तिताले पत्र वळख
वळख
तितानं हाई पत्र पौलना पत्रसपैकी एक शे. ह्यामा एक मंडळीना नही तर व्यक्तीना उद्देश करेल शे. १ तिमथ्य, २ तिमथ्य अनी फिलेमोनले या पत्र पौलनी लिखात तवयच त्यानी “तिताले पत्र” हाई बी पुस्तक लिखं अनी अस लिखं की, जसं हाई पत्र कोठे बी वाचता ई. यावरतीन आम्हीन हाई समजु शकतस की, पौल प्रेषित या नातातीन आपली योग्यता सांगस. तिताले काही गोष्टी पहिला पाईन माहीत व्हत्यात. पौलनी हाई पत्र कदाचित येशु ख्रिस्तना जन्मनंतर ६३-६५ सालमा लिखेल शे.
पौलनी या पत्रमा तिताकरता अस लिखेल शे की, क्रेत बेट वरला मंडळीसले कसं वागाडानं. कारण मंडळीसना पुढारीसनी निवड अनी प्रशिक्षणवर तिताले त्यानी सुचना देयल शे. त्यानी आपला पत्रमा तिताले असा सुचना देयल शेतस की, मंडळीना पुढारीसनी उच्चा पदवर कसं वागाले पाहिजे. मंडळीना पुढारीसले त्यासना आदर त्यासले भेटाले पाहिजे यानाकडे विशेष करीसन ध्यान देवाले पाहिजे.
रूपरेषा
१. पौल पुढारीसनी निवडकरता तिताले सुचना देस. १:१-१६
२. मंग तो लोकसले ख्रिस्ती जिवन जगाकरता शिक्षण लेवानं या सुचना करस. २:१; ३:११
३. शेवटी पौल आपली योजनामा भर टाकस अनी नमस्कार करीसन पत्रना शेवट करस. ३:१२-१५
ទើបបានជ្រើសរើសហើយ៖
तिताले पत्र वळख: Aii25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Ahirani Bible © The Word for the World International and Ahirani Christi Iswari Mandli, Sakri, Dhule, Maharashtra 2025