ZABUR 68
68
Nyanyian kemenangan
1Umaq pemimpin kor. Zabur Daud.
2Allah bangkit, make musuh-musuh-Ne buyar,
dengan saq meriq léq Ie pelai léman arepan-Ne.
3Allah sediq ie pade,
maraq pendet saq tetiup terus telang.
Maraq lilin léléh léq dalem api,
maraq nike dengan jahat binase léq arepan Allah.
4Laguq dengan soléh besukecite dait cemoh,
ie pade besurak-surak siq cemohne léq arepan Allah.
5Pade benyanyi bagi Allah, pade puji peséngan-Ne,
siepang rurung beléq umaq Ie saq melinggih léq atas awan.
Peséngan-Ne ALLAH,
pade beseneng-seneng léq arepan-Ne!
6Allah saq meneng léq Gedéng-Ne saq suci
Ie jari bapaq anak yatim dait pembéle bebalu-bebalu.
7Allah ngicanin taoq ndot tipaq dengan saq kesepian;
Ie bébasang dengan tahenan sehingge ie pade bahagie.
Laguq dengan-dengan saq durhake
harus ndot léq tanaq saq gero.
8Ya Allah, sewaktu Deside bimbing umat Deside
lampaq liwatin pupaq saq gero,
9 #
Kel. 19:18
gumi inggur, ujan tumpah léq arepan Deside,
lantaran kerauhan Allah; malahan Sinai injok léq arepan Allah, Allah Israel.
10Deside nurunang ujan saq belimpah-limpah,
dait Deside jariang gembur malik tanaq Deside saq gero.
11Beterus umat Deside ndot léq derike;
léq dalem kesolahan Deside, ya Allah,
Deside meliharaq dengan miskin.
12Junjungan Saq Mulie bemanik;
dengan-dengan saq jauq kabar solah nike
tentere-tentere saq luwéq:
13-14“Raje-raje dait pasukanne sampun pelai!”
Ie pade pelai maraq dare saq kesur.
Dengan-dengan nine léq balé bagi-bagiang,
perak dait emas saq tebilin.
Timaq luwéq saq ndéq milu perang,
umat Allah sampun mauq kemenangan.
15Sewaktu Saq Mahekuase miaq buyar raje-raje léq derike,
make salju turun léman Gunung Salmon.
16Gunung Basan nike gunung saq hébat,
gunung saq luwéq pucukne.
17Kembéq léman pucukde saq luwéq nike
side tampe merhatiang
tipaq Bukit Sion saq tepiléq siq Allah jari taoq-Ne meneng?
ALLAH gen meneng léq derike selaéq-laéqne.
18Siq puluan iyu keréte saq kuat
Allah rauh léq antare ie pade dalem keagungan-Ne.
19 #
Ep. 4:8
ALLAH taék ojok taoq saq atas;
Ie gadingang luwéq tawanan.
Ie nerimaq persembahan léman manusie
malahan léman dengan-dengan saq durhake;
adéq ie pade ndot léq derike; bareng kance Tuhan ALLAH.
20Pade puji Junjungan Saq Mulie, séngaq Ie Allah saq nyelametang ite;
sebilang jelo Ie lémbah bandeante.
21Tuhante nike Ie Junjungante saq nyelametang,
Ie bébasang ite léman kematéan.
22Allah pasti gen ngeremukang ulu musuh-Ne,
dengan-dengan saq terus idup léq dalem dose.
23Manik Junjungan Saq Mulie, “Hai umat Tiang, Tiang jauq musuhde léman Basan
Tiang jauq ie pade tulak léman dasar segare,
24adéq side bisoq naénde siq daraq ie pade,
dait acong-acongde délat sepuas-puasne.”
25Selapuq serioq arak-arakan kemenangan Deside, ya Allah,
arak-arakan kemenangan Allah kaji, Raje kaji, ojok Gedéng-Ne saq suci.
