MARIKO 1
1
Lilwatsa lia Yohana Mubatisi
(Mat 3:1-12; Luka 3:1-18; Yoh 1:19-28)
1Iyi ni Ivanjeli ya Yesu Kristo, Mwana wa Nyasaye.#1:1 Mahandiko Matakatifu malala kavula “Mwana wa Nyasaye.” 2Yaraanga khuli Muprofeti Isaya yali niyahandika,
“Nyasaye Yavoola, ‘Loli! Ndumanga murumwa wanje imbeli wowo,
aliitsa khukhulombela injila.’
3Mwoyo ku mundu kulaanjililanga mu shiangalangwi, nu kuvoola,
‘Lombeli Mwami injila yeye;
mukololoshitsili injila alondelekhu!’ ”
4Khulwa yako, Yohana Mubatisi yalolekha mu shiangalangwi, nabatisanga khandi niyilwatsanga. Yavoolela vandu, “Mwikanile khurula mu vwoni vwenyu, mubatiswi, khandi mukalushi khu Nyasaye amusemehe.” 5Vandu vanyishi varula mu lusomo lwa Yudeya khandi mu litaala likali lia Yerusalemi nivatsia khuhulila likhuva lia Yohana. Vanyishi khuvo viyema vwoni vwavo, ma Yohana navabatisa mu Muchela kwa Yorodani.
6Yohana yali wayifwala inguvu yanaavwa khu vwoya vwi ingamia, niyivohi lukhanda lwi shiseelo mu shisiindi mwemwe; khandi shiukhulia shieshie shia yaliitsanga shiali tsisichi nende vushi vumbulimu. 7Yilwatsila vandu navoola, “Mundu uliitsa khwitsa inyuma wanje, ali ni tsingulu tsinyishi khumbira. Khali mbulakhu vunyali vukhwinama hasi khumuvoholola mikoye chi vilaaro vievie. 8Inzi mubatisanga na matsi, navutswa ye aliitsa khumubatisa na Roho Mutakatifu.”
Khubatiswa nende Khuchelitswa khwa Yesu
(Mat 3:13—4:11; Luka 3:21-22; 4:1-13)
9Mumatukhu kenako, Yesu yarulila Nazareti mu lusomo lwa Galilaya, ma Yohana namubatisa mu Muchela kwa Yorodani. 10Lwa Yesu yali narulanga mu matsi, yalola likulu nilikushi, ma Roho niyikha khuye khuli shituti. 11Mwoyo kwahulilikhana khurula mwikulu nu kuvoola, “Uli mwana wanje wa nayaanza; nyanzitswangwa nivi.”
12Hene yaho, Roho yimilila Yesu khutsia mwichendanyama. 13Yamenyayo khumatukhu makhomi kane, Shetani namuchelitsanga. Tsinyama tsiumbulimu tsialiho; nikhali, tsinjelosi tsitsa nitsimulinda.
Yesu Yalaanga Valuvi Vane Vamulonde
(Mat 4:12-22; Luka 4:14-15; 5:1-11)
14Lwa Yohana Mubatisi yali navoheelwi mucheela, Yesu yasimukha natsia mu lusomo lwa Galilaya khwilwatsa Ivanjeli ya Nyasaye, 15navoola, “Inyinga imali khutukha, na Vwami vwa Nyasaye vuli himbi khwitsa; mwikanile khurula mu vwoni vwenyu musuuvile mu Ivanjeli.”
16Lwa Yesu yali nachendanga khuluchinga lwi Inyanza ya Galilaya, yalola valuvi vavili, Simoni nende amwavo wewe Andereya, nivaluvanga tsisutsi ni ineti. 17Yesu yavavoolela, “Nondi, ninzi namukhola khuva valuvi va vandu.” 18Valekha tsineti tsiavo nivamulonda vwangu.
19Lwa Yesu yisuundakhu hambeli hatititi khurula hawenaho, yalola vamwavo vandi vavili, Yakobo nende Yohana, nivali vaana va Zebedayo, nivali mu liaro liavo nivanavanga tsineti tsiavo. 20Lwa Yesu yavalola, yavalaanga vamulonde. Valekha mu liaro tata wavo Zebedayo, halala na vandu va vali nivasamulitsi khuvakholela mihinzilu, nivasimukha na Yesu.
Mundu Wali Muye ni Litimoni
(Luka 4:31-37)
21Yesu nende veechi veve vatukha mu litaala lia Kaperenamu. Lwi litukhu li Lisabato liatukha, Yesu yinjila mu lisinagogi naraanga khwechitsa.
