Markus 10
10
To panursuru ne̍ Je̍sus maipanggep iya panagadi
Mat. 19:1-12; Luk. 16:18
1Ket itun, pimanaw nge̍ Je̍sus antuni, nga nawe̍ iya sakup niya prubinsiya nga Hudya iya demmang nito wangag Hordan. Ket uwed manin adu nga toley nga naguurnung iya edyan na. Ket nisuru na da ngarud manin, ta itu ya gangey na.
2Ket uwed da met itun Parisiyu nga imadenni e̍ Je̍sus, ta gabay da nga sintiren. Ket sinaludsud da nga kinunen da, “Ibagam man: Sigun iya Linteg tida, mabalin kad nga iyadi niya lalaki ya asawa na?” kunen da.
3Ket kinunen met ne̍ Je̍sus igida, “Nagan ngarud to nibilin nito Muyse̍s dakayu maipanggep iyan?” kunen na.
4Ket kinunen da, “To Muyse̍s, nipalubus na met ya agisurat ya lalaki ka kasuratan nga mangipanecnec iya panagadi da, se̍ na mabalin kanu nga iyadi ya asawa na,” kunen da.
5Ket e̍ Je̍sus, kinunen na igida, “Nisurat lugud nito Muyse̍s yan nga bilin gapu mettas iya panagsukir nu. 6Ngem ya kinapudnu na, ket manipud ito panangrugi niya amin, ito panamarsuwa ne̍ Apu Diyus, ket ‘lalaki se̍ babey ya toley nga inariman na.’ 7‘Itu nga panawan niya lalaki ya ama na se̍ ya ina na, ket makitipun iya asawa na. 8Ket diyan nga duwa, agbalin da nga arig nga is-isa ngin.’ Ket iya agten iyan, bekken da nga duwa ngin, no di lugud arig da nga is-isa ngin. 9Dikad pe̍ ya pinagtipun ne̍ Apu Diyus, madi kuma ngarud nga pagsinaen niya toley,” kunen na.
10Ket ito nakalnec da iya isa nga baley yin, sinaludsud dito adalan e̍ Je̍sus ya maipanggep ito kinunen na. 11Ket kinunen ne̍ Je̍sus igida, “Ya lalaki nga mangiyadi iya asawa na, se̍ manin mangasawa ka sabali, ket maibilang nga makabasulin iya asawa na ka basul nga pannakitipun ka bekken na nga asawa. 12Ket agten pe̍ iyan ya babey: Maibilang met pe̍ nga makabasul ka basul nga pannakitipun ka bekken na nga asawa, no iyadi na ya asawa na, se̍ makiasawa manin ka sabali,” kunen na.
To ayat ne̍ Je̍sus kadito ebbing
Mat. 19:13-15; Luk. 18:15-17
13Ket uwed da toley itun nga nange̍lbe̍t ka ebbing e̍ Je̍sus, tasun icman na da kuma. Ngem dito adalan na, nilbec da met dito nange̍lbe̍t. 14Ngem ito nasingen ne̍ Je̍sus, nakaunget ngarud, ket kinunen na kadito adalan na, “Palubusan nu lugud diya ebbing nga umbe̍t iyaken. Madi nu da nga paritan. Ta agten met kadidi nga ebbing diya aglak-am iya panangituray ne̍ Apu Diyus. 15Ket pudnu met nga diya orey nagan na nga madi paiturayan e̍ Apu Diyus, nga agten mettas iya panagpaituray niya ebbing, madi da mabalin ya makitipun kadiya iturayan ne̍ Apu Diyus,” kunen na. 16Ket kine̍bey na ngarud dito ebbing, se̍ na nipatey diya ima na igida, nga nikararagan na da.
To lalaki nga nabacnang
Mat. 19:16-30; Luk. 18:18-30
17Ket ito agrubwat nge̍ Je̍sus nga pumanaw antuni nin, uwed met isa nga lalaki nga nanagtag nga imadenni igina. Ket nawe̍ ngarud nagparintumeng iya sangu ne̍ Je̍sus, nga kinunen na igina, “Nalinteg nga Mistru, ibagam kay iyaken ya masapul nga wanglec tasun magun-ud ku ya biyag nga agnanayun,” kunen na.
