Hechos 26:17-18

Ina jö̧ba̧lijetö Pabloma, iwene jwöi̧ a̧ja̧kwinama: —Ja̧danö, iwene jwöi̧ cha̧ja̧kwijatö: Saulo, wobajaletjö kwö̧jibinö pjatatocha, judío jojodöbi judío jojodöböködöbi ökwönö kwabö lotjo jö̧tja̧lenama. Jobadö judío jojodöböködönö yökawobö wetokwöcha Saulo. Jobadöma tjöbajale tjewawadödanö tjuju̧kwobe, tjo̧'wo̧ luwo̧ jawama. Jobadönö, yȩa'wo okwa ju̧kwadönö yökawobö wetokwöcha, jobadöma yȩa'wo okwatjö labebö dewinö ju̧kwadö batjibobö. Jobadöma, Awetja ösödi̧ ja̧bö tjuju̧kwi̧tjö kabatibö Dios ösödi̧da ja̧bö tjuju̧kwobö wetokwöcha. Ja̧danö ötjönö tjösöditjö̧ma tjusuli̧ söbebö loakobe Diosma. Ja̧danö jobadöma suli̧ jwibadö batjibinö Dios ja̧inawö̧danö jobadöbi batjibakobe, suli̧ jwibadö batjibakwedöma. Jejenö jö̧ba̧lö iwene jwöi̧ma cha̧ja̧kwijatö, chuluwo̧—jö̧ba̧lijetö Pabloma la'aka luwo̧ Agripanöma.