लुका 12
12
ढोंगड़ा करन्या फरीसी माणहुन तेम ना बणो कीन ईसु चेतावे
1 #
मत्ती 16:6; मरकुस 8:15 तीहयी वखत ह़मज मे नी पड़े एतरी जबर माणहु नी गड़दी हय जी, के माणहु-माणहु ने कोहणी र्या हता। तत्यार ईसु आखान पेले आह़फा ना चेला ने केवा बाज ज्यो, “फरीसी माणहु ना दगाळा खमीर सी चेतीन रेजो।” 2#मरकुस 4:22; लुका 8:17आसम कंय बी ह़तायलु नी हय, जे उगाड़ीन उजन्तु नी हये, अने आसम कंय बी ह़तायलु नी हय जे कोयने मालम नी पड़े। 3एतरे जे वात तमु अंदारला मे केदला से, तीहयी वात वीजाळा मे ह़मळावहे अने जे वात तमु ह़ुनकार घोर ना कोपरा मे कान्टा सी ह़मळ्या हय तीहयी वात घोर पोर चड़ीन आड़ी-आड़ीन केहे।
कोय सी बीहवा?
(मत्ती 10:28-31)
4“मे तमु मारा दोस्तीदार्या ने केम जे माणेह तमारा डील नु एतरुत नुकसान करे तीमनी सी ना बीहो। पण तीहया ते अगु कंय बी बगाड़ नी सके। 5मे तमने देखाड़ु के कोय सी बहवा जोवे। भगवान सी बीहो, जीनी पांह मारीन अळतेण नरक मे नाखवा नो बी हक से। होव, मे तमने वळ-वळीन केम, तीनी सी एतरात बीहो।
6“बे पय्हा मे पांच घंचड़ा नी वेचाय ह़ु? ते बी भगवान तीमनी मेथी एक ने बी नी वीहरे। 7होव, तमारा मुंडान आखा नीम्बाळा गणायला से। एतरे तमु ना बीहो काहाके तमारो भाव घंचड़ा गेथो वदु से।
ईसु ने मानवा के नी मानवा
8“मे तमने केम कानो बी माणेह मने बीजा अगळ मान लेहे। तीने मनख्या नो बेटो बी भगवान ना ह़रगे वाळा दुत अगळ मान लेहे। 9पण जे माणेह मने बीजा माणहु अगळ नीकारो करहे, तीने मे बी भगवान ना ह़रगे वाळा दुत अगळ नीकारो कर देही।”
10 #
मत्ती 12:32; मरकुस 3:29 “जे मनख्यान बेटा ना वीरोद मे कंय केहे, तीने माफी जड़ जहे, पण चोखला आत्मा नी नामबद्दी करवा वाळा माणेह ने माफी नी जड़े।”
11“जत्यार माणहु तमने भगवान ना भक्तीन घोर मे, अने नीयाव करन्या अने अदीकार्या अगळ ली जाय, ता आहयी वात नी फीकर नी करजो के आमु कीसम आह़फा ने बचाड़वा करीन ह़ु केहु;#मत्ती 10:19,20; मरकुस 13:11; लुका 21:14,15 12काहाके तीहयी टेमे चोखली आत्मा तमने ह़ीकाड़हे के तमने ह़ु-ह़ु केवा जोवे।”
एक मालदार माणेह नो दाखलो
13एक दाड़े माणहु ईसुन वात ह़मळवा बाज रेला। तत्यार मेळा मे गेथो एक अदमी ईसु ने केदो, “मास्तर, मारा भाय ने कीदे के तीहयो मने तीहया माल-धन मे गेथो मारो वाटो मने आप देय, तीहया माल-धन ने अमारो बाह मरती वखत अमारी जुगु रेवा दीन जत रेलो हतो।”
