शधाणूं 3
3
लाट्टअ भिख मांगणैं आल़अ किअ ठीक
1पतरस और युहन्ना तै लागै दै चिऊथै पहरै प्राथणां करने बगती दै मांदरा लै डेऊंदै। 2लोग तै लागै दै एकी ज़ल्मां ओर्ही लाट्टै च़की आणदै। तेऊ डाहा तै तिंयां धैल़ मांदरे तेसा प्रऊल़ी आजू बशैल़ी ज़ेता लै सुंदर प्रऊल़ बोला तै। ताकि सह एछदै डेऊंदै लोगा का भिख मांगे।
3ज़ांऊं तेऊ लाट्टै पतरस और युहन्ना मांदरा लै डेऊंदै भाल़ै, सह लागअ तिन्नां का भिख मांगदअ। 4पतरसै और युहन्ना बोलअ तेऊ लाट्टै बाखा कोहरअ भाल़ी करै, “हाम्हां बाखा लै भाल़।” 5सह लागअ एसा आशा तिन्नां बाखा लै कोहरअ भाल़अ कि इनै लाअ मुल्है किज़ै दैई।
6तेखअ बोलअ पतरसै, “सुंन्नअ च़ंदी ता निं मुखा आथी। पर ज़ुंण मुखा आसा सह लाअ मंऐं ताल्है दैई। प्रभू ईशू मसीहा नासरीए नांओंऐं उझ़ू खल़अ और हांढ-फिर।”
7पतरसै झ़ैऊअ सह तेऊओ खाणअ हाथ ढाकी करै खल़अ और तेभी हुऐ तेऊए ज़ान्हूं और खूर राम्बल़ै किंडै और 8तेऊ दैनी उझै छ़ाहल़ और सह उझ़ुअ खल़अ ता सह लागअ हांढदअ-फिरदअ और सह लागअ छ़ाहल़ा दैंदअ और ठुहर्दअ और परमेशरे स्तोती करदअ और तिन्नां संघै नाठअ भितरा लै मांदरे खोल़ै।
9तेखअ होरी लोगै सह हांढदअ फिरदअ भाल़ी करै और परमेशरे स्तोती भाल़ी 10सह बछ़ैणअ कि अह आसा सह ई ज़ुंण मांदरे सुंदर प्रऊल़ी आजू बेठी करै भिख मांगा त। ज़ुंण तेऊ लाट्टै लै हुअ, तेऊ च़मत्कारा भाल़ी हुऐ सोभ रहैन।
मांदरै पतरसो प्रच़ार
11मांदरै ज़ांऊं सह लाट्टअ पतरस और युहन्ना का आसा त ढाखुअ द, तेऊ भाल़ी हुऐ सोभ लोग हुऐ रहैन और तिंयां आऐ मांदरे खोल़ै तेसा ज़ैगा लै ठुर्ही ज़ेता लै सुलैमाने च़ाऊल़ी बोला तै।
12इहअ भाल़ी करै बोलअ पतरसै तिन्नां लोगा लै, “हे इस्राएली लोगो, तम्हैं किल्है हुऐ एऊ मणछा भाल़ी रहैन? और हाम्हां बाखा लै किल्है आसा लागै दै इहअ करै भाल़ै कि ज़िहअ हाम्हैं ई किअ अह आपणीं शगती और करै हांढदअ फिरदअ? 13आबराम, इसहाक, याकूब और म्हारै पित्तरे परमेशरै रहैऊअ आपणैं टैहलू ईशूओ प्रतप। ज़ुंण तम्हैं ढाकअ और ज़ांऊं राजपाल पिलातुसै तेऊ छ़ाडणेंओ बच़ार किअ, ता तेभै बोलअ तम्हैं सोभी-सोभी कि नांईं एऊ लोल़ी सज़ा भेटी।
14“तम्हैं निं सह पबित्र और धर्मीं मणछ मनअ, तम्हैं की राजपाला का एही मांग कि एकी हत्या करनै आल़ै पापी करा कैद खानै का ईशूए बदल़ै थारी तैणीं आज़ाद। 15तम्हैं पाअ ज़िन्दगी दैणैं आल़अ मारी, पर सह किअ परमेशरै मरी करै भी ज़िऊंदअ और अह गल्ल भाल़ी हाम्हैं आपणीं आछी।
