Malu Menza 10
10
Korneliyuse udi ubuela mu Tshisumbu tshia bena ditaba
1Mu Kezareya muvua muntu, dina diende Korneliyuse. Uvua mulombodi wa tshisumbu tshia basolayi ba bena Rome, tshivuabu binyika ne: “Ntshia bena Italiya.” 2Uvua muntu wa Mvidi Mukulu, umutendelela pamue ne nzubu wende mujima. Uvua wambuluisha bakengi ba bena Yuda ne bintu bivule, utendelela Mvidi Mukulu misangu ne misangu. 3Dituku kampanda, ku diba dia isatu wa dilolu, Mvidi Mukulu kumuleja malu. Kumonaye patoke mutumibue wa Mvidi Mukulu, ubuela mu nzubu muende, umubikila ne:
— Korneliyuse!
4Korneliyuse kutangila mutumibue wa Mvidi Mukulu ne bowa, kumuebeja ne:
— Mukalenga, udi wamba bishi?
Mutumibue kuandamuna ne:
— Mvidi Mukulu udi ukuvuluka, ukuanyisha bua dimutendelela diebe, kabidi ne bua bintu biudi upesha bapele. 5Nanku tuma bantu mu Yope, ubikidishe Simone, udi dina dikuabu ne Petro. 6Udi usomba kua munga Simone, muena mudimu wa biseba, muena nzubu udi ku muelelu wa mayi manene.
7Mutumibue mumane kumuka, ke Korneliyuse kubikila bena mudimu bende babidi, ne musolayi umue wa ku bavua bamulama, uvua pende muntu wa Mvidi Mukulu. 8Kubalondelaye bionsu bivua bipita. Pashishe kubatumaye ku Yope.
9Butshia, patshivuabu mu njila, basemena pabuipi ne Yope, Petro kubanda ku tshibambalu tshia kulu kua nzubu, diba dia munda munya, bua kutendelela Mvidi Mukulu. 10Nzala kumusuma. Kujingaye kudia. Patshivuabu bamulongoluela biakudia, Mvidi Mukulu kumuleja malu. 11Kumonaye diulu diunzuluka, kabidi tshintu bu tshilamba tshinene tshia pa mesa, batshikuata ku nsongu inayi, tshienda tshipueka panshi. 12Munda muatshi muvua nyama ya mishindu yonsu: ya mikonu inayi, bilandadi, ne nyunyi ya kulu. 13Petro kumvua diyi, dimuamba ne:
— Petro, juka, ushipe, udie!
14Ke Petro kuandamuna ne:
— Mfumu, tshiena mua kuenza nanku to! Bualu katshia tshiena muanji kudia tshintu tshidi Mvidi Mukulu mukandike, nansha tshia mikiya.#10.14 Tangila Lev 11.1-47; Yez 4.14.
15Kumvuaye tshiakabidi diyi, dimuandamuna ne:
— Tshidi Mvidi Mukulu muambe ne: katshiena ne mikiya, wewe kuena mua kutshiamba ne: tshidi ne mikiya!#10.15 Fuanyikija ne Mar 7.15, 19.
16Kuenzekabi nanku misangu isatu. Pashishe kupingajabu tshintu atshi mu diulu.
17Petro uvua ulubakana, ukeba kujingulula malu avuabu bamuleje. Diba adi bantu bavua Korneliyuse mutume, bakavua bamane kuebeja, bua babaleje ku nzubu kua Simone. Mpindiewu bakavua mene ku tshiibi tshia nzubu. 18Kubikilabu bena nzubu, babakonka ne:
— Eku ke kudi Simone, udibu binyika kabidi Petro, usomba anyi?
19Petro utshivua amu ukeba kumvua malu avua Mvidi Mukulu mumuleje. Ke Mueyelu wa Mvidi Mukulu kumuambila ne: — Kudi bantu basatu badi bakukeba.#10.19 bantu basatu badi bakukeba: mu mikanda mikuabu ya kale, mbafunde amu ne: bantu; mu mukanda umue: muntu. 20Juka, tuluka panshi. Kuelakanyi to. Uye nabu. Meme ngudi mubatume.
21Nanku Petro kutuluka, kuya kuvua bantu abu, kubambila ne:
— Ke meme unudi nukeba ewu. Tshinudi bavuile ntshinyi?