18Ket kinunen ne̍ Je̍sus igina, “Ape̍ nga kunem nga nalinteg gac? Awan met nalinteg, no di ngas e̍ Apu Diyus. 19Ket no maipanggep ito saludsud mu, emmum met dito bilbilin ne̍ Apu Diyus: ‘Madi ka pumatey, madi ka makitipun ka bekken mu nga asawa, madi ka agtakew, madi ka mangpabasul nga sibubusid, madi ka agsuwitic, se̍ dayawem ya amam se̍ ya inam,’ kunen na kadito bilbilin,” kunen ne̍ Je̍sus.
20Ket kinunen nito lalaki e̍ Je̍sus, “Ay Mistru, nanipud pekkem ito kaebbing ku, tungtungpalec met amin diyan nga bilbilin,” kunen na.
21Ket e̍ Je̍sus, pineskan na to lalaki yin, ket nipateg ngarud ne̍ Je̍susin. Ket kinunen na ito lalaki, “Uwed pekkem mas isa nga masapul nga wanglem. Mawe̍ ka ilaku diya sansanicwam, se̍ ka e̍cde̍ ya paglakuwam kadiya napanglaw. Ket iya agten iyan, uwed nad kinabacnang mu ka langitin. Ket kalpasan niya panange̍cde̍ mun, umbe̍t nac suruten nin,” kunen na.
22Ket ito nakagi ne̍ Je̍sus yan, narba met ya rupa nito lalaki yin, ket pimanaw lugudin nga silaladingit, ta bacnang met ngamin nga unay.
23Ket e̍ Je̍sus, limanga kadiya adalan na, se̍ na kinunen igida, “Diya uwed kinabacnang da, narigat met nga makalak-am da nad iya panangituray ne̍ Apu Diyus!” kunen na.
24Ket nasdaaw ngarud dito adalan na gapu iyan nga kinagi na. Itu nga kinunen manin ne̍ Je̍sus igida, “Ay, an-anac ku, narigat ngarud ya pannakalak-am iya panangituray ne̍ Apu Diyus! 25Ta nalaclaka lugud nga lumbut ya kame̍lyu iya ebbut niya dagum, ngem iya pannakalak-am niya isa nga nabacnang iya panangituray ne̍ Apu Diyus,” kunen na.
26Ket nakarkaru manin to seddaaw dito adalan, ket kinunen da met, “No agten iyan, nagan ngarud diya mabalin nga maisalakanin?” kunen da.
27Ket pineskan met ne̍ Je̍sus da nga kinunen na, “No ya toley, ket madi ngarud mabalin yan. Ngem no e̍ Apu Diyus, mabalin met, ata mabalin ngarud ne̍ Apu Diyus ya orey nagan na,” kunen na.
28Ket e̍ Pe̍dru met ya nagkagi yin, nga kinunen na igina, “Ket no dakami, pinanawan mi met diya amin, tasun sumurut kami ikew,” kunen na.
29Ket kinunen ne̍ Je̍sus, “Pudnu met yani nga ibagac dakayu: Orey nagan na nga nangpanaw iya baley na, winno kakabsat na nga lalaki winno babey, ya ina na, winno ya ama na, winno diya anac na, winno diya laplapug na, tasun agsirbi iyaken se̍ iya Makaparagsac nga Damag, 30basta maisupapac igina iya ita mettas nga timpu ya orey mame̍nsangagasut nga balbaley, se̍ kakabsat nga lalaki se̍ babey, se̍ in-ina, se̍ an-anac, se̍ laplapug. Ket ya agten iyan nga toley, aglak-am ngarud pe̍ ka pannakairurumen. Ket iya sumarunu nga timpu, uwed nad pe̍ ya supapac na, nga itu ya biyag nga agnanayun. 31Ngem adu diya maibilang nga nadayaw ita, nga maibilang nad ngas met nga nababa ngin. Ket adu diya maibilang nga nababa ita, nga maibilang nad met nga nadayawin,” kunen na.
To panangipakaemmu manin ne̍ Je̍sus iya ipapatey
se̍ panagungar na
Mat. 20:17-19; Luk. 18:31-34
32Ket ito uwed de̍ Je̍sus iya dalan nga agsangsang-at nga agpa-He̍rusale̍min, situtured met nge̍ Je̍sus nga nangipangulu igida nga nanalanin. Ket dito adalan na, nasdaawan dan. Ket dito duduma nga naibulun pe̍ igida, simarsarunu da met pe̍ nga sidadanagin. Ket e̍ Je̍sus, nibay-at na manin dito sangapulu ket duwa nga adalan na, se̍ na nibaga igida diya mapasamac nad igina, 33nga kinunen na, “Agten idi nin: Manang-at tida ngarud nga mawe̍ ka He̍rusale̍min. Ket ya Anac nga Naipatoley, maiyawat nad met antuni kadiya pangpangulu diya agsirsirbi iya Te̍mplu se̍ kadiya manursuru iya Linteg. Ket kedngan da nad met nga patey ya dusa na. Ket iya agten iyan, iyawat da nad ngarud kadiya bekken nga Hudyu. 34Ket diya bekken nga Hudyu, laisen da nad ya Anac nga Naipatoley yin, se̍ da met lutaban se̍ sapliten ka latiku, se̍ da nad met patayen. Ket kalpasan nad tellu nga algew, agungar nad mettas,” kunen na.
To inadeng de̍ Santiyagu nge̍ Juan e̍ Je̍sus
Mat. 20:20-28
35Ket itun, de̍ Santiyagu nge̍ Juan nga anac ne̍ Se̍be̍dyu, imadenni da e̍ Je̍sus, nga kinunen da, “Mistru, uwed adngen mi ikew. Ket gabay mi no tungpalem kuma orey no nagan ya adngen mi,” kunen da.
36Ket kinunen ne̍ Je̍sus igida, “Nagan na ngarud ya gabay nu kuma nga ipawangel iyaken para dakayu?” kunen na.
37Ket kinunen da igina, “Ipalubus mu kuma nga no uwed ka nad iya pakaidayawam mun, makipagtugew kami kuma iya abay mu. Ket pagsumbangiran daka kuma, nga ya isa dakami, ket iya madiwanan mu, se̍ ya isa iya makatigid mu,” kunen da.
38Ket kinunen met ne̍ Je̍sus igida, “Madi nu met maawatan ya kaipapennan niyan nga ad-adngen nu. Ape̍? Kabaellan nu kad nga itured ya panagsagaba nga lak-amec, nga rigat nga arig nga inumec? Se̍ kabaellan nu kad nga itured ya masapul ku nga itured, nga arig nga pakabautisarac?” kunen na.
39Ket kinunen da e̍ Je̍sus, “Kabaellan mi met, a,” kunen da.
Ket kinunen ne̍ Je̍sus igida, “Ngarud, mairaman kayu nad nga tutu iya rigat nga arig nga inumec, se̍ aglak-am kayu nad met pe̍ iya arig nga pakabautisarac. 40Ngem to adeng nu nga makipagtugew kayu kuma iya madiwanan ku se̍ iya makatigid ku, ket bekken ku met nga karbengngan ya mangisaad iya agten iyan. Ta naipaay mettin diyan nga saad kadiya nakaisaganaan dan,” kunen na.
41Ket dito sangapulu nga pada da nga adalan, ito nagicna da to inadeng de̍ Santiyagu nge̍ Juan, nakaunget da met igida. 42Ket e̍ Je̍sus, pinaadenni na da igina, nga kinunen na igida, “Pageemmu nu met nga no diya maibilang nga agtuturay kadiya bekken nga Hudyu, ipapilit da ya turay da kadiya toley da. Se̍ agten pe̍ diya nangatu nga toley igida, gabay da pe̍ ya mangituray kadiya toltoley. 43Ngem no dakayu, bekken kuma nga agten iyan. Ta ya mayat nga maibilang nga nangatu dakayu, masapul nga agbalin nga agsirsirbi dakayu. 44Ket ya mayat nga maibilang kuma nga kadayawan dakayu, ket masapul met nga agpaituray dakayu nga amin, nga arig nga tagabu nu. 45Ta kinapudnu na, orey ya Anac nga Naipatoley, madi inumbe̍t tasun pasirbiyan kuma kadiya duduma, no di lugud tasun agsirbi, se̍ tasun ipaay na ya biyag na nga pangsubbut kadiya adu nga toltoley,” kunen na.
