Matius 17
17
Komanobaꞌna hi Yesu mombaha i womboꞌ biri
(Mrk. 9:2-13; Luk. 9:28-36)
1Oni ando katoꞌo, hi Yesu mangkomi hi Peturuꞌ, hi Yakobus hante hi Yohanes hineeꞌna mampototaniꞌhi nolou pe biri to dingkaoꞌ. 2Kolentuꞌara itoꞌo, tewolihimo lentene hi Yesu. LioNa mewanta hibali ando, hei baduꞌNa bobala manakiꞌ. 3Ikotewolihinalu hi Yesu, hangkaꞌ-hangkaꞌ romo topeguruNehi pangkiꞌ nabi Musa hante Elia mololita hante hi Yesu. 4Katoꞌo, hi Peturuꞌ mampatiꞌiki hi Yesu, “Pueꞌ, moromiꞌ mpololeke ane iseꞌemoki meꞌohaꞌ. Ane hiniꞌKo, hingkiꞌ kuwali tolu onu bambaruꞌ iseꞌe: haꞌanu bambaruꞌMu, haꞌanu hi Musa hei haꞌanu hi Elia.”
5Kolentuꞌana tene hi Peturuꞌ mololita, hangkaꞌ-hangkaꞌ romo noputuꞌhi kini to mobaro, hei ka lali kini tiꞌo rohorimo loaꞌne Pueꞌ Ala to mantiꞌi, “Hieꞌemo AnaꞌKa to Kupokarima hei Kupotanaꞌ. Ipehoromuamokei lolitaNe!”
6Korohorinalu topeguruNa loaꞌne Pueꞌ Ala tiꞌo, morokaꞌhi mpololeke, kaliuꞌhi metumpapaꞌ. 7Angkana hi Yesu ako moruntuihi, honiꞌi Notiꞌikihi, “Peꞌarokei, inioꞌkei morokaꞌ!” 8Penoaꞌralu, roꞌele, hi Yesu hadoduona romo.
9Pengkohouralu ka biri tiꞌo, notiꞌikihi hi Yesu, “Inioꞌ duluna itiꞌi-tiꞌikei pe himolu hapo to iꞌokiꞌkei hingkenia ikohandoaꞌana tene Anaꞌ Manusiaꞌ nipatuwuꞌ huliꞌ ka komahia.”
10 #
Mal. 3:1; 4:5-6 Meꞌitanomohi topeguruNe, rotiꞌi, “Wulika. Motuntuni poturuꞌra guru agama, nabi Elia hangangaa hupaꞌ medulu, honiꞌi hupaꞌ Datu Topohompoꞌ. Hohumboreꞌi hinaꞌ hatoꞌo?”
11Nohoniꞌ hi Yesu, “Tuꞌu to nipoturuꞌkikei, hi Elia hangangaa hupaꞌ medulu, hei io to hingkiꞌ mampatimomo langkaꞌ-langkaꞌna alaꞌ hingkiꞌ hupaꞌ Datu Topohompoꞌ. 12Hei Kutiꞌikikei: hupaꞌmo mpuꞌu hi Elia, angkana hawaꞌi robahaꞌ toaꞌ kohihimona. Io nipoperima-rima motuntuni peleihara. Hatoꞌo woꞌo Anaꞌ Manusiaꞌ hingkiꞌ nipoperima-rima motuntuni peleihara.” 13Tempo tiꞌo, hongkoꞌ robahaꞌ topeguruNa palaihane lolitana hi Yesu hingkenia: to nipandiriꞌ hibali nabi Elia iomo hi Yohanes Toperiu.
Hi Yesu mampokoꞌoriꞌ oꞌanaꞌ to nopekahii tokodake
(Mrk. 9:14-29; Luk. 9:37-43)
14Ipengkohoura hi Yesu hante topeguruNa to tolu tiꞌo ka biri, mangkohidupaꞌkihi toaꞌ to woriꞌ, hei uwaꞌ haduo tomaꞌani to nolou melingkotuꞌ i hinarona hi Yesu, notiꞌi, 15“Pueꞌ, Ipokarima anaꞌku tomaꞌani. Io noniuꞌ hakiꞌ mahi-mahi manuꞌ hei maporiꞌ mpololeke nohori. Ane hupaꞌi hakiꞌne poko modungka i api, hei modungka woꞌo i uwai. 16Kukomimo pe topeguruMu, angkana hawaꞌi robiaꞌ ropokoꞌoriꞌ.”