22Bantu kuandamuna ne:
— Korneliyuse, mulombodi wa tshisumbu tshia basolayi, mmututume. Udi muntu muimpe, muitabi wa Mvidi Mukulu. Bena Yuda bonsu badi bamuanyisha. Mutumibue wa Mvidi Mukulu mmumulombe, bua akubikidishe kuende, umvue malu audi mua kumuambila.
23Ke Petro kubabueja mu nzubu, kubapa ne pa kulala. Butshia, Petro kumuka nabu. Bamue bena ditaba ba mu Yope kuya nende. 24Petro kufika mu Kezareya dituku divua dilonda. Korneliyuse uvua mumuindile, pamue ne bena diku diende, kabidi ne balunda bende ba pa muoyi, bavuaye mubikile. 25Amu Petro ubuela mu nzubu, Korneliyuse kumuakidila, kudiela ku makasa ende, kumuela muoyi ne kanemu ka bungi. 26Kadi Petro kumujula, kumuamba ne:
— Juka, bualu ndi amu muntu mudi bantu bonsu.
27Ke Petro ne Korneliyuse kubuela mu nzubu, benda bayukila. Petro kusangana bantu ba bungi badikungijamu. 28Kubambilaye ne:
— Nudi bamanye mudi meyi ne mikandu bietu bikandike bikole bua muena Yuda kumvuangana ne bantu ba bisamba bikuabu, nansha kubuela mu nzubu yabu. Kadi Mvidi Mukulu mmundeje mundi tshiyi mua kutangila muntu nansha umue ne: udi ne mikiya, nansha kubenga kubuela kuende. 29Ke pandi mufike, paudi mumbikile, tshiyi mbenga. Nanku ndi nnuebeja ne: tshinudi bambikidile ntshinyi?
30Korneliyuse kuandamuna ne:
— Kukadi matuku asatu, mvua ntendelela#10.30 mvua ntendelela: mu mikanda mikuabu ya kale mbafunde ne: mvua ntendelela, njila kabidi biakudia. ku nzubu kuanyi, pa diba edi dia isatu wa dilolu. Meme kumona muntu umueneka diakamue kumpala kuanyi, muvuale tshilamba tshibalakana. 31Kungambilaye ne: “Korneliyuse, Mvidi Mukulu mmumvue muudi umutendelela, kabidi mmuvuluke muudi wambuluisha bapele. 32Nanku tuma bantu mu Yope, babikile Simone udi kabidi dina ne Petro. Udi usomba ku nzubu kua munga Simone, muena mudimu wa biseba, muena nzubu udi ku muelelu wa mayi manene.” 33Ke meme kukubikidisha diakamue. Wewe pebe udi muenze bimpe, bu muudi mufike. Mpindiewu tudi bonsu kumpala kua Mvidi Mukulu, bua kumvua tshidi Mfumu mukuambile bua kutumanyisha.
Petro udi ulongesha bantu mu nzubu mua Korneliyuse
34Ke Petro kuambila bantu ne:
— Mpindiewu ndi njadika ne: Mvidi Mukulu kena ne kansungasunga.#10.34 Fuanyikija ne Diel 10.17. 35Muntu nansha wa mu tshisamba kaayi, udi umutshina, wenza tshidiye musue, Mvidi Mukulu udi mumuanyishe. 36Nudi bamanye Lumu lua Disanka ludi Mvidi Mukulu mumanyishe bena Izrayele. mMubambile ne: nenupete bupole#10.36 Fuanyikija ne Yesh 52.7. kudi Yezu Kristu, Mfumu wa bantu bonsu. 37Nudi bamanye bivua bienzeka bangabanga mu Ngalileya, pashishe mu Yudeya mujima, Yowanane mumane kulongesha bantu, mubatue mu mayi. 38Nudi bamanye Yezu wa muNazarete, uvua Mvidi Mukulu musungule. Uvua mumuwuje ne Mueyelu wende wa Tshijila, kabidi ne bukole buende. Nanku Yezu kuendakana mu ditunga dijima, wenza bilenga, ujikija masama a bantu bonsu, bavuabu bakuate kudi mukishi mubi. Bualu Mvidi Mukulu uvua nende. 39Tuetu tudi bajadiki ba bionsu bivuaye muenze mu ditunga dijima dia bena Yuda, ne mu Yerushalayime. Bavua bamushipeshe, bamupopele pa mutshi mutshiamakane. 40Kadi Mvidi Mukulu uvua mumubishe ku lufu dituku disatu, muanyishe bua amuenekele bantu, 41ki mbantu bonsu to, kadi amu tuetu bajadiki bavua Mvidi Mukulu mudianze kusungula. Mvidi Mukulu mumane kumubisha ku bafue, tuvua badie, banue nende.#10.41 Tangila Luk 24.30,42; MM 1.4. 42Yezu kututumina diyi dia kulongesha bantu, kubajadikila ne: Mvidi Mukulu mmumuteke bua kulumbuluisha badi ne muoyi, ne bafue. 43Bambi bonsu badi bajadika bualu buende ne: muntu yonsu udi witaba Kristu, bukole bua dina diende nebumujimijile mibi yende.#10.43 Tangila Yesh 53.5-6; Yirm 31.34.