To panangpalaing ne̍ Je̍sus ito kulap nga makilimlimus
Mat. 20:29-34; Luk. 18:35-43
46Ket nakadateng da iya ili nga He̍riku itun. Ket ito pumanaw antuni nin nge̍ Je̍sus se̍ dito adalan na se̍ ya adu pe̍ nga toltoley, uwed met antuni nge̍ Bartimyu nga isa nga kulap nga makilimlimus, nga anac ne̍ Timyu. Nagtugtugew met to kulap iya pingit niya dalan. 47Ket ito naemmuwan na nga e̍ Je̍sus nga iNasare̍t ya manmanalan iyanin, nip-ipkaw na ngarud nga kinunen, “Je̍sus nga kapututan nito Ari Dabid! Kaasiyan nac kay!” kunen na. 48Ket adu met dito nangilbec igina nga madi kuma kanu mamagas. Ngem nilallalu na lugud to nagpecpekkaw, nga kinunen na, “Kapututan nito Ari Dabid! Kaasiyan nac kay!” kunen na.
49Ket nagsardeng ngarud nge̍ Je̍sus, ket kinunen na, “Palbe̍ten nu man idi,” kunen na.
Ket inayab da ngarud to kulap, nga kinunen da, “Agragsac ka lugudin! Gumnukat ka ngarud, ta palbe̍ten nakan,” kunen da.
50Ket niwagleng ngarud ne̍ Bartimyu to ke̍bal nan, ket dagus nga ginumnukatin, nga nawe̍ ito edyan ne̍ Je̍sus. 51Ket kinunen ne̍ Je̍sus igina, “Nagan ya gabay mu nga wanglec para ikew?” kunen na.
Ket kinunen ngarud nito kulap igina, “Apu Mistru, gabay ku ya makasingen kuma manin,” kunen na.
52Ket kinunen ne̍ Je̍sus igina, “Mabalin mu ya agawir nga sitatalna ngin. Nalaingan kan gapu iya panamatim,” kunen na.
Ket sigida nga nakasingen nga tutu manin, ket simurut e̍ Je̍sus ito dalanin.
ទើបបានជ្រើសរើសហើយ៖
Markus 10: YBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1990 New Tribes Mission, Sanford, FL 32771-1487, USA.
Printed in the Philippines.
Markus 10
10
To panursuru ne̍ Je̍sus maipanggep iya panagadi
Mat. 19:1-12; Luk. 16:18
1Ket itun, pimanaw nge̍ Je̍sus antuni, nga nawe̍ iya sakup niya prubinsiya nga Hudya iya demmang nito wangag Hordan. Ket uwed manin adu nga toley nga naguurnung iya edyan na. Ket nisuru na da ngarud manin, ta itu ya gangey na.
2Ket uwed da met itun Parisiyu nga imadenni e̍ Je̍sus, ta gabay da nga sintiren. Ket sinaludsud da nga kinunen da, “Ibagam man: Sigun iya Linteg tida, mabalin kad nga iyadi niya lalaki ya asawa na?” kunen da.
3Ket kinunen met ne̍ Je̍sus igida, “Nagan ngarud to nibilin nito Muyse̍s dakayu maipanggep iyan?” kunen na.
4Ket kinunen da, “To Muyse̍s, nipalubus na met ya agisurat ya lalaki ka kasuratan nga mangipanecnec iya panagadi da, se̍ na mabalin kanu nga iyadi ya asawa na,” kunen da.
5Ket e̍ Je̍sus, kinunen na igida, “Nisurat lugud nito Muyse̍s yan nga bilin gapu mettas iya panagsukir nu. 6Ngem ya kinapudnu na, ket manipud ito panangrugi niya amin, ito panamarsuwa ne̍ Apu Diyus, ket ‘lalaki se̍ babey ya toley nga inariman na.’ 7‘Itu nga panawan niya lalaki ya ama na se̍ ya ina na, ket makitipun iya asawa na. 8Ket diyan nga duwa, agbalin da nga arig nga is-isa ngin.’ Ket iya agten iyan, bekken da nga duwa ngin, no di lugud arig da nga is-isa ngin. 9Dikad pe̍ ya pinagtipun ne̍ Apu Diyus, madi kuma ngarud nga pagsinaen niya toley,” kunen na.
