Litanga 45
45
1Kunangwa Yosefa si ya nyala kwigalira imbiri wavo vosi ava singira himbi naye; na ya hanzuka, na a vola, Vosi va twule imbiri wange. Na si ha tigala nomundu wa singira halala naye, lwa Yosefa yevuula ku avamwavo veve. 2Naye ya hanzuka na a lira: na Avaegepeti va hulira, na avenyumba ya Farao va hulira. 3Na Yosefa ya volera avamwavo veve, Inze mbeye Yosefa; dada wange a kiri mwoyo? Na avamwavo veve si va nyala kumutivulira; kigira va henda mwoyo imbiri wewe. 4Na Yosefa ya volera avamwavo veve, Mmu goonya, mwisunde himbi. Navo visunda himbi. Naye ya vola, Inze mbeye Yosefa amwavo wenyu, wa mwa gulidza a tsie Egepeti. 5Na kalunu mu ta verera mba, kandi mu tevihirirwa avene, kigira mwa ngulidza hano: kigira Nyasaye ya nzimiridza imbiri wenyu kuhonya livamwoyo lyavandu. 6Kigira inzala i veye mu kivala mihiga yigyi gyiviri: kandi gyi tigaye mihiga gyitano, mu yigyi si ha la va nelilima, kinga ligesa. 7Na Nyasaye ya nzimiriridza imbiri wenyu kumuhonyira avelitigala mu lirova, nokumuhonya mu ve mwoyo nelihonywa linene. 8Kunangwa si mwa li mwinye mwa ndeta hano, navutswa Nyasaye: naye u nkoli kuva dada ku Farao, nokuva mwami wenyumba yeye yosi, na mwamehi ku kivala kyosi kya Egepeti. 9Mu kole bwangu, mu tsie ku dada wange, mu mu volere, Mwana wowo Yosefa a vola ndina, Nyasaye u nkoli mwami wa Egepeti wosi: u sulungute u duke ku inze, u ta lindagira mba; 10na u la menya mu kivala kya Goshen, na u la va himbi na inze, ive, na avana vovo, na avana vavana vovo, na magondi gogo na tsing'ombe tsyitsyo, na vyosi vya u veye navyo: 11na inze nda ku lihidza yo; kigira gyi tigaye mihiga gyitano gyenzala; gase ive u la damba, ive, nenyumba yoyo yosi, na vyosi vya u veye nakyo. 12Na henza, tsimoni tsyenyu tsi lolanga, na tsimoni tsya amwavo wange Benjamini, kuva na munwa gwange gu mu volera. 13Na mu la volera dada wange makuva gobukumi bwange bwosi mu Egepeti, na vyosi vya mu loli: na mwinye mu la tsia bwangu nokusulungutidza dada wange hano. 14Naye ya kumberera ku ligoti lya Benjamini amwavo wewe, na a lira na Benjamini ya lilira ku ligoti lilye. 15Naye ya busa avamwavo veve vosi, na a lilira kuvo; na lwenyima avamwavo veve va volerana naye.
16Na makuva gevindu yivi ga hulirwa mu inyumba ya Farao, kuvolwa, Avamwavo va Yosefa va duki: na Farao ya yanzidzwa ligali, na avatumekiri veve. 17Na Farao ya volera Yosefa, U volere avamwavo vovo, Mu kole yaga, mu dwike tsinyama tsyenyu misigo, mu tsie, mu duke mu kivala kya Kanani; 18na mu vugule dada wenyu na avetsinyumba tsyenyu, mudze ku inze: na nda mu ha ubulahi bwekivala kya Egepeti, na mwinye mu la lia vyobunolu bwekivala. 19Kalunu ive u mali kulagwa, mu kole yaga: mu vugulire avana venyu, na avakali venyu, magari gekivala kya Egepeti, na mu lete dada wenyu, mudze hano. 20Kandi mu ta ganagana vindu vyenyu; kigira ubulahi bwekivala kyosi kya Egepeti nu bwenyu.
21Na avana va Israeli va kola ndiyo: na Yosefa ya va ha magari, kuli munwa gwa Farao, na ya va ha vyokulia vyoku inzira. 22Kuvo vosi ya va ha sa mulala tsingubo; navutswa ku Benjamini ya mu ha vidonye vyefetha tsimia tsivaka, na tsingubo tsitano. 23Noku dada wewe ya hila kuli ndi: tsisukiri likumi tsya dwikwa vindu vilihi vya Egepeti, na tsisukiri tsinkali tsya dwikwa ubuswage nevyokulia vya dada wewe vyoku inzira. 24Hene yaho ya sivulana na avamwavo veve, navo va tsia: naye ya va volera, Mu henze, mu ta solanira ku inzira mba. 25Navo vanegira kutwula mu Egepeti, ni va duka mu kivala kya Kanani ku Yakobo dada wavo. 26Na va mu volera, Yosefa a veye mwoyo kuduka kalunu, kandi a veye wamehi ku kivala kyosi kva Egepeti. Naye ya kudza mwoyo, kigira ya vula kuvasuuvira. 27Navo va mu volera makuva gosi ga Yosefa ya va volera: naye lwa ya lola magari ga Yosefa ya leta kumuginga, mwoyo gwa Yakobo dada wavo gwa simuguka: 28Na Israeli ya vola, Ga duki; Yosefa mwana wange a veye mwoyo: nda sulunguta kulolana naye, ni nkikiri kukudza.
