बारै गल्ला हंदी।
पतरसे शाशअ और कई लोग बमारी का ठीक करनै
(मत्ती 8:14-17; मरकुस 1:29-34)
38तेखअ नाठअ ईशू आराधना कोठी का उझ़ुई करै शमौने घरा लै और शमौन पतरसे शाशुई त खास्सअ ज़ौर आअ द और तिन्नैं की तेसा लै अरज़ कि हे प्रभू एसरअ ज़ौर कर दूर। 39ईशू दैनअ तेसा सेटा खल़्हुई करै ज़ौरा लै डेऊणेओ हुकम, ज़ौर मुक्कअ तेभी और सह हुई तेभी राम्बल़ी संघा लागी सह सेऊआ टैहली करदी।
40ज़ांऊं सान्ह पल़ी ता ज़हा-ज़हा घरै लोग कई बमार तै; तिन्नैं आणै तिंयां सोभ तेऊ सेटा लै और ईशू लाअ तिन्नां सोभी लै एक-एक करी करै तिन्नां दी हाथ और तिंयां सोभ हुऐ राम्बल़ै। 41कई भूत निखल़ै लैल़ा लांदी-लांदी और इहअ बोलदी कि तूह आसा परमेशरो शोहरू। ईशू नैरा त तिन्नां झ़ाहल़ काढी, संघा करा त तिन्नां च़ुप्पी और तिन्नां निं दैंदअ त बोल़णैं, किल्हैकि तिंयां ज़ाणा ती कि अह आसा मसीहा।
आराधना कोठी प्रच़ार करनअ
(मरकुस 1:35-39)
42ज़ांऊं राच भैई ता ईशू नाठअ तिधा का एक कांगनरांगी ज़ैगा लै और बडै भारी खास्सै लोग आऐ ईशू सेटा लै संघा लागै तिंयां तेऊ रोकदै कि हाम्हां सेटा का निं दूर डेओऐ। 43पर ईशू बोलअ तिन्नां लै, “मुंह आसा होरी नगरी बी परमेशरे राज़ो खुशीओ समाद खोज़णअ ज़रूरी। किल्हैकि हुंह आसा एते ई तैणीं छ़ाडअ द।” 44तेखअ रहअ ईशू यहूदा लाक्कै कई आराधना कोठी दी परमेशरे राज़े बारै खोज़दअ लागी।
ទើបបានជ្រើសរើសហើយ៖
लुका 4: OSJNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
This work is licensed under Creative Commons Attribution-ShareAlike 4.0 License.
लुका 4
4
ईशूए परिक्षा
(मत्ती 4:1-11; मरकुस 1:12,13)
1तेखअ नाठअ ईशू पबित्र आत्मां दी भर्हुई जरदण नदी का फिरी करै कराहणीं उज़ल़ ज़ैगा लै और च़ाल़्ही धैल़ै तैणीं रहअ पबित्र आत्में साबै उज़ल़ ज़ैगा हांढदअ-फिरदअ लागी। 2राख्स रहअ तेऊ परखदअ लागी और तिन्नां धैल़ै निं ईशू किछ़ै बी खाअ-पिअ और ज़ांऊं च़ाल़्ही धैल़ै पूरै हुऐ ता तेऊ आई भुखै।
3राख्सै बोलअ ईशू लै, “ज़ै तूह परमेशरो शोहरू आसा, तै बोल एऊ पात्थरा लै कि रोटी बण।” 4ईशू दैनअ तेऊ लै ज़बाब, “पबित्र शास्त्रा दी आसा लिखअ द कि मणछ निं सिधअ रोटी करै ज़िऊंदअ आथी।” (बधान 8:3)
5तेखअ निंयं राख्सै सह एकी उछ़टी धारा दी और तेऊ ईशू का सारै संसारो राज़ और सुख रहैऊअ, 6संघा बोलअ राख्सै ईशू लै इहअ, “इना सोभी गल्लो हक और राज़-पाठ दैणअ मुंह ताल्है किल्हैकि अह आसा मुखा सभाल़अ द और ज़हा लै हुंह च़ाहा तेऊ लै दैआ हुंह। 7ज़ै तूह मेरी भगती करे तै हणीं ईंयां सोभै गल्ला तेरी।”
8ईशू दैनअ तेऊ लै ज़बाब, “पबित्र शास्त्रा दी आसा लिखअ द, (बधान 6:13-14)
‘तूह निं आपणैं प्रभू परमेशरा छ़ाडी होरी कोही सेटा माथअ टेकी
और सिधी तेऊए भगती करै।’”
9तेखअ निंयं राख्सै सह येरुशलेम नगरी लै और मांदरे पुंडरी दी खल़अ करी करै बोलअ तेऊ लै, “ज़ै तूह परमेशरो शोहरू आसा तै पल़ इधा का ढेका! 10किल्हैकि पबित्र शास्त्रा दी आसा इहअ बी लिखअ द, (भज़न 91:11-12)
