ZABUR 33
33
Lagu pujian
1Hai dengan-dengan soléh, pade nyurak cemoh
lantaran napi saq sampun tepiaq siq ALLAH ;
séngaq dengan jujur patut memuji-muji.
2Besyukur tipaq ALLAH kadu kecapi,
benyanyi bagi Ie kadu iringan musik.
3Nyanyiang lagu baru bagi ALLAH,
puniqang kecapi bagus-bagus dait besurak-surakan siq gembire!
4Séngaq manik ALLAH nike kenaq;
Ie setie léq dalem selapuq perbuatan-Ne.
5Ie seneng léq kejujuran dait keadilan;
seantéro gumi penoq siq kasih-Ne.
6 ALLAH bemanik, make langit tecipte;
jelo, bulan dait bintang tecipteang siq manik-Ne.
7Ie ngumpulang aiq segare maraq léq dalem sopoq embung,
Ie noloq segare saq galuh léq dalem sopoq takaq.
8Menengang seantéro gumi takut léq ALLAH
dait penduduk dunie hormatin Ie.
9Séngaq Ie bemanik, terus selapuqne tecipte;
Ie ngicanin préntah, make selapuqne araq.
10 ALLAH ngancurang rencane bangse-bangse,
Ie apus niat ie pade.
11Laguq rencane ALLAH tetep selaéq-laéqne
rancangan-Ne tetep sebelo jaman.
12Bahagie bangse saq ngaku ALLAH jari Tuhanne,
bahagie umat saq Ie piléq jari dowé-Ne!
13Léman sorge ALLAH merhatiang ojok bawaq,
dait Ie cingakin selapuq umat manusie.
14Léman tahte-Ne ALLAH merhatiang
selapuq saq ndot léq gumi.
15Ie saq miaq até ie pade,
dait wikan selapuq perbuatan ie pade.
16Raje nénten menang lantaran luwéq jumlah prajuritne,
prajurit ndéqne selamet lantaran kekuatanne.
17Jaran ndéq bau teandelang jari mauq kemenangan,
balungne saq beléq ndéqne bau nyelametang.
18 ALLAH jagaq dengan-dengan saq takut léq Ie
saq beharep léq kasih-Ne.
19Ie nyelametang ie pade léman maut,
dait meliharaq idup ie pade léq waktu kelapahan.
20Make ite beharep léq ALLAH,
Ie penulung dait pembélente.
21Ite besukecite lantaran Ie
dait percaye léq peséngan-Ne saq suci.
22Semoge kaji pade tetep Deside kasihin, ya ALLAH,
séngaq kaji pade beharep léq Deside.
ទើបបានជ្រើសរើសហើយ៖
ZABUR 33: LAISAS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
ZABUR 33
33
Lagu pujian
1Hai dengan-dengan soléh, pade nyurak cemoh
lantaran napi saq sampun tepiaq siq ALLAH ;
séngaq dengan jujur patut memuji-muji.
2Besyukur tipaq ALLAH kadu kecapi,
benyanyi bagi Ie kadu iringan musik.
3Nyanyiang lagu baru bagi ALLAH,
puniqang kecapi bagus-bagus dait besurak-surakan siq gembire!
4Séngaq manik ALLAH nike kenaq;
Ie setie léq dalem selapuq perbuatan-Ne.
5Ie seneng léq kejujuran dait keadilan;
seantéro gumi penoq siq kasih-Ne.
6 ALLAH bemanik, make langit tecipte;
jelo, bulan dait bintang tecipteang siq manik-Ne.
7Ie ngumpulang aiq segare maraq léq dalem sopoq embung,
Ie noloq segare saq galuh léq dalem sopoq takaq.
8Menengang seantéro gumi takut léq ALLAH
dait penduduk dunie hormatin Ie.
9Séngaq Ie bemanik, terus selapuqne tecipte;
Ie ngicanin préntah, make selapuqne araq.
10 ALLAH ngancurang rencane bangse-bangse,
Ie apus niat ie pade.
11Laguq rencane ALLAH tetep selaéq-laéqne
rancangan-Ne tetep sebelo jaman.
12Bahagie bangse saq ngaku ALLAH jari Tuhanne,
bahagie umat saq Ie piléq jari dowé-Ne!
13Léman sorge ALLAH merhatiang ojok bawaq,
dait Ie cingakin selapuq umat manusie.
14Léman tahte-Ne ALLAH merhatiang
selapuq saq ndot léq gumi.
15Ie saq miaq até ie pade,
dait wikan selapuq perbuatan ie pade.
16Raje nénten menang lantaran luwéq jumlah prajuritne,
prajurit ndéqne selamet lantaran kekuatanne.
17Jaran ndéq bau teandelang jari mauq kemenangan,
balungne saq beléq ndéqne bau nyelametang.
18 ALLAH jagaq dengan-dengan saq takut léq Ie
saq beharep léq kasih-Ne.
19Ie nyelametang ie pade léman maut,
dait meliharaq idup ie pade léq waktu kelapahan.
20Make ite beharep léq ALLAH,
Ie penulung dait pembélente.
21Ite besukecite lantaran Ie
dait percaye léq peséngan-Ne saq suci.
22Semoge kaji pade tetep Deside kasihin, ya ALLAH,
séngaq kaji pade beharep léq Deside.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល