MATAYO 14
14
Ogokwa kwa Yohana Omobatisi
(Mar 6:14–29; Luk 9:7–9)
1Ekero keria omoruoti Herode akaigwa chinkuma igoro ya Yeso; 2agatebia abasomba baye, “Oyo nere Yohana Omobatisi, obokigwe korwa ase abakure, eke nakio gekogera chinguru echio chigokora emeremo asare.” 3Naki Herode konya obwatire Yohana, omosibire, omobekire echela ase engencho ya Herodia, moka Filipo, momura omwabo, 4ekiagera Yohana amotebetie, “Tai boronge asore komenyana nere.” 5Goika akarigia komoita, korende akairoka abanto, ekiagera konya banchire ng’a Yohana nomobani orenge. 6Rigachia goika rituko ri’okoinyora okoiborwa kwaye Herode, omoiseke bwe Herodia agatenga gati‐gati y’abanto, akagokia Herode. 7Erio Herode agatiana ase okomoriera eira ng’a namoe kende gionsi araborie. 8Omoiseke oria agateba buna ng’ina konya amotebereirie, “Ing’a omotwe o Yohana Omobatisi igaa ase esani.” 9Omoruoti agaichana, korende ase engencho ye chiira chiaye na abageni baye ase omoyega, agachika ayoegwe. 10Agatoma omonto ase echela ime anache Yohana omotwe. 11Omotwe oye okarentwa ase esani, okaegwa omoiseke oria, na ere akayoira ase ng’ina. 12Aborokigwa baye bagachia bakabogoria omobere, bakayotindeka, bakagenda, bagatebia Yeso amang’ana ayio.
Okoragerigwa kw’abanto chilifu isano
(Mar 6:30–44; Luk 9:10–17; Yoh 6:1–13)
13Bono ekero Yeso achia koigwa aya, akarua agwo nobwato, akagenda ere bweka aase abanto batari. Korende ekero emeganda yachia koigwa aya, bakamotunyana namagoro korwa ase emechie. 14Ekero Yeso aikire engegu, akarora omoganda omonene, akabarorera amabera, akagwenia abarwaire babo. 15Ekero riachia koba mogoroba, aborokigwa baye bakamochiera, bakabora, “Aase aa negesomo, ngochia koira bore, batige abanto bagende ebichie begorere endagera.” 16Yeso akabora, “Tibagwenereti kogenda; inwe bae endagera barie.” 17Barabwo bakamotebia, “Titobwati gento aiga, otatiga emegati etano ne chinswe ibere.” 18Akabora, “Bindetere aiga.” 19Agachika emeganda eikaranse inse ase obonyansi; akabogoria emegati eria etano ne chinswe chiria ibere, akarigereria igoro, akabisesenia, agasamunyora emegati, akaa aborokigwa emegati eria, na aborokigwa bakayea emeganda. 20Bakaria bonsi, bakaigota. Bagasangereria ebisamunye bi’emegati ebiatigarete, ebitonga ikomi na bibere biichire. 21Na abwo bariete nigo barenge abasacha chilifu isano, otatiga abakungu na abana.
Yeso ogotaara enyancha igoro
(Mar 6:45–52; Yoh 6:16–21)
22Erio akabetereria aborokigwa baye bariine obwato, bamotang’anere kogenda ng’umbu, goika akaa emeganda ribaga egende. 23Na nyuma kaeire emeganda ribaga kogenda, akariina ebitunwa igoro ere bweka gochia gosaba. Riachia koba mogoroba akaba agwo bweka. 24Korendeobwato konya bwaikire enyancha gati bokorunda‐rundigwa nemerindo, ekiagera omwaga nigo obatangete. 25Na ekero ki’oborendi bwa kane bwa botuko Yeso agacha asebare, ogotaara ase enyancha igoro. 26Korende ekero aborokigwa bachia komorora ogotaara ase enyancha igoro, bakaondoka, bakabora, “Eri nerirengari!” Bagaaka eriogi ase okoiroka. 27Erio kegima Yeso agakwana nabarabwo, akabora, “Remia chinkoro! Ninche. Timoiroka!”
28Petero akamoiraneria, “Omonene, onye naye, ntebia nchiche agwo asore igoro ase amache.” 29Akamotebia, “Inchuo!” Petero agaika korwa ase obwato, agataara igoro ase amache, gochia ase Yeso. 30Korende ekero achia korora omwaga bwe chinguru, akairoka, agachaka korimera amache ime, agaaka eriogi, agateba, “Omonene ntooria!” 31Erio kegima Yeso akarambora okoboko kwaye, akamobwata akamotebia, “Aye omonto bw’okwegena ogoke, nase ki okwoboa?” 32Ekero bachia koriina obwato ime, omwaga ogakira. 33Nabwo abarenge ase obwato ime bakamosasima, bagateba, “Ekeene, aye n’Omwana o Nyasae.”
Abanto ba Genesareti bakogwenigwa
(Mar 6:53–56)
34Ekero bambokire, bagaika ense ya Genesareti. 35Ekero abanto b’orogongo roria bachia komomanya, bagatoma abanto bagende chinsemo chionsi, bamorentere bonsi abarenge abarwaire; 36bakamosorora ng’a abae ribaga bakune nonya nomokoba bw’eanga yaye; na bonsi abayokunete bakagwenigwa.