14ईसु तीने केदो, “ए मनख्या! कोय मने तमारो नीयाव करवा वाळो नीता वाटवा वाळो बणायो।” 15तत्यार ईसु तीहया माणहु ने केदो, “चेतीन रेवो, अने हयाळ्ळा ना बणो! कानो अदमी केतरो बी मालदार हय, हीनो मतलब आहयो नी हय के तीनी उमर वद जहे।”
16तत्यार ईसु तीमने एक मालदार अदमी नो दाखलो ह़मळायो, “एक मालदार अदमी पांह एक खेतर हतु; तीनी मे घणी जबर मेर पाकी।” 17तीहयो मालदार माणेह आह़फा ना मन मे आसम वीच्यार कर्यो, मारी आखी मेर मेकवा जुगु मारी पांह जागो नी हय ह़ु करु एतरा दाणा ने कां मेकु? 18ता तीहयो केदो, “मने मालम से के मे ह़ु कर सकु: मे जुन्ला मोहट्या वेखड़ी देही, अने तीमनी गेथा बी मोटा बणावही। तत्यार मे मेर अने रेली आखी चीज तीमनी मे मेक देही। 19अने मे मनेत केही तारी पांह घणा साल तक, घण ढेरकु धन भेळु करलु से, एतरे अराम कर, खा-पी अने मजा कर।” 20पण भगवान तीहया अदमी ने केदो, “ए वण-अकल्या! आहयीत राते तारो जीव तारी पांह गेथो मांग लेही अने तु मर जही। अने तु आह़फा जुगु भेळु करलो से, तीहयु हाव कोय नु रेहे?”
21“जे आह़फा जुगु धन भेळु करे, तीहयो माणेह बी आहया वण-अकल्या माणेह तेम मरीन खुट जहे; पण भगवान नी नींगा मे तीहयो मालदार नी हय।”
ईसु केय भगवान पोर भरहो करो
(मत्ती 6:25-34)
22तीहयो आह़फा ना चेला ने केदो, “एम करीन मे तमने केम, ह़ु खाय्न जीवहु; अने डील पोर ह़ु पेरहु करीन फीकर नी करजो। 23काहाके जीव खाणु गेथो जादा अने डील लुगड़ा गेथु जादा मोगु से।” 24चड़ा ना बारा मे वीच्यार करो; तीहया नी ते वेरे, अने नी ते वाडे; अने नी ते तीमनी पांह दाणा मेलवा ना मोहट्या हय; ते बी भगवान तीमने पेट भरीन खवाड़े। तमु ते चड़ा गेथा घणा मोगा से। 25तमारी मे गेथु आसम कोय से, जे फीकर करीन आह़फा नी जीवाय नी अमाळ बी उमर बड़ाय सके? 26कदीम तमने आतरु नानु काम बी करते नी अवड़े, ता बीजी वात नी फीकर काहा करो? 27“बड़ा मे वाळा फुलु ने देखीन वीच्यार करो; हीय्या केवाक वदे! हीय्या नी ते मेहनत करे, अने नी ते लुगड़ा बणावे, ते बी मे तमने केम के सुलेमान राजा बी पुरा ठट मे हीय्या फुलुन तेवा लुगड़ा पेरलो नी हतो। 28ए वण-भरह्या! खेतर नु खोड़ ने लग भगवान एतरु जबर बड़ावे, अने तीहयु घणु घटाळु देखाय, अने जे आज पुरतु लीलुगार से, अने वाहणे ह़ुकीन भाटी मे धपवा जुगु हय जहे। ता तमने तीहयो काहा नी पेरावे?”