22Vandu vamuhulishitsa niyechitsanga vali nilichenya, shichila shikali yechitsa khuli veechitsi va Malako tawe; navutswa yechitsanga nu vunyali.
23Hene yaho mundu wali muye ni litimoni yinjila mu lisinagogi nalaanjilila, 24“Yesu wa Nazareti, ni shina shia wenyanga khukhukhola? Witsi hanu khukhumala? Manyi uli viina, uli mutakatifu wa Nyasaye!”
25Yesu yakondeshela litimoni lienelo nalivoolela, “Honjela, rula muye!” 26Litimoni lienelo lianuyanyinya ni tsingulu mundu woyo, ni lilaanjilila; khandi nilirula muye. 27Vandu vali nilichenya nivaraanga khureevana vene khuvene, “Ni shina yishi? Ni liechitsa lindi licheni? Mundu uyu ali ni tsingulu tsiu khukondeshela matimoni, nako nikamuhulila!”
28Makhuva shichila Yesu kalanda shia havundu hosi mu lusomo lwa Galilaya.
Yesu Yahonyinya Vandu Vanyishi
(Mat 8:14-17; Luka 4:38-41)
29Yesu nende na veechi veve, nivali Yakobo nende Yohana, varula mu lisinagogi nivatsia hango ha Simoni nende Andereya vamenyanga. 30Nakukhulu Simoni yali nakoni khu shitali nalwalanga murengo; khandi lwa Yesu yatukhaho, vamwivaalila khuli alwalanga. 31Khulwa yako, Yesu yasimukha natsia ha nakukhulu Simoni yali nali, namukumila mukhono namuvushitsa. Yahona, naraanga khuvaha shiukhulia.
32Lwa khulukolovo khwatukha, liuva niliakhayeela, vandu valerela Yesu vandu voosi vali nivalwala nende vandu va matimoni kali nikali muvo. 33Vandu vanyishi khurula mu litaala lienelo vitsa nivivunjelitsa ha muliango. 34Yesu yahonyinya vandu vanyishi vali nivalwala vulwale vunyishi lukanu khandi nakhunga matimoni manyishi khurula muvo. Yesu shiyahuchililakhu matimoni kenako kavoolekhu shindu shiosi tawe; shichila kali kamumanya ye ni viina.
Yesu Yilwatsa mu Lusomo lwa Galilaya
(Luka 4:42-44)
35Nukushili mu mavwevwe khulitukhu lialondakhu, shivala ni shishimwami, Yesu yavukha mu tsindolo narula munzu. Yesu yarula mu litaala lienelo, natsia havundu hanyala khuva wonyene khusaala. 36Simoni nende veshie varula nivatsia khumukhava; 37lwa vamunyola, vamuvoolela, “Vandu voosi vakhukhavanga.”
38Yesu yavachipa, “Chendi khutsi mu mataala kali himbi hanu, nzilwatsekhu khandi muko; nashio shivune shiachila ninzitsa.”
39Khulwa yako, Yesu yachenda nakhalakanyila shia havundu hosi mu lusomo lwa Galilaya, niyilwatsanga mu masinagogi khandi nakhunganga matimoni.
Yesu Yahonyinya Mundu Walwala Vuchele
(Mat 8:1-4; Luka 5:12-16)
40Mundu wali niyalwala vuchele yatsia khu Yesu, nasikama, namusaya nayaanza amukhonye. Yavoola, “Nu wenya unyala khukhola khuva munihu.”
41Yesu yamulolela tsimbavasi, nanyiila mukhono kwekwe, khandi namutiilakhu navoola, “Mbuchilile! Va munihu!”
42Vuchele vwarula khu mundu mwenoyo vwangu nahona. 43Yesu yamuvoolela aruliho vwangu khandi namuchelihitsa, 44nu khumuvoolela, “Hulishitsa, uvuli khuvoolelakhu mundu shindu shiosi khulondokhana khu makhuva yaka. Navutswa simukha utsi vulunji khu musalisi akhukole; khandi ukhole musango kwa Musa yalaaka, khu shive shimanyilu khu vandu voosi ndi umali khuhonyinywa.”
45Navutswa mundu mwenoyo yasimukha narulaho, naraanga khuvoolela shia mundu wosi kali nikakholeshe, khali nikalomba Yesu khuvula khwinjila mu litaala lienelo havulavu. Navutswa Yesu yikhala havundu hanyala khuva wonyene, ma vandu nivatsia khuye khurula shia havundu hosi.