16“एऊ मणछा ज़हा तम्हैं धैल़ भाल़ा और बछ़ैणा बी और ज़हा तम्हैं एभै भाल़ै आसा लागै दै, एऊए देही दी आई मसीहा ईशूए नांओंऐं तागत। लाट्टअ मणछ लागअ मसीहा ईशू दी विश्वास करी करै हांढदअ-फिरदअ।
17“भाईओ, मुखा आसा थोघ कि थारै मुखियै पाअ नज़ाणै दी ईशू मारी किल्हैकि तिन्नां का निं थोघै त कि सह आसा मसीहा। 18पर ज़ुंण गल्ला परमेशरै आपणैं सोभी गूरा बाती पैहलै ई हेरी ती खोज़ी कि मसीहा भुगतणअ दुख और सह पाणअ मारी, ईंयां गल्ला हुई पूरी।
19“तैही बोला हुंह आपणैं मना बदल़ा और परमेशरा बाखा फिरा कि थारै पाप माफ होए। 20ज़ै तम्हैं इहअ करे ता एक बगत एछणअ इहअ बी कि तम्हां का जाणअ थोघ लागी कि परमेशर आसा तम्हां संघै। परमेशरा छ़ाडणअ एकी धैल़ै मसीहा ईशू पृथूई लै बापस ज़ुंण तेऊ तम्हां लै पैहलै ई आसा छ़ांटअ द।
21“अह आसा ज़रूरी कि ईशू स्वर्गै तेभै तैणीं रहे ज़ेभै तैणीं कि सह सोभी गल्ला ठीक निं मुक्के करी; ज़ेते बारै परमेशरै आझ़ा का पैहलै संसारे मूल़ ओर्ही आपणैं पबित्र गूरा बाती कई बारी आसा खोज़ी दी।
22“ज़िहअ परमेशरे गूर मुसा बोलअ, ‘प्रभू परमेशरा काढणअ थारै भाई-बंधा मांझ़ा का तम्हां लै मुंह ज़िहअ एक गूर, सह ज़िहअ बी तम्हां लै बोले, तम्हैं शूणैं तिहअ।’ (बधान 18:15-18)
23“पर तिंयां सोभ ज़ुंण तेऊ परमेशरे गूरे नांईं शुणें तिंयां करनै तिन्नां लोगा मांझ़ा का बरैबाद। (लेबी बधान 23:29; बधान 18:19)
24“परमेशरो गूर शमूएल और तेऊ बाद निखल़ै दै सोभी परमेशरे गूरै आसा पैहलै ई हेरी दी ईंयां गल्ला खोज़ी कि एऊ ज़मानैं किज़ै हणअ। 25तम्हैं आसा परमेशरे गूरे खांनदानी का और परमेशरे करारे साझ़ू ज़ुंण परमेशरै थारै पित्तरा संघा की। ज़धू परमेशरै आबरामा का बोलअ, ‘तेरी लुआदा करै भेटणीं आजू पृथूईए सोभी खांनदानी लै बर्गत।’ (मूल़ 12:3; 18:18; 22:18; 26:4)
26“परमेशरै छ़ाडअ आपणअ टैहलू ईशू मरनै का बाद ज़िऊंदै हई करै सोभी का पैहलै तम्हां सेटा लै। ताकि तम्हां हरेक बूराई का दूर हई करै प्रभू का बर्गत भेटे।”
ទើបបានជ្រើសរើសហើយ៖
शधाणूं 3: OSJNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
This work is licensed under Creative Commons Attribution-ShareAlike 4.0 License.