29एतरे ह़ु खाहु अने ह़ु पीहु करीन खावा-पीवा नी ह़ोद मे ना पड़ो अने कानी बी वात नी फीकर ना करो। 30आहयी कळी ना माणहु आहयी आखी चीज ना ह़ोद मे रेय। पण तमारो ह़रग मे रेण्यो बाह जाणे के तमने ह़ु-ह़ु जोय र्यु। 31पण तमु भगवान ना राज ना ह़ोदवाळ्या पड़ो, ता तमने आहयी आखी चीज बी जड़ जहे।
ह़रग नु धन
(मत्ती 6:19-21)
32ए नान्ला टोळा ना माणहु, बीहो ना, काहाके तमारो बाह तमने राज आपवा करीन खुस से। 33आपणु धन वेच देवो, अने बीजा गरीब माणहु ने दान कर देवो। आपणी जुगु एवा कोथळ्या तीयार करो, जे कदी जुना हय्न फाटे नी। ह़रग मे जलमकु धन भेळु करो, जे कदी कमतु नी हये, अने तीनी ह़ाते चोरी करन्या चोट्टा नी जाय। अने तीहया धन ने कीड़ो नी खाय; 34काहाके जां तमारु धन से तां तमारु मन बी लागलु रेहे।
जागता रेवो
35 #
मत्ती 25:1-13
“जलम तीयार रेजो, अने तमारा दीवा धपला रेवा जोवे। 36#मरकुस 13:34-36तमु तीहया माणहु ह़रका बण जावो, जे अमारो मालीक वेवा मे गेथो पासो कत्यार आवह़े करीन वाट जोय र्या अने जत्यार तीमनो मालीक वेवा करीन पासो आवीन झापलु ठोके; ता तत्यारुत तीनी जुगु झापलु उगाड़ देय। 37जुगाळा से तीहया चाकरी करन्या गुलाम, जत्यार मालीक आवे, तत्यार जागला हात करे! मे तमने ह़ाचलीन केम तीहयो मालीक आह़फो कणाटी वातड़ी बांदीन वारती बण जहे अने तीमने खावा बहाड़हे अने एक-एक जणा ने खाणु वाटीन खवाड़हे। 38अने घणा जुगाळा से तीहया चाकरी करन्या गुलाम, जत्यार मालीक आदी राते अने कुकड़ा वाहरे आवे, तत्यार तीमने हेमेत जागला हात करे! 39#मत्ती 24:43,44तमु ते आहयु वारु रीती सी जाणो, के कदीम घोर मालीक ने मालम रेय के चोट्टा कानी टेमे आवह़े, ता तीहयो आह़फा ना घोर नी चोरी नी हयवा देय। 40तमु बी तीयार रेवो, काहाके जे टेमे तमु तीना आव्वा ना बारा मे नी वीच्यारो, तीहयीत टेमे मनख्या नो बेटो बी आवह़े।”
ईमानदार अने बेमान पावोर
(मत्ती 24:45-51)
41तत्यार पतरस तीने केदो, “ए मालीक! तु, आहयो दाखलो अमारी जुगु की र्यो, के आखा जुगु की र्यो?”
