Eksodɔs 23
23
Pɛrpɛryɛ
1 #
Eks 20.16; Lev 19.11, 12; Deut 5.20 Mma nntsie atorsɛm: mma nnye omumuyɛfo nndzi nsawosow dɛ ebɛyɛ ɔdasefo ɔkontompɔnyi. 2Mma nndzi ɔdodow ekyir nnkɛyɛ bɔn; nkyii so mma nnkasa asɛm bi mu nnkedzi ɔdodow ekyir nndan atsɛmbu enyi: 3#Lev 19.15 nkyii so mma nndzi nnkɔ ohianyi afa wɔ n’asɛm mu.
4 #
Deut 22.1-4
Sɛ ekɔto wo tamfo ne nantwi anaa n’asoaso dɛ ɔatɔ gon a, fa no san ekyir brɛ no bio. 5Sɛ ihu nyia okyir wo n’asoaso dɛ ɔhyɛ n’adzesoa ase, na nkyɛ ennkɛpɛ dɛ eboa no a, boa na nye no mboa no.
6 #
Lev 19.15; Deut 16.19 Mma nndan wo hianyi n’atsɛmbu enyi wɔ n’asɛm mu. 7Twe woho fi atorsɛm ho kɔ ekyirekyir; na mma nnku nyia odzi bem na ɔtsen: osiandɛ murummbu omumuyɛfo bem. 8Na mma nngye akyɛdze: osiandɛ akyɛdze ma hɔn a wɔwɔ enyiwa fura, na ɔkyeakyea atseneneefo nsɛm. 9#Eks 22.21; Lev 19.33, 34; Deut 24.17, 18; 27.19 Na mma nnhaw ɔhɔho: osiandɛ hom nyim ɔhɔho n’akoma, ɔnam dɛ hom yɛɛ ahɔho wɔ Egypt asaase do ntsi.
Afe Esuon No Na Nda Esuon No
10 #
Lev 25.1-7
Na mfe esia na pe w’asaase do aba, na boaboa no ndɔbaa ano sie: 11na afe a otsia esuon no dze ma ɔngye n’ahom na ɔnda hɔ kwa; ma wo man mu ehiafo ndzi: na dza wobegya no, hamu abowa ebedzi. Dɛmara na yɛ wo wenyin ture, nye wo ngodua ture. 12#Eks 20.9-11; 31.15; 34.21; 35.2; Lev 23.3; Deut 5.13, 14 Nda esia na fa yɛ w’edwuma, na da a otsia esuon no fa hom: na wo nantwi nye w’asoasopɔnkɔ eenya ahomgye: na w’afonabaa ba, nye ɔhɔho no so eenya ahomgye. 13Na hom nhwɛ yie wɔ ndzɛmba a maka akyerɛ hom nyinara ho: na mma hom mmbobɔ enyame afofor bi dzin, nkyii so mma mma wɔnntse no wɔ w’anomu.
Afahyɛ Akɛse Ebiasa No
(Eksodɔs 34.18-26; Deuteronomi 16.1-17)
14Mpɛn ebiasa na hyɛ fa ma me wɔ afrenhyia mu. 15#Eks 12.14-20; Lev 23.6-8; Nka 28.17-25 Sie epitsi afahyɛ no: nda esuon na dzi epitsi boodoo, dɛ mbrɛ mehyɛɛ wo no, wɔ mber a wɔahyɛ no wɔ bosoom Abib mu no (osiandɛ no mu na ifii Egypt bae); na mma obiara mmfa nsapan mmbefir m’enyim: 16#Lev 23.15-21; Nka 28.26-31; Lev 23.39-43 na otwaber afahyɛ no, w’edwumadze a eyɛ no wɔ haban mu no mu nduadzewakan no: na anoboaboa afahyɛ no wɔ afe no ewiei, aber a eboaboa wo ndwumadze ano fi haban mu no. 17Wo mbanyin nyinara mbefir EWURADZE Nyankopɔn enyim mpɛn ebiasa wɔ afrenhyia mu.
18Mma mmfa mbɔrkaw nnka m’afɔrbɔ bɔgya no ho mmbɔ afɔr; nkyii so mma m’afahyɛ mu seradze no ɔnnko hɔ anadwe nyinara ma onnkodu adzekyee. 19#Deut 26.2; Eks 34.26; Deut 14.21 Wo daadze mu nduadzewakan mu kan dze no fa bra EWURADZE wo Nyankopɔn fie. Mma nnoa apɔnkyeba wɔ ne na no numfonsu mu.
