Ŋitic. 18
18
Topeyeon Paulo alo Korinto
1Ekaku a ŋun, torotok Paulo alo Asen, tolot lotaun ŋolo anyaritae Korinto. 2Toryamu iŋes aina Eyudayat ŋolo anyaritae Akwila, ŋolo auritae alo Ponitio. Keriŋa Akwila eboŋuni alo Italia, torukito ka aberu keŋ Prisila, anerae kebu Klauda ekepukan a Roma tolimu atemar torotokis Ŋiyudayan daadaŋ alo Roma. Tolot Paulo aanyun ikes, 3toruko ka ikes, kitiyata kaapei, anerae arae iŋes daŋ ekadonyon ŋiemae ikwapei ikes. 4Kimocoenenee Paulo alosinagoga a ŋinakoloŋit a Sabato, iwarit akitunup Ŋiyudayan ka Ŋigirik ŋakiro ŋun.
5Ani epote Silas ka Timoteo alo Makedonia, totum Paulo aayenen akeepaki daadaŋ elimonokini ka iteyenunui Ŋiyudayan atemar Yesu iŋes erae Kristo. 6Nai ani itepegete ikes iŋes ka kirworotor iŋes neni aronon, kilakilakaa iŋes ŋilowi keŋ tema, “Ani tokona kikitubok Akuj iyes, erae ŋun ŋuna kus! Emam ŋuna akatapito ayoŋ. Ameun tokona alosi ayoŋ lotuŋa ŋulu nyerae Ŋiyudayan.” 7Torotok iŋes alosinagoga tolot, akiboi kai a Tito Yusito. Arae Tito ekile ŋolo ainakina neni ka Akuj ka pa arae Eyudayat. Aapi akai keŋ alosinagoga. 8Tonupa nai ekapolokiniton esinagoga ŋolo arae ekiro keŋ Kirispo ka ekal keŋ daadaŋ Ekapolon Yesu. Ani iirarete ŋituŋa ŋulu alalak ŋulu alo Korinto ŋakiro ŋun, tonupa, kibatisae.
9Akoloŋit apei nakwaare, bu atakanikinet neni a Paulo, kisirworik Ekapolon iŋes tema, “Nyikuryaniar, nai torubak ilimonokini ka nyiesik jik, 10anerae ikirukit ayoŋ ka iyoŋ. Emam ituŋanan epedori akiwan iyoŋ, anerae ŋituŋa ŋulu alalak alotaun a lo, erae ŋulu kaŋ.” 11Aŋun, kiboi Paulo a nen todol ekaru epei ka ŋilapyo ŋikanikapei itatami ŋakiro ŋuna ka Akuj lotuŋa.
12Ani ituruworyo Galio ekawuoikiniton ekepukan a Roma anakwap a ŋina ka Akaia, tocunakinos Ŋiyudayan iwapei, kikamut Paulo yaasi loikiiko. 13Temasi ikes ebe, “Ikatakinit ekile lo akitacamun ŋituŋa akilip Akuj alopite a ŋolo nyecamito Ŋikisila a Moses!” 14Ani edikino Paulo irworikini, tolimok Galio Ŋiyudayan tema, “Kerae torae ŋakiro nu ŋuna aronok kori ŋuna ka aseconu a ŋina apolon, keya ŋakiro ŋuna apedorya ayoŋ apupokin iyes Ŋiyudayan. 15Nai ikwaŋinapei eraakar ebura lo ŋolo a ŋakiro ka ŋirorwa ka ŋikisila kus a ŋilopeyek, itemokino iyes ŋilopeyek tosubakis ŋakiro kus. Nyaruwor ayoŋ ekatubon ŋolo a ŋakiro a ŋuna ikote nu!” 16Kirita iŋes ikes kiŋa aneni eikiikere. 17Kikamut ikes daadaŋ Sostene ekapolokiniton esinagoga, kibuŋata iŋes alokiŋaren eikiiko. Nai nyemitak Galio ŋun tari iwadio.
Toboŋo Paulo Antiokio
18Kiboiyoto Paulo ka ŋikanupak alo Korinto ŋirwa ŋulu alalak. Ani ekaku, totyakas ka ikes, torukosi iŋes ka Prisila ta Akwila, todoka ameeli, toloto Siria. Ani eriŋa Paulo nyeloto alo Kenikerea, totub ŋitim keŋ aŋuna ka akikoŋ a ŋina abu iŋes kikoŋ neni ka Akuj. 19Todolo ikes Epeso, tolot Paulo bon losinagoga akiyan ka Ŋiyudayan. 20Kiŋitakis ikes iŋes akiboi ekaoyan ka ikes, nai abu nyecamu. 21Nai ani erotokini iŋes, tolimok ikes tema, “Aboŋuni ayoŋ neni kus, erae kerae acamit ka Akuj.” Todok nai iŋes ameeli alo Epeso, toesik Prisila ka Akwila a nen.
