Eksodɔs 18
18
Jetro Kɛsera Moses
1Afei Jetro, Midian ɔsɔfo no, Moses n’asew no, tsee dza Nyankopɔn ayɛ ama Moses, nye ne man Israel no nyinara, mbrɛ EWURADZE esi eyi Israel efi Egypt. 2#Eks 2.21, 22 Na Jetro, Moses n’asew no, faa Zipora, Moses yer a ɔama ɔasan kɔ no, 3#Ndwu 7.29 nye ne mbabanyin beenu a ɔbaako ne dzin dze Gersom;#18.3 GERSOM: Hebriw mu no, dzin yi gyegye dɛ kasafua ɔhɔho. osiandɛ ɔkaa dɛ, Mayɛ amanandze hɔho: 4na kor no so ne dzin dze Eliezer,#18.4 ELIEZER: Hebriw mu no, dzin no gyegye dɛ kasafua a ɔkyerɛ dɛ Nyankopɔn boa me. osiandɛ ɔsee dɛ, M’egya ne Nyankopɔn yɛɛ mo mboa, na oyii me fii Farao n’afona anomu: 5na Jetro, Moses n’asew no, dze ne mbabanyin no nye ne yer no baa Moses nkyɛn wɔ sar no do mbrɛ ɔkɛkyeer nsera no, wɔ Nyankopɔn bepɔw no ho: 6na ɔsee Moses dɛ, Emi w’asew Jetro, nye wo yer, nye wo mbabanyin beenu no ka no ho, aba wo nkyɛn. 7Na Moses fiir edzi kehyiaa n’asew, na ɔkotowee, na ɔfeew n’ano; na wobisabisaa hɔn apɔwmu; na wɔbaa asese mu. 8Na Moses kaa dza osian Israel ntsi EWURADZE dze ayɛ Farao nye Egyptfo nyinara kyerɛɛ n’asew, awoko a ɔbaa hɔn do wɔ ɔkwan no mu nyinara, na mbrɛ EWURADZE sii yii hɔn no. 9Na Jetro dzii dɛw wɔ papa a EWURADZE ayɛ ama Israel, wɔ dɛ oyii hɔn fii Egyptfo nsamu no nyinara ho. 10Na Jetro see dɛ, Nhyira nka EWURADZE a oeyi hom efi Egyptfo nsamu, na woefi Farao nsamu; ɔno a oeyi ɔman no efi Egyptfo nsaadze. 11Afei na mehu dɛ EWURADZE yɛ kɛse kyɛn enyame nyinara: nyew, adze a wɔdze dzi hɔn do nkontompɔsɛm no ara mu a. 12Na Jetro, Moses n’asew no, faa ɔhyew afɔr nye okum afɔr kɛmaa Nyankopɔn: na Aaron nye Israel mpanyin nyinara baa dɛ wɔnye Moses n’asew no ribedzidzi wɔ Nyankopɔn enyim.
Moses Yi Atsɛmbuafo
(Deuteronomi 1.9-18)
13Na ɔbaa dɛ adze kyee no, Moses tsenaa famu dɛ orubu ɔman no atsɛn: na ɔman no gyinaa Moses do tsentsen fi anapa kodur ewimbir. 14Na aber a Moses n’asew hun dza ɔyɛe maa ɔman no nyinara no, ɔsee dɛ, Ebɛnadze na ereyɛ ma ɔman yi? Ɔyɛ dɛn ntsi na woara nko etse hɔ, na ɔman no nyinara gyinagyina wo do tsentsen fi anapa ebodu ewimbir yi? 15Na Moses see n’asew no dɛ, Osiandɛ ɔman no ba me nkyɛn Nyankopɔn hɔ ebisa: 16sɛ wonya asɛm bi a, wɔba me nkyɛn; na mubu nyimpa nye ne nyɛnko ntamu atsɛn, na mema wohu Nyankopɔn n’ahyɛdze, nye ne mbra. 17Na Moses n’asew no see no dɛ, Adze a eyɛ yi onnye. 