‘तेऊ छ़ाडणैं स्वर्ग दूत तेरी सेऊआ टैहली करदै और ताह बच़ाऊंदै।
11तिन्नां च़कणअ तूह हाथो हाथ,
ताकि तेरै च़रणैं ठोहल़ नां लागे।’”
12ईशू दैनअ तेऊ लै ज़बाब, पबित्र शास्त्रा दी आसा इहअ बी लिखअ द, “तूह निं आपणैं प्रभू परमेशरा परखदअ लागी।” (बधान 6:16) 13ज़ांऊं पापी राख्स हर तरिकै दी परखी मुक्कअ तेखअ नाठअ सह थोल़ी घल़ी लै ईशू सेटा का दूर।
ईशूए सेऊआ-च़ाकरीए शुरूआत
(मत्ती 4:12-17; मरकुस 1:14,15)
14ईशू आअ पबित्र आत्में शगती दी भर्हुई करै गलील लाक्कै लै बापस और तेऊए गल्ला पुजी ओरी-पोरी सारै देशै कई ज़ैगा। 15और सह रहअ तिन्नां ई आराधना कोठी दी शिक्षा दैंदअ लागी और सोभ करा तै तेऊए सराहणा।
नासरत नगरी ईशूओ अदर नांईं करनअ
(मत्ती 13:53-58; मरकुस 6:1-6)
16तेखअ आअ ईशू आपणैं घर नासरत नगरी लै फिरी ज़िधी सह धाचअ-पाल़अ त। तेखअ हुअ आपणैं रिती-रबाज़े साबै बशैघे धैल़ी आराधना कोठी दी बैणा पहल़दअ खल़अ। 17तेऊ लै दैनी परमेशरे गूर याशायाहे कताब पहल़णा लै और तेऊ काढअ कताब खोल्ही करै सह भाग ज़िधी इहअ त लिखअ द,
18 “प्रभूए आत्मां आसा मुंह दी
कि तेऊ आसा दुखी दल़िदरा लै खुशीओ समाद खोज़णा लै आसा मेरअ अभिषेक किअ द।
हुंह आसा एते तैणीं छ़ाडअ द कि
गुलामा लै छ़ुटकारेओ
और कांणै लै शरैछै हणैंओ खुशीओ समाद खोज़ूं।
“ज़ुंण गुलामीं दी दाभूऐ दै होए तिन्नां लै छ़ुटकारअ दैंऊं (याशायाह 58:6; 61:1-2)
19 और प्रभूए खुश हणें सालो प्रच़ार करूं।”
20तेखअ दैनी ईशू कताब बंद करी करै टैहलूए हाथै और आप्पू बेठअ। ता आराधना कोठी दी बेठै दै सोभ लोग लागै तेऊ राम्बल़ै करै भाल़ै। 21तेखअ बोलअ तेऊ तिन्नां लै इहअ, “आझ़ हुअ अह शास्त्रा दी लिखअ द थारै सम्हनै पूरअ।”
22तिधी बेठै दै सोभी ज़ण्हैं सराहअ सह और ज़ुंण जशा आल़ी गल्ला तेऊए मुंहां का निखल़ा ती, तेता शूणीं हुऐ तिंयां रहैन और तिंयां लागै इहअ बोलदै, “अह ता युसुफो शोहरू निं आथी?” (लुका 2:42; भज़न 45:2)
23तेऊ बोलअ तिन्नां लै इहअ, “तम्हां बोल़णीं मुल्है अह कहाबत कि ‘बैईद, तूह कर पैहलै आपणअ लाज़’, मतलब ‘ज़ुंण हाम्हैं शूणअ कि कफरनहूम नगरी किअ, तिहअ कर इधी आपणैं देशै बी।’ 24पर हुंह खोज़ा तम्हां का सत्त कि परमेशरे गूरो निं आपणैं देशै अदर हंदअ।
25 “सत्त आसा इहअ कि एलियाह गूरे ज़मानैं ज़धू साढै चिई साला तैणीं सरग नांईं हुअ और इधी तैणीं कि सारै देशै पल़अ त नकाल़ और इस्राएल देशै दी आसा ती कई बिधबा। (1 राज़ा 17:1; 18:1) 26पर परमेशरे गूर एलियाह निं तिन्नां मांझ़ै कोही सेटा लै छ़ाडअ। पर सह छ़ाडअ सैदा नगरीए सारपत गराऊंए होरी ज़ातीए बिधबा बेटल़ी सेटा (1 राज़ा 17:9)
27 “परमेशरे गूर एलीशे ज़मानैं तै इस्राएला देशै बडै भारी कोल़्हे बमारी आल़ै। पर नामान नांओंए सिरीया लाक्के राआम राज़ैए सैनापति ज़हा कोल़्हे बमारी ती, तेऊ होरी ज़ातीए मणछा छ़ाडी निं होर कोहै तिन्नां मांझ़ै राम्बल़अ किअ।” (2 राज़ा 5:1-14)