ទើបបានជ្រើសរើសហើយ៖
Litanga 45: MBE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1967
Litanga 45
45
1Kunangwa Yosefa si ya nyala kwigalira imbiri wavo vosi ava singira himbi naye; na ya hanzuka, na a vola, Vosi va twule imbiri wange. Na si ha tigala nomundu wa singira halala naye, lwa Yosefa yevuula ku avamwavo veve. 2Naye ya hanzuka na a lira: na Avaegepeti va hulira, na avenyumba ya Farao va hulira. 3Na Yosefa ya volera avamwavo veve, Inze mbeye Yosefa; dada wange a kiri mwoyo? Na avamwavo veve si va nyala kumutivulira; kigira va henda mwoyo imbiri wewe. 4Na Yosefa ya volera avamwavo veve, Mmu goonya, mwisunde himbi. Navo visunda himbi. Naye ya vola, Inze mbeye Yosefa amwavo wenyu, wa mwa gulidza a tsie Egepeti. 5Na kalunu mu ta verera mba, kandi mu tevihirirwa avene, kigira mwa ngulidza hano: kigira Nyasaye ya nzimiridza imbiri wenyu kuhonya livamwoyo lyavandu. 6Kigira inzala i veye mu kivala mihiga yigyi gyiviri: kandi gyi tigaye mihiga gyitano, mu yigyi si ha la va nelilima, kinga ligesa. 7Na Nyasaye ya nzimiriridza imbiri wenyu kumuhonyira avelitigala mu lirova, nokumuhonya mu ve mwoyo nelihonywa linene. 8Kunangwa si mwa li mwinye mwa ndeta hano, navutswa Nyasaye: naye u nkoli kuva dada ku Farao, nokuva mwami wenyumba yeye yosi, na mwamehi ku kivala kyosi kya Egepeti. 9Mu kole bwangu, mu tsie ku dada wange, mu mu volere, Mwana wowo Yosefa a vola ndina, Nyasaye u nkoli mwami wa Egepeti wosi: u sulungute u duke ku inze, u ta lindagira mba; 10na u la menya mu kivala kya Goshen, na u la va himbi na inze, ive, na avana vovo, na avana vavana vovo, na magondi gogo na tsing'ombe tsyitsyo, na vyosi vya u veye navyo: 11na inze nda ku lihidza yo; kigira gyi tigaye mihiga gyitano gyenzala; gase ive u la damba, ive, nenyumba yoyo yosi, na vyosi vya u veye nakyo. 12Na henza, tsimoni tsyenyu tsi lolanga, na tsimoni tsya amwavo wange Benjamini, kuva na munwa gwange gu mu volera. 13Na mu la volera dada wange makuva gobukumi bwange bwosi mu Egepeti, na vyosi vya mu loli: na mwinye mu la tsia bwangu nokusulungutidza dada wange hano. 14Naye ya kumberera ku ligoti lya Benjamini amwavo wewe, na a lira na Benjamini ya lilira ku ligoti lilye. 15Naye ya busa avamwavo veve vosi, na a lilira kuvo; na lwenyima avamwavo veve va volerana naye.
16Na makuva gevindu yivi ga hulirwa mu inyumba ya Farao, kuvolwa, Avamwavo va Yosefa va duki: na Farao ya yanzidzwa ligali, na avatumekiri veve. 17Na Farao ya volera Yosefa, U volere avamwavo vovo, Mu kole yaga, mu dwike tsinyama tsyenyu misigo, mu tsie, mu duke mu kivala kya Kanani; 18na mu vugule dada wenyu na avetsinyumba tsyenyu, mudze ku inze: na nda mu ha ubulahi bwekivala kya Egepeti, na mwinye mu la lia vyobunolu bwekivala. 19Kalunu ive u mali kulagwa, mu kole yaga: mu vugulire avana venyu, na avakali venyu, magari gekivala kya Egepeti, na mu lete dada wenyu, mudze hano. 20Kandi mu ta ganagana vindu vyenyu; kigira ubulahi bwekivala kyosi kya Egepeti nu bwenyu.
21Na avana va Israeli va kola ndiyo: na Yosefa ya va ha magari, kuli munwa gwa Farao, na ya va ha vyokulia vyoku inzira. 22Kuvo vosi ya va ha sa mulala tsingubo; navutswa ku Benjamini ya mu ha vidonye vyefetha tsimia tsivaka, na tsingubo tsitano. 23Noku dada wewe ya hila kuli ndi: tsisukiri likumi tsya dwikwa vindu vilihi vya Egepeti, na tsisukiri tsinkali tsya dwikwa ubuswage nevyokulia vya dada wewe vyoku inzira. 24Hene yaho ya sivulana na avamwavo veve, navo va tsia: naye ya va volera, Mu henze, mu ta solanira ku inzira mba. 25Navo vanegira kutwula mu Egepeti, ni va duka mu kivala kya Kanani ku Yakobo dada wavo. 26Na va mu volera, Yosefa a veye mwoyo kuduka kalunu, kandi a veye wamehi ku kivala kyosi kva Egepeti. Naye ya kudza mwoyo, kigira ya vula kuvasuuvira. 27Navo va mu volera makuva gosi ga Yosefa ya va volera: naye lwa ya lola magari ga Yosefa ya leta kumuginga, mwoyo gwa Yakobo dada wavo gwa simuguka: 28Na Israeli ya vola, Ga duki; Yosefa mwana wange a veye mwoyo: nda sulunguta kulolana naye, ni nkikiri kukudza.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1967