Malu Menza 19
19
Polu mu Efeze
1Patshivua Apolose mu Korente, Polu kupitshila mu matunga a munkatshi mua Aziya mukese, kufika mu Efeze. Kusanganayemu bamue bena ditaba. 2Kubakonkaye ne:
— Nuvua bapete Mueyelu wa Tshijila, diba dinuvua batuadije kuitaba Yezu anyi?
Kumuandamunabu ne:
— Katuena nansha banji kumvua batela ne: Mueyelu wa Tshijila udiku to!
3Ke Polu kubebeja kabidi ne:
— Bavua banutua mu mayi mushindu kaayi?
Ke bobu kuandamuna ne:
— Bavua batutua mu mayi, muvua Yowanane utua bantu amu.
4Polu kubambila ne:
— Yowanane uvua utua bantu bavua banyisha bua kudilengeja. Kadi uvua wambila kabidi bena Izrayele, bua bitabe muntu uvua ne bua kufika panyima pende, mmomumue ne: Yezu.#19.4 Tangila Mat 3.11; Mar 1.4, 7-8.
5Bantu bumvua miaku ayi, kuanyishabu bua babatue mu mayi mu dina dia Mfumu Yezu. 6Polu kubatenteka bianza. Mueyelu wa Tshijila kubatulukila. Kutuadijabu kuakula miakulu ivuabu kabayi bamanye, bambila bantu malu avua Mvidi Mukulu mubamanyishe. 7Bantu abu bavua bu dikumi ne babidi.
8Polu kuya mu nzubu wa kutendelela. Ngondu isatu uvua uyukila ne dikima ne bena Yuda. Uvua ubalongesha malu adi atangila Bukalenga bua Mvidi Mukulu, ukeba kuitabijija. 9Kadi bamue ba kudibu bavua ne muoyi mupape, babenga kuitaba, bakula ne kapeja bua njila wa Mfumu, bantu bonsu bumvue. Nanku Polu kubashiya, kupatuka mu nzubu amu pamue ne bena ditaba. Kutuadija dituku adi, uvua ubalongesha mu tshilongelu tshia Tiranuse ku dituku ku dituku.#19.9 Mu mikanda mikuabu ya kale mbasakidile ne: uvua utuadija ku diba dia 11 too ne ku diba dia 16. 10Kuenzaye nanku bidimu bibidi. Nenku bena Yuda ne bena Ngreke bonsu bavua mu buloba bua Aziya abu kumvuabu muaku wa Mfumu.
Bana ba balume ba Skeva
11Mvidi Mukulu uvua wenzeja Polu bishima bia dikema. 12Bavua bateka pambidi pa babeedi bilamba, nansha tulamba, bivua bilenga mubidi wa Polu. Babeedi kumvua amu bilenga, mikishi mibi kumuka kudibu. 13Bamue bena Yuda, bavua baya miaba yonsu bua kuipata mikishi mibi munda mua babeedi, bavua bidikija mua kutela dina dia Mfumu Yezu bua kuyipata. Bavua bambila mikishi mibi ne:
— Mu dina dia Yezu, udi Polu ulongesha, ndi nnutumina diyi: patukayi! 14(Bavua benza nanku kudi bana ba balume muanda mutekete ba Skeva, mutuangaji munene wa bena Yuda.) 15Kadi mukishi mubi kubandamuna ne:
— Ndi mumanye Yezu, mumanye kabidi ne Polu. Kadi nuenu nudi banganyi?
