Eksodɔs 27
27
Afɔrmbukyia No Ho Nhyehyɛɛ
1Na fa akeesia dua yɛ afɔrmbukyia no, ne tsentsen basafa ebien nye fa, na ne tɛtɛr basafa ebien nye fa; afɔrmbukyia no nyɛ etwaanan: na no krɔn nyɛ basafa kor nye fa. 2Na yɛ no ho mbɛn sisi no kutuw anan no do: ne mbɛn no nye no mfi sin kor no ara mu: na fa boran dura ho. 3Na yɛ n’asɛn a wɔdze no nso bogu mu, nye no nsofi, nye no nkɔɔpow, nye n’edzinam, nye ne gyansenama kukuwa: no ho ndzɛmba nyinara boran na fa yɛ. 4Na fa boran wen no ho serɛnkye dɛ erowen atena; na yɛ atena no do boran nkaba anan wɔ no kutuw anan no do. 5Na fa si afɔrmbukyia no ne bamba no ho wɔ ase, ma atena no ndu afɔrmbukyia no ne finimfin. 6Na sinsian afɔrmbukyia no ho mpoma, akeesia dua mpoma, na duradura ho boran. 7Na wɔmfa no mpoma no nwurawura nkaba no mu, na mpoma no nhyehyɛ afɔrmbukyia no ne nkyɛn nkyɛn ebien no, na wɔdze aasoa. 8Fa ntaabow yɛ, na no mu nda kwan: dɛ mbrɛ wɔakyerɛ wo wɔ bepɔw no do no, dɛmara na wɔnyɛ no.
Asɛndzibea No Ho Nhyehyɛɛ
(Eksodɔs 38.9-20)
9Na yɛ ntamadan no ne dampan: pomu afamu a ɔkyerɛ pomu na dampan nsensɛnho a wɔdze ndwera fɛɛfɛw a woefira awen a ne tsentsen yɛ basafa eduonum ndzi wɔ afa fakor: 10na n’edum nyɛ eduonu, na ne ngyinado eduonu a wɔdze boran ayɛ: edum no no nkwaba nye no mbɔtsir nyɛ dwetɛ. 11Na dɛmara so na kwaamu afamu ne tsentsen mu na nsensɛnho a ne tsentsen basafa eduonum ndzi hɔ, na n’edum eduonu, nye ne ngyinado eduonu a wɔdze boran ayɛ; edum no no nkwaba nye no mbɔtsir nyɛ dwetɛ. 12Na dampan no ne tɛtɛr a odzi anee afamu no nnya nsensɛnho basafa eduonu enum: n’edum du, nye ne ngyinado du. 13Na dampan no ne tɛtɛr a odzi boka afamu a ɔkyerɛ boka no nyɛ basafa eduonu enum. 14Ɔponkɛse no afa fakor nsensɛnho no nyɛ basafa esuon nye fa: n’edum ebiasa, nye ne ngyinado ebiasa. 15Na nkyɛn fakor so nsensɛnho no nyɛ basafa esuon nye fa: n’edum ebiasa, nye ne ngyinado ebiasa. 16Na dampan no ano ponkɛse no nyɛ basafa du, wɔmfa bibir, ɔberdum, serdaa, nye ndwera fɛɛfɛw a woefira ayɛ nkyermu, nyɛ ne nkataano: n’edum anan, nye ne ngyinado anan. 17Edum a otwa dampan no ho hyia nyinara wɔmfa dwetɛ mbobɔ no mbɔtsir; no nkwaba nyɛ dwetɛ, na ne ngyinado nyɛ boran. 18Dampan no ne tsentsen nyɛ basafa eduonum, na ne tɛtɛr mu beebiara eduonu enum, na no krɔn basafa ebien nye fa, ndwera fɛɛfɛw a woefira, na no boran ngyinado. 19Ntamadan no ho som nyinara mu ndzɛmba nyinara, nye no mbɔfondua nyinara, nye dampan no ho mbɔfondua nyinara nyɛ boran.
Kandzea No Ho Mbra
(Levitikɔs 24.1-4)
20Na hyɛ Israelmba no ma wɔmbrɛ wo olive ngo gyenengyenen a woesiw a wɔdze sɔ gya, ma ɔmma kandzea nsi do daa. 21Ehyiadzibuw no mu, ntwamutam a ɔwɔ dase no enyim no n’ekyir, na Aaron nye ne mbabanyin no nsiesie mfi ewimbir nkodu anapa wɔ EWURADZE enyim: ɔnyɛ daa ahyɛdze wɔ Israelmba afamu wɔ hɔn ebusuasantsen nyina mu.
