Matewu 25
25
Gipimaniso nya sagadzyana nya likhumi
1“Mufumo wa Ndzadzini wu ngu fanana ni likhumi sagadzyana si nga dzegago dzikandriya dzawe si gu hongola guya khinga mwane. 2Vbakari gwawe livbandre si diri sipumbu, livbandre si di gengede. 3Esi nya sipumbu si di dzega dzikandriya, si si phari ndrengo nya mafura; 4gasi esi nya gugengele si di dzega dzikandriya ni sigasi nya mafura. 5Kha nga ulo mwane a nga hwelago gu vboha, sagadzyana si di phela gu wotela, si gu lala. 6Ni vbakari nya wutshigu si di wuswa khu lito li nga gulumelago, khilo: ‘A ngu vboha mwane, mu khingeni!’ 7Khavbo avbo, sagadzyana sile si di khendzuga satshavbo, si dongisela dzikandriya dzawe. 8Esi nya sipumbu si di embela iso nya gugengele, khiso: ‘Nga hi vbungulelani mafura, kholu dzikandriya dzathu dzi ngu tshimega.’ 9Aholu esi nya gugengele si di hakha, khiso: ‘Ahihi, ma nga hi kenelela nethu. Gwadi khu gu tutumani muya renga.’ 10Na va hongode vaya renga mafura, a di tshala vboha mwane. Vale va nga bani va dongide va di bela naye nyumbani nya buzo nya dzegano, li gu segwa lidimba. 11Khadukhadu si di vboha sagadzyana sile nya sipumbu si ta lomba, khiso: ‘Pfhumu hi tulele lidimba.’ 12#Wona gambe: Luk 13:25. Aholu mwane a di si hakha, khuye: ‘Khu lisine, kha nyi mi tini.’ 13Khu kharato, khalani na mu dongide, kholu kha mu liti litshigu ni gikhati a natago khigyo Mwamana wa Muthu.
Gipimaniso nya dzitaleta
(Luka 19:11-27)
14“Kholu esi sa gufanane gambe ni mwama moyo a nga dongago lipfhumba, na guvbweta gu khuga aya hwindzo, a di rana sithumi saye a si tshiyedza thomba yaye. 15Gimbe a di gi ninga livbandre dzitsapawu dzi ranwago taleta; gimbe, dzimbili; gimbe, mweyo basi; muthu ni muthu a di ningwa maningano ni tshivba yaye. Khavbo avbo, a di phara dzindzila a gu hongola. 16Wule a nga tshiyedzwago livbandre dzitaleta a di dzi bhindzulisa dzi velega dzimbe livbandre. 17Wule a nga tshiyedzwago dzitaleta dzimbili a di dzi velegisa nuye dzimbe dzimbili. 18Gasi wule a nga tshiyedwago mweyo basi, a di ya kemba liphala a siha tsapawu ya mune waye.
Gipimaniso nya dzitsapawu
19“Na ma vbindride matshigu nya gulaphe, yi di wuya pfhumu ya sithumi sile yita vbweta guti ginani va nga tshala va gira khu dzitsapawu dzile. 20Wule a nga bani a hakhide livbandre dzitaleta a di ya ningela dzimbe livbandre, khuye: ‘Pfhumu, u nyi ningide livbandre dzitaleta, khu dzi woni dzimbe livbandre nyi nga tshala nyi velegisa, edzi.’ 21Pfhumu yi di, khiyo: ‘U tshambiside, githumi nya gyadi, nya gutumbege; kha nga olu u nga thembegago siloni nya sidugwana, nyi na gu pharisa nya singi. Bela buzoni gwa pfhumu yago.’ 22A di ya nuye wule a nga hakhago dzitaleta dzimbili aya, khuye: ‘Pfhumu, u nyi ningide dzitaleta dzimbili, khu dzi woni dzimbe dzimbili nyi nga tshala nyi velegisa, edzi.’ 23Pfhumu yi di, khiyo: ‘U tshambiside, githumi nya gyadi, nya guthembege; kha nga olu u thembegidego siloni nya sidugwana, nyi na gu pharisa nya singi. Bela buzoni gwa pfhumu yago.’ 24Guhegisani, a di ya wule a nga ningwa taleta mweyo basi, aya, khuye: ‘Pfhumu, gale na nyi gu guti kha nga mwama nya wurena, u golago guvbwera umo u ngamba yala, ni gu wolela umo u ngamba anega. 25Khu kharato, nyi di kelela taleta yago, nyi yi siha, khu hwanga. Khu yi woni eyi, dzega taleta yago.’ 26Pfhumu yi di mu phindrula, khiyo: ‘Githumi nya guvivbe monyo, u patago ni wugara gumogo! Gwadigo u di gu dziti nya gukhuwe nyi ngu gola gu vbwera umo nyi ngamba yala, ni gu wolela iso nyi ngamba anega. 27Ina ka, u na dzegide dzitsapawu dzangu u dzi yisa bhakwa; gu wuyani gwangu na nyi dzude nyita dzi mana na dzi velegede.’ Khavbo avbo, Pfhumu yi di ruma, khiyo: 28‘Mu dzegeleni taleta yoyo mu ninga wule a gu ni likhumi. 29#Wona gambe: Mat 13:12; Mark 4:25; Luk 8:18. Kholu uye a gu naso a na ningwa nya singi; gasi wule a gu mwalo gilo a na dzegedwa ni sile a gu naso. 30#Wona gambe: Mat 8:12; 22:13. Gasi githumi gyogyo gi si phasigo gilo, gi rinyeni vbavbandze, mugidemani; avbovbo gi naya lila ni gu ketsa magwaha.’
