ZAKARIA 11
11
Okoiyerigwa kw’emete ere nobonene
1Aye Lebanoni, igora ebisieri biao,
erinde omorero osambe emecharake yao.
2Aye omotarakwa, rera, ekiagera omocharake oiyerigwe inse.
Emete ere nobonene yasirigwe.
Inwe emete enga emetontera ere Basani, rera,
ekiagera rinani rinoru riaiyerigwe inse.
3Tegerera moigwe buna abarisia bakorera
bono ekero obonene na obuya bwabo bwasirigwe!
Tegerera moigwe buna chindo chinsae chikoruma
bono ekero rinani rinoru ria Yorodan riasirigwe!
Abarisia babere
4Aya naro Omonene, Nyasae one, agoteba: “Risia riicho rie ching’ondi echio chiachikeirwe konyenywa. 5Abanto bagochigora nigo bagochinyenya, tibari korora ng’a mbare nokomocha, na abwo bagochioonia nigo bagoteba: Omonene atogigwe, ekiagera twenyoreire obonda obonge. Nonya nabarisia babo abanyene tibari gochirorera amabera.
6“Bono tinkogenderera kororera abanto b’ense eye amabera. Naama! Nindue kera oyomo agwe ase okoboko kw’oyomwabo, na ase okoboko kw’omoruoti oye; abaruoti babo mbasarie ense, na inche tingotooria nonya nomonto oyomo korwa ase amaboko abo.” Nabo Omonene agoteba.
7Ase ayio nkaba nkorisia riicho rie ching’ondi chiria chiarenge gochia konyenywa, ee, ching’ondi chiria chiachandegete. Nkaimokia chinyimbo ibere, eyemo nkayeroka “Ogwancherwa” na eyende “Obomo”. Erio nkaba nkorisia ching’ondi chiria. 8Ngasiria abarisia batato ase omotienyi oyomo. Erio nkagechigwa ne ching’ondi chiane, nachirochio chikangecha. 9Erio ngateba: “Inche tinkobarisia inwe rinde. Oyo ogokwa, tiga akwe, na oyo ogosirigwa, tiga asirigwe, na abatigari babe bakorianana.” 10Erio nkaimokia enyimbo eria yane yarenge korokwa “Ogwancherwa”, nkayebuna, na igo ngasaria okobwatana kwane kw’ogotianania okwo konya nakorire nabanto bonsi. 11Ase ayio okobwatana koria kogasarigwa ase rituko riria, ne ching’ondi chiria chiachandegete, chiria chiansemeretie chikamanya ng’a ring’ana riria riakoretwe nigo riarwete ase Omonene. 12Erio ngatebia abanto baria: “Onye moroche ng’a mbuya, ing’a eng’eria yane; onye taibo, yegache.” Barabwo bakarenga chibesa chie chifeta emerongo etato chikaba eng’eria yane.
13Omonene agantebia “Chirute ase omokori chinyongo.” (Rigori eri rinene nakoreretwe nabanto baria.) Erio nkaimokia chibesa chiria chie chifeta emerongo etato, ngachiruta ase enyomba y’Omonene, ase omokori chinyongo oria. 14Nyuma y’ayio nkabuna enyimbo eria ya kabere yarenge korokwa “Obomo,” na igo ngasaria okoigwana kwarenge ase egati y’Abayuda na Abaisraeli.
15Erio Omonene agantebia, “Bono imokia ebikorero bi’omorisia oyio otagwenereti kende. 16Rora, nkorenta nde omorisia ase ense eye oyio otari gwechandera ching’ondi echio chigochia gokwa, gose korigia chinsiru, gose korwaria echiabunekire, gose korageria echire buya, korende nigo ararie chinyama chi’echire chinoru na achimiora‐miorie nonya nebitaago biabo. 17Obobe nobwaye omorisia oyio otagwenereti, oyio ogotiga riicho rie ching’ondi! Tiga omoro oake okoboko kwaye na eriso riaye ria borio. Tiga okoboko kwaye kwome pa, na eriso riaye ria borio riukore kegima!”