शधाणूं 3
3
लाट्टअ भिख मांगणैं आल़अ किअ ठीक
1पतरस और युहन्ना तै लागै दै चिऊथै पहरै प्राथणां करने बगती दै मांदरा लै डेऊंदै। 2लोग तै लागै दै एकी ज़ल्मां ओर्ही लाट्टै च़की आणदै। तेऊ डाहा तै तिंयां धैल़ मांदरे तेसा प्रऊल़ी आजू बशैल़ी ज़ेता लै सुंदर प्रऊल़ बोला तै। ताकि सह एछदै डेऊंदै लोगा का भिख मांगे।
3ज़ांऊं तेऊ लाट्टै पतरस और युहन्ना मांदरा लै डेऊंदै भाल़ै, सह लागअ तिन्नां का भिख मांगदअ। 4पतरसै और युहन्ना बोलअ तेऊ लाट्टै बाखा कोहरअ भाल़ी करै, “हाम्हां बाखा लै भाल़।” 5सह लागअ एसा आशा तिन्नां बाखा लै कोहरअ भाल़अ कि इनै लाअ मुल्है किज़ै दैई।
6तेखअ बोलअ पतरसै, “सुंन्नअ च़ंदी ता निं मुखा आथी। पर ज़ुंण मुखा आसा सह लाअ मंऐं ताल्है दैई। प्रभू ईशू मसीहा नासरीए नांओंऐं उझ़ू खल़अ और हांढ-फिर।”
7पतरसै झ़ैऊअ सह तेऊओ खाणअ हाथ ढाकी करै खल़अ और तेभी हुऐ तेऊए ज़ान्हूं और खूर राम्बल़ै किंडै और 8तेऊ दैनी उझै छ़ाहल़ और सह उझ़ुअ खल़अ ता सह लागअ हांढदअ-फिरदअ और सह लागअ छ़ाहल़ा दैंदअ और ठुहर्दअ और परमेशरे स्तोती करदअ और तिन्नां संघै नाठअ भितरा लै मांदरे खोल़ै।
9तेखअ होरी लोगै सह हांढदअ फिरदअ भाल़ी करै और परमेशरे स्तोती भाल़ी 10सह बछ़ैणअ कि अह आसा सह ई ज़ुंण मांदरे सुंदर प्रऊल़ी आजू बेठी करै भिख मांगा त। ज़ुंण तेऊ लाट्टै लै हुअ, तेऊ च़मत्कारा भाल़ी हुऐ सोभ रहैन।
मांदरै पतरसो प्रच़ार
11मांदरै ज़ांऊं सह लाट्टअ पतरस और युहन्ना का आसा त ढाखुअ द, तेऊ भाल़ी हुऐ सोभ लोग हुऐ रहैन और तिंयां आऐ मांदरे खोल़ै तेसा ज़ैगा लै ठुर्ही ज़ेता लै सुलैमाने च़ाऊल़ी बोला तै।
12इहअ भाल़ी करै बोलअ पतरसै तिन्नां लोगा लै, “हे इस्राएली लोगो, तम्हैं किल्है हुऐ एऊ मणछा भाल़ी रहैन? और हाम्हां बाखा लै किल्है आसा लागै दै इहअ करै भाल़ै कि ज़िहअ हाम्हैं ई किअ अह आपणीं शगती और करै हांढदअ फिरदअ? 13आबराम, इसहाक, याकूब और म्हारै पित्तरे परमेशरै रहैऊअ आपणैं टैहलू ईशूओ प्रतप। ज़ुंण तम्हैं ढाकअ और ज़ांऊं राजपाल पिलातुसै तेऊ छ़ाडणेंओ बच़ार किअ, ता तेभै बोलअ तम्हैं सोभी-सोभी कि नांईं एऊ लोल़ी सज़ा भेटी।
14“तम्हैं निं सह पबित्र और धर्मीं मणछ मनअ, तम्हैं की राजपाला का एही मांग कि एकी हत्या करनै आल़ै पापी करा कैद खानै का ईशूए बदल़ै थारी तैणीं आज़ाद। 15तम्हैं पाअ ज़िन्दगी दैणैं आल़अ मारी, पर सह किअ परमेशरै मरी करै भी ज़िऊंदअ और अह गल्ल भाल़ी हाम्हैं आपणीं आछी।