10Ket ito nakalnec da iya isa nga baley yin, sinaludsud dito adalan e̍ Je̍sus ya maipanggep ito kinunen na. 11Ket kinunen ne̍ Je̍sus igida, “Ya lalaki nga mangiyadi iya asawa na, se̍ manin mangasawa ka sabali, ket maibilang nga makabasulin iya asawa na ka basul nga pannakitipun ka bekken na nga asawa. 12Ket agten pe̍ iyan ya babey: Maibilang met pe̍ nga makabasul ka basul nga pannakitipun ka bekken na nga asawa, no iyadi na ya asawa na, se̍ makiasawa manin ka sabali,” kunen na.
To ayat ne̍ Je̍sus kadito ebbing
Mat. 19:13-15; Luk. 18:15-17
13Ket uwed da toley itun nga nange̍lbe̍t ka ebbing e̍ Je̍sus, tasun icman na da kuma. Ngem dito adalan na, nilbec da met dito nange̍lbe̍t. 14Ngem ito nasingen ne̍ Je̍sus, nakaunget ngarud, ket kinunen na kadito adalan na, “Palubusan nu lugud diya ebbing nga umbe̍t iyaken. Madi nu da nga paritan. Ta agten met kadidi nga ebbing diya aglak-am iya panangituray ne̍ Apu Diyus. 15Ket pudnu met nga diya orey nagan na nga madi paiturayan e̍ Apu Diyus, nga agten mettas iya panagpaituray niya ebbing, madi da mabalin ya makitipun kadiya iturayan ne̍ Apu Diyus,” kunen na. 16Ket kine̍bey na ngarud dito ebbing, se̍ na nipatey diya ima na igida, nga nikararagan na da.
To lalaki nga nabacnang
Mat. 19:16-30; Luk. 18:18-30
17Ket ito agrubwat nge̍ Je̍sus nga pumanaw antuni nin, uwed met isa nga lalaki nga nanagtag nga imadenni igina. Ket nawe̍ ngarud nagparintumeng iya sangu ne̍ Je̍sus, nga kinunen na igina, “Nalinteg nga Mistru, ibagam kay iyaken ya masapul nga wanglec tasun magun-ud ku ya biyag nga agnanayun,” kunen na.
18Ket kinunen ne̍ Je̍sus igina, “Ape̍ nga kunem nga nalinteg gac? Awan met nalinteg, no di ngas e̍ Apu Diyus. 19Ket no maipanggep ito saludsud mu, emmum met dito bilbilin ne̍ Apu Diyus: ‘Madi ka pumatey, madi ka makitipun ka bekken mu nga asawa, madi ka agtakew, madi ka mangpabasul nga sibubusid, madi ka agsuwitic, se̍ dayawem ya amam se̍ ya inam,’ kunen na kadito bilbilin,” kunen ne̍ Je̍sus.
20Ket kinunen nito lalaki e̍ Je̍sus, “Ay Mistru, nanipud pekkem ito kaebbing ku, tungtungpalec met amin diyan nga bilbilin,” kunen na.
21Ket e̍ Je̍sus, pineskan na to lalaki yin, ket nipateg ngarud ne̍ Je̍susin. Ket kinunen na ito lalaki, “Uwed pekkem mas isa nga masapul nga wanglem. Mawe̍ ka ilaku diya sansanicwam, se̍ ka e̍cde̍ ya paglakuwam kadiya napanglaw. Ket iya agten iyan, uwed nad kinabacnang mu ka langitin. Ket kalpasan niya panange̍cde̍ mun, umbe̍t nac suruten nin,” kunen na.
22Ket ito nakagi ne̍ Je̍sus yan, narba met ya rupa nito lalaki yin, ket pimanaw lugudin nga silaladingit, ta bacnang met ngamin nga unay.
23Ket e̍ Je̍sus, limanga kadiya adalan na, se̍ na kinunen igida, “Diya uwed kinabacnang da, narigat met nga makalak-am da nad iya panangituray ne̍ Apu Diyus!” kunen na.
24Ket nasdaaw ngarud dito adalan na gapu iyan nga kinagi na. Itu nga kinunen manin ne̍ Je̍sus igida, “Ay, an-anac ku, narigat ngarud ya pannakalak-am iya panangituray ne̍ Apu Diyus! 25Ta nalaclaka lugud nga lumbut ya kame̍lyu iya ebbut niya dagum, ngem iya pannakalak-am niya isa nga nabacnang iya panangituray ne̍ Apu Diyus,” kunen na.