ទើបបានជ្រើសរើសហើយ៖
MARIKO 1: LLLCATHOLIC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© The Bible Society of Kenya, 2013
MARIKO 1
1
Lilwatsa lia Yohana Mubatisi
(Mat 3:1-12; Luka 3:1-18; Yoh 1:19-28)
1Iyi ni Ivanjeli ya Yesu Kristo, Mwana wa Nyasaye.#1:1 Mahandiko Matakatifu malala kavula “Mwana wa Nyasaye.” 2Yaraanga khuli Muprofeti Isaya yali niyahandika,
“Nyasaye Yavoola, ‘Loli! Ndumanga murumwa wanje imbeli wowo,
aliitsa khukhulombela injila.’
3Mwoyo ku mundu kulaanjililanga mu shiangalangwi, nu kuvoola,
‘Lombeli Mwami injila yeye;
mukololoshitsili injila alondelekhu!’ ”
4Khulwa yako, Yohana Mubatisi yalolekha mu shiangalangwi, nabatisanga khandi niyilwatsanga. Yavoolela vandu, “Mwikanile khurula mu vwoni vwenyu, mubatiswi, khandi mukalushi khu Nyasaye amusemehe.” 5Vandu vanyishi varula mu lusomo lwa Yudeya khandi mu litaala likali lia Yerusalemi nivatsia khuhulila likhuva lia Yohana. Vanyishi khuvo viyema vwoni vwavo, ma Yohana navabatisa mu Muchela kwa Yorodani.
6Yohana yali wayifwala inguvu yanaavwa khu vwoya vwi ingamia, niyivohi lukhanda lwi shiseelo mu shisiindi mwemwe; khandi shiukhulia shieshie shia yaliitsanga shiali tsisichi nende vushi vumbulimu. 7Yilwatsila vandu navoola, “Mundu uliitsa khwitsa inyuma wanje, ali ni tsingulu tsinyishi khumbira. Khali mbulakhu vunyali vukhwinama hasi khumuvoholola mikoye chi vilaaro vievie. 8Inzi mubatisanga na matsi, navutswa ye aliitsa khumubatisa na Roho Mutakatifu.”
Khubatiswa nende Khuchelitswa khwa Yesu
(Mat 3:13—4:11; Luka 3:21-22; 4:1-13)
9Mumatukhu kenako, Yesu yarulila Nazareti mu lusomo lwa Galilaya, ma Yohana namubatisa mu Muchela kwa Yorodani. 10Lwa Yesu yali narulanga mu matsi, yalola likulu nilikushi, ma Roho niyikha khuye khuli shituti. 11Mwoyo kwahulilikhana khurula mwikulu nu kuvoola, “Uli mwana wanje wa nayaanza; nyanzitswangwa nivi.”
12Hene yaho, Roho yimilila Yesu khutsia mwichendanyama. 13Yamenyayo khumatukhu makhomi kane, Shetani namuchelitsanga. Tsinyama tsiumbulimu tsialiho; nikhali, tsinjelosi tsitsa nitsimulinda.
Yesu Yalaanga Valuvi Vane Vamulonde
(Mat 4:12-22; Luka 4:14-15; 5:1-11)
14Lwa Yohana Mubatisi yali navoheelwi mucheela, Yesu yasimukha natsia mu lusomo lwa Galilaya khwilwatsa Ivanjeli ya Nyasaye, 15navoola, “Inyinga imali khutukha, na Vwami vwa Nyasaye vuli himbi khwitsa; mwikanile khurula mu vwoni vwenyu musuuvile mu Ivanjeli.”
16Lwa Yesu yali nachendanga khuluchinga lwi Inyanza ya Galilaya, yalola valuvi vavili, Simoni nende amwavo wewe Andereya, nivaluvanga tsisutsi ni ineti. 17Yesu yavavoolela, “Nondi, ninzi namukhola khuva valuvi va vandu.” 18Valekha tsineti tsiavo nivamulonda vwangu.
19Lwa Yesu yisuundakhu hambeli hatititi khurula hawenaho, yalola vamwavo vandi vavili, Yakobo nende Yohana, nivali vaana va Zebedayo, nivali mu liaro liavo nivanavanga tsineti tsiavo. 20Lwa Yesu yavalola, yavalaanga vamulonde. Valekha mu liaro tata wavo Zebedayo, halala na vandu va vali nivasamulitsi khuvakholela mihinzilu, nivasimukha na Yesu.
Mundu Wali Muye ni Litimoni
(Luka 4:31-37)
21Yesu nende veechi veve vatukha mu litaala lia Kaperenamu. Lwi litukhu li Lisabato liatukha, Yesu yinjila mu lisinagogi naraanga khwechitsa.