42मालीक ईसु केदो, “आसवो कोय ईमानदार अने अक्कल वाळो माणेह से, तीने तीनो मालीक आह़फा ना पावर्या नो मुख्यो बणावे अने केय के तु मारा पावर्या ने खावा-पीवा नी चीज टेमे-टेमे आप्या करजे?” 43जुगाळो से तीहयो चाकरी करन्यो गुलाम, तीनो मालीक आवे, तत्यार तीहयो तीने सुपरत करलु काम करत्लो हात करे! 44मे तमने ह़ाचलीन केम, तीहयो मालीक तीने, आह़फा ना आखा माल-धन पोर मुख्यो ठेरावहे। 45पण कदीम तीहयो चाकरी करन्यो गुलाम आह़फा ना मन मे वीच्यार करवा बाज जाय, “मारो मालीक आव्वा मे वार लगाड़ र्यो, करीन तीहयो बीजा पावर्या ने अने पावर्याण ने ठोके, अने खावा-पीवा अने ह़रु पीन छाकवा बाज जाय” 46“ता तीहया चाकरी करन्या गुलाम नो मालीक एवा दाड़े आवह़े, जत्यार तीहयो तीनी वाट नी जोय र्यो हय, अने आसवी टेम मे आवह़े तीहयी टेम तीने जणाय नी। मालीक तीने घणो भारी डंड आपहे अने वण-भरह्या ह़ाते भेसकी देहे।”
47आपणा मालीक नी मरजी जाणीन बी तीहयो गुलाम चाकर्यो, कंय बी तीयारी नी कर्यो, एतरे तीहयो घण-जबर मार खाहे। 48पण जे मालीक नी मरजी जाण्या वगर गलत काम कर्यो, तीहयो तीनी गेथो कम मार खाहे। एतरे जीने ढेरकु आपलु से, तीनी पांह ढेरकु मांगहे, अने जीने ढेरकु ह़ोपलु से, तीनी पांह तीने आपलु तीनी गेथो बी वदु मांगहे।
दुख ना बपतीस्मा
(मत्ती 10:34-36)
49मे धरती पोर आक्ठु लीन धपाड़वा आवलो से, अने मारी हेर आहयी से के आहयु आक्ठु हमणेत ह़ळगी जाय, ता घणु वारु हय जाय! 50#मरकुस 10:38मने एक अळी बपतीस्मा लेवा नु से, अने तीहयो बपतीस्मा नी लेवाय, तांह लग, मे कंदराय्लो रेही। 51तमु आसम ह़मजी र्या ह़ु? “मे धरती पोर सांती लीन आवलो से, मे तमने केम, आसम नी हय, मे माणहु मे बेरजाव पाड़वा आवलो से। 52काहाके हमणे गेथा कदी एक घोर मे पांच जणा हहे, ता तीमनी मे गेथा तीन जणा बे जणा नो वीरोद करहे, अने तीहया बे जणा तीन जणा नो वीरोद करहे। 53बाह बेटा नो वीरोद करहे; अने बेटो आह़फा ना बाह नो वीरोद करहे। आय्ह आह़फी नी बेटी नो वीरोद करहे, अने बेटी आह़फी नी आय्ह नो वीरोद करहे। ह़ाहु आह़फी नी ववेह नो वीरोद करहे, अने ववेह आह़फी नी ह़ाहु नो वीरोद करहे।”
टेम नी ओळखाण
(मत्ती 16:2-3)
54ईसु तीनी पसळ हुड़ु-हुड़ु आवण्या माणहु ने केदो, “कदी तमु बुडवणु गेथु वादळु नीकळतलु देखो, ता तत्यारुत केवो, ‘के पाणी आवह़े’ अने तेमेत हये बी। 55जत्यार दखणाव गेथा वाहळु सुटे, ता केवो के, ‘झाव चालहे’ अने हेमेत हये 56ए ढोंगड़ा करन्या ढोंगी! तमु ह़रग मे अने धरती पोर हयवा वाळी वात ने घणा वारु अकनी लेय, ता आहयी कळी मे ह़ु हय र्यु तीहयु काहा नी अकनायतु?