Bantu ba bisamba bikuabu badi bapeta Mueyelu wa Tshijila
44Patshivua Petro wakula nanku, Mueyelu wa Tshijila kupuekela bantu bonsu bavua bamuteleja. 45Bena ditaba ba mu tshisamba tshia bena Yuda, bavua bafika ne Petro, kukema bikole pa kumona muvua Mvidi Mukulu mupuekeshile ne bantu ba mu bisamba bikuabu Mueyelu wa Tshijila. 46Bualu bavua bumvua bantu abu bakula miakulu ivuabu kabayi bamanye, batumbisha bunene bua Mvidi Mukulu. Ke Petro kuamba ne:
47— Bu mudi bantu abu bamane kupeta Mueyelu wa Tshijila mumue netu, udi mua kukandika bua babatue mu mayi nnganyi? 48Kutumaye diyi bua babatue mu mayi mu dina dia Yezu Kristu. Bantu abu kulomba Petro bua ashaleku nabu amue matuku.
ទើបបានជ្រើសរើសហើយ៖
Malu Menza 10: TSH96
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible avec Livres Deutérocanoniques en Tshiluba © Société Biblique de la R. D. Congo, 1996
Malu Menza 10
10
Korneliyuse udi ubuela mu Tshisumbu tshia bena ditaba
1Mu Kezareya muvua muntu, dina diende Korneliyuse. Uvua mulombodi wa tshisumbu tshia basolayi ba bena Rome, tshivuabu binyika ne: “Ntshia bena Italiya.” 2Uvua muntu wa Mvidi Mukulu, umutendelela pamue ne nzubu wende mujima. Uvua wambuluisha bakengi ba bena Yuda ne bintu bivule, utendelela Mvidi Mukulu misangu ne misangu. 3Dituku kampanda, ku diba dia isatu wa dilolu, Mvidi Mukulu kumuleja malu. Kumonaye patoke mutumibue wa Mvidi Mukulu, ubuela mu nzubu muende, umubikila ne:
— Korneliyuse!
4Korneliyuse kutangila mutumibue wa Mvidi Mukulu ne bowa, kumuebeja ne:
— Mukalenga, udi wamba bishi?
Mutumibue kuandamuna ne:
— Mvidi Mukulu udi ukuvuluka, ukuanyisha bua dimutendelela diebe, kabidi ne bua bintu biudi upesha bapele. 5Nanku tuma bantu mu Yope, ubikidishe Simone, udi dina dikuabu ne Petro. 6Udi usomba kua munga Simone, muena mudimu wa biseba, muena nzubu udi ku muelelu wa mayi manene.
7Mutumibue mumane kumuka, ke Korneliyuse kubikila bena mudimu bende babidi, ne musolayi umue wa ku bavua bamulama, uvua pende muntu wa Mvidi Mukulu. 8Kubalondelaye bionsu bivua bipita. Pashishe kubatumaye ku Yope.