26Ket nakarkaru manin to seddaaw dito adalan, ket kinunen da met, “No agten iyan, nagan ngarud diya mabalin nga maisalakanin?” kunen da.
27Ket pineskan met ne̍ Je̍sus da nga kinunen na, “No ya toley, ket madi ngarud mabalin yan. Ngem no e̍ Apu Diyus, mabalin met, ata mabalin ngarud ne̍ Apu Diyus ya orey nagan na,” kunen na.
28Ket e̍ Pe̍dru met ya nagkagi yin, nga kinunen na igina, “Ket no dakami, pinanawan mi met diya amin, tasun sumurut kami ikew,” kunen na.
29Ket kinunen ne̍ Je̍sus, “Pudnu met yani nga ibagac dakayu: Orey nagan na nga nangpanaw iya baley na, winno kakabsat na nga lalaki winno babey, ya ina na, winno ya ama na, winno diya anac na, winno diya laplapug na, tasun agsirbi iyaken se̍ iya Makaparagsac nga Damag, 30basta maisupapac igina iya ita mettas nga timpu ya orey mame̍nsangagasut nga balbaley, se̍ kakabsat nga lalaki se̍ babey, se̍ in-ina, se̍ an-anac, se̍ laplapug. Ket ya agten iyan nga toley, aglak-am ngarud pe̍ ka pannakairurumen. Ket iya sumarunu nga timpu, uwed nad pe̍ ya supapac na, nga itu ya biyag nga agnanayun. 31Ngem adu diya maibilang nga nadayaw ita, nga maibilang nad ngas met nga nababa ngin. Ket adu diya maibilang nga nababa ita, nga maibilang nad met nga nadayawin,” kunen na.
To panangipakaemmu manin ne̍ Je̍sus iya ipapatey
se̍ panagungar na
Mat. 20:17-19; Luk. 18:31-34
32Ket ito uwed de̍ Je̍sus iya dalan nga agsangsang-at nga agpa-He̍rusale̍min, situtured met nge̍ Je̍sus nga nangipangulu igida nga nanalanin. Ket dito adalan na, nasdaawan dan. Ket dito duduma nga naibulun pe̍ igida, simarsarunu da met pe̍ nga sidadanagin. Ket e̍ Je̍sus, nibay-at na manin dito sangapulu ket duwa nga adalan na, se̍ na nibaga igida diya mapasamac nad igina, 33nga kinunen na, “Agten idi nin: Manang-at tida ngarud nga mawe̍ ka He̍rusale̍min. Ket ya Anac nga Naipatoley, maiyawat nad met antuni kadiya pangpangulu diya agsirsirbi iya Te̍mplu se̍ kadiya manursuru iya Linteg. Ket kedngan da nad met nga patey ya dusa na. Ket iya agten iyan, iyawat da nad ngarud kadiya bekken nga Hudyu. 34Ket diya bekken nga Hudyu, laisen da nad ya Anac nga Naipatoley yin, se̍ da met lutaban se̍ sapliten ka latiku, se̍ da nad met patayen. Ket kalpasan nad tellu nga algew, agungar nad mettas,” kunen na.
To inadeng de̍ Santiyagu nge̍ Juan e̍ Je̍sus
Mat. 20:20-28
35Ket itun, de̍ Santiyagu nge̍ Juan nga anac ne̍ Se̍be̍dyu, imadenni da e̍ Je̍sus, nga kinunen da, “Mistru, uwed adngen mi ikew. Ket gabay mi no tungpalem kuma orey no nagan ya adngen mi,” kunen da.
36Ket kinunen ne̍ Je̍sus igida, “Nagan na ngarud ya gabay nu kuma nga ipawangel iyaken para dakayu?” kunen na.
37Ket kinunen da igina, “Ipalubus mu kuma nga no uwed ka nad iya pakaidayawam mun, makipagtugew kami kuma iya abay mu. Ket pagsumbangiran daka kuma, nga ya isa dakami, ket iya madiwanan mu, se̍ ya isa iya makatigid mu,” kunen da.