गुनो लगाड़वा वाळा ह़ाते झगड़ो भांगवा
(मत्ती 5:25-26)
57“तमु आपणा जीव मे काहा नी जाण जता के ह़ुते ह़ु से? 58जत्यार तमु आपणी पोर गुनो ढाळन्या ह़ाते थाणा मे जवा बाज र्या हय, ता वाट्येत तीनी ह़ाते वीच्यारीन झगड़ो भांग लेवो। कदी माय्न आसम नी हय जाय के तीहयो नीयाव करन्यान तां धकलीन ली जाय। अने नीयाव करन्यो तमने सीपायड़ा ना हात मे कर देय, अने सीपायड़ा तमने जेल मे घाल देय। 59मे तमने केम, जां तक तमु पाय-पाय नी आप देय, तत्यार लग तां गेथा नी नीकळाय।”
ទើបបានជ្រើសរើសហើយ៖
लुका 12: PPt2025
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Paliya Bible © The Word for the World International and Yisu Por Bherho Karanya Paliya Mandli, Rajpur, Barwani, MP, 2025
लुका 12
12
ढोंगड़ा करन्या फरीसी माणहुन तेम ना बणो कीन ईसु चेतावे
1 #
मत्ती 16:6; मरकुस 8:15 तीहयी वखत ह़मज मे नी पड़े एतरी जबर माणहु नी गड़दी हय जी, के माणहु-माणहु ने कोहणी र्या हता। तत्यार ईसु आखान पेले आह़फा ना चेला ने केवा बाज ज्यो, “फरीसी माणहु ना दगाळा खमीर सी चेतीन रेजो।” 2#मरकुस 4:22; लुका 8:17आसम कंय बी ह़तायलु नी हय, जे उगाड़ीन उजन्तु नी हये, अने आसम कंय बी ह़तायलु नी हय जे कोयने मालम नी पड़े। 3एतरे जे वात तमु अंदारला मे केदला से, तीहयी वात वीजाळा मे ह़मळावहे अने जे वात तमु ह़ुनकार घोर ना कोपरा मे कान्टा सी ह़मळ्या हय तीहयी वात घोर पोर चड़ीन आड़ी-आड़ीन केहे।
कोय सी बीहवा?
(मत्ती 10:28-31)
4“मे तमु मारा दोस्तीदार्या ने केम जे माणेह तमारा डील नु एतरुत नुकसान करे तीमनी सी ना बीहो। पण तीहया ते अगु कंय बी बगाड़ नी सके। 5मे तमने देखाड़ु के कोय सी बहवा जोवे। भगवान सी बीहो, जीनी पांह मारीन अळतेण नरक मे नाखवा नो बी हक से। होव, मे तमने वळ-वळीन केम, तीनी सी एतरात बीहो।
6“बे पय्हा मे पांच घंचड़ा नी वेचाय ह़ु? ते बी भगवान तीमनी मेथी एक ने बी नी वीहरे। 7होव, तमारा मुंडान आखा नीम्बाळा गणायला से। एतरे तमु ना बीहो काहाके तमारो भाव घंचड़ा गेथो वदु से।
ईसु ने मानवा के नी मानवा
8“मे तमने केम कानो बी माणेह मने बीजा अगळ मान लेहे। तीने मनख्या नो बेटो बी भगवान ना ह़रगे वाळा दुत अगळ मान लेहे। 9पण जे माणेह मने बीजा माणहु अगळ नीकारो करहे, तीने मे बी भगवान ना ह़रगे वाळा दुत अगळ नीकारो कर देही।”
10 #
मत्ती 12:32; मरकुस 3:29 “जे मनख्यान बेटा ना वीरोद मे कंय केहे, तीने माफी जड़ जहे, पण चोखला आत्मा नी नामबद्दी करवा वाळा माणेह ने माफी नी जड़े।”
11“जत्यार माणहु तमने भगवान ना भक्तीन घोर मे, अने नीयाव करन्या अने अदीकार्या अगळ ली जाय, ता आहयी वात नी फीकर नी करजो के आमु कीसम आह़फा ने बचाड़वा करीन ह़ु केहु;#मत्ती 10:19,20; मरकुस 13:11; लुका 21:14,15 12काहाके तीहयी टेमे चोखली आत्मा तमने ह़ीकाड़हे के तमने ह़ु-ह़ु केवा जोवे।”