28इना गल्ला शुणदी ई तिधी आराधना कोठी दी बेठै दै हुऐ सोभ रोशै दी लाल-पिंऊंल़ै। 29तिन्नैं काढअ ईशू नगरी बागै और ज़हा धारा दी तिन्नें नगरी ती बस्सी दी, तिन्नैं निंयं सह तेसा धारे प्रैंदै ढेका शोटी मारना लै। 30पर ईशू नाठअ तिन्नां मांझ़ा का दूर।
भूत शाचअ द मणछ ठीक करनअ
(मरकुस 1:21-28)
31तेखअ नाठअ सह गलील लाक्कै कफरनहूम नगरी लै और बशैघे धैल़ी लागअ लोगा लै शिक्षा दैंदअ। 32लोग हुऐ तेऊए शिक्षा शूणीं रहैन, किल्हैकि तेऊओ बैण त हका संघै। 33आराधना कोठी दी त एक इहअ मणछ तेऊ दी त भूत शाचअ द। 34सह लागअ ज़ोरै-ज़ोरै हाक्का लांदअ, “हे ईशू नासरी, हाम्हां भूता निं ताह संघै किछ़ै काम आथी! तूह कै हाम्हां खतम करदअ आसा आअ द? मुखा आसा थोघ कि तूह कुंण आसा? तूह आसा परमेशरै छ़ाडअ द पबित्र मणछ।”
35ईशू लागअ तेऊ नैरदअ, “च़ुप्पी रह, और एऊ मणछा का निखल़ पोर्ही।” तिंयां भूत निखल़ै तेभी तेऊ मणछा धरनीं बदल़ी करै बाझ़ी नकसान करी करै पोर्ही। 36इहअ भाल़ी हुऐ सोभ रहैन और तिंयां लागै आप्पू मांझ़ै बोलदै, “अह किहअ बैण आसा कि अह काढा बडै हक और शगती करै भूता दरल़ाऊई और तिंयां निखल़ा?” 37इहअ करै लागी सारै दी कई ज़ैगा तेऊए बारै गल्ला हंदी।
पतरसे शाशअ और कई लोग बमारी का ठीक करनै
(मत्ती 8:14-17; मरकुस 1:29-34)
38तेखअ नाठअ ईशू आराधना कोठी का उझ़ुई करै शमौने घरा लै और शमौन पतरसे शाशुई त खास्सअ ज़ौर आअ द और तिन्नैं की तेसा लै अरज़ कि हे प्रभू एसरअ ज़ौर कर दूर। 39ईशू दैनअ तेसा सेटा खल़्हुई करै ज़ौरा लै डेऊणेओ हुकम, ज़ौर मुक्कअ तेभी और सह हुई तेभी राम्बल़ी संघा लागी सह सेऊआ टैहली करदी।
40ज़ांऊं सान्ह पल़ी ता ज़हा-ज़हा घरै लोग कई बमार तै; तिन्नैं आणै तिंयां सोभ तेऊ सेटा लै और ईशू लाअ तिन्नां सोभी लै एक-एक करी करै तिन्नां दी हाथ और तिंयां सोभ हुऐ राम्बल़ै। 41कई भूत निखल़ै लैल़ा लांदी-लांदी और इहअ बोलदी कि तूह आसा परमेशरो शोहरू। ईशू नैरा त तिन्नां झ़ाहल़ काढी, संघा करा त तिन्नां च़ुप्पी और तिन्नां निं दैंदअ त बोल़णैं, किल्हैकि तिंयां ज़ाणा ती कि अह आसा मसीहा।
आराधना कोठी प्रच़ार करनअ
(मरकुस 1:35-39)
42ज़ांऊं राच भैई ता ईशू नाठअ तिधा का एक कांगनरांगी ज़ैगा लै और बडै भारी खास्सै लोग आऐ ईशू सेटा लै संघा लागै तिंयां तेऊ रोकदै कि हाम्हां सेटा का निं दूर डेओऐ। 43पर ईशू बोलअ तिन्नां लै, “मुंह आसा होरी नगरी बी परमेशरे राज़ो खुशीओ समाद खोज़णअ ज़रूरी। किल्हैकि हुंह आसा एते ई तैणीं छ़ाडअ द।” 44तेखअ रहअ ईशू यहूदा लाक्कै कई आराधना कोठी दी परमेशरे राज़े बारै खोज़दअ लागी।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
This work is licensed under Creative Commons Attribution-ShareAlike 4.0 License.