2 कुरिंथीयो ओलखात
ओलखात
दुसरो कुरिंथीयोन ज्यी पोत्री प्रेरित पौलुस यीशु मसीन जेल्मान 55-56 सालान पासाण लिखेल। 1:1 पौलुसान ज्यु दुय पोत्री माय रेन ज्यी दुसरी पोत्री हे। मोकतास पंडित इहकेरीन केतेह काय ज्यी पोत्रीन पेल कुरिंथीयोह एक मोटली कठोर पोत्री लिखेल इतो। ज्यान बारा माय 2:3-4 ज्यी पोत्रीन बाराम किथे, पुण ज्यी पोत्री आमरे फाय रेन नाह। ज्यी दुसरी कुरिंथीयोन पोत्री ज्यो आंदाज हे काय ज्यो पोत्र मकादुनिया रेन लिख्यो एय। 2:13
ज्यी पोत्रीन विशेष ज्यी बावनात्मक वातु एने माणहान वातीन चेरचा केराय जायेल हे, ज्यी पोत्री माय पौलुस खुसी माणावेह काय पौलुस जो हाजाली चेतावणी पौलुस तीतुस फाय रेन सापड़ायेल हे तान बाराम पौलुस खुसी माणावेह, ज्यी पोत्री आपणेन बारामाय जुलूम हिक आपेह ज्यी नोवाला नेमान गेत आपेल हे, इही देखाह ज्यी हिक ता बाराम हे काय पोयशा आपणेन बाराम लिखेल हे, जा पोयशा यरूशलेम वाला विश्वासीन मोदेक केरनेन केरता लेखाय जायेल एतो, 8–9 जा मोंडली माय थोड़ाक माणहे पौलुसान विरोद केरताला, एने थोड़ाक बाहेर रेन आयेल एता ता जुठा प्रेरित ता विरोदान फायदो विसीन पौलुसाह दाबीन सोतान नाव कामावताला, एने पौलुसान आदिकारा पोर सावाल केऱ्या तान केरता ज्यी पोत्रीन सेवल्या ईसा माय यीशु मसीन प्रेरितान नाता माय जोर दिथे।
रूपरेखा
1. पौलुसान मोंडलीह नमस्कार। 1:1-7
2. पौलुस तान यात्राम बोदलाव केरने एने कुरिंथीयोन बाराम खुबेर जुड़ेल तान बारान एने तान पेल्ली पोत्रीन बाराम केणे। 1:8–7:16
3. यरूशलेम माय रेणारा विश्वासीन केरता दान टुलो केरनेन बाराम पौलुसान सुचना। 8:1–9:15
4. आखरी माय पौलुस तान प्रेरितान वोचाव किरेह, एने तान आवणारी बेटीन बाराम इसारो किरेह। 10:1–13:10
ទើបបានជ្រើសរើសហើយ៖
2 कुरिंथीयो ओलखात: Nii2025
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Nahali Bible © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2025