Eksodɔs 34
34
Moses Kɛgye Mbrasɛm Du No Bio
(Deuteronomi 10.1-5)
1Na EWURADZE see Moses dɛ, Sen abopon ebien a ɔtse dɛ kan no dze no: na menkyerɛw kan no apon no a ebobɔɔ no no do nsɛm no, wɔ do. 2Na siesie woho sie anapa, na fow bra bepɔw Sinai do anapa no, na yi woho wɔ hɔ kyerɛ me wɔ bepɔw no etsifi. 3Na mma nyimpa biara nnka wo ho mmfow mmba, nkyii so mma wonnhu nyimpa biara wɔ bepɔw no do beebiara; na mma nguan anaa anantwi so nndzidzi wɔ bepɔw no ho. 4Na ɔseen abopon ebien a ɔtse dɛ kan no dze no; na Moses soɛɛr ahanamakye, na ɔfowee kɔr bepɔw Sinai do, dɛ mbrɛ EWURADZE hyɛɛ no no na ɔfaa abopon ebien no kitsaa ne nsamu. 5Na EWURADZE nam mununkum mu sianee, na ɔnye no begyinaa hɔ, na ɔpaa EWURADZE ne dzin. 6#Eks 20.5, 6; Nka 14.18; Deut 5.9, 10; 7.9, 10 Na EWURADZE twaa mu wɔ n’enyim, na ɔpaa dɛ, EWURADZE, EWURADZE, Nyankopɔn a ayamuhyehye nye adom ahyɛ no ma, ɔfa ebufuw nyaa, na no mbɔbɔrhu nye no nokwar dɔɔ so; 7osie mbɔbɔrhu ma mpempem, na ɔdze emumuyɛ nye mbrato nye bɔn kyɛ: na ɔmma afɔdzifo nndzi bem; ɔdze egyanom hɔn emumuyɛ hwɛ mba nye mbanananom, kesi mbasantsen ebiasa nye anan do. 8Na Moses yɛɛ ntsɛm, na ɔbɔɔ ne tsir adze wɔ famu, na ɔsɔree. 9Na ɔsee dɛ, Sɛ afei menya w’enyim enyimnyam a, EWURADZE, mepa wo kyɛw, ma EWURADZE ndzi hɛn mu nkɔ; osiandɛ wɔyɛ ɔman akɔnkyefo; na fa hɛn emumuyɛ nye hɛn bɔn kyɛ hɛn, na fa hɛn yɛ w’egyapadze.
Wodzi Ahyɛmu No Fofor
(Eksodɔs 23.14-19; Deuteronomi 7.1-5; 16.1-17)
10Na ɔsee dɛ, Hwɛ, miridzi ahyɛmu: wo man nyinara enyim na mebɛyɛ anwanwadze, dza wɔnnyɛɛ bi da wɔ asaase nyinara do, anaaso ɔman biara mu: na nkorɔfo a ewɔ hɔn mu nyinara ehu EWURADZE edwuma, osiandɛ adze a medze wo rebɛyɛ no yɛ hu. 11Dwen dza merehyɛ wo ndɛ yi do: hwɛ, murutu Amorinyi, Keenannyi, Hitinyi, Periznyi, Hivinyi, nye Jebusnyi no wɔ w’enyim. 12Hwɛ woho yie, amma ennye asaase a erokɔ do no do atsefo no eenndzi ahyɛmu: 13#Deut 16.21 mbom hom mbubu hɔn afɔrmbukyia, wondwuruw hɔn edum, na wontwitwa hɔn Aserim no ngu: 14na mma nnsɔr onyame fofor bi: osiandɛ EWURADZE, nyia ne dzin nye Onyinkufo No, ɔyɛ Nyame nyinkufo: 15ɔno bɛyɛ na enye asaase no do atsefo no edzi ahyɛmu, na woekedzi hɔn enyame ekyir abɔ ndwamambra, na wɔabɔ afɔr ama hɔn enyame, na obi afrɛ wo na wo so ekedzi n’afɔrbɔdze no bi; 16na afa hɔn mbabaa ama wo mbabanyin awar, na hɔn mbabaa no edzi hɔn enyame no ekyir abɔ ndwamambra, na wɔama wo mbabanyin no ekedzi hɔn enyame no ekyir abɔ ndwamambra. 17#Eks 20.4; Lev 19.4; Deut 5.8; 27.15 Mma nnyɛ enyame a woegu mma woho. 18#Eks 12.14-20; Lev 23.6-8; Nka 28.16-25 Sie epitsi afahyɛ no. Nda esuon na dzi epitsi, dɛ mbrɛ mehyɛɛ wo no, bosoom Abib mu wɔ mber a wɔahyɛ no mu: osiandɛ bosoom Abib mu na ifii Egypt bae. 19#Eks 13.2 Dza obue yafun mu nyinara medze a; nye wo fiembowa nyinara mu mbakan a wɔyɛ enyin no, ɔnantwi o, oguan o. 20#Eks 13.13 Na asoasopɔnkɔ abakan dze fa eguambaa pon: na sɛ ammpon no a, ɔno bu no kɔn mu. Wo mbabanyin mu mbakan nyinara dze sesa pon hɔn. Na mma obiara mmfa nsapan mmbefir m’enyim. 21#Eks 20.9, 10; 23.12; 31.15; 35.2; Lev 23.3; Deut 5.13, 14 Nda esia na yɛ edwuma, na da a otsia esuon no dze, gye w’ahom: funtumber mu nye twaber mu na hom. 22#Lev 23.15-21; Nka 28.26-31; Lev 23.39-43 Na dwen adapɛn afahyɛ no do, ewifua twaber mu nduadzewakan no, nye anoboaboa afahyɛ no wɔ afe n’ewiei no. 23Afrenhyia mu mpɛn ebiasa na wo mbabanyin nyinara mbefir wɔ EWURADZE Nyankopɔn, Israel Nyankopɔn no enyim. 24Na mubotutu amanaman wɔ w’enyim, na matsɛw w’ahe mu: nkyii so sɛ erofow akɔ ekefir wɔ EWURADZE wo Nyankopɔn enyim afrenhyia mu mpɛn ebiasa a, nyimpa biara n’enyi nnkɛber w’asaase. 25#Eks 12.10 Mma mmfa mbɔrkaw nnka m’afɔr bɔgyaa ho; nkyii so mma adze nnkye apaho afahyɛ afɔr no do. 26#Deut 26.2; Deut 14.21 W’asaase mu nduadzewakan a odzi kan no fa bra EWURADZE wo Nyankopɔn fie. Mma nnoa apɔnkyeba wɔ ne na no numfonsu mu. 27Na EWURADZE see Moses dɛ, Kyerɛw asɛm yi: na nsɛm yi do na megyina menye wo na ɔnye Israel edzi ahyɛmu. 28Na ɔnye EWURADZE dzii hɔ adaduanan adzekyee nye adzesaa; nkyii so oenndzi edziban, ɔannom nsu so. Na ɔkyerɛɛw ahyɛmu nsɛm no, mbransɛm du no wɔ apon no do.
29 #
2 Kor 3.7-16
Na ɔbaa dɛ, aber a Moses fi bepɔw Sinai do sianee no, nna dasepon ebien no dze ne nsamu, na aber a Moses fi bepɔw no do sianee no, nna onnyim dɛ osiandɛ ɔnye EWURADZE kasae ntsi n’enyim wer ahyerɛn. 30Na aber a Aaron nye Israelmba no nyinara hun Moses no, hwɛ, nna n’enyim wer hyerɛn: na wosuroo dɛ wɔbɛbɛn no. 31Na Moses frɛɛ hɔn; na Aaron nye mboanofo no mu mpanyimfo no nyinara sanee baa ne nkyɛn: na Moses kasaa kyerɛɛ hɔn. 32Na n’ekyir no Israelmba no nyinara twee bɛnee: na ɔdze dza EWURADZE kaa kyerɛɛ no wɔ bepɔw Sinai do no nyinara hyɛɛ hɔn mbra. 33Na aber a Moses nye hɔn wiee kasa no, ɔdze nkataenyim kataa n’enyim. 34Na aber a Moses rokɔ EWURADZE enyim nye no akɛkasa no, oyii nkataenyim no, dze kodur dɛ ofii ne nkyɛn; na ofii ne nkyɛn na ɔbɛkaa dza wɔdze hyɛɛ no no kyerɛɛ Israelmba no; 35na Israelmba no hun Moses n’enyim dɛ Moses n’enyim wer no hyerɛn: na Moses dze nkataenyim kataa n’enyim bio, kodur dɛ ɔkɔr mu nye EWURADZE kɛkasae.
