MARKUS 7
7
Adat ni angka ompu sijolo-jolo tubu
(Mat. 15:1-9)
1Adong ma sapunguan halak Parise dohot piga-piga halak Siboto Surat ro sian Jerusalem mandapotkon Jesus. 2Ma diida halahi anak sisean ni Jesus, nada ias dope tanganna hape ma mangan. Inda jolo marbasu tangan halahi songon na nidok ni angka aturan ni halak Parise.
3Anggo halak Parise dohot sude halak Jahudi tongtong do halahi mangihutkon adat dohot hasomalan na nipungka ni ompu ni halahi. Na so ra do halahi mangan anggo so jolo marbasu tangan hombar tu aturan-aturan na tontu. 4Muda mulak halahi sian poken, nada mangan halahi muda so jolo mambasu dirina.#7:4 nada mangan halahi muda so jolo mambasu dirina: Somal do di halahi jolo mambasu diri painte so mangan. Bahat dope angka aturan na sian ompu ni halahi na laing togu ditiop halahi, umpamana songon na mamasu galas, gendi dohot parkokas-parkokas na sian tumbaga.#7:4 Dipiga-piga naskah narobi adong dope hata on: Dohot podoman.
5Jadi gabe disapai angka halak Parise dohot Siboto Surat i ma Jesus, “Hara ni aha dehe dibaen na so diihutkon angka anak siseanMi adat dohot hasomalan na nilehen ni angka ompunta sijolo-jolo tubu i? Biasi manigor marmanganan halahi so jolo ias tanganna?”
6Dialusi Jesus ma, “Tutu do na nidok ni si Jesaya hian di bukunia i taringot tu halak sipangalancap songon hamu on. Nada he ma didok ia do songon on:
‘Songon on didok Debata,
Hum di pamanganna do angka jolma on pasangap Au,
hape anggo roha ni halahi dao do sian Au.
7Parcuma do halahi marsomba tu Au,
harana diajarkon halahi do aturan ni jolma
songon aturan na sian Au!’
8Dipasiding hamu do angka parenta ni Debata, hape anggo angka aturan ni jolma togu sajo ditiop hamu.”
9Dung i didok Jesus dope, “Na maloan hamu pasidingkon na nidok ni Debata anso tarbaen hamu patuluskon podamunu sandiri. 10Na he ma didok si Musa hian do, ‘Pasangap ma amangmu dohot inangmu,’ jana ‘Sanga ise na palayaskon amangna dohot inangna, angkon mate ma niuhuman i.’ 11Tapi anggo hamu songon on do diajarkon hamu: Muda adong sada-sada halak na mandok tu amangna dohot tu inangna: Aha na adong di au, na patut baenonku tu ho, madung huhaulkon i tu Debata. 12Gabe malua ma ia sian na patut baenonnia tu amangna dohot tu inangna. 13Jadi hara ni angka aturan na nilehenmunu tu halak na bahat, gabe inda mardalan be angka aturan na nidok ni Debata dibaen hamu. Na bahatan dope angka na songon i dipambaeni hamu.”
Pangalaho na mambaen halak gabe hodar
(Mat. 15:10-20)
14Dung i dipiohon Jesus ma sanoli nari halak na bahat i. Didok Ia ma tu halahi, “Hamu sude, tangihon hamu ma na Hudok on! Astui hamu ma! 15Inda gabe hodar halak hara ni na masuk sian duru tu bagasan halahi. Tapi hara ni na haruar sian sada-sada halak do na mambaen ia hodar. [16Sanga ise na marpinggol laho marbinege, ditangihon ia ma.]”
17Jadi dung ditadingkon Jesus halak na bahat i masuk ma Ia tu bagas. Disapai angka anak siseanNia i ma sanga aha astuan ni pandohan nangkin. 18Didok Jesus ma tu halahi, “Na sarupa do bodomunu hape dohot halak na asing i? Nada he diboto hamu sude na masuk sian duru tu bagasan ni sada-sada halak inda gabe pahodarkon halahi i?