22Vandu vamuhulishitsa niyechitsanga vali nilichenya, shichila shikali yechitsa khuli veechitsi va Malako tawe; navutswa yechitsanga nu vunyali.
23Hene yaho mundu wali muye ni litimoni yinjila mu lisinagogi nalaanjilila, 24“Yesu wa Nazareti, ni shina shia wenyanga khukhukhola? Witsi hanu khukhumala? Manyi uli viina, uli mutakatifu wa Nyasaye!”
25Yesu yakondeshela litimoni lienelo nalivoolela, “Honjela, rula muye!” 26Litimoni lienelo lianuyanyinya ni tsingulu mundu woyo, ni lilaanjilila; khandi nilirula muye. 27Vandu vali nilichenya nivaraanga khureevana vene khuvene, “Ni shina yishi? Ni liechitsa lindi licheni? Mundu uyu ali ni tsingulu tsiu khukondeshela matimoni, nako nikamuhulila!”
28Makhuva shichila Yesu kalanda shia havundu hosi mu lusomo lwa Galilaya.
Yesu Yahonyinya Vandu Vanyishi
(Mat 8:14-17; Luka 4:38-41)
29Yesu nende na veechi veve, nivali Yakobo nende Yohana, varula mu lisinagogi nivatsia hango ha Simoni nende Andereya vamenyanga. 30Nakukhulu Simoni yali nakoni khu shitali nalwalanga murengo; khandi lwa Yesu yatukhaho, vamwivaalila khuli alwalanga. 31Khulwa yako, Yesu yasimukha natsia ha nakukhulu Simoni yali nali, namukumila mukhono namuvushitsa. Yahona, naraanga khuvaha shiukhulia.
32Lwa khulukolovo khwatukha, liuva niliakhayeela, vandu valerela Yesu vandu voosi vali nivalwala nende vandu va matimoni kali nikali muvo. 33Vandu vanyishi khurula mu litaala lienelo vitsa nivivunjelitsa ha muliango. 34Yesu yahonyinya vandu vanyishi vali nivalwala vulwale vunyishi lukanu khandi nakhunga matimoni manyishi khurula muvo. Yesu shiyahuchililakhu matimoni kenako kavoolekhu shindu shiosi tawe; shichila kali kamumanya ye ni viina.
Yesu Yilwatsa mu Lusomo lwa Galilaya
(Luka 4:42-44)
35Nukushili mu mavwevwe khulitukhu lialondakhu, shivala ni shishimwami, Yesu yavukha mu tsindolo narula munzu. Yesu yarula mu litaala lienelo, natsia havundu hanyala khuva wonyene khusaala. 36Simoni nende veshie varula nivatsia khumukhava; 37lwa vamunyola, vamuvoolela, “Vandu voosi vakhukhavanga.”
38Yesu yavachipa, “Chendi khutsi mu mataala kali himbi hanu, nzilwatsekhu khandi muko; nashio shivune shiachila ninzitsa.”
39Khulwa yako, Yesu yachenda nakhalakanyila shia havundu hosi mu lusomo lwa Galilaya, niyilwatsanga mu masinagogi khandi nakhunganga matimoni.
Yesu Yahonyinya Mundu Walwala Vuchele
(Mat 8:1-4; Luka 5:12-16)
40Mundu wali niyalwala vuchele yatsia khu Yesu, nasikama, namusaya nayaanza amukhonye. Yavoola, “Nu wenya unyala khukhola khuva munihu.”
41Yesu yamulolela tsimbavasi, nanyiila mukhono kwekwe, khandi namutiilakhu navoola, “Mbuchilile! Va munihu!”
42Vuchele vwarula khu mundu mwenoyo vwangu nahona. 43Yesu yamuvoolela aruliho vwangu khandi namuchelihitsa, 44nu khumuvoolela, “Hulishitsa, uvuli khuvoolelakhu mundu shindu shiosi khulondokhana khu makhuva yaka. Navutswa simukha utsi vulunji khu musalisi akhukole; khandi ukhole musango kwa Musa yalaaka, khu shive shimanyilu khu vandu voosi ndi umali khuhonyinywa.”
45Navutswa mundu mwenoyo yasimukha narulaho, naraanga khuvoolela shia mundu wosi kali nikakholeshe, khali nikalomba Yesu khuvula khwinjila mu litaala lienelo havulavu. Navutswa Yesu yikhala havundu hanyala khuva wonyene, ma vandu nivatsia khuye khurula shia havundu hosi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© The Bible Society of Kenya, 2013