ទើបបានជ្រើសរើសហើយ៖
ZAKARIA 11: EKEGUSIIBBLE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
OLD EKEGUSII BIBLE PROTESTANT EDITION
©Bible Society of Kenya, 2020
ZAKARIA 11
11
Okoiyerigwa kw’emete ere nobonene
1Aye Lebanoni, igora ebisieri biao,
erinde omorero osambe emecharake yao.
2Aye omotarakwa, rera, ekiagera omocharake oiyerigwe inse.
Emete ere nobonene yasirigwe.
Inwe emete enga emetontera ere Basani, rera,
ekiagera rinani rinoru riaiyerigwe inse.
3Tegerera moigwe buna abarisia bakorera
bono ekero obonene na obuya bwabo bwasirigwe!
Tegerera moigwe buna chindo chinsae chikoruma
bono ekero rinani rinoru ria Yorodan riasirigwe!
Abarisia babere
4Aya naro Omonene, Nyasae one, agoteba: “Risia riicho rie ching’ondi echio chiachikeirwe konyenywa. 5Abanto bagochigora nigo bagochinyenya, tibari korora ng’a mbare nokomocha, na abwo bagochioonia nigo bagoteba: Omonene atogigwe, ekiagera twenyoreire obonda obonge. Nonya nabarisia babo abanyene tibari gochirorera amabera.
6“Bono tinkogenderera kororera abanto b’ense eye amabera. Naama! Nindue kera oyomo agwe ase okoboko kw’oyomwabo, na ase okoboko kw’omoruoti oye; abaruoti babo mbasarie ense, na inche tingotooria nonya nomonto oyomo korwa ase amaboko abo.” Nabo Omonene agoteba.
7Ase ayio nkaba nkorisia riicho rie ching’ondi chiria chiarenge gochia konyenywa, ee, ching’ondi chiria chiachandegete. Nkaimokia chinyimbo ibere, eyemo nkayeroka “Ogwancherwa” na eyende “Obomo”. Erio nkaba nkorisia ching’ondi chiria. 8Ngasiria abarisia batato ase omotienyi oyomo. Erio nkagechigwa ne ching’ondi chiane, nachirochio chikangecha. 9Erio ngateba: “Inche tinkobarisia inwe rinde. Oyo ogokwa, tiga akwe, na oyo ogosirigwa, tiga asirigwe, na abatigari babe bakorianana.” 10Erio nkaimokia enyimbo eria yane yarenge korokwa “Ogwancherwa”, nkayebuna, na igo ngasaria okobwatana kwane kw’ogotianania okwo konya nakorire nabanto bonsi. 11Ase ayio okobwatana koria kogasarigwa ase rituko riria, ne ching’ondi chiria chiachandegete, chiria chiansemeretie chikamanya ng’a ring’ana riria riakoretwe nigo riarwete ase Omonene. 12Erio ngatebia abanto baria: “Onye moroche ng’a mbuya, ing’a eng’eria yane; onye taibo, yegache.” Barabwo bakarenga chibesa chie chifeta emerongo etato chikaba eng’eria yane.
13Omonene agantebia “Chirute ase omokori chinyongo.” (Rigori eri rinene nakoreretwe nabanto baria.) Erio nkaimokia chibesa chiria chie chifeta emerongo etato, ngachiruta ase enyomba y’Omonene, ase omokori chinyongo oria. 14Nyuma y’ayio nkabuna enyimbo eria ya kabere yarenge korokwa “Obomo,” na igo ngasaria okoigwana kwarenge ase egati y’Abayuda na Abaisraeli.
15Erio Omonene agantebia, “Bono imokia ebikorero bi’omorisia oyio otagwenereti kende. 16Rora, nkorenta nde omorisia ase ense eye oyio otari gwechandera ching’ondi echio chigochia gokwa, gose korigia chinsiru, gose korwaria echiabunekire, gose korageria echire buya, korende nigo ararie chinyama chi’echire chinoru na achimiora‐miorie nonya nebitaago biabo. 17Obobe nobwaye omorisia oyio otagwenereti, oyio ogotiga riicho rie ching’ondi! Tiga omoro oake okoboko kwaye na eriso riaye ria borio. Tiga okoboko kwaye kwome pa, na eriso riaye ria borio riukore kegima!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
OLD EKEGUSII BIBLE PROTESTANT EDITION
©Bible Society of Kenya, 2020