Gulamudwa nya mayigo
31 # Wona gambe: Mat 16:27; 19:28. “Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu. 32Mayigo yatshavbo ma nata tshangana mbeli gwaye; avbovbo, a nata kasa vathu, kha nga idzo muhavisi a kasago khidzo dzinvuta ni dziphongo. 33Dzinvuta a na dzi vega khu nyamudye; gasi dziphongo a na dzi vega khu nyambade. 34Khavbo avbo, mufumeli a na embela avo va nyamudye gwaye, khuye: ‘Deluni, sigodwa sa Babe wangu, hakhani mufumo mu nga dongisedwani gukhugela gu girwa nya mafu. 35Kholu nyi diri ni ndzala, mu nyi ninga guhodza; ni lidora, mu nyi ninga mati nya gusele; nyi diri muendri, mu nyi hakhide; 36nyi diri ni wuhagadzo, mu nyi ambagiside; nyi di gu dwala, mu nyi wusela; nyi diri pasoni, muya nyi holela.’
37“Khavbo avbo, va nya ndruda va na mu hakha, khavo: ‘Pfhumu, khu vbanyalini hi nga gu wona ni ndzala, hi gu ninga guhodza, mwendro ni lidora hi gu ninga mati nya gusele? 38Khu vbanyalini hi gu wonego nuri muendri, hi gu hakha, mwendro nuri ni wuhagadzo, hi gu ambagisa? 39Khu vbanyalini hi gu wonego nu gu dwala, mwendro nuri pasoni, hiya gu holela?’ 40Mufumeli a na va hakha, khuye: ‘Khu lisine nyi ngu mi embelani, kheni: Dzinyondro dzatshavbo mu nga bani mu gira kharato ga moyo nya vandriyangu nya gusolege, kheni mu nga bani mu nyi girela.’
41“Khavbo avbo, a na embela va nyambade gwaye, khuye: ‘Khugani mahoni gwangu, enu mu vadwego, indrani niloni nya gupindruge wu dongisedwego Sathane ni dzingilozi dzaye. 42Kholu nyi diri ni ndzala, kha mwa nyi ninga guhodza; ni lidora, kha mwa nyi ninga mati nya gusele; 43nyi diri muendri, kha mwa nyi hakha; nyi diri ni wuhagadzo, kha mwa nyi ambagisa; nyi di gu dwala, nyi diri pasoni, kha mwa nyi holela.’ 44Khavbo avbo, va na wudzisa navo, khavo: ‘Pfhumu, khu vbanyalini hi gu wonego ni ndzala, mwendro ni lidora, mwendro nuri muendri, mwendro ni wuhagadzo, mwendro nu gu dwala, mwendro nuri pasoni, hi si gu theli kota?’ 45A na va hakha, khuye: ‘Khu lisine, nyi ngu mi embelani gukheni: Dzinyondro dzatshavbo mu nga bani mu si giri isoso ga moyo nya vandriyangu nya gusolege, kheni mu nga bani mu si nyi theli kota.’ 46Ava vana hongola gusanisekani nya gupindruge; gasi va nya ndruda vana hongola guvbanyani nya gupindruge.”
ទើបបានជ្រើសរើសហើយ៖
Matewu 25: BGG2014
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gitonga DC Bible © Bible Society in Mozambique, 2014.