ទើបបានជ្រើសរើសហើយ៖
MATAYO 14: EKEGUSIIBBLE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
OLD EKEGUSII BIBLE PROTESTANT EDITION
©Bible Society of Kenya, 2020
MATAYO 14
14
Ogokwa kwa Yohana Omobatisi
(Mar 6:14–29; Luk 9:7–9)
1Ekero keria omoruoti Herode akaigwa chinkuma igoro ya Yeso; 2agatebia abasomba baye, “Oyo nere Yohana Omobatisi, obokigwe korwa ase abakure, eke nakio gekogera chinguru echio chigokora emeremo asare.” 3Naki Herode konya obwatire Yohana, omosibire, omobekire echela ase engencho ya Herodia, moka Filipo, momura omwabo, 4ekiagera Yohana amotebetie, “Tai boronge asore komenyana nere.” 5Goika akarigia komoita, korende akairoka abanto, ekiagera konya banchire ng’a Yohana nomobani orenge. 6Rigachia goika rituko ri’okoinyora okoiborwa kwaye Herode, omoiseke bwe Herodia agatenga gati‐gati y’abanto, akagokia Herode. 7Erio Herode agatiana ase okomoriera eira ng’a namoe kende gionsi araborie. 8Omoiseke oria agateba buna ng’ina konya amotebereirie, “Ing’a omotwe o Yohana Omobatisi igaa ase esani.” 9Omoruoti agaichana, korende ase engencho ye chiira chiaye na abageni baye ase omoyega, agachika ayoegwe. 10Agatoma omonto ase echela ime anache Yohana omotwe. 11Omotwe oye okarentwa ase esani, okaegwa omoiseke oria, na ere akayoira ase ng’ina. 12Aborokigwa baye bagachia bakabogoria omobere, bakayotindeka, bakagenda, bagatebia Yeso amang’ana ayio.
Okoragerigwa kw’abanto chilifu isano
(Mar 6:30–44; Luk 9:10–17; Yoh 6:1–13)
13Bono ekero Yeso achia koigwa aya, akarua agwo nobwato, akagenda ere bweka aase abanto batari. Korende ekero emeganda yachia koigwa aya, bakamotunyana namagoro korwa ase emechie. 14Ekero Yeso aikire engegu, akarora omoganda omonene, akabarorera amabera, akagwenia abarwaire babo. 15Ekero riachia koba mogoroba, aborokigwa baye bakamochiera, bakabora, “Aase aa negesomo, ngochia koira bore, batige abanto bagende ebichie begorere endagera.” 16Yeso akabora, “Tibagwenereti kogenda; inwe bae endagera barie.” 17Barabwo bakamotebia, “Titobwati gento aiga, otatiga emegati etano ne chinswe ibere.” 18Akabora, “Bindetere aiga.” 19Agachika emeganda eikaranse inse ase obonyansi; akabogoria emegati eria etano ne chinswe chiria ibere, akarigereria igoro, akabisesenia, agasamunyora emegati, akaa aborokigwa emegati eria, na aborokigwa bakayea emeganda. 20Bakaria bonsi, bakaigota. Bagasangereria ebisamunye bi’emegati ebiatigarete, ebitonga ikomi na bibere biichire. 21Na abwo bariete nigo barenge abasacha chilifu isano, otatiga abakungu na abana.
Yeso ogotaara enyancha igoro
(Mar 6:45–52; Yoh 6:16–21)
22Erio akabetereria aborokigwa baye bariine obwato, bamotang’anere kogenda ng’umbu, goika akaa emeganda ribaga egende. 23Na nyuma kaeire emeganda ribaga kogenda, akariina ebitunwa igoro ere bweka gochia gosaba. Riachia koba mogoroba akaba agwo bweka. 24Korendeobwato konya bwaikire enyancha gati bokorunda‐rundigwa nemerindo, ekiagera omwaga nigo obatangete. 25Na ekero ki’oborendi bwa kane bwa botuko Yeso agacha asebare, ogotaara ase enyancha igoro. 26Korende ekero aborokigwa bachia komorora ogotaara ase enyancha igoro, bakaondoka, bakabora, “Eri nerirengari!” Bagaaka eriogi ase okoiroka. 27Erio kegima Yeso agakwana nabarabwo, akabora, “Remia chinkoro! Ninche. Timoiroka!”
28Petero akamoiraneria, “Omonene, onye naye, ntebia nchiche agwo asore igoro ase amache.” 29Akamotebia, “Inchuo!” Petero agaika korwa ase obwato, agataara igoro ase amache, gochia ase Yeso. 30Korende ekero achia korora omwaga bwe chinguru, akairoka, agachaka korimera amache ime, agaaka eriogi, agateba, “Omonene ntooria!” 31Erio kegima Yeso akarambora okoboko kwaye, akamobwata akamotebia, “Aye omonto bw’okwegena ogoke, nase ki okwoboa?” 32Ekero bachia koriina obwato ime, omwaga ogakira. 33Nabwo abarenge ase obwato ime bakamosasima, bagateba, “Ekeene, aye n’Omwana o Nyasae.”
Abanto ba Genesareti bakogwenigwa
(Mar 6:53–56)
34Ekero bambokire, bagaika ense ya Genesareti. 35Ekero abanto b’orogongo roria bachia komomanya, bagatoma abanto bagende chinsemo chionsi, bamorentere bonsi abarenge abarwaire; 36bakamosorora ng’a abae ribaga bakune nonya nomokoba bw’eanga yaye; na bonsi abayokunete bakagwenigwa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
OLD EKEGUSII BIBLE PROTESTANT EDITION
©Bible Society of Kenya, 2020