Markos 9
9
1Hehan hewicakiya; Awicakehan heciciyapi; den najinpi etanhan wanjikji wiconṭe utapi śni itokam, Wakantanka tokiconze wowaśake on hi wanyakapi kta.
2Unkan anpetu śakpe iyohakam Jesus, Inyan, qa Jakob, qa Johannes iwicacu, qa icunonpa paha wan tehanwankantu kin ekta awicaya; qa wicitokam yutokecapi;
3Tawokoyake kin wiyatpatpa, ska ḣinca, wa iyececa; maka akan wayuska kin tuwedan iyecen ska kaga okihi śni.
4Unkan hen Elias qa Moses en ihdutaninpi; qa hena Jesus kici wohdag yukanpi.
5Hehan Inyan waayupte c̣a Jesus heciya; Itancan, den unyakonpi he waśte; ito wakeya yamni ti unkicagapi kta; wanji niye on, qa wanji Moses, qa wanji Elias unkicagapi kta.
6Taku eye kta sdonkiye śni; nina yuśinyayapi nakaeś.
7Unkan maḣpiya wan aohanziwicaya; qa maḣpiya kin eciyatanhan wicaho wan tanin qa heya; Micinkśi waśtewakidake cin he dee, he anagoptan po.
8Hehan ecahankeya ihdukśan etonwanpi qehan, wicaśta tuwedan wanyakapi śni, Jesus iśnana kici unpi.
9Unkan paha kin etanhan apamahde kupi icunhan wahokonwicakiya, taku wanyakapi kin tuwedan okiyakapi kte śni, Wicaśta Cinhintku kin ṭapi etanhan kini śni hehanyan.
10Unkan wicoie kin he awacinpi, qa ṭapi etanhan kini eyapi kin he taku kapi hecinhan he ikiciwangapi.
11Unkan heya iwangapi; Tokeca e Elias tokaheya hi kta ce, wowapi kagapi kin eyapi he.
12Unkan awicayupte c̣a heya; Awicakehan Elias tokaheya hi kta, qa taku owasin yuecetu kta; qa Wicaśta Cinhintku kin token taku ota kakije kta, qa ḣeyata iyeyapi kta e wowapi en kagapi qon, he nakun owicakiyaka.
13Tuka heciciyapi ce; Awicakehan Elias wanna hi; unkan token cinpi kin ecen ecakiconpi, wowapi en kagapi qon iyececa.
14Unkan waonspewicakiye cin en hdi qehan, wicihdukśan wicota ḣinca wanwicayaka; qa wowapi kagapi kin wiwicawangapi.
15Unkan oyate kin iyuḣpa wanyakapi qehan nina yuśinyayapi, qa ekta inyang yapi qa okiyapi.
16Unkan wowapi kagapi kin, Taku e on wiwicanungapi he, eya iwicawanga.
17Unkan wicota etanhan wanji ayupta; Waonspekiye, micinkśi woniya ie śni kin heca yuhe cin he cicahi.
18Qa tukten eyaku eca yuḣdeḣdeca ece; hecen i minitaga au, qa hi hdakinskinza, qa ḣanyan ece; unkan waonspewicayakiye cin hena tankan eḣpeyapi kta kewicawakiya, tuka okitpanipi.
19Unkan waayupte c̣a hewicakiya; Wicoicage wicada śni, tohanyan cicipi waun kta; tohanyan iyowinciciyapi kta he. En makau po.
20Hehan en kahipi. Unkan wanyag iheye cin hecehna woniya kin yuḣdeḣdeca; qa makata eḣpeye c̣a, i minitaga au paptanptan iyeic̣iya wanka.
21Unkan atkuku kin heya iwanga; Tohantanhan hececa he. Unkan iś; Hoksiyoqopa ehantanhan, eya.
22Qa ota petan eḣpeye c̣a, minin eḣpeya, ihangye kta e heon; tuka niś taku oyakihi kinhan, onśiunkida po qa ounkiya po.
23Jesus heciya; Wicada oyakihi kinhan; tuwe wicada kin he on taku owasin okihipica ce.
24Unkan hecehnana hokśidan atkuku kin hotanin qa ceya heya; Itancan wicawada; wicawada śni kin he niye omakiya wo.
25Jesus oyate kin en inyang hiyupi wanwicayaka, hehan woniya śapa iyopeye c̣a heciya; Woniya ia okitpani qa noge tpa, tankan hinanpe c̣a, icimana en ye śni wo, he miye e econ ciśi ce, eya.