19Angke inda tu bagasan roha na masuk i, tapi tu butuha do. Dung i ambung ma sian pamatang.” (Jadi sian pangkataion i didok Jesus, halal do sude sipanganon.)
20Dung i didok Jesus dope mangulahi, “Na ruar sian sada-sada halak do na pahodarkon ia. 21Angke sian bagasan ni sada-sada halak, i ma na sian rohania, marroan angka pikiran na jahat na mambaen ia gabe mambaen na rogon, manangko, mamunu, 22na markarosuan, ahut tu diri dohot sude hajahatan; na paoto-otohon, na so maraturan, gutgut, manilakoi halak, ginjang ni roha dohot na so tarajar. 23Sude na songon i na ruar sian bagasan diri ni jolma, jana angka sisongon i ma na pahodarkon ia.”
Haporsayaan ni sahalak dadaboru
(Mat. 15:21-28)
24Dung ditinggalkon Jesus inganan i, kehe ma Ia tu luat na donok tu kota Tirus. Masuk ma Ia tu sada bagas. Tapi inda por rohaNia diboto halak, na disi Ia. Tapi bagi na bia pe inda tarbaen Ia manabunihon diriNia tu halak. 25Adong ma sahalak ina-ina disi. Hona setan borunia. Dibege ina-ina i ma taringot tu Jesus. Jadi ro ma ia mandapotkon Jesus marsomba tu joloNia. 26Satutuna nada bagi halak Jahudi ina-ina i. Halak Siro Penisia do. Manigor dipangidohon ia ma tu Jesus, anso dipaorot Jesus setan i sian pamatang ni borunia i. 27Tapi dialusi Jesus ma, “Angkon parjolo do dakdanak nilehen mangan. Harana inda patut nibuat indahan ni dakdanak gabe nilehen di anjing,” ning Ia.
28“Tutu do i Tuhan,” ning ina-ina i, “Salang sopa-sopa ni panganan ni dakdanak i pe dipangan angka anjing i do di toru ni meja i!”
29Dung i ninna Jesus ma tusia, “Hara ni haporsayaanmu, mulak ma ho! Madung haruar setan i sian dakdanakmi!”
30Mulak ma ina-ina i. Dung lalu di bagas, didapot ia ma borunia hatiha modom di podomanna i. Ma tutu morot setan i sian borunia i.
Dipamalum Jesus sahalak na maingol dohot na haldang
31Dung i ditinggalkon Jesus ma Luat Tirus mangulahi, dipatorus Ia ma pardalananNia sian Sidon laho tu Dano Galilea. Mangaliati ma Ia sian Luat Sisampulu Kota. 32Dioban halak ma disi tuSia sada halak na maingol na so malo muse mangkatai. Dipangidohon halahi ma anso dipayakkon Jesus tanganNia tu ginjang ni bayo i. 33Dioban Jesus ma bayo i punjung sian halak na bahat i. Dibaen Jesus ma tanganNia tu pinggol ni bayo i. Dung i marsitijur ma Jesus, dijama Ia ma dila ni bayo i. 34Dung i manatap ma Jesus adop langit marhosa na ginjang, didok Ia ma tu bayo i, “Efata,” astuanna, “Mungkap ma ho!”
35Mungkap ma pinggol ni bayo i, dilania i pe gabe harkar ma, mamungka ma malo ia mangkobari. 36Dung i dirarang Jesus ma halahi sude anso ulang dipaboa pangalaho i sanga na tu ise pe. Tapi mur dirarang Jesus, mur dipaboa-boa halahi do. 37Sude halak na mambege carito i gabe homang-homang. Ninna halahi ma, “Na hebat ma sude na nibaenNia i! Tarbaen Ia marbinege na maingol, na haldang gabe mangkobari!”