एक मालदार माणेह नो दाखलो
13एक दाड़े माणहु ईसुन वात ह़मळवा बाज रेला। तत्यार मेळा मे गेथो एक अदमी ईसु ने केदो, “मास्तर, मारा भाय ने कीदे के तीहयो मने तीहया माल-धन मे गेथो मारो वाटो मने आप देय, तीहया माल-धन ने अमारो बाह मरती वखत अमारी जुगु रेवा दीन जत रेलो हतो।”
14ईसु तीने केदो, “ए मनख्या! कोय मने तमारो नीयाव करवा वाळो नीता वाटवा वाळो बणायो।” 15तत्यार ईसु तीहया माणहु ने केदो, “चेतीन रेवो, अने हयाळ्ळा ना बणो! कानो अदमी केतरो बी मालदार हय, हीनो मतलब आहयो नी हय के तीनी उमर वद जहे।”
16तत्यार ईसु तीमने एक मालदार अदमी नो दाखलो ह़मळायो, “एक मालदार अदमी पांह एक खेतर हतु; तीनी मे घणी जबर मेर पाकी।” 17तीहयो मालदार माणेह आह़फा ना मन मे आसम वीच्यार कर्यो, मारी आखी मेर मेकवा जुगु मारी पांह जागो नी हय ह़ु करु एतरा दाणा ने कां मेकु? 18ता तीहयो केदो, “मने मालम से के मे ह़ु कर सकु: मे जुन्ला मोहट्या वेखड़ी देही, अने तीमनी गेथा बी मोटा बणावही। तत्यार मे मेर अने रेली आखी चीज तीमनी मे मेक देही। 19अने मे मनेत केही तारी पांह घणा साल तक, घण ढेरकु धन भेळु करलु से, एतरे अराम कर, खा-पी अने मजा कर।” 20पण भगवान तीहया अदमी ने केदो, “ए वण-अकल्या! आहयीत राते तारो जीव तारी पांह गेथो मांग लेही अने तु मर जही। अने तु आह़फा जुगु भेळु करलो से, तीहयु हाव कोय नु रेहे?”
21“जे आह़फा जुगु धन भेळु करे, तीहयो माणेह बी आहया वण-अकल्या माणेह तेम मरीन खुट जहे; पण भगवान नी नींगा मे तीहयो मालदार नी हय।”
ईसु केय भगवान पोर भरहो करो
(मत्ती 6:25-34)
22तीहयो आह़फा ना चेला ने केदो, “एम करीन मे तमने केम, ह़ु खाय्न जीवहु; अने डील पोर ह़ु पेरहु करीन फीकर नी करजो। 23काहाके जीव खाणु गेथो जादा अने डील लुगड़ा गेथु जादा मोगु से।” 24चड़ा ना बारा मे वीच्यार करो; तीहया नी ते वेरे, अने नी ते वाडे; अने नी ते तीमनी पांह दाणा मेलवा ना मोहट्या हय; ते बी भगवान तीमने पेट भरीन खवाड़े। तमु ते चड़ा गेथा घणा मोगा से। 25तमारी मे गेथु आसम कोय से, जे फीकर करीन आह़फा नी जीवाय नी अमाळ बी उमर बड़ाय सके? 26कदीम तमने आतरु नानु काम बी करते नी अवड़े, ता बीजी वात नी फीकर काहा करो? 27“बड़ा मे वाळा फुलु ने देखीन वीच्यार करो; हीय्या केवाक वदे! हीय्या नी ते मेहनत करे, अने नी ते लुगड़ा बणावे, ते बी मे तमने केम के सुलेमान राजा बी पुरा ठट मे हीय्या फुलुन तेवा लुगड़ा पेरलो नी हतो। 28ए वण-भरह्या! खेतर नु खोड़ ने लग भगवान एतरु जबर बड़ावे, अने तीहयु घणु घटाळु देखाय, अने जे आज पुरतु लीलुगार से, अने वाहणे ह़ुकीन भाटी मे धपवा जुगु हय जहे। ता तमने तीहयो काहा नी पेरावे?”