26Léq julu lampaq penyanyi-penyanyi,
léq mudi pemaén-pemaén kecapi;
léq tengaq-tengaq dedare-dedare saq nabuh rebane;
maraq niki nyanyian ie pade:
27“Pade puji Allah léq dalem kumpulan umat-Ne,
pade puji Junjungan Saq Mulie, hai selapuq keturunan Yakub!”
28Benyamin, suku saq paling kodéq, lampaq léq julu,
beterus bedélok-délok pemimpin-pemimpin Yehuda,
léq mudine pemimpin-pemimpin Zebulon dait Naptali.
29Tuhande nuntut kekuatande;
ya Allah, teguqang napi saq sampun Deside piaq tipaq kaji pade.
30Raje-raje jauq persembahan tipaq Deside
léq Gedéng Deside léq Yerusalem.
31Pade semprak Mesir,
binatang buas nike léq tengaq pupaq gelagah.
Peringet bangse-bangse,
kumpulan banténg nike dait anak-anakne,
saq saling ngicaq-icaq jari mauq perak.
Allah miaq buyar bangse-bangse saq demen beperang.
32Pembeléq-pembeléq Mesir dateng jauq tembage;
dengan Etiopia gupuh-gupuh jauq upeti tipaq Allah.
33Pade benyanyi bagi Allah, hai selapuq kerajaan,
pade nyanyiang puji-pujian bagi Junjungante Saq Mulie,
34bagi Ie saq liwatin awang-awang jaman laéq.
Dengahang! Ie bemanik,
suare-Ne begerudug maraq guntur saq beléq.
35Pade akuq kuase Allah; kemuliean-Ne araq léq atas Israel,
kuase-Ne jangke léq langit.
36Tuhante tetu-tetu miaq takjub
waktu Ie sugul léman Gedéng-Ne saq suci.
Allah Israel ngicanin kuase dait kekuatan léq umat-Ne.
Pade puji Allah!
ទើបបានជ្រើសរើសហើយ៖
ZABUR 68: LAISAS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
ZABUR 68
68
Nyanyian kemenangan
1Umaq pemimpin kor. Zabur Daud.
2Allah bangkit, make musuh-musuh-Ne buyar,
dengan saq meriq léq Ie pelai léman arepan-Ne.
3Allah sediq ie pade,
maraq pendet saq tetiup terus telang.
Maraq lilin léléh léq dalem api,
maraq nike dengan jahat binase léq arepan Allah.
4Laguq dengan soléh besukecite dait cemoh,
ie pade besurak-surak siq cemohne léq arepan Allah.
5Pade benyanyi bagi Allah, pade puji peséngan-Ne,
siepang rurung beléq umaq Ie saq melinggih léq atas awan.
Peséngan-Ne ALLAH,
pade beseneng-seneng léq arepan-Ne!
6Allah saq meneng léq Gedéng-Ne saq suci
Ie jari bapaq anak yatim dait pembéle bebalu-bebalu.
7Allah ngicanin taoq ndot tipaq dengan saq kesepian;
Ie bébasang dengan tahenan sehingge ie pade bahagie.
Laguq dengan-dengan saq durhake
harus ndot léq tanaq saq gero.
8Ya Allah, sewaktu Deside bimbing umat Deside
lampaq liwatin pupaq saq gero,
9 #
Kel. 19:18
gumi inggur, ujan tumpah léq arepan Deside,
lantaran kerauhan Allah; malahan Sinai injok léq arepan Allah, Allah Israel.
10Deside nurunang ujan saq belimpah-limpah,
dait Deside jariang gembur malik tanaq Deside saq gero.
11Beterus umat Deside ndot léq derike;
léq dalem kesolahan Deside, ya Allah,
Deside meliharaq dengan miskin.
12Junjungan Saq Mulie bemanik;
dengan-dengan saq jauq kabar solah nike
tentere-tentere saq luwéq:
13-14“Raje-raje dait pasukanne sampun pelai!”