16“एऊ मणछा ज़हा तम्हैं धैल़ भाल़ा और बछ़ैणा बी और ज़हा तम्हैं एभै भाल़ै आसा लागै दै, एऊए देही दी आई मसीहा ईशूए नांओंऐं तागत। लाट्टअ मणछ लागअ मसीहा ईशू दी विश्वास करी करै हांढदअ-फिरदअ।
17“भाईओ, मुखा आसा थोघ कि थारै मुखियै पाअ नज़ाणै दी ईशू मारी किल्हैकि तिन्नां का निं थोघै त कि सह आसा मसीहा। 18पर ज़ुंण गल्ला परमेशरै आपणैं सोभी गूरा बाती पैहलै ई हेरी ती खोज़ी कि मसीहा भुगतणअ दुख और सह पाणअ मारी, ईंयां गल्ला हुई पूरी।
19“तैही बोला हुंह आपणैं मना बदल़ा और परमेशरा बाखा फिरा कि थारै पाप माफ होए। 20ज़ै तम्हैं इहअ करे ता एक बगत एछणअ इहअ बी कि तम्हां का जाणअ थोघ लागी कि परमेशर आसा तम्हां संघै। परमेशरा छ़ाडणअ एकी धैल़ै मसीहा ईशू पृथूई लै बापस ज़ुंण तेऊ तम्हां लै पैहलै ई आसा छ़ांटअ द।
21“अह आसा ज़रूरी कि ईशू स्वर्गै तेभै तैणीं रहे ज़ेभै तैणीं कि सह सोभी गल्ला ठीक निं मुक्के करी; ज़ेते बारै परमेशरै आझ़ा का पैहलै संसारे मूल़ ओर्ही आपणैं पबित्र गूरा बाती कई बारी आसा खोज़ी दी।
22“ज़िहअ परमेशरे गूर मुसा बोलअ, ‘प्रभू परमेशरा काढणअ थारै भाई-बंधा मांझ़ा का तम्हां लै मुंह ज़िहअ एक गूर, सह ज़िहअ बी तम्हां लै बोले, तम्हैं शूणैं तिहअ।’ (बधान 18:15-18)
23“पर तिंयां सोभ ज़ुंण तेऊ परमेशरे गूरे नांईं शुणें तिंयां करनै तिन्नां लोगा मांझ़ा का बरैबाद। (लेबी बधान 23:29; बधान 18:19)
24“परमेशरो गूर शमूएल और तेऊ बाद निखल़ै दै सोभी परमेशरे गूरै आसा पैहलै ई हेरी दी ईंयां गल्ला खोज़ी कि एऊ ज़मानैं किज़ै हणअ। 25तम्हैं आसा परमेशरे गूरे खांनदानी का और परमेशरे करारे साझ़ू ज़ुंण परमेशरै थारै पित्तरा संघा की। ज़धू परमेशरै आबरामा का बोलअ, ‘तेरी लुआदा करै भेटणीं आजू पृथूईए सोभी खांनदानी लै बर्गत।’ (मूल़ 12:3; 18:18; 22:18; 26:4)
26“परमेशरै छ़ाडअ आपणअ टैहलू ईशू मरनै का बाद ज़िऊंदै हई करै सोभी का पैहलै तम्हां सेटा लै। ताकि तम्हां हरेक बूराई का दूर हई करै प्रभू का बर्गत भेटे।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
This work is licensed under Creative Commons Attribution-ShareAlike 4.0 License.