16Ke muntu uvua ne mukishi mubi awu, kudiela kudibu, kubapita bonsu bukole. Kubakengeshaye bikole bipite. Bobu kunyema ku nzubu kua muntu awu, kabayi bilamba, mputa mubidi mujima. 17Bena mu Efeze bonsu, bena Yuda ne bena Ngreke, kumanyabu bualu abu. Kukuatshikabu buowa, kutumbisha dina dia Mfumu Yezu. 18Bantu ba bungi ba ku bavua bitabe, kutondabu patoke malu mabi avuabu benze. 19Bantu bavule bavua benza malu a majimbu, kufika ne mikanda yabu, kuyosha, bantu bonsu bamone. Bavua batshinka mushinga wa mikanda ayi, bapeta nkanu ya tshiamu tshitoke tshia mushinga mukole binunu makumi atanu.#19.19 nkanu…: tangila Mar 6.37 ne diumvuija. 20Ke muvua muaku wa Mfumu wenda utanta, uleja bukole buawu.#19.20 muaku wa Mfumu (uvua) wenda utanta, uleja bukole buawu: mu mikanda mikuabu ya kale, mbafunde ne: ku bukole bua Mfumu muaku wende uvua utanta amu kutanta.
Bena Efeze badi bajula mutoyi
21Malu onsu aa mamane kupita, Polu kupangadika#19.21 kupangadika: mu mikanda mikuabu ya kale mbafunde ne: mulombola kudi Mueyelu wa Tshijila. mua kupitshila mu Masedoniya ne mu Akaya, bua kuya mu Yerushalayime, wamba ne:
— Pangafika ku Yerushalayime, nenye kabidi ne ku Rome.
22Kutumaye bamuambuluishi bende babidi, Timote ne Eraste, mu Masedoniya. Kadi yeye uvua muanji kushala kabidi amue matuku mu Aziya.
23Ke tshikondu tshivua tshimvundu tshinene tshijuka mu Efeze bualu bua njila wa muoyi wa Mfumu. 24Muntu kampanda, dina diende Demetriyuse, nsenda wa biamu, uvua wenza tuzubu tua tshiamu tshitoke tshia mushinga mukole, utentula bimfuanyi bia nzubu wa kutendelela wa nwidie mukaji Artemise.#19.24 Artemise: ke nwidie mukaji wa lulelu wa bena Ngreke, uvuabu batendelela nangananga mu Aziya mukese. Ke muvuaye upetesha bena mudimu bende makuta a bungi. 25Demetriyuse kusangisha bansenda bende aba, ne bantu bakuabu bavua benza mudimu wa momumue. Kubambilaye ne:
— Bakalenga, nudi bamanye ne: buetu bubanji budi amu ku mudimu wetu ewu. 26Kadi nudi bamone, badiumvuile kabidi tshidi muntu ewu Polu wenza. Udi ujadika ne: nwidie idi bantu benza ki mmvidie menemene to. Ukadi muitabijije bantu ba bungi, ki amu munu mu Efeze, kadi ne miaba kana yonsu ya mu Aziya. 27Ebi bidi bifuana kunyanga mudimu wetu, bifuana kabidi kumuenesha nzubu wa nwidie mukaji munene Artemise bu tshintu tshia tshianana. Nanku nwidie mukaji ewu, udi bantu bonsu ba mu Aziya ne ba mu buloba bujima bakukuila, kakuikala kabidi ne lumu to!
28Bantu bumvua miaku ayi, kupetabu tshiiji tshikole, bela bibingu, bamba ne:
— Artemise wa bena Efeze ke udi munene!
29Tshimyundu kutampakana mu tshimenga tshijima. Bantu kukuata Ngayuse ne Aristarke, bena Masedoniya babidi bavua mu luendu ne Polu. Kubapulumunabu, kuya nabu mu lupangu lua manaya,#19.29 Lupangu lua manaya wa mu Efeze luvua lualabale. Bantu bavua mua kusombamu bu 26.000. Bavua benzamu manaya, benzamu kabidi bisangilu. muvua bantu bonsu bafuilakana bua kubuela. 30Polu uvua musue kumueneka kudi bantu. Kadi bena ditaba kumukandika. 31Bamue balombodi ba mbulamatadi ba mu Aziya, bavua balunda bende, kumutuminabu bantu, bamuambila bua kayi muaba wa manaya awu. 32Diba adi bantu bavua basangile kuakula kupangakana, bamue bela mbila, bakuabu bela bibingu. Ba bungi kabavua nansha bamanye tshine tshiyuabu bavuile muaba awu. 33Ke bena Yuda kumvuija Aleksandre bualu, kumupatula munkatshi mua bantu, kumuimanyika kumpala kuabu, bua abakuile. Aleksandre kupuwisha bantu bonsu ne tshianza, ukeba kuakuila bena Yuda. 34Kadi bajingulula ne: mmuena Yuda, bonsu kuela bibingu diyi dimue bu meba abidi majima, bamba amu ne:
— Artemise wa bena Efeze ke udi munene!