ទើបបានជ្រើសរើសហើយ៖
MARKUS 7: LAIAKB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Indonesian Bible Society
MARKUS 7
7
Adat ni angka ompu sijolo-jolo tubu
(Mat. 15:1-9)
1Adong ma sapunguan halak Parise dohot piga-piga halak Siboto Surat ro sian Jerusalem mandapotkon Jesus. 2Ma diida halahi anak sisean ni Jesus, nada ias dope tanganna hape ma mangan. Inda jolo marbasu tangan halahi songon na nidok ni angka aturan ni halak Parise.
3Anggo halak Parise dohot sude halak Jahudi tongtong do halahi mangihutkon adat dohot hasomalan na nipungka ni ompu ni halahi. Na so ra do halahi mangan anggo so jolo marbasu tangan hombar tu aturan-aturan na tontu. 4Muda mulak halahi sian poken, nada mangan halahi muda so jolo mambasu dirina.#7:4 nada mangan halahi muda so jolo mambasu dirina: Somal do di halahi jolo mambasu diri painte so mangan. Bahat dope angka aturan na sian ompu ni halahi na laing togu ditiop halahi, umpamana songon na mamasu galas, gendi dohot parkokas-parkokas na sian tumbaga.#7:4 Dipiga-piga naskah narobi adong dope hata on: Dohot podoman.
5Jadi gabe disapai angka halak Parise dohot Siboto Surat i ma Jesus, “Hara ni aha dehe dibaen na so diihutkon angka anak siseanMi adat dohot hasomalan na nilehen ni angka ompunta sijolo-jolo tubu i? Biasi manigor marmanganan halahi so jolo ias tanganna?”
6Dialusi Jesus ma, “Tutu do na nidok ni si Jesaya hian di bukunia i taringot tu halak sipangalancap songon hamu on. Nada he ma didok ia do songon on:
‘Songon on didok Debata,
Hum di pamanganna do angka jolma on pasangap Au,
hape anggo roha ni halahi dao do sian Au.
7Parcuma do halahi marsomba tu Au,
harana diajarkon halahi do aturan ni jolma
songon aturan na sian Au!’
8Dipasiding hamu do angka parenta ni Debata, hape anggo angka aturan ni jolma togu sajo ditiop hamu.”
9Dung i didok Jesus dope, “Na maloan hamu pasidingkon na nidok ni Debata anso tarbaen hamu patuluskon podamunu sandiri. 10Na he ma didok si Musa hian do, ‘Pasangap ma amangmu dohot inangmu,’ jana ‘Sanga ise na palayaskon amangna dohot inangna, angkon mate ma niuhuman i.’ 11Tapi anggo hamu songon on do diajarkon hamu: Muda adong sada-sada halak na mandok tu amangna dohot tu inangna: Aha na adong di au, na patut baenonku tu ho, madung huhaulkon i tu Debata. 12Gabe malua ma ia sian na patut baenonnia tu amangna dohot tu inangna. 13Jadi hara ni angka aturan na nilehenmunu tu halak na bahat, gabe inda mardalan be angka aturan na nidok ni Debata dibaen hamu. Na bahatan dope angka na songon i dipambaeni hamu.”
Pangalaho na mambaen halak gabe hodar
(Mat. 15:10-20)
14Dung i dipiohon Jesus ma sanoli nari halak na bahat i. Didok Ia ma tu halahi, “Hamu sude, tangihon hamu ma na Hudok on! Astui hamu ma! 15Inda gabe hodar halak hara ni na masuk sian duru tu bagasan halahi. Tapi hara ni na haruar sian sada-sada halak do na mambaen ia hodar. [16Sanga ise na marpinggol laho marbinege, ditangihon ia ma.]”
17Jadi dung ditadingkon Jesus halak na bahat i masuk ma Ia tu bagas. Disapai angka anak siseanNia i ma sanga aha astuan ni pandohan nangkin. 18Didok Jesus ma tu halahi, “Na sarupa do bodomunu hape dohot halak na asing i? Nada he diboto hamu sude na masuk sian duru tu bagasan ni sada-sada halak inda gabe pahodarkon halahi i?