Matewu 25
25
Gipimaniso nya sagadzyana nya likhumi
1“Mufumo wa Ndzadzini wu ngu fanana ni likhumi sagadzyana si nga dzegago dzikandriya dzawe si gu hongola guya khinga mwane. 2Vbakari gwawe livbandre si diri sipumbu, livbandre si di gengede. 3Esi nya sipumbu si di dzega dzikandriya, si si phari ndrengo nya mafura; 4gasi esi nya gugengele si di dzega dzikandriya ni sigasi nya mafura. 5Kha nga ulo mwane a nga hwelago gu vboha, sagadzyana si di phela gu wotela, si gu lala. 6Ni vbakari nya wutshigu si di wuswa khu lito li nga gulumelago, khilo: ‘A ngu vboha mwane, mu khingeni!’ 7Khavbo avbo, sagadzyana sile si di khendzuga satshavbo, si dongisela dzikandriya dzawe. 8Esi nya sipumbu si di embela iso nya gugengele, khiso: ‘Nga hi vbungulelani mafura, kholu dzikandriya dzathu dzi ngu tshimega.’ 9Aholu esi nya gugengele si di hakha, khiso: ‘Ahihi, ma nga hi kenelela nethu. Gwadi khu gu tutumani muya renga.’ 10Na va hongode vaya renga mafura, a di tshala vboha mwane. Vale va nga bani va dongide va di bela naye nyumbani nya buzo nya dzegano, li gu segwa lidimba. 11Khadukhadu si di vboha sagadzyana sile nya sipumbu si ta lomba, khiso: ‘Pfhumu hi tulele lidimba.’ 12#Wona gambe: Luk 13:25. Aholu mwane a di si hakha, khuye: ‘Khu lisine, kha nyi mi tini.’ 13Khu kharato, khalani na mu dongide, kholu kha mu liti litshigu ni gikhati a natago khigyo Mwamana wa Muthu.
Gipimaniso nya dzitaleta
(Luka 19:11-27)
14“Kholu esi sa gufanane gambe ni mwama moyo a nga dongago lipfhumba, na guvbweta gu khuga aya hwindzo, a di rana sithumi saye a si tshiyedza thomba yaye. 15Gimbe a di gi ninga livbandre dzitsapawu dzi ranwago taleta; gimbe, dzimbili; gimbe, mweyo basi; muthu ni muthu a di ningwa maningano ni tshivba yaye. Khavbo avbo, a di phara dzindzila a gu hongola. 16Wule a nga tshiyedzwago livbandre dzitaleta a di dzi bhindzulisa dzi velega dzimbe livbandre. 17Wule a nga tshiyedzwago dzitaleta dzimbili a di dzi velegisa nuye dzimbe dzimbili. 18Gasi wule a nga tshiyedwago mweyo basi, a di ya kemba liphala a siha tsapawu ya mune waye.
Gipimaniso nya dzitsapawu
19“Na ma vbindride matshigu nya gulaphe, yi di wuya pfhumu ya sithumi sile yita vbweta guti ginani va nga tshala va gira khu dzitsapawu dzile. 20Wule a nga bani a hakhide livbandre dzitaleta a di ya ningela dzimbe livbandre, khuye: ‘Pfhumu, u nyi ningide livbandre dzitaleta, khu dzi woni dzimbe livbandre nyi nga tshala nyi velegisa, edzi.’ 21Pfhumu yi di, khiyo: ‘U tshambiside, githumi nya gyadi, nya gutumbege; kha nga olu u nga thembegago siloni nya sidugwana, nyi na gu pharisa nya singi. Bela buzoni gwa pfhumu yago.’ 22A di ya nuye wule a nga hakhago dzitaleta dzimbili aya, khuye: ‘Pfhumu, u nyi ningide dzitaleta dzimbili, khu dzi woni dzimbe dzimbili nyi nga tshala nyi velegisa, edzi.’ 23Pfhumu yi di, khiyo: ‘U tshambiside, githumi nya gyadi, nya guthembege; kha nga olu u thembegidego siloni nya sidugwana, nyi na gu pharisa nya singi. Bela buzoni gwa pfhumu yago.’ 24Guhegisani, a di ya wule a nga ningwa taleta mweyo basi, aya, khuye: ‘Pfhumu, gale na nyi gu guti kha nga mwama nya wurena, u golago guvbwera umo u ngamba yala, ni gu wolela umo u ngamba anega. 25Khu kharato, nyi di kelela taleta yago, nyi yi siha, khu hwanga. Khu yi woni eyi, dzega taleta yago.’ 26Pfhumu yi di mu phindrula, khiyo: ‘Githumi nya guvivbe monyo, u patago ni wugara gumogo! Gwadigo u di gu dziti nya gukhuwe nyi ngu gola gu vbwera umo nyi ngamba yala, ni gu wolela iso nyi ngamba anega. 27Ina ka, u na dzegide dzitsapawu dzangu u dzi yisa bhakwa; gu wuyani gwangu na nyi dzude nyita dzi mana na dzi velegede.’ Khavbo avbo, Pfhumu yi di ruma, khiyo: 28‘Mu dzegeleni taleta yoyo mu ninga wule a gu ni likhumi. 29#Wona gambe: Mat 13:12; Mark 4:25; Luk 8:18. Kholu uye a gu naso a na ningwa nya singi; gasi wule a gu mwalo gilo a na dzegedwa ni sile a gu naso. 30#Wona gambe: Mat 8:12; 22:13. Gasi githumi gyogyo gi si phasigo gilo, gi rinyeni vbavbandze, mugidemani; avbovbo gi naya lila ni gu ketsa magwaha.’