35Ku ndekelu mufundi mukuabu wa malu a mu tshimenga, kupetaye mushindu wa kupuwisha bantu, ubambila ne:
— Nuenu bena Efeze, telejayi! Bantu bonsu mbamanye ne: tshimenga tshia Efeze tshidi ne bukokeshi bua kulama bimpe nzubu wa nwidie mukaji munene Artemise, kabidi ne lupingu luende luvua lukuluke mu diulu. 36Muntu nansha umue kena mua kubenga bualu ebu to. Nanku shalayi ne lutulu, kanuenji bibi nansha kakese. 37Nudi bavue ne bantu aba: ki mbapawule nzubu yetu ya nwidie, kabena nansha bapepeja nwidie mukaji wetu. 38Pikala Demetriyuse ne bansenda bende tshilumbu ne muntu mukuabu, tudi ne bandumbulula, tudi ne matuku adibu bakosa nsambu. Baye kudibu! 39Kadi panuikala ne majinga makuabu, nebaatangile mu tshisangilu tshia bena ditunga. Ke mudi mikenji yamba. 40Kadi bua bidi bienzeka lelu, bantu bakuabu mbafuane kutufunda ne: tudi bantomboji. Kakuena bualu nansha bumue budi buleja tshitudi basangile muaba ewu bantu bungi nanku. Bobu batuebeja, netupange tshia kuamba.
41Mufundi mumane kuamba nanku, kutangalajaye bantu.
ទើបបានជ្រើសរើសហើយ៖
Malu Menza 19: TSH96
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible avec Livres Deutérocanoniques en Tshiluba © Société Biblique de la R. D. Congo, 1996
Malu Menza 19
19
Polu mu Efeze
1Patshivua Apolose mu Korente, Polu kupitshila mu matunga a munkatshi mua Aziya mukese, kufika mu Efeze. Kusanganayemu bamue bena ditaba. 2Kubakonkaye ne:
— Nuvua bapete Mueyelu wa Tshijila, diba dinuvua batuadije kuitaba Yezu anyi?
Kumuandamunabu ne:
— Katuena nansha banji kumvua batela ne: Mueyelu wa Tshijila udiku to!
3Ke Polu kubebeja kabidi ne:
— Bavua banutua mu mayi mushindu kaayi?
Ke bobu kuandamuna ne:
— Bavua batutua mu mayi, muvua Yowanane utua bantu amu.
4Polu kubambila ne:
— Yowanane uvua utua bantu bavua banyisha bua kudilengeja. Kadi uvua wambila kabidi bena Izrayele, bua bitabe muntu uvua ne bua kufika panyima pende, mmomumue ne: Yezu.#19.4 Tangila Mat 3.11; Mar 1.4, 7-8.
5Bantu bumvua miaku ayi, kuanyishabu bua babatue mu mayi mu dina dia Mfumu Yezu. 6Polu kubatenteka bianza. Mueyelu wa Tshijila kubatulukila. Kutuadijabu kuakula miakulu ivuabu kabayi bamanye, bambila bantu malu avua Mvidi Mukulu mubamanyishe. 7Bantu abu bavua bu dikumi ne babidi.