EWURADZE N’anohoba Na Mboa
20Hwɛ, morosoma ɔbɔfo ma oeedzi w’enyim akɔhwɛ wo wɔ ɔkwan no mu, na ɔdze wo ekodu bea a mesiesie no do. 21Hom nhwɛ yie wɔ no ho, na wontsie ne ndze; mma wonnyi no ebufuw: na ɔnnkɛfa hom mbrato akyɛ hom; osiandɛ me dzin wɔ no mu. 22Na sɛ itsie ne ndze ara ampa, na eyɛ dza meka nyinara a; ɔnodze, mebɛyɛ ɔtamfo ama w’atamfo, nye ɔhohiahianyi mama w’ahohiahiafo. 23Na mo bɔfoe no bedzi w’enyim akɔ, na ɔdze wo ekodu Amorifo, Hitifo, Perizfo, Keenanfo, Hivifo, nye Jebusfo nkyɛn: na mubotwa hɔn egu. 24Mma mmbɔ wo mu adze mma hɔn enyame, na nnsom hɔn, na nnyɛ hɔn ndzeyɛɛ so: na butuw na butuw hɔn, na bubu hɔn edum mu esinesin. 25Na hom nsom EWURADZE hom Nyankopɔn, na obehyira w’edziban, nye wo nsu do; na mibeyi yarba mefi wo mu. 26Obiara nnkɔpon ɔba, na ɔnnkɛyɛ ɔbɔnyin so, wɔ w’asaase do: mebɛma wo nda no dodow ano edu. 27Mebɛma mo ho hu edzi w’enyim, na mebɛka aman a ebɛba hɔn do nyinara megu, na mama w’atamfo nyinara adan hɔn ekyir ama wo. 28Na mobɔsoma nkotokrodo ma woeedzi w’enyim, apam Hivifo, Keenanfo, nye Hitifo no wɔ w’enyim. 29Mennkɛpam hɔn wɔ w’enyim wɔ afe kor mu; ɔno bɛyɛ na asaase no adan amamfo, na hamu mbowa adɔɔ so wɔ wo do. 30Nkakrankakra na mebɛpam hɔn wɔ w’enyim, ekodu dɛ ebɔdɔr, na enya asaase no. 31Na mubotwa wo he efi Mbɛw Po no ho araa ekodu Filistiafo po no ho, na medze mefi sar no ano ekodu Esutsen no ho: na mibeyi asaase no do mba mahyɛ wo nsa; na ebɛpam hɔn wɔ w’enyim. 32Mma nnye hɔn nye hɔn enyame so nndzi ahyɛmu. 33Mma wɔnntsena w’asaase do, ɔno bɛyɛ na wɔama ayɛ bɔn etsia me: na sɛ esom hɔn enyame a, ampaara ɔbɛyɛ efir ama wo.
ទើបបានជ្រើសរើសហើយ៖
Eksodɔs 23: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Eksodɔs 23
23
Pɛrpɛryɛ
1 #
Eks 20.16; Lev 19.11, 12; Deut 5.20 Mma nntsie atorsɛm: mma nnye omumuyɛfo nndzi nsawosow dɛ ebɛyɛ ɔdasefo ɔkontompɔnyi. 2Mma nndzi ɔdodow ekyir nnkɛyɛ bɔn; nkyii so mma nnkasa asɛm bi mu nnkedzi ɔdodow ekyir nndan atsɛmbu enyi: 3#Lev 19.15 nkyii so mma nndzi nnkɔ ohianyi afa wɔ n’asɛm mu.
4 #
Deut 22.1-4
Sɛ ekɔto wo tamfo ne nantwi anaa n’asoaso dɛ ɔatɔ gon a, fa no san ekyir brɛ no bio. 5Sɛ ihu nyia okyir wo n’asoaso dɛ ɔhyɛ n’adzesoa ase, na nkyɛ ennkɛpɛ dɛ eboa no a, boa na nye no mboa no.
6 #
Lev 19.15; Deut 16.19 Mma nndan wo hianyi n’atsɛmbu enyi wɔ n’asɛm mu. 7Twe woho fi atorsɛm ho kɔ ekyirekyir; na mma nnku nyia odzi bem na ɔtsen: osiandɛ murummbu omumuyɛfo bem. 8Na mma nngye akyɛdze: osiandɛ akyɛdze ma hɔn a wɔwɔ enyiwa fura, na ɔkyeakyea atseneneefo nsɛm. 9#Eks 22.21; Lev 19.33, 34; Deut 24.17, 18; 27.19 Na mma nnhaw ɔhɔho: osiandɛ hom nyim ɔhɔho n’akoma, ɔnam dɛ hom yɛɛ ahɔho wɔ Egypt asaase do ntsi.
Afe Esuon No Na Nda Esuon No
10 #
Lev 25.1-7
Na mfe esia na pe w’asaase do aba, na boaboa no ndɔbaa ano sie: 11na afe a otsia esuon no dze ma ɔngye n’ahom na ɔnda hɔ kwa; ma wo man mu ehiafo ndzi: na dza wobegya no, hamu abowa ebedzi. Dɛmara na yɛ wo wenyin ture, nye wo ngodua ture. 12#Eks 20.9-11; 31.15; 34.21; 35.2; Lev 23.3; Deut 5.13, 14 Nda esia na fa yɛ w’edwuma, na da a otsia esuon no fa hom: na wo nantwi nye w’asoasopɔnkɔ eenya ahomgye: na w’afonabaa ba, nye ɔhɔho no so eenya ahomgye. 13Na hom nhwɛ yie wɔ ndzɛmba a maka akyerɛ hom nyinara ho: na mma hom mmbobɔ enyame afofor bi dzin, nkyii so mma mma wɔnntse no wɔ w’anomu.