ទើបបានជ្រើសរើសហើយ៖
Eksodɔs 34: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Eksodɔs 34
34
Moses Kɛgye Mbrasɛm Du No Bio
(Deuteronomi 10.1-5)
1Na EWURADZE see Moses dɛ, Sen abopon ebien a ɔtse dɛ kan no dze no: na menkyerɛw kan no apon no a ebobɔɔ no no do nsɛm no, wɔ do. 2Na siesie woho sie anapa, na fow bra bepɔw Sinai do anapa no, na yi woho wɔ hɔ kyerɛ me wɔ bepɔw no etsifi. 3Na mma nyimpa biara nnka wo ho mmfow mmba, nkyii so mma wonnhu nyimpa biara wɔ bepɔw no do beebiara; na mma nguan anaa anantwi so nndzidzi wɔ bepɔw no ho. 4Na ɔseen abopon ebien a ɔtse dɛ kan no dze no; na Moses soɛɛr ahanamakye, na ɔfowee kɔr bepɔw Sinai do, dɛ mbrɛ EWURADZE hyɛɛ no no na ɔfaa abopon ebien no kitsaa ne nsamu. 5Na EWURADZE nam mununkum mu sianee, na ɔnye no begyinaa hɔ, na ɔpaa EWURADZE ne dzin. 6#Eks 20.5, 6; Nka 14.18; Deut 5.9, 10; 7.9, 10 Na EWURADZE twaa mu wɔ n’enyim, na ɔpaa dɛ, EWURADZE, EWURADZE, Nyankopɔn a ayamuhyehye nye adom ahyɛ no ma, ɔfa ebufuw nyaa, na no mbɔbɔrhu nye no nokwar dɔɔ so; 7osie mbɔbɔrhu ma mpempem, na ɔdze emumuyɛ nye mbrato nye bɔn kyɛ: na ɔmma afɔdzifo nndzi bem; ɔdze egyanom hɔn emumuyɛ hwɛ mba nye mbanananom, kesi mbasantsen ebiasa nye anan do. 8Na Moses yɛɛ ntsɛm, na ɔbɔɔ ne tsir adze wɔ famu, na ɔsɔree. 9Na ɔsee dɛ, Sɛ afei menya w’enyim enyimnyam a, EWURADZE, mepa wo kyɛw, ma EWURADZE ndzi hɛn mu nkɔ; osiandɛ wɔyɛ ɔman akɔnkyefo; na fa hɛn emumuyɛ nye hɛn bɔn kyɛ hɛn, na fa hɛn yɛ w’egyapadze.
Wodzi Ahyɛmu No Fofor
(Eksodɔs 23.14-19; Deuteronomi 7.1-5; 16.1-17)
10Na ɔsee dɛ, Hwɛ, miridzi ahyɛmu: wo man nyinara enyim na mebɛyɛ anwanwadze, dza wɔnnyɛɛ bi da wɔ asaase nyinara do, anaaso ɔman biara mu: na nkorɔfo a ewɔ hɔn mu nyinara ehu EWURADZE edwuma, osiandɛ adze a medze wo rebɛyɛ no yɛ hu. 11Dwen dza merehyɛ wo ndɛ yi do: hwɛ, murutu Amorinyi, Keenannyi, Hitinyi, Periznyi, Hivinyi, nye Jebusnyi no wɔ w’enyim. 12Hwɛ woho yie, amma ennye asaase a erokɔ do no do atsefo no eenndzi ahyɛmu: 13#Deut 16.21 mbom hom mbubu hɔn afɔrmbukyia, wondwuruw hɔn edum, na wontwitwa hɔn Aserim no ngu: 14na mma nnsɔr onyame fofor bi: osiandɛ EWURADZE, nyia ne dzin nye Onyinkufo No, ɔyɛ Nyame nyinkufo: 15ɔno bɛyɛ na enye asaase no do atsefo no edzi ahyɛmu, na woekedzi hɔn enyame ekyir abɔ ndwamambra, na wɔabɔ afɔr ama hɔn enyame, na obi afrɛ wo na wo so ekedzi n’afɔrbɔdze no bi; 16na afa hɔn mbabaa ama wo mbabanyin awar, na hɔn mbabaa no edzi hɔn enyame no ekyir abɔ ndwamambra, na wɔama wo mbabanyin no ekedzi hɔn enyame no ekyir abɔ ndwamambra. 