8Polu kuya mu nzubu wa kutendelela. Ngondu isatu uvua uyukila ne dikima ne bena Yuda. Uvua ubalongesha malu adi atangila Bukalenga bua Mvidi Mukulu, ukeba kuitabijija. 9Kadi bamue ba kudibu bavua ne muoyi mupape, babenga kuitaba, bakula ne kapeja bua njila wa Mfumu, bantu bonsu bumvue. Nanku Polu kubashiya, kupatuka mu nzubu amu pamue ne bena ditaba. Kutuadija dituku adi, uvua ubalongesha mu tshilongelu tshia Tiranuse ku dituku ku dituku.#19.9 Mu mikanda mikuabu ya kale mbasakidile ne: uvua utuadija ku diba dia 11 too ne ku diba dia 16. 10Kuenzaye nanku bidimu bibidi. Nenku bena Yuda ne bena Ngreke bonsu bavua mu buloba bua Aziya abu kumvuabu muaku wa Mfumu.
Bana ba balume ba Skeva
11Mvidi Mukulu uvua wenzeja Polu bishima bia dikema. 12Bavua bateka pambidi pa babeedi bilamba, nansha tulamba, bivua bilenga mubidi wa Polu. Babeedi kumvua amu bilenga, mikishi mibi kumuka kudibu. 13Bamue bena Yuda, bavua baya miaba yonsu bua kuipata mikishi mibi munda mua babeedi, bavua bidikija mua kutela dina dia Mfumu Yezu bua kuyipata. Bavua bambila mikishi mibi ne:
— Mu dina dia Yezu, udi Polu ulongesha, ndi nnutumina diyi: patukayi! 14(Bavua benza nanku kudi bana ba balume muanda mutekete ba Skeva, mutuangaji munene wa bena Yuda.) 15Kadi mukishi mubi kubandamuna ne:
— Ndi mumanye Yezu, mumanye kabidi ne Polu. Kadi nuenu nudi banganyi?
16Ke muntu uvua ne mukishi mubi awu, kudiela kudibu, kubapita bonsu bukole. Kubakengeshaye bikole bipite. Bobu kunyema ku nzubu kua muntu awu, kabayi bilamba, mputa mubidi mujima. 17Bena mu Efeze bonsu, bena Yuda ne bena Ngreke, kumanyabu bualu abu. Kukuatshikabu buowa, kutumbisha dina dia Mfumu Yezu. 18Bantu ba bungi ba ku bavua bitabe, kutondabu patoke malu mabi avuabu benze. 19Bantu bavule bavua benza malu a majimbu, kufika ne mikanda yabu, kuyosha, bantu bonsu bamone. Bavua batshinka mushinga wa mikanda ayi, bapeta nkanu ya tshiamu tshitoke tshia mushinga mukole binunu makumi atanu.#19.19 nkanu…: tangila Mar 6.37 ne diumvuija. 20Ke muvua muaku wa Mfumu wenda utanta, uleja bukole buawu.#19.20 muaku wa Mfumu (uvua) wenda utanta, uleja bukole buawu: mu mikanda mikuabu ya kale, mbafunde ne: ku bukole bua Mfumu muaku wende uvua utanta amu kutanta.
Bena Efeze badi bajula mutoyi
21Malu onsu aa mamane kupita, Polu kupangadika#19.21 kupangadika: mu mikanda mikuabu ya kale mbafunde ne: mulombola kudi Mueyelu wa Tshijila. mua kupitshila mu Masedoniya ne mu Akaya, bua kuya mu Yerushalayime, wamba ne:
— Pangafika ku Yerushalayime, nenye kabidi ne ku Rome.
22Kutumaye bamuambuluishi bende babidi, Timote ne Eraste, mu Masedoniya. Kadi yeye uvua muanji kushala kabidi amue matuku mu Aziya.