18Ampa ebɛberɛ, ɔwo nye ɔman a wɔka wo ho yi nyina, osiandɛ adze no yɛ dur dodow ma wo; ɔwo woara nko irunntum nnyɛ. 19Afei tsie me ndze, mebɛma wo apam, na Nyankopɔn ndzi w’ekyir; ɔwo gyina Nyankopɔn afamu ma ɔman no, na fa nsɛm no brɛ Nyankopɔn: 20na kyerɛkyerɛ hɔn ahyɛdze no nye mbra no, na ma wonhu ɔkwan kor a ɔwɔ dɛ wɔnantsew mu, na edwuma a ɔwɔ dɛ wɔyɛ. 21Afei so yiyi ɔman no nyinara mu mbanyin a wotum a wosuro Nyankopɔn a wɔyɛ anokwafo a wokyir enyikaber, na fa hɔn sisi hɔn do, ma wɔnyɛ apem apem do mpanyin, ɔha ɔha do mpanyin, eduonum eduonum do mpanyin, nye du du do mpanyin; 22na ma wombu ɔman no ntsɛn aber nyinara mu: na ɔmbra dɛ asɛnkɛse biara dze wɔmfa mbrɛ wo, na nsɛnketseaba nyinara dze, hɔnara wondzi: ama aayɛ wo do har, na wɔnye wo aasoa adzesoa no. 23Sɛ eyɛ dɛm adze yi, na Nyankopɔn hyɛ wo dɛm a, ɔno na ibotum asɔw, na ɔman yi nyinara so bɔkɔ hɔn tsenabew dwudwoodwo. 24Nna Moses tsiee n’asew ne ndze, na ɔyɛɛ dza ɔsee no nyinara. 25Na Moses yiyii Israel nyinara mu nyimpa a wotum, na ɔyɛɛ hɔn etsitsir wɔ ɔman no do, apem apem do mpanyin, ɔha ɔha do mpanyin, eduonum eduonum do mpanyin, nye du du do mpanyin. 26Na wobuu ɔman no ntsɛn aber nyinara mu: nsɛm a ɔyɛ dzen no wɔdze brɛɛ Moses, na nsɛnketseaba dze hɔnara wodzii. 27Na Moses gyaa n’asew no kwan; na ɔfaa no kwan kɔr nankasa n’asaase do.
ទើបបានជ្រើសរើសហើយ៖
Eksodɔs 18: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Eksodɔs 18
18
Jetro Kɛsera Moses
1Afei Jetro, Midian ɔsɔfo no, Moses n’asew no, tsee dza Nyankopɔn ayɛ ama Moses, nye ne man Israel no nyinara, mbrɛ EWURADZE esi eyi Israel efi Egypt. 2#Eks 2.21, 22 Na Jetro, Moses n’asew no, faa Zipora, Moses yer a ɔama ɔasan kɔ no, 3#Ndwu 7.29 nye ne mbabanyin beenu a ɔbaako ne dzin dze Gersom;#18.3 GERSOM: Hebriw mu no, dzin yi gyegye dɛ kasafua ɔhɔho. osiandɛ ɔkaa dɛ, Mayɛ amanandze hɔho: 4na kor no so ne dzin dze Eliezer,#18.4 ELIEZER: Hebriw mu no, dzin no gyegye dɛ kasafua a ɔkyerɛ dɛ Nyankopɔn boa me. osiandɛ ɔsee dɛ, M’egya ne Nyankopɔn yɛɛ mo mboa, na oyii me fii Farao n’afona anomu: 5na Jetro, Moses n’asew no, dze ne mbabanyin no nye ne yer no baa Moses nkyɛn wɔ sar no do mbrɛ ɔkɛkyeer nsera no, wɔ Nyankopɔn bepɔw no ho: 6na ɔsee Moses dɛ, Emi w’asew Jetro, nye wo yer, nye wo mbabanyin beenu no ka no ho, aba wo nkyɛn. 7Na Moses fiir edzi kehyiaa n’asew, na ɔkotowee, na ɔfeew n’ano; na wobisabisaa hɔn apɔwmu; na wɔbaa asese mu. 8Na Moses kaa dza osian Israel ntsi EWURADZE dze ayɛ Farao nye Egyptfo nyinara kyerɛɛ n’asew, awoko a ɔbaa hɔn do wɔ ɔkwan no mu nyinara, na mbrɛ EWURADZE sii yii hɔn no. 9Na Jetro dzii dɛw wɔ papa a EWURADZE ayɛ ama Israel, wɔ dɛ oyii hɔn fii Egyptfo nsamu no nyinara ho. 10Na Jetro see dɛ, Nhyira nka EWURADZE a oeyi hom efi Egyptfo nsamu, na woefi Farao nsamu; ɔno a oeyi ɔman no efi Egyptfo nsaadze. 11Afei na mehu dɛ EWURADZE yɛ kɛse kyɛn enyame nyinara: nyew, adze a wɔdze dzi hɔn do nkontompɔsɛm no ara mu a. 12Na Jetro, Moses n’asew no, faa ɔhyew afɔr nye okum afɔr kɛmaa Nyankopɔn: na Aaron nye Israel mpanyin nyinara baa dɛ wɔnye Moses n’asew no ribedzidzi wɔ Nyankopɔn enyim.
