Matthew 28
28
Jesus no Wusoɛr
(Mark 16.1-10; Luke 24.1-12; John 20.1-10)
1Ahomgyeda no twaa mu, na da a odzi dapɛn no kan no enyim retsetsew no, Mary Magdalene nye Mary baako no baa dɛ wɔrobɔhwɛ nda no. 2Na hwɛ, asaase wosoow kɛse papaapa, na Ewuradze bɔfoe fi sor sianee na ɔbae bepireew ɔbo no fii nda no ano, na ɔtsenaa do. 3Na no ho tse dɛ enyinam, na n’efuradze hoa dɛ esukwankyɛba. 4Na no ho hu ntsi hɔn a wɔroweɔn no ho popoe, na wɔyɛɛ dɛ ewufo. 5Na ɔbɔfo no buae see mbaa no dɛ, Mma hom nnsuro, na minyim dɛ hom rohwehwɛ Jesus a wɔbɔɔ no mbeamudua mu no. 6Onnyi ha: na ɔasoɛr dɛ mbrɛ ɔkae no: hom mbra mbɔhwɛ mbrɛ Ewuradze dae. 7Na hom nkɔ ntsɛm nkɛka nkyerɛ n’esuafo no dɛ, Ɔasoɛr efi ewufo mu; na hwɛ, oedzi hom enyim kɔ Galilii: hɔ na hom bohu no; hwɛ, maka akyerɛ hom. 8Na wofiir edzi ntsɛm fii nda no ho dze suro nye dɛw kɛse tutuu mbirika dɛ wɔrekɛka akyerɛ n’esuafo no. 9Na hwɛ, Jesus hyiaa hɔn see hɔn dɛ, Mema hom mbo na yɛ o! Na wɔbaa bosusuoo n’anan mu, na wɔkotoow no. 10Nna Jesus see hɔn dɛ, Mma hom nnsuro; hom nkɔ nkɛka nkyerɛ mo nuanom dɛ wɔnkɔ Galilii, na hɔ na wobohu me.
Aweɔmfo no hɔn Amandzɛɛ
11Na wɔrokɔ no, hwɛ, aweɔmfo no mu binom baa kurow no mu bɛkaa nsɛm a esi no nyina kyerɛɛ asɔfompanyin no. 12Na wɔnye mpanyimfo no hyiae na wɔfaa apam no, wɔmaa nsordaafo no sika kɛse, 13na wɔsee dɛ, Hom nka dɛ, Anadwe a yɛdae no nna n’esuafo bae bowiaa no. 14Na sɛ iyi du ambrado asomu a, yebotu n’aso esuma, na yɛamma annyɛ hom do asɛm. 15Na wɔgyee sika no, na wɔkɛyɛɛ dɛ mbrɛ wɔkyerɛkyerɛɛ hɔn no; na asɛm yi tahyee wɔ Jewfo mu dze bodu ndɛ.
Soma a Jesus Dze Somaa N’esuafo no
(Mark 16.14-18; Luke 24.36-49; John 20.19-23; Ndwuma 1.6-8)
16 #
Mat 26.32; Mar 14.28 Na esuafo dubiako no sii mu kɔr Galilii, wɔ kokwaa a Jesus kyerɛɛ hɔn no do. 17Na wohun no no, wɔkotoow no; na binom gyee ekyingye. 18Na Jesus bɛkasaa kyerɛɛ hɔn dɛ, Wɔdze sor nye asaase do tum nyina ama me. 19#Ndwu 1.8 Dɛm ntsi hom nkɔ nkɛyɛ amanaman nyina m’esuafo, na hom nnuma hɔn nhyɛ Egya, nye Ɔba, nye Sunsum Krɔnkrɔn dzin mu; 20na hom nkyerɛkyerɛ hɔn dɛ wondzi dza mahyɛ hom nyina do: na hwɛ, menye hom wɔ hɔ daa, dze kesi wiadze ewiei.