29एतरे ह़ु खाहु अने ह़ु पीहु करीन खावा-पीवा नी ह़ोद मे ना पड़ो अने कानी बी वात नी फीकर ना करो। 30आहयी कळी ना माणहु आहयी आखी चीज ना ह़ोद मे रेय। पण तमारो ह़रग मे रेण्यो बाह जाणे के तमने ह़ु-ह़ु जोय र्यु। 31पण तमु भगवान ना राज ना ह़ोदवाळ्या पड़ो, ता तमने आहयी आखी चीज बी जड़ जहे।
ह़रग नु धन
(मत्ती 6:19-21)
32ए नान्ला टोळा ना माणहु, बीहो ना, काहाके तमारो बाह तमने राज आपवा करीन खुस से। 33आपणु धन वेच देवो, अने बीजा गरीब माणहु ने दान कर देवो। आपणी जुगु एवा कोथळ्या तीयार करो, जे कदी जुना हय्न फाटे नी। ह़रग मे जलमकु धन भेळु करो, जे कदी कमतु नी हये, अने तीनी ह़ाते चोरी करन्या चोट्टा नी जाय। अने तीहया धन ने कीड़ो नी खाय; 34काहाके जां तमारु धन से तां तमारु मन बी लागलु रेहे।
जागता रेवो
35 #
मत्ती 25:1-13
“जलम तीयार रेजो, अने तमारा दीवा धपला रेवा जोवे। 36#मरकुस 13:34-36तमु तीहया माणहु ह़रका बण जावो, जे अमारो मालीक वेवा मे गेथो पासो कत्यार आवह़े करीन वाट जोय र्या अने जत्यार तीमनो मालीक वेवा करीन पासो आवीन झापलु ठोके; ता तत्यारुत तीनी जुगु झापलु उगाड़ देय। 37जुगाळा से तीहया चाकरी करन्या गुलाम, जत्यार मालीक आवे, तत्यार जागला हात करे! मे तमने ह़ाचलीन केम तीहयो मालीक आह़फो कणाटी वातड़ी बांदीन वारती बण जहे अने तीमने खावा बहाड़हे अने एक-एक जणा ने खाणु वाटीन खवाड़हे। 38अने घणा जुगाळा से तीहया चाकरी करन्या गुलाम, जत्यार मालीक आदी राते अने कुकड़ा वाहरे आवे, तत्यार तीमने हेमेत जागला हात करे! 39#मत्ती 24:43,44तमु ते आहयु वारु रीती सी जाणो, के कदीम घोर मालीक ने मालम रेय के चोट्टा कानी टेमे आवह़े, ता तीहयो आह़फा ना घोर नी चोरी नी हयवा देय। 40तमु बी तीयार रेवो, काहाके जे टेमे तमु तीना आव्वा ना बारा मे नी वीच्यारो, तीहयीत टेमे मनख्या नो बेटो बी आवह़े।”
ईमानदार अने बेमान पावोर
(मत्ती 24:45-51)
41तत्यार पतरस तीने केदो, “ए मालीक! तु, आहयो दाखलो अमारी जुगु की र्यो, के आखा जुगु की र्यो?”
42मालीक ईसु केदो, “आसवो कोय ईमानदार अने अक्कल वाळो माणेह से, तीने तीनो मालीक आह़फा ना पावर्या नो मुख्यो बणावे अने केय के तु मारा पावर्या ने खावा-पीवा नी चीज टेमे-टेमे आप्या करजे?” 43जुगाळो से तीहयो चाकरी करन्यो गुलाम, तीनो मालीक आवे, तत्यार तीहयो तीने सुपरत करलु काम करत्लो हात करे! 44मे तमने ह़ाचलीन केम, तीहयो मालीक तीने, आह़फा ना आखा माल-धन पोर मुख्यो ठेरावहे। 45पण कदीम तीहयो चाकरी करन्यो गुलाम आह़फा ना मन मे वीच्यार करवा बाज जाय, “मारो मालीक आव्वा मे वार लगाड़ र्यो, करीन तीहयो बीजा पावर्या ने अने पावर्याण ने ठोके, अने खावा-पीवा अने ह़रु पीन छाकवा बाज जाय” 46“ता तीहया चाकरी करन्या गुलाम नो मालीक एवा दाड़े आवह़े, जत्यार तीहयो तीनी वाट नी जोय र्यो हय, अने आसवी टेम मे आवह़े तीहयी टेम तीने जणाय नी। मालीक तीने घणो भारी डंड आपहे अने वण-भरह्या ह़ाते भेसकी देहे।”