26Unkan hotanin qa nina yuḣdeḣdeca, qa tankata hinanpa; unkan wicaśta ṭa iyececa, hecen, Wanna ṭa ce, wicota eyapi.
27Tuka Jesus napata yuze c̣a yuwankan icu; unkan najin hiyaya.
28Unkan tin hiyu qehan, waonspewicakiye cin naḣmana iwangapi; Tokeca unkiye tankan eḣpeya unkokihipi śni he.
29Unkan hewicakiya; Ocaje kin de wote śni cekiyapi kin ecedan on tankan hiyu kta okihi ece.
30Hehan hetanhan yapi qa Galile iyoopta iyayapi; qa tuwedan sdonye kte śni cin.
31He icunhan waonspewicakiye cin wowicakiyaka qa; Wicaśta Cinhintku kin wicaśta napepi kin en wicaqupi, unkan ktepi kta; qa ktepi iyohakam anpetu iciyamni hehan kini kta ce, ewicakiya.
32Tuka wicoie kin he okaḣnigapi śni, qa on iwangapi kta kokipapi.
33Unkan Kapernaum en hi; qa ti mahen yanka hehan wiwicawanga; Canku ohna taku e on ayakinicapi he.
34Tuka inina yukanpi; canku ohna wanji tukte iyotan tankapi kta e heon hdokinicapi.
35Unkan iyotanke c̣a akenonpapi kin wicakico qa hewicakiya; Wicaśta wan tokaheya un kta cin kinhan, hee ehake un kta, qa owasin wowidagyapi kta.
36Hehan hokśiyoqopa wan icu, qa wicacokaya ehnaka; qa nape ohna eyaku, hehan hewicakiya;
37Tuwe hokśiyoqopa dececa wanji, micaje on tin hiyuye cinhan, miye tin hiyumayan ece; qa tuwe tin hiyumaye cin he miye śni, tuka tuwe u maśi kin he tin hiyuya ece.
38Hehan Johannes ayupte c̣a; Waonspekiye, wicaśta wan nicaje on taku wakan śica tankan eḣpeya wanunyakapi, he unkihakam u śni; unkan unkihakam u śni kin on etanhan teunḣindapi ce, eya.
39Tuka Jesus heya; Teḣindapi śni po; wicaśta tuwe micaje on wicoḣan tanka econ kinhan, he ituya mayaśice kta okihi śni.
40Tuwe unkizapi śni kinhan, he unkicipi un ece.
41Tuwe micaje on miniyatke ohna mini datkanpi kta nic̣upi kinhan, Messiya niyuhapi kin heon, he wokajuju toki eḣpekiye kte śni, awicakehan eciciyapi.
42Qa tuwe dena cikcistinpidan wacinmayanpi kin wanji waḣtanikiye cinhan, tahu en inyan wiyutpan wan iyakaśkapi qa miniwanca kin en eḣpeyapi unkanś, he waśte kta tuka.
43Qa ninape waḣtaniniye cinhan hdaksa wo; nape ksa wiconi kin en yai kinhan hee waśte kta, qa nape napin hduha Wakanśica ti, peta icimana kasnipi kte śni kin en iyoḣpeniyanpi kte śni.
44Hen wamduśka tawapi kin ṭe kte śni, qa peta kin kasnipi śni ece.
45Nakun nisiha waḣtaniniye cinhan hdaksa wo; huniśte wiconi kin en yai kinhan, he waśte kta, qa siha nom hduha Wakanśica ti peta icimana kasnipi kte śni kin en iyoḣpeniyanpi kte śni.
46Hen wamduśka tawapi kin ṭe kte śni, qa peta kin kasnipi śni ece.
47Nakun niiśta waḣtaniniye cinhan hduśdoka wo; iśta wanjidan hduha Wakantanka tokiconze kin en de cinhan, hee waśte kta, qa iśta napin hduha Wakanśica ti peta kin en iyoḣpeniyanpi kte śni.
48Hen wamduśka tawapi kin ṭe kte śni, qa peta kin kasnipi śni ece.
49Wicaśta otoiyohi peta on skuyeyapi kta, qa wośnapi otoiyohi miniskuya on skuyeyapi kta.
50Miniskuya kin he waśte; tuka miniskuya kin skuye śni aye cinhan taku e on skuyeyapi kta he. Miniskuya ihduha po, qa wookiye kiciyuha po.
ទើបបានជ្រើសរើសហើយ៖
Markos 9: DAKOTANT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Copyright 2015 American Bible Society. All Rights Reserved.