17#Eks 20.4; Lev 19.4; Deut 5.8; 27.15 Mma nnyɛ enyame a woegu mma woho. 18#Eks 12.14-20; Lev 23.6-8; Nka 28.16-25 Sie epitsi afahyɛ no. Nda esuon na dzi epitsi, dɛ mbrɛ mehyɛɛ wo no, bosoom Abib mu wɔ mber a wɔahyɛ no mu: osiandɛ bosoom Abib mu na ifii Egypt bae. 19#Eks 13.2 Dza obue yafun mu nyinara medze a; nye wo fiembowa nyinara mu mbakan a wɔyɛ enyin no, ɔnantwi o, oguan o. 20#Eks 13.13 Na asoasopɔnkɔ abakan dze fa eguambaa pon: na sɛ ammpon no a, ɔno bu no kɔn mu. Wo mbabanyin mu mbakan nyinara dze sesa pon hɔn. Na mma obiara mmfa nsapan mmbefir m’enyim. 21#Eks 20.9, 10; 23.12; 31.15; 35.2; Lev 23.3; Deut 5.13, 14 Nda esia na yɛ edwuma, na da a otsia esuon no dze, gye w’ahom: funtumber mu nye twaber mu na hom. 22#Lev 23.15-21; Nka 28.26-31; Lev 23.39-43 Na dwen adapɛn afahyɛ no do, ewifua twaber mu nduadzewakan no, nye anoboaboa afahyɛ no wɔ afe n’ewiei no. 23Afrenhyia mu mpɛn ebiasa na wo mbabanyin nyinara mbefir wɔ EWURADZE Nyankopɔn, Israel Nyankopɔn no enyim. 24Na mubotutu amanaman wɔ w’enyim, na matsɛw w’ahe mu: nkyii so sɛ erofow akɔ ekefir wɔ EWURADZE wo Nyankopɔn enyim afrenhyia mu mpɛn ebiasa a, nyimpa biara n’enyi nnkɛber w’asaase. 25#Eks 12.10 Mma mmfa mbɔrkaw nnka m’afɔr bɔgyaa ho; nkyii so mma adze nnkye apaho afahyɛ afɔr no do. 26#Deut 26.2; Deut 14.21 W’asaase mu nduadzewakan a odzi kan no fa bra EWURADZE wo Nyankopɔn fie. Mma nnoa apɔnkyeba wɔ ne na no numfonsu mu. 27Na EWURADZE see Moses dɛ, Kyerɛw asɛm yi: na nsɛm yi do na megyina menye wo na ɔnye Israel edzi ahyɛmu. 28Na ɔnye EWURADZE dzii hɔ adaduanan adzekyee nye adzesaa; nkyii so oenndzi edziban, ɔannom nsu so. Na ɔkyerɛɛw ahyɛmu nsɛm no, mbransɛm du no wɔ apon no do.
29 #
2 Kor 3.7-16
Na ɔbaa dɛ, aber a Moses fi bepɔw Sinai do sianee no, nna dasepon ebien no dze ne nsamu, na aber a Moses fi bepɔw no do sianee no, nna onnyim dɛ osiandɛ ɔnye EWURADZE kasae ntsi n’enyim wer ahyerɛn. 30Na aber a Aaron nye Israelmba no nyinara hun Moses no, hwɛ, nna n’enyim wer hyerɛn: na wosuroo dɛ wɔbɛbɛn no. 31Na Moses frɛɛ hɔn; na Aaron nye mboanofo no mu mpanyimfo no nyinara sanee baa ne nkyɛn: na Moses kasaa kyerɛɛ hɔn. 32Na n’ekyir no Israelmba no nyinara twee bɛnee: na ɔdze dza EWURADZE kaa kyerɛɛ no wɔ bepɔw Sinai do no nyinara hyɛɛ hɔn mbra. 33Na aber a Moses nye hɔn wiee kasa no, ɔdze nkataenyim kataa n’enyim. 34Na aber a Moses rokɔ EWURADZE enyim nye no akɛkasa no, oyii nkataenyim no, dze kodur dɛ ofii ne nkyɛn; na ofii ne nkyɛn na ɔbɛkaa dza wɔdze hyɛɛ no no kyerɛɛ Israelmba no; 35na Israelmba no hun Moses n’enyim dɛ Moses n’enyim wer no hyerɛn: na Moses dze nkataenyim kataa n’enyim bio, kodur dɛ ɔkɔr mu nye EWURADZE kɛkasae.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.