Afahyɛ Akɛse Ebiasa No
(Eksodɔs 34.18-26; Deuteronomi 16.1-17)
14Mpɛn ebiasa na hyɛ fa ma me wɔ afrenhyia mu. 15#Eks 12.14-20; Lev 23.6-8; Nka 28.17-25 Sie epitsi afahyɛ no: nda esuon na dzi epitsi boodoo, dɛ mbrɛ mehyɛɛ wo no, wɔ mber a wɔahyɛ no wɔ bosoom Abib mu no (osiandɛ no mu na ifii Egypt bae); na mma obiara mmfa nsapan mmbefir m’enyim: 16#Lev 23.15-21; Nka 28.26-31; Lev 23.39-43 na otwaber afahyɛ no, w’edwumadze a eyɛ no wɔ haban mu no mu nduadzewakan no: na anoboaboa afahyɛ no wɔ afe no ewiei, aber a eboaboa wo ndwumadze ano fi haban mu no. 17Wo mbanyin nyinara mbefir EWURADZE Nyankopɔn enyim mpɛn ebiasa wɔ afrenhyia mu.
18Mma mmfa mbɔrkaw nnka m’afɔrbɔ bɔgya no ho mmbɔ afɔr; nkyii so mma m’afahyɛ mu seradze no ɔnnko hɔ anadwe nyinara ma onnkodu adzekyee. 19#Deut 26.2; Eks 34.26; Deut 14.21 Wo daadze mu nduadzewakan mu kan dze no fa bra EWURADZE wo Nyankopɔn fie. Mma nnoa apɔnkyeba wɔ ne na no numfonsu mu.
EWURADZE N’anohoba Na Mboa
20Hwɛ, morosoma ɔbɔfo ma oeedzi w’enyim akɔhwɛ wo wɔ ɔkwan no mu, na ɔdze wo ekodu bea a mesiesie no do. 21Hom nhwɛ yie wɔ no ho, na wontsie ne ndze; mma wonnyi no ebufuw: na ɔnnkɛfa hom mbrato akyɛ hom; osiandɛ me dzin wɔ no mu. 22Na sɛ itsie ne ndze ara ampa, na eyɛ dza meka nyinara a; ɔnodze, mebɛyɛ ɔtamfo ama w’atamfo, nye ɔhohiahianyi mama w’ahohiahiafo. 23Na mo bɔfoe no bedzi w’enyim akɔ, na ɔdze wo ekodu Amorifo, Hitifo, Perizfo, Keenanfo, Hivifo, nye Jebusfo nkyɛn: na mubotwa hɔn egu. 24Mma mmbɔ wo mu adze mma hɔn enyame, na nnsom hɔn, na nnyɛ hɔn ndzeyɛɛ so: na butuw na butuw hɔn, na bubu hɔn edum mu esinesin. 25Na hom nsom EWURADZE hom Nyankopɔn, na obehyira w’edziban, nye wo nsu do; na mibeyi yarba mefi wo mu. 26Obiara nnkɔpon ɔba, na ɔnnkɛyɛ ɔbɔnyin so, wɔ w’asaase do: mebɛma wo nda no dodow ano edu. 27Mebɛma mo ho hu edzi w’enyim, na mebɛka aman a ebɛba hɔn do nyinara megu, na mama w’atamfo nyinara adan hɔn ekyir ama wo. 28Na mobɔsoma nkotokrodo ma woeedzi w’enyim, apam Hivifo, Keenanfo, nye Hitifo no wɔ w’enyim. 29Mennkɛpam hɔn wɔ w’enyim wɔ afe kor mu; ɔno bɛyɛ na asaase no adan amamfo, na hamu mbowa adɔɔ so wɔ wo do. 30Nkakrankakra na mebɛpam hɔn wɔ w’enyim, ekodu dɛ ebɔdɔr, na enya asaase no. 31Na mubotwa wo he efi Mbɛw Po no ho araa ekodu Filistiafo po no ho, na medze mefi sar no ano ekodu Esutsen no ho: na mibeyi asaase no do mba mahyɛ wo nsa; na ebɛpam hɔn wɔ w’enyim. 32Mma nnye hɔn nye hɔn enyame so nndzi ahyɛmu. 33Mma wɔnntsena w’asaase do, ɔno bɛyɛ na wɔama ayɛ bɔn etsia me: na sɛ esom hɔn enyame a, ampaara ɔbɛyɛ efir ama wo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.