ZABUR 55
55
Do'e nunas perlindungan léman musuh
1Umaq pemimpin kor. Kadu iringan kecapi. Nyanyian pengajahan Daud.
2Ya Allah, pirengang do'e kaji,
sampunang bebalik léman petunasan kaji.
3Perhatiang kaji dait jawab kaji,
kaji ancur lantaran kesusahan kaji.
4Angen kaji osah siq anceman musuh
dait penindesan dengan jahat.
Séngaq ie pade nyusahang idup kaji,
dait siq gedekne musuhin kaji.
5Angen kaji osah gati,
rase takut saq beléq tipaq maut miaq kaji takut.
6Kaji tekuasein siq rase takut dait leger,
tepenoqin siq perasaan saq nakutang.
7Pikir kaji, “Seandéne kaji bedowé keléték maraq dare,
kaji gen kesur boyaq taoq saq tenang.
8Tetu, kaji gen kesur jaoq gati,
dait ndot léq padang gurun.
9Kaji gen becat-becat boyaq taoq bebao
léman ujan angin dait angin pusut.
10Ya Junjungan kaji Saq Mulie, piaq musuh-musuh kaji bingung,
oreang napi saq ie pade raosang,
séngaq kaji serioq kekerasan dait pegejuhan léq kote.
11Kenjelo kekelem ie pade begelining,
piaq kejahatan dait nimbulang oregade.
12Léq mbé-mbé araq pengancuran;
penindesan dait penipuan nénten araq tutuq-tutuqne léq peken.
13Seandéne musuh saq ngewade tiang,
tiang masih bau tahen.
Lamun musuh saq menghine tiang,
tiang masih bau nyeboq léman ie.
14Laguq malahan, batur tiang, sahabat tiang,
dengan saq tiang percaye, saq behianat léq tiang.
15Laéq tiang pade bebatur solah,
dait biase beribadah bareng-bareng léq Gedéng Allah.
16Alurang musuh tiang maté dadakan
dait turun idup-idup ojok dunie dengan maté,
séngaq kejahatan araq léq balé ie pade,
léq tengaq-tengaq ie pade.
17Laguq tiang bekuih tipaq Allah,
ALLAH gen nyelametang tiang.
18Kenjelo kekelem tiang ngeluh dait nangis,
dait Ie mirengang suare tiang.
19Ie nyelametang tiang léman serangan musuh,
saq luwéq gati ngelawan tiang.
20Allah saq mréntah léman selaéq-laéqne
gen mirengang tiang dait ngalahang ie pade.
Séngaq ie pade ndéq mélé betobat,
dait ndéq takut tipaq Allah.
21Onos batur tiang nyerang batur-baturne,
ie tilas janjine.
22Ucapan-ucapanne manis léq luwah doang,
laguq dalem angenne penoq siq meriq.
Raosne lemah lembut,
laguq nusuk maraq kléwang saq merang.
23Serahang kuatirde ojok ALLAH,
make Ie gen nulung side;
séngaq dengan jujur nénten Ie menengang tekalahang.
24Laguq Deside, ya Allah, gen namaqang ie pade
ojok dalem loang saq paling dalem.
Pare penipu dait tukang nyematéq
nénten gen bau jangke separo umur ie pade.
Laguq kaji percaye léq Deside.
ទើបបានជ្រើសរើសហើយ៖
ZABUR 55: LAISAS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
ZABUR 55
55
Do'e nunas perlindungan léman musuh
1Umaq pemimpin kor. Kadu iringan kecapi. Nyanyian pengajahan Daud.
2Ya Allah, pirengang do'e kaji,
sampunang bebalik léman petunasan kaji.
3Perhatiang kaji dait jawab kaji,
kaji ancur lantaran kesusahan kaji.
4Angen kaji osah siq anceman musuh
dait penindesan dengan jahat.
Séngaq ie pade nyusahang idup kaji,
dait siq gedekne musuhin kaji.
5Angen kaji osah gati,
rase takut saq beléq tipaq maut miaq kaji takut.
6Kaji tekuasein siq rase takut dait leger,
tepenoqin siq perasaan saq nakutang.
7Pikir kaji, “Seandéne kaji bedowé keléték maraq dare,
kaji gen kesur boyaq taoq saq tenang.
8Tetu, kaji gen kesur jaoq gati,
dait ndot léq padang gurun.
9Kaji gen becat-becat boyaq taoq bebao
léman ujan angin dait angin pusut.
10Ya Junjungan kaji Saq Mulie, piaq musuh-musuh kaji bingung,
oreang napi saq ie pade raosang,
séngaq kaji serioq kekerasan dait pegejuhan léq kote.
11Kenjelo kekelem ie pade begelining,
piaq kejahatan dait nimbulang oregade.
12Léq mbé-mbé araq pengancuran;
penindesan dait penipuan nénten araq tutuq-tutuqne léq peken.
13Seandéne musuh saq ngewade tiang,
tiang masih bau tahen.
Lamun musuh saq menghine tiang,
tiang masih bau nyeboq léman ie.
14Laguq malahan, batur tiang, sahabat tiang,
dengan saq tiang percaye, saq behianat léq tiang.
15Laéq tiang pade bebatur solah,
dait biase beribadah bareng-bareng léq Gedéng Allah.
16Alurang musuh tiang maté dadakan
dait turun idup-idup ojok dunie dengan maté,
séngaq kejahatan araq léq balé ie pade,
léq tengaq-tengaq ie pade.
17Laguq tiang bekuih tipaq Allah,
ALLAH gen nyelametang tiang.
18Kenjelo kekelem tiang ngeluh dait nangis,
dait Ie mirengang suare tiang.
19Ie nyelametang tiang léman serangan musuh,
saq luwéq gati ngelawan tiang.
20Allah saq mréntah léman selaéq-laéqne
gen mirengang tiang dait ngalahang ie pade.
Séngaq ie pade ndéq mélé betobat,
dait ndéq takut tipaq Allah.
21Onos batur tiang nyerang batur-baturne,
ie tilas janjine.
22Ucapan-ucapanne manis léq luwah doang,
laguq dalem angenne penoq siq meriq.
Raosne lemah lembut,
laguq nusuk maraq kléwang saq merang.
23Serahang kuatirde ojok ALLAH,
make Ie gen nulung side;
séngaq dengan jujur nénten Ie menengang tekalahang.
24Laguq Deside, ya Allah, gen namaqang ie pade
ojok dalem loang saq paling dalem.
Pare penipu dait tukang nyematéq
nénten gen bau jangke separo umur ie pade.
Laguq kaji percaye léq Deside.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល