नेवताळा ना काम 3
3
लंगड़ा भीकारी नु आरगो हयणु
1पतरस अने युहन्नो मांजणीक टेमे, वीन्ती करवा उप्पर मंदीर मे जवा बाज र्या हता। 2अने तीहयी टेमे माणहु एक माणेह ने लीजवा बाज र्या हता, तीहयो पयदावारी सी लंगड़ो हतो। तीहया तीने दाड़ीन लावीन मंदीर ना घटाळु नाम ना झापला पोर बहाड़ देत्ला। अने तीहयो मंदीर मे जवा वाळा पांह भीक मांग्या करतो हतो। 3जत्यार तीहयो पतरस अने युहन्ना ने मंदीर मे जत्ला देख्यो, ता तीमनी पांह भीक मांग्यो। 4पतरस अने युहन्नो तीनी भणी एकडीट्यो भाळ्या अने पतरस केदो, “अमारी भणी भाळ!” 5अने तीहयो कंय जड़हे करीन तीमनी भणी एकडीट्यु भाळ्यो। 6जत्यार पतरस केदो, “मारी पांह नी ते चांदी हय, अने नी ते ह़ोनु हय, बाखीन जे मारी पांह से, तीहयु तने आपु ईसु मसी नासरी ना नाम सी चाल-फीर।” 7अने पतरस तीनो जमणो हात धरीन तीने उठाड़्यो, अने तेतरीत घड़ी लंगड़ा ना पोग मे अने मांडा मे जोर आय ज्यो। 8तीहयो उछळीन उबो हय ज्यो अने चालवा-फीरवा बाज ज्यो। अने भगवान ना गुण गावतो जाय्न तीमनी ह़ाते मंदीर मे जत र्यो। 9आखा माणहु तीने चालतो-फीरतो अने भगवान ना गुण गावत्लो देख्या। 10अने माणहु तीने ओळखीन केदा, “आहयो ते तीहयोन-तीहयो से, जे मंदीर ना घटाळा झापला पोर भीक मांग्या करत्लो।” तीहया लंगड़ा ह़ाते जे कंय बी हयु तीने देखीन तीहया वहराय जता हता।
मंदीर मे जाय्न पतरस माणहु ने ह़ीकाड़े
11जत्यार तीहयो माणेह पतरस अने युहन्ना नो हात धरीन ह़ाते जवा बाज र्यो हतो। तत्यार आखा माणहु वहराय्न सुलेमान नाम ना मांडवा मे तीमनीन्तां दवड़ता आया। 12पतरस तीमने आवत्ला देखीन केदो, “ए ईस्रायली माणहु! तमु आहया माणेह ने देखीन काहा वहराय र्या, अने अमारी भणी भाळीन काहा तकाय र्या। तमने आसम लाग र्यु के आमुत अमारा ज्योरे अने अमारी भक्तीन ज्योरे आने चालतो-फीरतो करला से पण आसम नी हय। 13अब्राहम नो, ईसाक नो अने याकुब नो भगवान, अने अमारा आड़ा-बुड़ा नो भगवान आह़फा नो पावर्यो ईसु ने बड़ाय करलो से। तमु आहया ईसु ने सीपायड़ान हात मे धराय्न पीलातुस ना हात मे ह़ोप देदा अने जत्यार पीलातुस तीनो नीयाव करीन सोड़वा नो वीच्यार कर्यो, ता तमु हीने ना सोड़ो करीन नीकारो कर देदा। 14#मत्ती 27:15-23; मरकुस 15:6-14; लुका 23:13-23; युहन्ना 19:12-15तमु चोखला अने धरमी माणेह ने ना सोड़ो करीन तीनो नीकारो कर देदा, अने तमारीन करते हत्यारा ने सोड़ दे करीन केदा। 15आसम करीन तमु जीवाय आपण्या ने मराय नाख्या, बाखीन भगवान तीने मर्या-ह़र्या मे गेथो जीवतो करीन बठो कर देदो; अने आमु हीय्यी वात ना गवा से। 16काहाके आमु ‘ईसु’ नाम पोर भरहो कर्या, अने आहयात नाम ना ज्योरे आहया माणेह ने जीने तमु देखो, अने जाणो, जोर जड़लो से ह़ाचलीन तीहयोत भरहो जे ईसुन लारे जड़लो से, आने तमारी आखा अगळ पुरोन-पुरो आरगो करलो से।
17“अने हाव ए भायु! मे जाणु के तमु अने तमारा मुख्या अंजाण्या हता, ईनीन करते तीहया ईसु ने कुरुस पोर चड़ावीन मराय नाख्या। 18पण भगवान वगे गेथी वात केण्या माणेह ना लारे पेले गेथोत की देदलो के तीनी वगे गेथा आवण्या मसी ने दुख झेलवा पड़हे। आसम करीन भगवान आह़फो केदलु तीहयु पुरु कर्यो। 19एतरे आह़फा ना पाप ने मीटाड़वा करीन तमु पाप भणी गेथा मन फीरवीन भगवान वगा वळो; 20ता तमने मालीक नी हजरी मे ह़ुकना जीवे जीव्वा जड़हे। तत्यार भगवान तमारी जुगु पेले गेथा ठेरावला ईसु मसी ने तमारीन्तां मोकलहे 21आहयो मसी तीहयी टेमे लग ह़रग मे रेहे, जत्यार लग तीहयो आखी चीज ने पेले हती तेवीन-तेवी नी बणावे आहयी टेम अने वात ना बारा मे, भगवान वगे गेथा वात करन्या चोखला माणहु कळ घड़ायी तां गेथात केता आय र्या। 22जीसम मुसो केदलो हतो, मालीक भगवान तमारी जुगु, तमारा भाय-बेटा मे गेथोत एक मारीन तेवा भगवान वगे गेथी वात केण्या माणहे ने उबजाड़हे, तीहयो भगवान वगे गेथी वात केण्यो माणेह जे कंय तमने केहे, तीहयु ह़मळीन तमु तीनी वात मान्जो। 23पण जे बी तीहया भगवान वगे गेथी वात केण्या माणेह नी वात ह़मळीन नी माने, तीहयो तीने आह़फा ना माणहु मे गेथो खुटाड़ देहे। 24अने समुएल अने तीनी गेथा अळतेण आवला आखा भगवान ना वात केण्या माणहु ईसु ना दाड़ा ना बारा मे पेले गेथात वात केदला हता। 25तमु भगवान वगे गेथी वात केण्या माणहु नी अवल्यात से, अने तीना वायदा ना साजल्या से, जे वायदा ने भगवान तमारा आड़ा-बुड़ा वाटु ते वखत ठेरायो, जत्यार तीहयो अब्राहम ने केदो, तारी अवल्यात नी लारे धरती पोर रेण्या आखी कळी ना माणहु संयबरकत हात करहे। 26भगवान तमारी मे गेथा एकीक जणा ने कुहराय सोड़ावीन संयबरकत आपवा करीन, आह़फा ना पावर्या ने तमारीन्तां मोकल्लो से।”
ទើបបានជ្រើសរើសហើយ៖
नेवताळा ना काम 3: PPt2025
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Paliya Bible © The Word for the World International and Yisu Por Bherho Karanya Paliya Mandli, Rajpur, Barwani, MP, 2025
नेवताळा ना काम 3
3
लंगड़ा भीकारी नु आरगो हयणु
1पतरस अने युहन्नो मांजणीक टेमे, वीन्ती करवा उप्पर मंदीर मे जवा बाज र्या हता। 2अने तीहयी टेमे माणहु एक माणेह ने लीजवा बाज र्या हता, तीहयो पयदावारी सी लंगड़ो हतो। तीहया तीने दाड़ीन लावीन मंदीर ना घटाळु नाम ना झापला पोर बहाड़ देत्ला। अने तीहयो मंदीर मे जवा वाळा पांह भीक मांग्या करतो हतो। 3जत्यार तीहयो पतरस अने युहन्ना ने मंदीर मे जत्ला देख्यो, ता तीमनी पांह भीक मांग्यो। 4पतरस अने युहन्नो तीनी भणी एकडीट्यो भाळ्या अने पतरस केदो, “अमारी भणी भाळ!” 5अने तीहयो कंय जड़हे करीन तीमनी भणी एकडीट्यु भाळ्यो। 6जत्यार पतरस केदो, “मारी पांह नी ते चांदी हय, अने नी ते ह़ोनु हय, बाखीन जे मारी पांह से, तीहयु तने आपु ईसु मसी नासरी ना नाम सी चाल-फीर।” 7अने पतरस तीनो जमणो हात धरीन तीने उठाड़्यो, अने तेतरीत घड़ी लंगड़ा ना पोग मे अने मांडा मे जोर आय ज्यो। 8तीहयो उछळीन उबो हय ज्यो अने चालवा-फीरवा बाज ज्यो। अने भगवान ना गुण गावतो जाय्न तीमनी ह़ाते मंदीर मे जत र्यो। 9आखा माणहु तीने चालतो-फीरतो अने भगवान ना गुण गावत्लो देख्या। 10अने माणहु तीने ओळखीन केदा, “आहयो ते तीहयोन-तीहयो से, जे मंदीर ना घटाळा झापला पोर भीक मांग्या करत्लो।” तीहया लंगड़ा ह़ाते जे कंय बी हयु तीने देखीन तीहया वहराय जता हता।
मंदीर मे जाय्न पतरस माणहु ने ह़ीकाड़े