22Ani edoli iŋes Kaisaria, tolot Yerusalem akimal atukot ŋina a ŋikanupak; tolot nai Antiokio. 23Ani kedau iŋes apaki adio a nen, torotok tolot kirimo nakwapin ŋuna a Galatia ka Pirigia, kisimukek ŋikanupak daadaŋ.
Apolo alo Epeso ka Korinto
24Apaki ŋin, bu lotaun ŋolo ke Epeso Eyudayat ŋolo anyaritae Apolo, ŋolo edounitoe alo Alekisandaria. Ayeni iŋes erwor nooi, ayeni daŋ Ŋakigireta nooi. 25Kitatamitae iŋes ejok Erot ŋolo ke Ekapolon. Etatami iŋes ŋakiro a Yesu alopite a ŋolo eyookino ka alelakinit nooi; nai ayeni iŋes ebatisimu a Yoana bon. 26Kisyak nai iŋes erwor alosinagoga pa ekuryanit. Ani iirarete Prisila ka Akwila iŋes, tonyaraiyasi iŋes, tolimokis Erot ŋolo ka Akuj alopite a ŋolo iyookino adepar. 27Ani etyakuni Apolo alosit Akaia, kisimukekis ŋikanupak ŋulu a Epeso iŋes alosit, kigirakis ŋabaruwae neni a ŋikanupak a ŋulu alo Akaia akijaun iŋes aina. Ani edoli iŋes inaa, kiŋarak iŋes nooi Ŋikristo ŋulu keris keruworosi ŋikanupak anajokis a ŋina ka Akuj. 28Anerae anakimoco keŋ ka Ŋiyudayan alokiŋaren ŋituŋa, abu kilou ikes, kitoodiu a Nakigireta ebe Yesu iŋes erae Kristo.
ទើបបានជ្រើសរើសហើយ៖
Ŋitic. 18: NIB2008
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ngakarimojong Interconfessional Bible © Bible Society of Uganda, 2008.
Ŋitic. 18
18
Topeyeon Paulo alo Korinto
1Ekaku a ŋun, torotok Paulo alo Asen, tolot lotaun ŋolo anyaritae Korinto. 2Toryamu iŋes aina Eyudayat ŋolo anyaritae Akwila, ŋolo auritae alo Ponitio. Keriŋa Akwila eboŋuni alo Italia, torukito ka aberu keŋ Prisila, anerae kebu Klauda ekepukan a Roma tolimu atemar torotokis Ŋiyudayan daadaŋ alo Roma. Tolot Paulo aanyun ikes, 3toruko ka ikes, kitiyata kaapei, anerae arae iŋes daŋ ekadonyon ŋiemae ikwapei ikes. 4Kimocoenenee Paulo alosinagoga a ŋinakoloŋit a Sabato, iwarit akitunup Ŋiyudayan ka Ŋigirik ŋakiro ŋun.
5Ani epote Silas ka Timoteo alo Makedonia, totum Paulo aayenen akeepaki daadaŋ elimonokini ka iteyenunui Ŋiyudayan atemar Yesu iŋes erae Kristo. 6Nai ani itepegete ikes iŋes ka kirworotor iŋes neni aronon, kilakilakaa iŋes ŋilowi keŋ tema, “Ani tokona kikitubok Akuj iyes, erae ŋun ŋuna kus! Emam ŋuna akatapito ayoŋ. Ameun tokona alosi ayoŋ lotuŋa ŋulu nyerae Ŋiyudayan.” 7Torotok iŋes alosinagoga tolot, akiboi kai a Tito Yusito. Arae Tito ekile ŋolo ainakina neni ka Akuj ka pa arae Eyudayat. Aapi akai keŋ alosinagoga. 8Tonupa nai ekapolokiniton esinagoga ŋolo arae ekiro keŋ Kirispo ka ekal keŋ daadaŋ Ekapolon Yesu. Ani iirarete ŋituŋa ŋulu alalak ŋulu alo Korinto ŋakiro ŋun, tonupa, kibatisae.