9Butshia, patshivuabu mu njila, basemena pabuipi ne Yope, Petro kubanda ku tshibambalu tshia kulu kua nzubu, diba dia munda munya, bua kutendelela Mvidi Mukulu. 10Nzala kumusuma. Kujingaye kudia. Patshivuabu bamulongoluela biakudia, Mvidi Mukulu kumuleja malu. 11Kumonaye diulu diunzuluka, kabidi tshintu bu tshilamba tshinene tshia pa mesa, batshikuata ku nsongu inayi, tshienda tshipueka panshi. 12Munda muatshi muvua nyama ya mishindu yonsu: ya mikonu inayi, bilandadi, ne nyunyi ya kulu. 13Petro kumvua diyi, dimuamba ne:
— Petro, juka, ushipe, udie!
14Ke Petro kuandamuna ne:
— Mfumu, tshiena mua kuenza nanku to! Bualu katshia tshiena muanji kudia tshintu tshidi Mvidi Mukulu mukandike, nansha tshia mikiya.#10.14 Tangila Lev 11.1-47; Yez 4.14.
15Kumvuaye tshiakabidi diyi, dimuandamuna ne:
— Tshidi Mvidi Mukulu muambe ne: katshiena ne mikiya, wewe kuena mua kutshiamba ne: tshidi ne mikiya!#10.15 Fuanyikija ne Mar 7.15, 19.
16Kuenzekabi nanku misangu isatu. Pashishe kupingajabu tshintu atshi mu diulu.
17Petro uvua ulubakana, ukeba kujingulula malu avuabu bamuleje. Diba adi bantu bavua Korneliyuse mutume, bakavua bamane kuebeja, bua babaleje ku nzubu kua Simone. Mpindiewu bakavua mene ku tshiibi tshia nzubu. 18Kubikilabu bena nzubu, babakonka ne:
— Eku ke kudi Simone, udibu binyika kabidi Petro, usomba anyi?
19Petro utshivua amu ukeba kumvua malu avua Mvidi Mukulu mumuleje. Ke Mueyelu wa Mvidi Mukulu kumuambila ne: — Kudi bantu basatu badi bakukeba.#10.19 bantu basatu badi bakukeba: mu mikanda mikuabu ya kale, mbafunde amu ne: bantu; mu mukanda umue: muntu. 20Juka, tuluka panshi. Kuelakanyi to. Uye nabu. Meme ngudi mubatume.
21Nanku Petro kutuluka, kuya kuvua bantu abu, kubambila ne:
— Ke meme unudi nukeba ewu. Tshinudi bavuile ntshinyi?
22Bantu kuandamuna ne:
— Korneliyuse, mulombodi wa tshisumbu tshia basolayi, mmututume. Udi muntu muimpe, muitabi wa Mvidi Mukulu. Bena Yuda bonsu badi bamuanyisha. Mutumibue wa Mvidi Mukulu mmumulombe, bua akubikidishe kuende, umvue malu audi mua kumuambila.
23Ke Petro kubabueja mu nzubu, kubapa ne pa kulala. Butshia, Petro kumuka nabu. Bamue bena ditaba ba mu Yope kuya nende. 24Petro kufika mu Kezareya dituku divua dilonda. Korneliyuse uvua mumuindile, pamue ne bena diku diende, kabidi ne balunda bende ba pa muoyi, bavuaye mubikile. 25Amu Petro ubuela mu nzubu, Korneliyuse kumuakidila, kudiela ku makasa ende, kumuela muoyi ne kanemu ka bungi. 26Kadi Petro kumujula, kumuamba ne:
— Juka, bualu ndi amu muntu mudi bantu bonsu.
27Ke Petro ne Korneliyuse kubuela mu nzubu, benda bayukila. Petro kusangana bantu ba bungi badikungijamu. 28Kubambilaye ne:
— Nudi bamanye mudi meyi ne mikandu bietu bikandike bikole bua muena Yuda kumvuangana ne bantu ba bisamba bikuabu, nansha kubuela mu nzubu yabu. Kadi Mvidi Mukulu mmundeje mundi tshiyi mua kutangila muntu nansha umue ne: udi ne mikiya, nansha kubenga kubuela kuende. 29Ke pandi mufike, paudi mumbikile, tshiyi mbenga. Nanku ndi nnuebeja ne: tshinudi bambikidile ntshinyi?