ទើបបានជ្រើសរើសហើយ៖
Eksodɔs 27: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Eksodɔs 27
27
Afɔrmbukyia No Ho Nhyehyɛɛ
1Na fa akeesia dua yɛ afɔrmbukyia no, ne tsentsen basafa ebien nye fa, na ne tɛtɛr basafa ebien nye fa; afɔrmbukyia no nyɛ etwaanan: na no krɔn nyɛ basafa kor nye fa. 2Na yɛ no ho mbɛn sisi no kutuw anan no do: ne mbɛn no nye no mfi sin kor no ara mu: na fa boran dura ho. 3Na yɛ n’asɛn a wɔdze no nso bogu mu, nye no nsofi, nye no nkɔɔpow, nye n’edzinam, nye ne gyansenama kukuwa: no ho ndzɛmba nyinara boran na fa yɛ. 4Na fa boran wen no ho serɛnkye dɛ erowen atena; na yɛ atena no do boran nkaba anan wɔ no kutuw anan no do. 5Na fa si afɔrmbukyia no ne bamba no ho wɔ ase, ma atena no ndu afɔrmbukyia no ne finimfin. 6Na sinsian afɔrmbukyia no ho mpoma, akeesia dua mpoma, na duradura ho boran. 7Na wɔmfa no mpoma no nwurawura nkaba no mu, na mpoma no nhyehyɛ afɔrmbukyia no ne nkyɛn nkyɛn ebien no, na wɔdze aasoa. 8Fa ntaabow yɛ, na no mu nda kwan: dɛ mbrɛ wɔakyerɛ wo wɔ bepɔw no do no, dɛmara na wɔnyɛ no.
Asɛndzibea No Ho Nhyehyɛɛ
(Eksodɔs 38.9-20)
9Na yɛ ntamadan no ne dampan: pomu afamu a ɔkyerɛ pomu na dampan nsensɛnho a wɔdze ndwera fɛɛfɛw a woefira awen a ne tsentsen yɛ basafa eduonum ndzi wɔ afa fakor: 10na n’edum nyɛ eduonu, na ne ngyinado eduonu a wɔdze boran ayɛ: edum no no nkwaba nye no mbɔtsir nyɛ dwetɛ. 11Na dɛmara so na kwaamu afamu ne tsentsen mu na nsensɛnho a ne tsentsen basafa eduonum ndzi hɔ, na n’edum eduonu, nye ne ngyinado eduonu a wɔdze boran ayɛ; edum no no nkwaba nye no mbɔtsir nyɛ dwetɛ. 12Na dampan no ne tɛtɛr a odzi anee afamu no nnya nsensɛnho basafa eduonu enum: n’edum du, nye ne ngyinado du. 13Na dampan no ne tɛtɛr a odzi boka afamu a ɔkyerɛ boka no nyɛ basafa eduonu enum. 14Ɔponkɛse no afa fakor nsensɛnho no nyɛ basafa esuon nye fa: n’edum ebiasa, nye ne ngyinado ebiasa. 15Na nkyɛn fakor so nsensɛnho no nyɛ basafa esuon nye fa: n’edum ebiasa, nye ne ngyinado ebiasa. 16Na dampan no ano ponkɛse no nyɛ basafa du, wɔmfa bibir, ɔberdum, serdaa, nye ndwera fɛɛfɛw a woefira ayɛ nkyermu, nyɛ ne nkataano: n’edum anan, nye ne ngyinado anan. 17Edum a otwa dampan no ho hyia nyinara wɔmfa dwetɛ mbobɔ no mbɔtsir; no nkwaba nyɛ dwetɛ, na ne ngyinado nyɛ boran. 18Dampan no ne tsentsen nyɛ basafa eduonum, na ne tɛtɛr mu beebiara eduonu enum, na no krɔn basafa ebien nye fa, ndwera fɛɛfɛw a woefira, na no boran ngyinado. 19Ntamadan no ho som nyinara mu ndzɛmba nyinara, nye no mbɔfondua nyinara, nye dampan no ho mbɔfondua nyinara nyɛ boran.
Kandzea No Ho Mbra
(Levitikɔs 24.1-4)
20Na hyɛ Israelmba no ma wɔmbrɛ wo olive ngo gyenengyenen a woesiw a wɔdze sɔ gya, ma ɔmma kandzea nsi do daa. 21Ehyiadzibuw no mu, ntwamutam a ɔwɔ dase no enyim no n’ekyir, na Aaron nye ne mbabanyin no nsiesie mfi ewimbir nkodu anapa wɔ EWURADZE enyim: ɔnyɛ daa ahyɛdze wɔ Israelmba afamu wɔ hɔn ebusuasantsen nyina mu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.