Markos 9
9
1Hehan hewicakiya; Awicakehan heciciyapi; den najinpi etanhan wanjikji wiconṭe utapi śni itokam, Wakantanka tokiconze wowaśake on hi wanyakapi kta.
2Unkan anpetu śakpe iyohakam Jesus, Inyan, qa Jakob, qa Johannes iwicacu, qa icunonpa paha wan tehanwankantu kin ekta awicaya; qa wicitokam yutokecapi;
3Tawokoyake kin wiyatpatpa, ska ḣinca, wa iyececa; maka akan wayuska kin tuwedan iyecen ska kaga okihi śni.
4Unkan hen Elias qa Moses en ihdutaninpi; qa hena Jesus kici wohdag yukanpi.
5Hehan Inyan waayupte c̣a Jesus heciya; Itancan, den unyakonpi he waśte; ito wakeya yamni ti unkicagapi kta; wanji niye on, qa wanji Moses, qa wanji Elias unkicagapi kta.
6Taku eye kta sdonkiye śni; nina yuśinyayapi nakaeś.
7Unkan maḣpiya wan aohanziwicaya; qa maḣpiya kin eciyatanhan wicaho wan tanin qa heya; Micinkśi waśtewakidake cin he dee, he anagoptan po.
8Hehan ecahankeya ihdukśan etonwanpi qehan, wicaśta tuwedan wanyakapi śni, Jesus iśnana kici unpi.
9Unkan paha kin etanhan apamahde kupi icunhan wahokonwicakiya, taku wanyakapi kin tuwedan okiyakapi kte śni, Wicaśta Cinhintku kin ṭapi etanhan kini śni hehanyan.
10Unkan wicoie kin he awacinpi, qa ṭapi etanhan kini eyapi kin he taku kapi hecinhan he ikiciwangapi.
11Unkan heya iwangapi; Tokeca e Elias tokaheya hi kta ce, wowapi kagapi kin eyapi he.
12Unkan awicayupte c̣a heya; Awicakehan Elias tokaheya hi kta, qa taku owasin yuecetu kta; qa Wicaśta Cinhintku kin token taku ota kakije kta, qa ḣeyata iyeyapi kta e wowapi en kagapi qon, he nakun owicakiyaka.
13Tuka heciciyapi ce; Awicakehan Elias wanna hi; unkan token cinpi kin ecen ecakiconpi, wowapi en kagapi qon iyececa.
14Unkan waonspewicakiye cin en hdi qehan, wicihdukśan wicota ḣinca wanwicayaka; qa wowapi kagapi kin wiwicawangapi.
15Unkan oyate kin iyuḣpa wanyakapi qehan nina yuśinyayapi, qa ekta inyang yapi qa okiyapi.
16Unkan wowapi kagapi kin, Taku e on wiwicanungapi he, eya iwicawanga.
17Unkan wicota etanhan wanji ayupta; Waonspekiye, micinkśi woniya ie śni kin heca yuhe cin he cicahi.
18Qa tukten eyaku eca yuḣdeḣdeca ece; hecen i minitaga au, qa hi hdakinskinza, qa ḣanyan ece; unkan waonspewicayakiye cin hena tankan eḣpeyapi kta kewicawakiya, tuka okitpanipi.
19Unkan waayupte c̣a hewicakiya; Wicoicage wicada śni, tohanyan cicipi waun kta; tohanyan iyowinciciyapi kta he. En makau po.
20Hehan en kahipi. Unkan wanyag iheye cin hecehna woniya kin yuḣdeḣdeca; qa makata eḣpeye c̣a, i minitaga au paptanptan iyeic̣iya wanka.
21Unkan atkuku kin heya iwanga; Tohantanhan hececa he. Unkan iś; Hoksiyoqopa ehantanhan, eya.
22Qa ota petan eḣpeye c̣a, minin eḣpeya, ihangye kta e heon; tuka niś taku oyakihi kinhan, onśiunkida po qa ounkiya po.
23Jesus heciya; Wicada oyakihi kinhan; tuwe wicada kin he on taku owasin okihipica ce.
24Unkan hecehnana hokśidan atkuku kin hotanin qa ceya heya; Itancan wicawada; wicawada śni kin he niye omakiya wo.
25Jesus oyate kin en inyang hiyupi wanwicayaka, hehan woniya śapa iyopeye c̣a heciya; Woniya ia okitpani qa noge tpa, tankan hinanpe c̣a, icimana en ye śni wo, he miye e econ ciśi ce, eya.