9Akoloŋit apei nakwaare, bu atakanikinet neni a Paulo, kisirworik Ekapolon iŋes tema, “Nyikuryaniar, nai torubak ilimonokini ka nyiesik jik, 10anerae ikirukit ayoŋ ka iyoŋ. Emam ituŋanan epedori akiwan iyoŋ, anerae ŋituŋa ŋulu alalak alotaun a lo, erae ŋulu kaŋ.” 11Aŋun, kiboi Paulo a nen todol ekaru epei ka ŋilapyo ŋikanikapei itatami ŋakiro ŋuna ka Akuj lotuŋa.
12Ani ituruworyo Galio ekawuoikiniton ekepukan a Roma anakwap a ŋina ka Akaia, tocunakinos Ŋiyudayan iwapei, kikamut Paulo yaasi loikiiko. 13Temasi ikes ebe, “Ikatakinit ekile lo akitacamun ŋituŋa akilip Akuj alopite a ŋolo nyecamito Ŋikisila a Moses!” 14Ani edikino Paulo irworikini, tolimok Galio Ŋiyudayan tema, “Kerae torae ŋakiro nu ŋuna aronok kori ŋuna ka aseconu a ŋina apolon, keya ŋakiro ŋuna apedorya ayoŋ apupokin iyes Ŋiyudayan. 15Nai ikwaŋinapei eraakar ebura lo ŋolo a ŋakiro ka ŋirorwa ka ŋikisila kus a ŋilopeyek, itemokino iyes ŋilopeyek tosubakis ŋakiro kus. Nyaruwor ayoŋ ekatubon ŋolo a ŋakiro a ŋuna ikote nu!” 16Kirita iŋes ikes kiŋa aneni eikiikere. 17Kikamut ikes daadaŋ Sostene ekapolokiniton esinagoga, kibuŋata iŋes alokiŋaren eikiiko. Nai nyemitak Galio ŋun tari iwadio.
Toboŋo Paulo Antiokio
18Kiboiyoto Paulo ka ŋikanupak alo Korinto ŋirwa ŋulu alalak. Ani ekaku, totyakas ka ikes, torukosi iŋes ka Prisila ta Akwila, todoka ameeli, toloto Siria. Ani eriŋa Paulo nyeloto alo Kenikerea, totub ŋitim keŋ aŋuna ka akikoŋ a ŋina abu iŋes kikoŋ neni ka Akuj. 19Todolo ikes Epeso, tolot Paulo bon losinagoga akiyan ka Ŋiyudayan. 20Kiŋitakis ikes iŋes akiboi ekaoyan ka ikes, nai abu nyecamu. 21Nai ani erotokini iŋes, tolimok ikes tema, “Aboŋuni ayoŋ neni kus, erae kerae acamit ka Akuj.” Todok nai iŋes ameeli alo Epeso, toesik Prisila ka Akwila a nen.
22Ani edoli iŋes Kaisaria, tolot Yerusalem akimal atukot ŋina a ŋikanupak; tolot nai Antiokio. 23Ani kedau iŋes apaki adio a nen, torotok tolot kirimo nakwapin ŋuna a Galatia ka Pirigia, kisimukek ŋikanupak daadaŋ.
Apolo alo Epeso ka Korinto
24Apaki ŋin, bu lotaun ŋolo ke Epeso Eyudayat ŋolo anyaritae Apolo, ŋolo edounitoe alo Alekisandaria. Ayeni iŋes erwor nooi, ayeni daŋ Ŋakigireta nooi. 25Kitatamitae iŋes ejok Erot ŋolo ke Ekapolon. Etatami iŋes ŋakiro a Yesu alopite a ŋolo eyookino ka alelakinit nooi; nai ayeni iŋes ebatisimu a Yoana bon. 26Kisyak nai iŋes erwor alosinagoga pa ekuryanit. Ani iirarete Prisila ka Akwila iŋes, tonyaraiyasi iŋes, tolimokis Erot ŋolo ka Akuj alopite a ŋolo iyookino adepar. 27Ani etyakuni Apolo alosit Akaia, kisimukekis ŋikanupak ŋulu a Epeso iŋes alosit, kigirakis ŋabaruwae neni a ŋikanupak a ŋulu alo Akaia akijaun iŋes aina. Ani edoli iŋes inaa, kiŋarak iŋes nooi Ŋikristo ŋulu keris keruworosi ŋikanupak anajokis a ŋina ka Akuj. 28Anerae anakimoco keŋ ka Ŋiyudayan alokiŋaren ŋituŋa, abu kilou ikes, kitoodiu a Nakigireta ebe Yesu iŋes erae Kristo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ngakarimojong Interconfessional Bible © Bible Society of Uganda, 2008.