38Ket kinunen met ne̍ Je̍sus igida, “Madi nu met maawatan ya kaipapennan niyan nga ad-adngen nu. Ape̍? Kabaellan nu kad nga itured ya panagsagaba nga lak-amec, nga rigat nga arig nga inumec? Se̍ kabaellan nu kad nga itured ya masapul ku nga itured, nga arig nga pakabautisarac?” kunen na.
39Ket kinunen da e̍ Je̍sus, “Kabaellan mi met, a,” kunen da.
Ket kinunen ne̍ Je̍sus igida, “Ngarud, mairaman kayu nad nga tutu iya rigat nga arig nga inumec, se̍ aglak-am kayu nad met pe̍ iya arig nga pakabautisarac. 40Ngem to adeng nu nga makipagtugew kayu kuma iya madiwanan ku se̍ iya makatigid ku, ket bekken ku met nga karbengngan ya mangisaad iya agten iyan. Ta naipaay mettin diyan nga saad kadiya nakaisaganaan dan,” kunen na.
41Ket dito sangapulu nga pada da nga adalan, ito nagicna da to inadeng de̍ Santiyagu nge̍ Juan, nakaunget da met igida. 42Ket e̍ Je̍sus, pinaadenni na da igina, nga kinunen na igida, “Pageemmu nu met nga no diya maibilang nga agtuturay kadiya bekken nga Hudyu, ipapilit da ya turay da kadiya toley da. Se̍ agten pe̍ diya nangatu nga toley igida, gabay da pe̍ ya mangituray kadiya toltoley. 43Ngem no dakayu, bekken kuma nga agten iyan. Ta ya mayat nga maibilang nga nangatu dakayu, masapul nga agbalin nga agsirsirbi dakayu. 44Ket ya mayat nga maibilang kuma nga kadayawan dakayu, ket masapul met nga agpaituray dakayu nga amin, nga arig nga tagabu nu. 45Ta kinapudnu na, orey ya Anac nga Naipatoley, madi inumbe̍t tasun pasirbiyan kuma kadiya duduma, no di lugud tasun agsirbi, se̍ tasun ipaay na ya biyag na nga pangsubbut kadiya adu nga toltoley,” kunen na.
To panangpalaing ne̍ Je̍sus ito kulap nga makilimlimus
Mat. 20:29-34; Luk. 18:35-43
46Ket nakadateng da iya ili nga He̍riku itun. Ket ito pumanaw antuni nin nge̍ Je̍sus se̍ dito adalan na se̍ ya adu pe̍ nga toltoley, uwed met antuni nge̍ Bartimyu nga isa nga kulap nga makilimlimus, nga anac ne̍ Timyu. Nagtugtugew met to kulap iya pingit niya dalan. 47Ket ito naemmuwan na nga e̍ Je̍sus nga iNasare̍t ya manmanalan iyanin, nip-ipkaw na ngarud nga kinunen, “Je̍sus nga kapututan nito Ari Dabid! Kaasiyan nac kay!” kunen na. 48Ket adu met dito nangilbec igina nga madi kuma kanu mamagas. Ngem nilallalu na lugud to nagpecpekkaw, nga kinunen na, “Kapututan nito Ari Dabid! Kaasiyan nac kay!” kunen na.
49Ket nagsardeng ngarud nge̍ Je̍sus, ket kinunen na, “Palbe̍ten nu man idi,” kunen na.
Ket inayab da ngarud to kulap, nga kinunen da, “Agragsac ka lugudin! Gumnukat ka ngarud, ta palbe̍ten nakan,” kunen da.
50Ket niwagleng ngarud ne̍ Bartimyu to ke̍bal nan, ket dagus nga ginumnukatin, nga nawe̍ ito edyan ne̍ Je̍sus. 51Ket kinunen ne̍ Je̍sus igina, “Nagan ya gabay mu nga wanglec para ikew?” kunen na.
Ket kinunen ngarud nito kulap igina, “Apu Mistru, gabay ku ya makasingen kuma manin,” kunen na.
52Ket kinunen ne̍ Je̍sus igina, “Mabalin mu ya agawir nga sitatalna ngin. Nalaingan kan gapu iya panamatim,” kunen na.
Ket sigida nga nakasingen nga tutu manin, ket simurut e̍ Je̍sus ito dalanin.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1990 New Tribes Mission, Sanford, FL 32771-1487, USA.
Printed in the Philippines.