Moses Yi Atsɛmbuafo
(Deuteronomi 1.9-18)
13Na ɔbaa dɛ adze kyee no, Moses tsenaa famu dɛ orubu ɔman no atsɛn: na ɔman no gyinaa Moses do tsentsen fi anapa kodur ewimbir. 14Na aber a Moses n’asew hun dza ɔyɛe maa ɔman no nyinara no, ɔsee dɛ, Ebɛnadze na ereyɛ ma ɔman yi? Ɔyɛ dɛn ntsi na woara nko etse hɔ, na ɔman no nyinara gyinagyina wo do tsentsen fi anapa ebodu ewimbir yi? 15Na Moses see n’asew no dɛ, Osiandɛ ɔman no ba me nkyɛn Nyankopɔn hɔ ebisa: 16sɛ wonya asɛm bi a, wɔba me nkyɛn; na mubu nyimpa nye ne nyɛnko ntamu atsɛn, na mema wohu Nyankopɔn n’ahyɛdze, nye ne mbra. 17Na Moses n’asew no see no dɛ, Adze a eyɛ yi onnye. 18Ampa ebɛberɛ, ɔwo nye ɔman a wɔka wo ho yi nyina, osiandɛ adze no yɛ dur dodow ma wo; ɔwo woara nko irunntum nnyɛ. 19Afei tsie me ndze, mebɛma wo apam, na Nyankopɔn ndzi w’ekyir; ɔwo gyina Nyankopɔn afamu ma ɔman no, na fa nsɛm no brɛ Nyankopɔn: 20na kyerɛkyerɛ hɔn ahyɛdze no nye mbra no, na ma wonhu ɔkwan kor a ɔwɔ dɛ wɔnantsew mu, na edwuma a ɔwɔ dɛ wɔyɛ. 21Afei so yiyi ɔman no nyinara mu mbanyin a wotum a wosuro Nyankopɔn a wɔyɛ anokwafo a wokyir enyikaber, na fa hɔn sisi hɔn do, ma wɔnyɛ apem apem do mpanyin, ɔha ɔha do mpanyin, eduonum eduonum do mpanyin, nye du du do mpanyin; 22na ma wombu ɔman no ntsɛn aber nyinara mu: na ɔmbra dɛ asɛnkɛse biara dze wɔmfa mbrɛ wo, na nsɛnketseaba nyinara dze, hɔnara wondzi: ama aayɛ wo do har, na wɔnye wo aasoa adzesoa no. 23Sɛ eyɛ dɛm adze yi, na Nyankopɔn hyɛ wo dɛm a, ɔno na ibotum asɔw, na ɔman yi nyinara so bɔkɔ hɔn tsenabew dwudwoodwo. 24Nna Moses tsiee n’asew ne ndze, na ɔyɛɛ dza ɔsee no nyinara. 25Na Moses yiyii Israel nyinara mu nyimpa a wotum, na ɔyɛɛ hɔn etsitsir wɔ ɔman no do, apem apem do mpanyin, ɔha ɔha do mpanyin, eduonum eduonum do mpanyin, nye du du do mpanyin. 26Na wobuu ɔman no ntsɛn aber nyinara mu: nsɛm a ɔyɛ dzen no wɔdze brɛɛ Moses, na nsɛnketseaba dze hɔnara wodzii. 27Na Moses gyaa n’asew no kwan; na ɔfaa no kwan kɔr nankasa n’asaase do.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.