17Notiꞌi hi Yesu, “Mahamporeꞌi hinaꞌ hawaꞌkei mepoꞌohi? Isapuakakei peleihane Pueꞌ Ala! Haꞌumbo tene komoruene hangangaa moꞌawaꞌA hante ingkei? Haꞌumbo tene komoruene hangangaa sabaraꞌA i ingkei? Komikei humei oꞌanaꞌ tiꞌo!”
18Rokomimo mpuꞌu oꞌanaꞌ tiꞌo pe hi Yesu. Katoꞌo, molai Nopopolaimo tokodake to mampomasusa oꞌanaꞌ tiꞌo. Liu molai tokodake tiꞌo, hei kaliuꞌ moꞌoriꞌ oꞌanaꞌ tiꞌo.
19Hawaꞌi morue katoꞌo, tempona hi Yesu hadoduoNa, noloumohi topeguruNe meꞌitano pe Io, “Guru, mahamporeꞌi hinaꞌ hawaꞌi kibiaꞌ mampopesuwu tokodake tiꞌo?”
20Nohoniꞌhi hi Yesu, “Alaꞌ makuraꞌi tene pepoꞌohimio. Tuꞌu mpololeke to Kutiꞌikikei: ane uwaꞌi pepoꞌohimi kehapoꞌi hibalilu haworia holuka kokodeꞌne, wadikei moparenta biri hieꞌe, ‘Melimbako kaseꞌe!’ Hei biri hieꞌe bateꞌna hingkiꞌ melimba. Ane mepoꞌohikei, lekiꞌ-lekiꞌna wadi iwalikei. 21[Angkana ane mampopolaikei tokodake to hatoꞌo, hangangaa nibue hante pekokae hei paboki.]”
Hi Yesu mampololita womo kohingkiꞌ mahiNa
(Mrk. 9:30-32; Luk. 9:43-45)
22I tempona hi Yesu hante topeguruNahi kolentuꞌara mororampuhi i woiꞌ Galilea, Notiꞌikihi, “Anaꞌ Manusiaꞌ hingkiꞌ nipewei pe kuasaꞌna manusiaꞌ. 23Hingkiꞌ nirokoꞌ, angkana ikotolu andona Io hingkiꞌ tuwuꞌ huliꞌ.” Korohorinalu lolitaNe tiꞌo, masusa mpololeke lalire.
Sima Tambina Pueꞌ Ala
24Kohupaꞌnalu hi Yesu i bolaꞌ Kapenau moꞌawa hante topeguruNahi, hupaꞌmohi to mesingaraꞌ sima to ropakeꞌ morewahi Tambina Pueꞌ Ala. Ropeꞌitanoki pe hi Peturuꞌ, “Ba mobaiariꞌi woꞌo simana Tambina Pueꞌ Ala tiꞌo Gurumi, ba hawaꞌi?”
25Nohoniꞌ hi Peturuꞌ, “Ioꞌ, Nobaiari!”
Katoꞌo, mahuliꞌmo hi Simo Peturuꞌ nolou pe tambi to ropeꞌohaꞌi. Ikohupaꞌna itoꞌo, handoaꞌi tene hampakaꞌ mololita, medulumo hi Yesu meꞌitano, “Simo, hohumbo pahuama: datu-datu i duniaꞌ ka hihimo roperuruꞌ sima: ba ka toaꞌra hadoduora ba ka woiꞌ to nokuasaꞌi?”
26Nohoniꞌ hi Peturuꞌ, “Bateꞌna ka toaꞌ to nokuasaꞌi i woiꞌ tiꞌo.”
Notiꞌi hi Yesu, “Ane hatoꞌoꞌi, toaꞌna hadoduona hawaꞌi paralu mobaiari. 27Angkana kehapoꞌi hatoꞌo, aginamo mobaiariki, hingkeꞌna hawaꞌi koiꞌ pekirire pe ingkiꞌ. Mewaliꞌ, noloumoko modoa pe rano Galilea. Iwengka omeꞌne bouꞌ to uluꞌ-uluꞌna noroa doamu. Itoꞌo hingkiꞌ pahuako doiꞌ, hei doiꞌ tiꞌo ipopobaiari simanta roduo.”