ទើបបានជ្រើសរើសហើយ៖
Matthew 28: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Matthew 28
28
Jesus no Wusoɛr
(Mark 16.1-10; Luke 24.1-12; John 20.1-10)
1Ahomgyeda no twaa mu, na da a odzi dapɛn no kan no enyim retsetsew no, Mary Magdalene nye Mary baako no baa dɛ wɔrobɔhwɛ nda no. 2Na hwɛ, asaase wosoow kɛse papaapa, na Ewuradze bɔfoe fi sor sianee na ɔbae bepireew ɔbo no fii nda no ano, na ɔtsenaa do. 3Na no ho tse dɛ enyinam, na n’efuradze hoa dɛ esukwankyɛba. 4Na no ho hu ntsi hɔn a wɔroweɔn no ho popoe, na wɔyɛɛ dɛ ewufo. 5Na ɔbɔfo no buae see mbaa no dɛ, Mma hom nnsuro, na minyim dɛ hom rohwehwɛ Jesus a wɔbɔɔ no mbeamudua mu no. 6Onnyi ha: na ɔasoɛr dɛ mbrɛ ɔkae no: hom mbra mbɔhwɛ mbrɛ Ewuradze dae. 7Na hom nkɔ ntsɛm nkɛka nkyerɛ n’esuafo no dɛ, Ɔasoɛr efi ewufo mu; na hwɛ, oedzi hom enyim kɔ Galilii: hɔ na hom bohu no; hwɛ, maka akyerɛ hom. 8Na wofiir edzi ntsɛm fii nda no ho dze suro nye dɛw kɛse tutuu mbirika dɛ wɔrekɛka akyerɛ n’esuafo no. 9Na hwɛ, Jesus hyiaa hɔn see hɔn dɛ, Mema hom mbo na yɛ o! Na wɔbaa bosusuoo n’anan mu, na wɔkotoow no. 10Nna Jesus see hɔn dɛ, Mma hom nnsuro; hom nkɔ nkɛka nkyerɛ mo nuanom dɛ wɔnkɔ Galilii, na hɔ na wobohu me.
Aweɔmfo no hɔn Amandzɛɛ
11Na wɔrokɔ no, hwɛ, aweɔmfo no mu binom baa kurow no mu bɛkaa nsɛm a esi no nyina kyerɛɛ asɔfompanyin no. 12Na wɔnye mpanyimfo no hyiae na wɔfaa apam no, wɔmaa nsordaafo no sika kɛse, 13na wɔsee dɛ, Hom nka dɛ, Anadwe a yɛdae no nna n’esuafo bae bowiaa no. 14Na sɛ iyi du ambrado asomu a, yebotu n’aso esuma, na yɛamma annyɛ hom do asɛm. 15Na wɔgyee sika no, na wɔkɛyɛɛ dɛ mbrɛ wɔkyerɛkyerɛɛ hɔn no; na asɛm yi tahyee wɔ Jewfo mu dze bodu ndɛ.
Soma a Jesus Dze Somaa N’esuafo no
(Mark 16.14-18; Luke 24.36-49; John 20.19-23; Ndwuma 1.6-8)
16 #
Mat 26.32; Mar 14.28 Na esuafo dubiako no sii mu kɔr Galilii, wɔ kokwaa a Jesus kyerɛɛ hɔn no do. 17Na wohun no no, wɔkotoow no; na binom gyee ekyingye. 18Na Jesus bɛkasaa kyerɛɛ hɔn dɛ, Wɔdze sor nye asaase do tum nyina ama me. 19#Ndwu 1.8 Dɛm ntsi hom nkɔ nkɛyɛ amanaman nyina m’esuafo, na hom nnuma hɔn nhyɛ Egya, nye Ɔba, nye Sunsum Krɔnkrɔn dzin mu; 20na hom nkyerɛkyerɛ hɔn dɛ wondzi dza mahyɛ hom nyina do: na hwɛ, menye hom wɔ hɔ daa, dze kesi wiadze ewiei.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.