26Unkan hotanin qa nina yuḣdeḣdeca, qa tankata hinanpa; unkan wicaśta ṭa iyececa, hecen, Wanna ṭa ce, wicota eyapi.
27Tuka Jesus napata yuze c̣a yuwankan icu; unkan najin hiyaya.
28Unkan tin hiyu qehan, waonspewicakiye cin naḣmana iwangapi; Tokeca unkiye tankan eḣpeya unkokihipi śni he.
29Unkan hewicakiya; Ocaje kin de wote śni cekiyapi kin ecedan on tankan hiyu kta okihi ece.
30Hehan hetanhan yapi qa Galile iyoopta iyayapi; qa tuwedan sdonye kte śni cin.
31He icunhan waonspewicakiye cin wowicakiyaka qa; Wicaśta Cinhintku kin wicaśta napepi kin en wicaqupi, unkan ktepi kta; qa ktepi iyohakam anpetu iciyamni hehan kini kta ce, ewicakiya.
32Tuka wicoie kin he okaḣnigapi śni, qa on iwangapi kta kokipapi.
33Unkan Kapernaum en hi; qa ti mahen yanka hehan wiwicawanga; Canku ohna taku e on ayakinicapi he.
34Tuka inina yukanpi; canku ohna wanji tukte iyotan tankapi kta e heon hdokinicapi.
35Unkan iyotanke c̣a akenonpapi kin wicakico qa hewicakiya; Wicaśta wan tokaheya un kta cin kinhan, hee ehake un kta, qa owasin wowidagyapi kta.
36Hehan hokśiyoqopa wan icu, qa wicacokaya ehnaka; qa nape ohna eyaku, hehan hewicakiya;
37Tuwe hokśiyoqopa dececa wanji, micaje on tin hiyuye cinhan, miye tin hiyumayan ece; qa tuwe tin hiyumaye cin he miye śni, tuka tuwe u maśi kin he tin hiyuya ece.
38Hehan Johannes ayupte c̣a; Waonspekiye, wicaśta wan nicaje on taku wakan śica tankan eḣpeya wanunyakapi, he unkihakam u śni; unkan unkihakam u śni kin on etanhan teunḣindapi ce, eya.
39Tuka Jesus heya; Teḣindapi śni po; wicaśta tuwe micaje on wicoḣan tanka econ kinhan, he ituya mayaśice kta okihi śni.
40Tuwe unkizapi śni kinhan, he unkicipi un ece.
41Tuwe micaje on miniyatke ohna mini datkanpi kta nic̣upi kinhan, Messiya niyuhapi kin heon, he wokajuju toki eḣpekiye kte śni, awicakehan eciciyapi.
42Qa tuwe dena cikcistinpidan wacinmayanpi kin wanji waḣtanikiye cinhan, tahu en inyan wiyutpan wan iyakaśkapi qa miniwanca kin en eḣpeyapi unkanś, he waśte kta tuka.
43Qa ninape waḣtaniniye cinhan hdaksa wo; nape ksa wiconi kin en yai kinhan hee waśte kta, qa nape napin hduha Wakanśica ti, peta icimana kasnipi kte śni kin en iyoḣpeniyanpi kte śni.
44Hen wamduśka tawapi kin ṭe kte śni, qa peta kin kasnipi śni ece.
45Nakun nisiha waḣtaniniye cinhan hdaksa wo; huniśte wiconi kin en yai kinhan, he waśte kta, qa siha nom hduha Wakanśica ti peta icimana kasnipi kte śni kin en iyoḣpeniyanpi kte śni.
46Hen wamduśka tawapi kin ṭe kte śni, qa peta kin kasnipi śni ece.
47Nakun niiśta waḣtaniniye cinhan hduśdoka wo; iśta wanjidan hduha Wakantanka tokiconze kin en de cinhan, hee waśte kta, qa iśta napin hduha Wakanśica ti peta kin en iyoḣpeniyanpi kte śni.
48Hen wamduśka tawapi kin ṭe kte śni, qa peta kin kasnipi śni ece.
49Wicaśta otoiyohi peta on skuyeyapi kta, qa wośnapi otoiyohi miniskuya on skuyeyapi kta.
50Miniskuya kin he waśte; tuka miniskuya kin skuye śni aye cinhan taku e on skuyeyapi kta he. Miniskuya ihduha po, qa wookiye kiciyuha po.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Copyright 2015 American Bible Society. All Rights Reserved.