ទើបបានជ្រើសរើសហើយ៖
Matius 17: LAILJE
គំនូសចំណាំ
ចម្លង
ប្រៀបធៀប
ចែករំលែក
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
2017 Indonesian Bible Society (Lembaga Alkitab Indonesia)
Matius 17
17
Komanobaꞌna hi Yesu mombaha i womboꞌ biri
(Mrk. 9:2-13; Luk. 9:28-36)
1Oni ando katoꞌo, hi Yesu mangkomi hi Peturuꞌ, hi Yakobus hante hi Yohanes hineeꞌna mampototaniꞌhi nolou pe biri to dingkaoꞌ. 2Kolentuꞌara itoꞌo, tewolihimo lentene hi Yesu. LioNa mewanta hibali ando, hei baduꞌNa bobala manakiꞌ. 3Ikotewolihinalu hi Yesu, hangkaꞌ-hangkaꞌ romo topeguruNehi pangkiꞌ nabi Musa hante Elia mololita hante hi Yesu. 4Katoꞌo, hi Peturuꞌ mampatiꞌiki hi Yesu, “Pueꞌ, moromiꞌ mpololeke ane iseꞌemoki meꞌohaꞌ. Ane hiniꞌKo, hingkiꞌ kuwali tolu onu bambaruꞌ iseꞌe: haꞌanu bambaruꞌMu, haꞌanu hi Musa hei haꞌanu hi Elia.”
5Kolentuꞌana tene hi Peturuꞌ mololita, hangkaꞌ-hangkaꞌ romo noputuꞌhi kini to mobaro, hei ka lali kini tiꞌo rohorimo loaꞌne Pueꞌ Ala to mantiꞌi, “Hieꞌemo AnaꞌKa to Kupokarima hei Kupotanaꞌ. Ipehoromuamokei lolitaNe!”
6Korohorinalu topeguruNa loaꞌne Pueꞌ Ala tiꞌo, morokaꞌhi mpololeke, kaliuꞌhi metumpapaꞌ. 7Angkana hi Yesu ako moruntuihi, honiꞌi Notiꞌikihi, “Peꞌarokei, inioꞌkei morokaꞌ!” 8Penoaꞌralu, roꞌele, hi Yesu hadoduona romo.
9Pengkohouralu ka biri tiꞌo, notiꞌikihi hi Yesu, “Inioꞌ duluna itiꞌi-tiꞌikei pe himolu hapo to iꞌokiꞌkei hingkenia ikohandoaꞌana tene Anaꞌ Manusiaꞌ nipatuwuꞌ huliꞌ ka komahia.”
10 #
Mal. 3:1; 4:5-6 Meꞌitanomohi topeguruNe, rotiꞌi, “Wulika. Motuntuni poturuꞌra guru agama, nabi Elia hangangaa hupaꞌ medulu, honiꞌi hupaꞌ Datu Topohompoꞌ. Hohumboreꞌi hinaꞌ hatoꞌo?”
11Nohoniꞌ hi Yesu, “Tuꞌu to nipoturuꞌkikei, hi Elia hangangaa hupaꞌ medulu, hei io to hingkiꞌ mampatimomo langkaꞌ-langkaꞌna alaꞌ hingkiꞌ hupaꞌ Datu Topohompoꞌ. 12Hei Kutiꞌikikei: hupaꞌmo mpuꞌu hi Elia, angkana hawaꞌi robahaꞌ toaꞌ kohihimona. Io nipoperima-rima motuntuni peleihara. Hatoꞌo woꞌo Anaꞌ Manusiaꞌ hingkiꞌ nipoperima-rima motuntuni peleihara.” 13Tempo tiꞌo, hongkoꞌ robahaꞌ topeguruNa palaihane lolitana hi Yesu hingkenia: to nipandiriꞌ hibali nabi Elia iomo hi Yohanes Toperiu.
Hi Yesu mampokoꞌoriꞌ oꞌanaꞌ to nopekahii tokodake
(Mrk. 9:14-29; Luk. 9:37-43)
14Ipengkohoura hi Yesu hante topeguruNa to tolu tiꞌo ka biri, mangkohidupaꞌkihi toaꞌ to woriꞌ, hei uwaꞌ haduo tomaꞌani to nolou melingkotuꞌ i hinarona hi Yesu, notiꞌi, 15“Pueꞌ, Ipokarima anaꞌku tomaꞌani. Io noniuꞌ hakiꞌ mahi-mahi manuꞌ hei maporiꞌ mpololeke nohori. Ane hupaꞌi hakiꞌne poko modungka i api, hei modungka woꞌo i uwai. 16Kukomimo pe topeguruMu, angkana hawaꞌi robiaꞌ ropokoꞌoriꞌ.”