11जत्यार तीहयो माणेह पतरस अने युहन्ना नो हात धरीन ह़ाते जवा बाज र्यो हतो। तत्यार आखा माणहु वहराय्न सुलेमान नाम ना मांडवा मे तीमनीन्तां दवड़ता आया। 12पतरस तीमने आवत्ला देखीन केदो, “ए ईस्रायली माणहु! तमु आहया माणेह ने देखीन काहा वहराय र्या, अने अमारी भणी भाळीन काहा तकाय र्या। तमने आसम लाग र्यु के आमुत अमारा ज्योरे अने अमारी भक्तीन ज्योरे आने चालतो-फीरतो करला से पण आसम नी हय। 13अब्राहम नो, ईसाक नो अने याकुब नो भगवान, अने अमारा आड़ा-बुड़ा नो भगवान आह़फा नो पावर्यो ईसु ने बड़ाय करलो से। तमु आहया ईसु ने सीपायड़ान हात मे धराय्न पीलातुस ना हात मे ह़ोप देदा अने जत्यार पीलातुस तीनो नीयाव करीन सोड़वा नो वीच्यार कर्यो, ता तमु हीने ना सोड़ो करीन नीकारो कर देदा। 14#मत्ती 27:15-23; मरकुस 15:6-14; लुका 23:13-23; युहन्ना 19:12-15तमु चोखला अने धरमी माणेह ने ना सोड़ो करीन तीनो नीकारो कर देदा, अने तमारीन करते हत्यारा ने सोड़ दे करीन केदा। 15आसम करीन तमु जीवाय आपण्या ने मराय नाख्या, बाखीन भगवान तीने मर्या-ह़र्या मे गेथो जीवतो करीन बठो कर देदो; अने आमु हीय्यी वात ना गवा से। 16काहाके आमु ‘ईसु’ नाम पोर भरहो कर्या, अने आहयात नाम ना ज्योरे आहया माणेह ने जीने तमु देखो, अने जाणो, जोर जड़लो से ह़ाचलीन तीहयोत भरहो जे ईसुन लारे जड़लो से, आने तमारी आखा अगळ पुरोन-पुरो आरगो करलो से।
17“अने हाव ए भायु! मे जाणु के तमु अने तमारा मुख्या अंजाण्या हता, ईनीन करते तीहया ईसु ने कुरुस पोर चड़ावीन मराय नाख्या। 18पण भगवान वगे गेथी वात केण्या माणेह ना लारे पेले गेथोत की देदलो के तीनी वगे गेथा आवण्या मसी ने दुख झेलवा पड़हे। आसम करीन भगवान आह़फो केदलु तीहयु पुरु कर्यो। 19एतरे आह़फा ना पाप ने मीटाड़वा करीन तमु पाप भणी गेथा मन फीरवीन भगवान वगा वळो; 20ता तमने मालीक नी हजरी मे ह़ुकना जीवे जीव्वा जड़हे। तत्यार भगवान तमारी जुगु पेले गेथा ठेरावला ईसु मसी ने तमारीन्तां मोकलहे 21आहयो मसी तीहयी टेमे लग ह़रग मे रेहे, जत्यार लग तीहयो आखी चीज ने पेले हती तेवीन-तेवी नी बणावे आहयी टेम अने वात ना बारा मे, भगवान वगे गेथा वात करन्या चोखला माणहु कळ घड़ायी तां गेथात केता आय र्या। 22जीसम मुसो केदलो हतो, मालीक भगवान तमारी जुगु, तमारा भाय-बेटा मे गेथोत एक मारीन तेवा भगवान वगे गेथी वात केण्या माणहे ने उबजाड़हे, तीहयो भगवान वगे गेथी वात केण्यो माणेह जे कंय तमने केहे, तीहयु ह़मळीन तमु तीनी वात मान्जो। 23पण जे बी तीहया भगवान वगे गेथी वात केण्या माणेह नी वात ह़मळीन नी माने, तीहयो तीने आह़फा ना माणहु मे गेथो खुटाड़ देहे। 24अने समुएल अने तीनी गेथा अळतेण आवला आखा भगवान ना वात केण्या माणहु ईसु ना दाड़ा ना बारा मे पेले गेथात वात केदला हता। 25तमु भगवान वगे गेथी वात केण्या माणहु नी अवल्यात से, अने तीना वायदा ना साजल्या से, जे वायदा ने भगवान तमारा आड़ा-बुड़ा वाटु ते वखत ठेरायो, जत्यार तीहयो अब्राहम ने केदो, तारी अवल्यात नी लारे धरती पोर रेण्या आखी कळी ना माणहु संयबरकत हात करहे। 26भगवान तमारी मे गेथा एकीक जणा ने कुहराय सोड़ावीन संयबरकत आपवा करीन, आह़फा ना पावर्या ने तमारीन्तां मोकल्लो से।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Paliya Bible © The Word for the World International and Yisu Por Bherho Karanya Paliya Mandli, Rajpur, Barwani, MP, 2025