Gulamudwa nya mayigo
31 # Wona gambe: Mat 16:27; 19:28. “Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu. 32Mayigo yatshavbo ma nata tshangana mbeli gwaye; avbovbo, a nata kasa vathu, kha nga idzo muhavisi a kasago khidzo dzinvuta ni dziphongo. 33Dzinvuta a na dzi vega khu nyamudye; gasi dziphongo a na dzi vega khu nyambade. 34Khavbo avbo, mufumeli a na embela avo va nyamudye gwaye, khuye: ‘Deluni, sigodwa sa Babe wangu, hakhani mufumo mu nga dongisedwani gukhugela gu girwa nya mafu. 35Kholu nyi diri ni ndzala, mu nyi ninga guhodza; ni lidora, mu nyi ninga mati nya gusele; nyi diri muendri, mu nyi hakhide; 36nyi diri ni wuhagadzo, mu nyi ambagiside; nyi di gu dwala, mu nyi wusela; nyi diri pasoni, muya nyi holela.’
37“Khavbo avbo, va nya ndruda va na mu hakha, khavo: ‘Pfhumu, khu vbanyalini hi nga gu wona ni ndzala, hi gu ninga guhodza, mwendro ni lidora hi gu ninga mati nya gusele? 38Khu vbanyalini hi gu wonego nuri muendri, hi gu hakha, mwendro nuri ni wuhagadzo, hi gu ambagisa? 39Khu vbanyalini hi gu wonego nu gu dwala, mwendro nuri pasoni, hiya gu holela?’ 40Mufumeli a na va hakha, khuye: ‘Khu lisine nyi ngu mi embelani, kheni: Dzinyondro dzatshavbo mu nga bani mu gira kharato ga moyo nya vandriyangu nya gusolege, kheni mu nga bani mu nyi girela.’
41“Khavbo avbo, a na embela va nyambade gwaye, khuye: ‘Khugani mahoni gwangu, enu mu vadwego, indrani niloni nya gupindruge wu dongisedwego Sathane ni dzingilozi dzaye. 42Kholu nyi diri ni ndzala, kha mwa nyi ninga guhodza; ni lidora, kha mwa nyi ninga mati nya gusele; 43nyi diri muendri, kha mwa nyi hakha; nyi diri ni wuhagadzo, kha mwa nyi ambagisa; nyi di gu dwala, nyi diri pasoni, kha mwa nyi holela.’ 44Khavbo avbo, va na wudzisa navo, khavo: ‘Pfhumu, khu vbanyalini hi gu wonego ni ndzala, mwendro ni lidora, mwendro nuri muendri, mwendro ni wuhagadzo, mwendro nu gu dwala, mwendro nuri pasoni, hi si gu theli kota?’ 45A na va hakha, khuye: ‘Khu lisine, nyi ngu mi embelani gukheni: Dzinyondro dzatshavbo mu nga bani mu si giri isoso ga moyo nya vandriyangu nya gusolege, kheni mu nga bani mu si nyi theli kota.’ 46Ava vana hongola gusanisekani nya gupindruge; gasi va nya ndruda vana hongola guvbanyani nya gupindruge.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gitonga DC Bible © Bible Society in Mozambique, 2014.