17Notiꞌi hi Yesu, “Mahamporeꞌi hinaꞌ hawaꞌkei mepoꞌohi? Isapuakakei peleihane Pueꞌ Ala! Haꞌumbo tene komoruene hangangaa moꞌawaꞌA hante ingkei? Haꞌumbo tene komoruene hangangaa sabaraꞌA i ingkei? Komikei humei oꞌanaꞌ tiꞌo!”
18Rokomimo mpuꞌu oꞌanaꞌ tiꞌo pe hi Yesu. Katoꞌo, molai Nopopolaimo tokodake to mampomasusa oꞌanaꞌ tiꞌo. Liu molai tokodake tiꞌo, hei kaliuꞌ moꞌoriꞌ oꞌanaꞌ tiꞌo.
19Hawaꞌi morue katoꞌo, tempona hi Yesu hadoduoNa, noloumohi topeguruNe meꞌitano pe Io, “Guru, mahamporeꞌi hinaꞌ hawaꞌi kibiaꞌ mampopesuwu tokodake tiꞌo?”
20Nohoniꞌhi hi Yesu, “Alaꞌ makuraꞌi tene pepoꞌohimio. Tuꞌu mpololeke to Kutiꞌikikei: ane uwaꞌi pepoꞌohimi kehapoꞌi hibalilu haworia holuka kokodeꞌne, wadikei moparenta biri hieꞌe, ‘Melimbako kaseꞌe!’ Hei biri hieꞌe bateꞌna hingkiꞌ melimba. Ane mepoꞌohikei, lekiꞌ-lekiꞌna wadi iwalikei. 21[Angkana ane mampopolaikei tokodake to hatoꞌo, hangangaa nibue hante pekokae hei paboki.]”
Hi Yesu mampololita womo kohingkiꞌ mahiNa
(Mrk. 9:30-32; Luk. 9:43-45)
22I tempona hi Yesu hante topeguruNahi kolentuꞌara mororampuhi i woiꞌ Galilea, Notiꞌikihi, “Anaꞌ Manusiaꞌ hingkiꞌ nipewei pe kuasaꞌna manusiaꞌ. 23Hingkiꞌ nirokoꞌ, angkana ikotolu andona Io hingkiꞌ tuwuꞌ huliꞌ.” Korohorinalu lolitaNe tiꞌo, masusa mpololeke lalire.
Sima Tambina Pueꞌ Ala
24Kohupaꞌnalu hi Yesu i bolaꞌ Kapenau moꞌawa hante topeguruNahi, hupaꞌmohi to mesingaraꞌ sima to ropakeꞌ morewahi Tambina Pueꞌ Ala. Ropeꞌitanoki pe hi Peturuꞌ, “Ba mobaiariꞌi woꞌo simana Tambina Pueꞌ Ala tiꞌo Gurumi, ba hawaꞌi?”
25Nohoniꞌ hi Peturuꞌ, “Ioꞌ, Nobaiari!”
Katoꞌo, mahuliꞌmo hi Simo Peturuꞌ nolou pe tambi to ropeꞌohaꞌi. Ikohupaꞌna itoꞌo, handoaꞌi tene hampakaꞌ mololita, medulumo hi Yesu meꞌitano, “Simo, hohumbo pahuama: datu-datu i duniaꞌ ka hihimo roperuruꞌ sima: ba ka toaꞌra hadoduora ba ka woiꞌ to nokuasaꞌi?”
26Nohoniꞌ hi Peturuꞌ, “Bateꞌna ka toaꞌ to nokuasaꞌi i woiꞌ tiꞌo.”
Notiꞌi hi Yesu, “Ane hatoꞌoꞌi, toaꞌna hadoduona hawaꞌi paralu mobaiari. 27Angkana kehapoꞌi hatoꞌo, aginamo mobaiariki, hingkeꞌna hawaꞌi koiꞌ pekirire pe ingkiꞌ. Mewaliꞌ, noloumoko modoa pe rano Galilea. Iwengka omeꞌne bouꞌ to uluꞌ-uluꞌna noroa doamu. Itoꞌo hingkiꞌ pahuako doiꞌ, hei doiꞌ tiꞌo ipopobaiari simanta roduo.”
ទើបបានជ្រើសរើសហើយ៖
:
គំនូសចំណាំ
ចម្លង
ប្រៀបធៀប
ចែករំលែក
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
2017 Indonesian Bible Society (Lembaga Alkitab Indonesia)