19Angke inda tu bagasan roha na masuk i, tapi tu butuha do. Dung i ambung ma sian pamatang.” (Jadi sian pangkataion i didok Jesus, halal do sude sipanganon.)
20Dung i didok Jesus dope mangulahi, “Na ruar sian sada-sada halak do na pahodarkon ia. 21Angke sian bagasan ni sada-sada halak, i ma na sian rohania, marroan angka pikiran na jahat na mambaen ia gabe mambaen na rogon, manangko, mamunu, 22na markarosuan, ahut tu diri dohot sude hajahatan; na paoto-otohon, na so maraturan, gutgut, manilakoi halak, ginjang ni roha dohot na so tarajar. 23Sude na songon i na ruar sian bagasan diri ni jolma, jana angka sisongon i ma na pahodarkon ia.”
Haporsayaan ni sahalak dadaboru
(Mat. 15:21-28)
24Dung ditinggalkon Jesus inganan i, kehe ma Ia tu luat na donok tu kota Tirus. Masuk ma Ia tu sada bagas. Tapi inda por rohaNia diboto halak, na disi Ia. Tapi bagi na bia pe inda tarbaen Ia manabunihon diriNia tu halak. 25Adong ma sahalak ina-ina disi. Hona setan borunia. Dibege ina-ina i ma taringot tu Jesus. Jadi ro ma ia mandapotkon Jesus marsomba tu joloNia. 26Satutuna nada bagi halak Jahudi ina-ina i. Halak Siro Penisia do. Manigor dipangidohon ia ma tu Jesus, anso dipaorot Jesus setan i sian pamatang ni borunia i. 27Tapi dialusi Jesus ma, “Angkon parjolo do dakdanak nilehen mangan. Harana inda patut nibuat indahan ni dakdanak gabe nilehen di anjing,” ning Ia.
28“Tutu do i Tuhan,” ning ina-ina i, “Salang sopa-sopa ni panganan ni dakdanak i pe dipangan angka anjing i do di toru ni meja i!”
29Dung i ninna Jesus ma tusia, “Hara ni haporsayaanmu, mulak ma ho! Madung haruar setan i sian dakdanakmi!”
30Mulak ma ina-ina i. Dung lalu di bagas, didapot ia ma borunia hatiha modom di podomanna i. Ma tutu morot setan i sian borunia i.
Dipamalum Jesus sahalak na maingol dohot na haldang
31Dung i ditinggalkon Jesus ma Luat Tirus mangulahi, dipatorus Ia ma pardalananNia sian Sidon laho tu Dano Galilea. Mangaliati ma Ia sian Luat Sisampulu Kota. 32Dioban halak ma disi tuSia sada halak na maingol na so malo muse mangkatai. Dipangidohon halahi ma anso dipayakkon Jesus tanganNia tu ginjang ni bayo i. 33Dioban Jesus ma bayo i punjung sian halak na bahat i. Dibaen Jesus ma tanganNia tu pinggol ni bayo i. Dung i marsitijur ma Jesus, dijama Ia ma dila ni bayo i. 34Dung i manatap ma Jesus adop langit marhosa na ginjang, didok Ia ma tu bayo i, “Efata,” astuanna, “Mungkap ma ho!”
35Mungkap ma pinggol ni bayo i, dilania i pe gabe harkar ma, mamungka ma malo ia mangkobari. 36Dung i dirarang Jesus ma halahi sude anso ulang dipaboa pangalaho i sanga na tu ise pe. Tapi mur dirarang Jesus, mur dipaboa-boa halahi do. 37Sude halak na mambege carito i gabe homang-homang. Ninna halahi ma, “Na hebat ma sude na nibaenNia i! Tarbaen Ia marbinege na maingol, na haldang gabe mangkobari!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Indonesian Bible Society