47आपणा मालीक नी मरजी जाणीन बी तीहयो गुलाम चाकर्यो, कंय बी तीयारी नी कर्यो, एतरे तीहयो घण-जबर मार खाहे। 48पण जे मालीक नी मरजी जाण्या वगर गलत काम कर्यो, तीहयो तीनी गेथो कम मार खाहे। एतरे जीने ढेरकु आपलु से, तीनी पांह ढेरकु मांगहे, अने जीने ढेरकु ह़ोपलु से, तीनी पांह तीने आपलु तीनी गेथो बी वदु मांगहे।
दुख ना बपतीस्मा
(मत्ती 10:34-36)
49मे धरती पोर आक्ठु लीन धपाड़वा आवलो से, अने मारी हेर आहयी से के आहयु आक्ठु हमणेत ह़ळगी जाय, ता घणु वारु हय जाय! 50#मरकुस 10:38मने एक अळी बपतीस्मा लेवा नु से, अने तीहयो बपतीस्मा नी लेवाय, तांह लग, मे कंदराय्लो रेही। 51तमु आसम ह़मजी र्या ह़ु? “मे धरती पोर सांती लीन आवलो से, मे तमने केम, आसम नी हय, मे माणहु मे बेरजाव पाड़वा आवलो से। 52काहाके हमणे गेथा कदी एक घोर मे पांच जणा हहे, ता तीमनी मे गेथा तीन जणा बे जणा नो वीरोद करहे, अने तीहया बे जणा तीन जणा नो वीरोद करहे। 53बाह बेटा नो वीरोद करहे; अने बेटो आह़फा ना बाह नो वीरोद करहे। आय्ह आह़फी नी बेटी नो वीरोद करहे, अने बेटी आह़फी नी आय्ह नो वीरोद करहे। ह़ाहु आह़फी नी ववेह नो वीरोद करहे, अने ववेह आह़फी नी ह़ाहु नो वीरोद करहे।”
टेम नी ओळखाण
(मत्ती 16:2-3)
54ईसु तीनी पसळ हुड़ु-हुड़ु आवण्या माणहु ने केदो, “कदी तमु बुडवणु गेथु वादळु नीकळतलु देखो, ता तत्यारुत केवो, ‘के पाणी आवह़े’ अने तेमेत हये बी। 55जत्यार दखणाव गेथा वाहळु सुटे, ता केवो के, ‘झाव चालहे’ अने हेमेत हये 56ए ढोंगड़ा करन्या ढोंगी! तमु ह़रग मे अने धरती पोर हयवा वाळी वात ने घणा वारु अकनी लेय, ता आहयी कळी मे ह़ु हय र्यु तीहयु काहा नी अकनायतु?
गुनो लगाड़वा वाळा ह़ाते झगड़ो भांगवा
(मत्ती 5:25-26)
57“तमु आपणा जीव मे काहा नी जाण जता के ह़ुते ह़ु से? 58जत्यार तमु आपणी पोर गुनो ढाळन्या ह़ाते थाणा मे जवा बाज र्या हय, ता वाट्येत तीनी ह़ाते वीच्यारीन झगड़ो भांग लेवो। कदी माय्न आसम नी हय जाय के तीहयो नीयाव करन्यान तां धकलीन ली जाय। अने नीयाव करन्यो तमने सीपायड़ा ना हात मे कर देय, अने सीपायड़ा तमने जेल मे घाल देय। 59मे तमने केम, जां तक तमु पाय-पाय नी आप देय, तत्यार लग तां गेथा नी नीकळाय।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Paliya Bible © The Word for the World International and Yisu Por Bherho Karanya Paliya Mandli, Rajpur, Barwani, MP, 2025