30Korneliyuse kuandamuna ne:
— Kukadi matuku asatu, mvua ntendelela#10.30 mvua ntendelela: mu mikanda mikuabu ya kale mbafunde ne: mvua ntendelela, njila kabidi biakudia. ku nzubu kuanyi, pa diba edi dia isatu wa dilolu. Meme kumona muntu umueneka diakamue kumpala kuanyi, muvuale tshilamba tshibalakana. 31Kungambilaye ne: “Korneliyuse, Mvidi Mukulu mmumvue muudi umutendelela, kabidi mmuvuluke muudi wambuluisha bapele. 32Nanku tuma bantu mu Yope, babikile Simone udi kabidi dina ne Petro. Udi usomba ku nzubu kua munga Simone, muena mudimu wa biseba, muena nzubu udi ku muelelu wa mayi manene.” 33Ke meme kukubikidisha diakamue. Wewe pebe udi muenze bimpe, bu muudi mufike. Mpindiewu tudi bonsu kumpala kua Mvidi Mukulu, bua kumvua tshidi Mfumu mukuambile bua kutumanyisha.
Petro udi ulongesha bantu mu nzubu mua Korneliyuse
34Ke Petro kuambila bantu ne:
— Mpindiewu ndi njadika ne: Mvidi Mukulu kena ne kansungasunga.#10.34 Fuanyikija ne Diel 10.17. 35Muntu nansha wa mu tshisamba kaayi, udi umutshina, wenza tshidiye musue, Mvidi Mukulu udi mumuanyishe. 36Nudi bamanye Lumu lua Disanka ludi Mvidi Mukulu mumanyishe bena Izrayele. mMubambile ne: nenupete bupole#10.36 Fuanyikija ne Yesh 52.7. kudi Yezu Kristu, Mfumu wa bantu bonsu. 37Nudi bamanye bivua bienzeka bangabanga mu Ngalileya, pashishe mu Yudeya mujima, Yowanane mumane kulongesha bantu, mubatue mu mayi. 38Nudi bamanye Yezu wa muNazarete, uvua Mvidi Mukulu musungule. Uvua mumuwuje ne Mueyelu wende wa Tshijila, kabidi ne bukole buende. Nanku Yezu kuendakana mu ditunga dijima, wenza bilenga, ujikija masama a bantu bonsu, bavuabu bakuate kudi mukishi mubi. Bualu Mvidi Mukulu uvua nende. 39Tuetu tudi bajadiki ba bionsu bivuaye muenze mu ditunga dijima dia bena Yuda, ne mu Yerushalayime. Bavua bamushipeshe, bamupopele pa mutshi mutshiamakane. 40Kadi Mvidi Mukulu uvua mumubishe ku lufu dituku disatu, muanyishe bua amuenekele bantu, 41ki mbantu bonsu to, kadi amu tuetu bajadiki bavua Mvidi Mukulu mudianze kusungula. Mvidi Mukulu mumane kumubisha ku bafue, tuvua badie, banue nende.#10.41 Tangila Luk 24.30,42; MM 1.4. 42Yezu kututumina diyi dia kulongesha bantu, kubajadikila ne: Mvidi Mukulu mmumuteke bua kulumbuluisha badi ne muoyi, ne bafue. 43Bambi bonsu badi bajadika bualu buende ne: muntu yonsu udi witaba Kristu, bukole bua dina diende nebumujimijile mibi yende.#10.43 Tangila Yesh 53.5-6; Yirm 31.34.
Bantu ba bisamba bikuabu badi bapeta Mueyelu wa Tshijila
44Patshivua Petro wakula nanku, Mueyelu wa Tshijila kupuekela bantu bonsu bavua bamuteleja. 45Bena ditaba ba mu tshisamba tshia bena Yuda, bavua bafika ne Petro, kukema bikole pa kumona muvua Mvidi Mukulu mupuekeshile ne bantu ba mu bisamba bikuabu Mueyelu wa Tshijila. 46Bualu bavua bumvua bantu abu bakula miakulu ivuabu kabayi bamanye, batumbisha bunene bua Mvidi Mukulu. Ke Petro kuamba ne:
47— Bu mudi bantu abu bamane kupeta Mueyelu wa Tshijila mumue netu, udi mua kukandika bua babatue mu mayi nnganyi? 48Kutumaye diyi bua babatue mu mayi mu dina dia Yezu Kristu. Bantu abu kulomba Petro bua ashaleku nabu amue matuku.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible avec Livres Deutérocanoniques en Tshiluba © Société Biblique de la R. D. Congo, 1996