23Ke tshikondu tshivua tshimvundu tshinene tshijuka mu Efeze bualu bua njila wa muoyi wa Mfumu. 24Muntu kampanda, dina diende Demetriyuse, nsenda wa biamu, uvua wenza tuzubu tua tshiamu tshitoke tshia mushinga mukole, utentula bimfuanyi bia nzubu wa kutendelela wa nwidie mukaji Artemise.#19.24 Artemise: ke nwidie mukaji wa lulelu wa bena Ngreke, uvuabu batendelela nangananga mu Aziya mukese. Ke muvuaye upetesha bena mudimu bende makuta a bungi. 25Demetriyuse kusangisha bansenda bende aba, ne bantu bakuabu bavua benza mudimu wa momumue. Kubambilaye ne:
— Bakalenga, nudi bamanye ne: buetu bubanji budi amu ku mudimu wetu ewu. 26Kadi nudi bamone, badiumvuile kabidi tshidi muntu ewu Polu wenza. Udi ujadika ne: nwidie idi bantu benza ki mmvidie menemene to. Ukadi muitabijije bantu ba bungi, ki amu munu mu Efeze, kadi ne miaba kana yonsu ya mu Aziya. 27Ebi bidi bifuana kunyanga mudimu wetu, bifuana kabidi kumuenesha nzubu wa nwidie mukaji munene Artemise bu tshintu tshia tshianana. Nanku nwidie mukaji ewu, udi bantu bonsu ba mu Aziya ne ba mu buloba bujima bakukuila, kakuikala kabidi ne lumu to!
28Bantu bumvua miaku ayi, kupetabu tshiiji tshikole, bela bibingu, bamba ne:
— Artemise wa bena Efeze ke udi munene!
29Tshimyundu kutampakana mu tshimenga tshijima. Bantu kukuata Ngayuse ne Aristarke, bena Masedoniya babidi bavua mu luendu ne Polu. Kubapulumunabu, kuya nabu mu lupangu lua manaya,#19.29 Lupangu lua manaya wa mu Efeze luvua lualabale. Bantu bavua mua kusombamu bu 26.000. Bavua benzamu manaya, benzamu kabidi bisangilu. muvua bantu bonsu bafuilakana bua kubuela. 30Polu uvua musue kumueneka kudi bantu. Kadi bena ditaba kumukandika. 31Bamue balombodi ba mbulamatadi ba mu Aziya, bavua balunda bende, kumutuminabu bantu, bamuambila bua kayi muaba wa manaya awu. 32Diba adi bantu bavua basangile kuakula kupangakana, bamue bela mbila, bakuabu bela bibingu. Ba bungi kabavua nansha bamanye tshine tshiyuabu bavuile muaba awu. 33Ke bena Yuda kumvuija Aleksandre bualu, kumupatula munkatshi mua bantu, kumuimanyika kumpala kuabu, bua abakuile. Aleksandre kupuwisha bantu bonsu ne tshianza, ukeba kuakuila bena Yuda. 34Kadi bajingulula ne: mmuena Yuda, bonsu kuela bibingu diyi dimue bu meba abidi majima, bamba amu ne:
— Artemise wa bena Efeze ke udi munene!
35Ku ndekelu mufundi mukuabu wa malu a mu tshimenga, kupetaye mushindu wa kupuwisha bantu, ubambila ne:
— Nuenu bena Efeze, telejayi! Bantu bonsu mbamanye ne: tshimenga tshia Efeze tshidi ne bukokeshi bua kulama bimpe nzubu wa nwidie mukaji munene Artemise, kabidi ne lupingu luende luvua lukuluke mu diulu. 36Muntu nansha umue kena mua kubenga bualu ebu to. Nanku shalayi ne lutulu, kanuenji bibi nansha kakese. 37Nudi bavue ne bantu aba: ki mbapawule nzubu yetu ya nwidie, kabena nansha bapepeja nwidie mukaji wetu. 38Pikala Demetriyuse ne bansenda bende tshilumbu ne muntu mukuabu, tudi ne bandumbulula, tudi ne matuku adibu bakosa nsambu. Baye kudibu! 39Kadi panuikala ne majinga makuabu, nebaatangile mu tshisangilu tshia bena ditunga. Ke mudi mikenji yamba. 40Kadi bua bidi bienzeka lelu, bantu bakuabu mbafuane kutufunda ne: tudi bantomboji. Kakuena bualu nansha bumue budi buleja tshitudi basangile muaba ewu bantu bungi nanku. Bobu batuebeja, netupange tshia kuamba.
41Mufundi mumane kuamba nanku, kutangalajaye bantu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible avec Livres Deutérocanoniques en Tshiluba © Société Biblique de la R. D. Congo, 1996