Ie pade pelai maraq dare saq kesur.
Dengan-dengan nine léq balé bagi-bagiang,
perak dait emas saq tebilin.
Timaq luwéq saq ndéq milu perang,
umat Allah sampun mauq kemenangan.
15Sewaktu Saq Mahekuase miaq buyar raje-raje léq derike,
make salju turun léman Gunung Salmon.
16Gunung Basan nike gunung saq hébat,
gunung saq luwéq pucukne.
17Kembéq léman pucukde saq luwéq nike
side tampe merhatiang
tipaq Bukit Sion saq tepiléq siq Allah jari taoq-Ne meneng?
ALLAH gen meneng léq derike selaéq-laéqne.
18Siq puluan iyu keréte saq kuat
Allah rauh léq antare ie pade dalem keagungan-Ne.
19 #
Ep. 4:8
ALLAH taék ojok taoq saq atas;
Ie gadingang luwéq tawanan.
Ie nerimaq persembahan léman manusie
malahan léman dengan-dengan saq durhake;
adéq ie pade ndot léq derike; bareng kance Tuhan ALLAH.
20Pade puji Junjungan Saq Mulie, séngaq Ie Allah saq nyelametang ite;
sebilang jelo Ie lémbah bandeante.
21Tuhante nike Ie Junjungante saq nyelametang,
Ie bébasang ite léman kematéan.
22Allah pasti gen ngeremukang ulu musuh-Ne,
dengan-dengan saq terus idup léq dalem dose.
23Manik Junjungan Saq Mulie, “Hai umat Tiang, Tiang jauq musuhde léman Basan
Tiang jauq ie pade tulak léman dasar segare,
24adéq side bisoq naénde siq daraq ie pade,
dait acong-acongde délat sepuas-puasne.”
25Selapuq serioq arak-arakan kemenangan Deside, ya Allah,
arak-arakan kemenangan Allah kaji, Raje kaji, ojok Gedéng-Ne saq suci.
26Léq julu lampaq penyanyi-penyanyi,
léq mudi pemaén-pemaén kecapi;
léq tengaq-tengaq dedare-dedare saq nabuh rebane;
maraq niki nyanyian ie pade:
27“Pade puji Allah léq dalem kumpulan umat-Ne,
pade puji Junjungan Saq Mulie, hai selapuq keturunan Yakub!”
28Benyamin, suku saq paling kodéq, lampaq léq julu,
beterus bedélok-délok pemimpin-pemimpin Yehuda,
léq mudine pemimpin-pemimpin Zebulon dait Naptali.
29Tuhande nuntut kekuatande;
ya Allah, teguqang napi saq sampun Deside piaq tipaq kaji pade.
30Raje-raje jauq persembahan tipaq Deside
léq Gedéng Deside léq Yerusalem.
31Pade semprak Mesir,
binatang buas nike léq tengaq pupaq gelagah.
Peringet bangse-bangse,
kumpulan banténg nike dait anak-anakne,
saq saling ngicaq-icaq jari mauq perak.
Allah miaq buyar bangse-bangse saq demen beperang.
32Pembeléq-pembeléq Mesir dateng jauq tembage;
dengan Etiopia gupuh-gupuh jauq upeti tipaq Allah.
33Pade benyanyi bagi Allah, hai selapuq kerajaan,
pade nyanyiang puji-pujian bagi Junjungante Saq Mulie,
34bagi Ie saq liwatin awang-awang jaman laéq.
Dengahang! Ie bemanik,
suare-Ne begerudug maraq guntur saq beléq.
35Pade akuq kuase Allah; kemuliean-Ne araq léq atas Israel,
kuase-Ne jangke léq langit.
36Tuhante tetu-tetu miaq takjub
waktu Ie sugul léman Gedéng-Ne saq suci.
Allah Israel ngicanin kuase dait kekuatan léq umat-Ne.
Pade puji Allah!
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល