Roomi 7
7
Shaagee Samaanee Shaahiyoo
1Ta maneenaꞌote! Sheeroon ariibeeti ittoshich gettoye: Asho kashoona bi beemmi yemeenee wottoyich baach sheeroo biin hajjoon ariyaachote? 2Kenoon shaaggeti ure bi keno kashoona beemmi wottoon, biinna tookkaa shaagee samaanoona cuchetine; tunebaani bi keno qitigaata, bi kenoona tookkii biin cuchiti shaagee samaanee sheeroochee biichetine. 3Ebich bi keno kashoona bi beetaa, bare kenoon bi shaagigaata, shunoon maatine; tunebaani bi keno qitigaata, ebiyee aafi shaagee samaanee sheeroochee kechetine; bare kenoon bi shaagigaata, shunimaayeene getteyaachene.
4Ta maneenaꞌote! Ebiyoommon ittoshi wotta Kiristoosi masqalooch yoodaa bi qitiyooba, Muusichi Sheeroyich qitito ittoshine. Andoo aafoon Yeerich no aafemmoyich, qitoochee tiyiti Yesuusichi hajjoo tuneto ittoshine. 5Meechi gaboyich hajjeeꞌa no beetaa, sheeroo shuurikkiibeeti axaaxee qaatoo, qitooch bechiibeeti aafoon no aafemmoyich tuniyoyich, no ashittinee daggoochaa shuunee beehe. 6Tunebaani wonna no cucheti sheeroyich qitito noone; ebich Yeeri ebi sheeroochee and noon biichitone; ebichoo Yeerich no hajjeebeeto, Yaafe Ayaano noon yaabiibeeti andire gommonalli, kooreeti Muusichi Sheeroo gettiibeeti wonnee gommona toonoone.
Sheeroo Asho Axaaxoon Bi Shuunemmoyich Shuurikkiibeeto Bi Tuno
7Illa ama gettehone? Sheeroo axaaxoone? Ciroona toonoone! Tunebaani sheeroo getaanegaata, axaaxoo amo gaata ariyaachesho taane; wotta sheeroo qaatiyaahine bi getaanegaata, qaatoo amo gaata ariyaachesho taane.#Key. 20:17; Yibba. 5:21 8Tunebaani axaaxoo sheeroo gettiibeeti mooyona gommon daneꞌi bacheti meeti mooyinaꞌon ta qaatemmoyich taan shuurikkiye; sheeroo icheyaan beehooba, axaaxoo qititi ashoommi giidaalloone. 9Tawoo wonna sheeroo icheyaan beehooba, kashecho taane; tunebaani sheeroo gettiibeeti mooyo shagaa, arooba axaaxoo giidoon danehe; tawoo qitiyo. 10Kashoon imma gabeeti sheeroo gettiibeeti mooyo qitooch shakkii beeton tuneꞌi daneho. 11Axaaxoo gommon daneꞌi sheeroo gettiibeeti gommona taan dachitone; are sheeroo gettiibeeti mooyona taan wuxitone. 12Ebich Yeerichi sheeroo yaafoone; sheeroo gettiibeeti mooyoo yaafoone; kaamoonaa gaawetonane.
13Illa gaaweto tuneti mooyo qitoon ta toommooch shakkiihe? Ciroona shakkiyaanoone! Tunebaani ebin shakkiito axaaxoone; axaaxoo amo gaata bi galleyemmoyich ebi gaawe moochi gommona giyiꞌi qitoon ta toommooch shakkiihe. Ebich sheeroo gettiibeeti moochi gommona axaaxoo oogeti magge gondo bi tuno bekketone.
Ashi Mullee Daggeexi Koyo
14Sheeroo Yeerichi Ayaanoochee bi tunoon ariibeeto noone; tunebaani axaaxoyich hajjeya kechaꞌa meenon taheti asho taane. 15Amoon ta tuniyaabeeto gaata taach giyaanoone; ta shixxaabeeti mooyoniye ta tuniyaabeeto; tunebaani ta shunnaabeeti mooyon tuniyaano taane.#Gala. 5:17 16Ta shunaani mooyon tuniyaabeeto ta tunegaata, sheeroo gaaweto bi tunoon miixaabeeto taane. 17Ebi tunegaata, and aroon tuniibeeto ta mullooch beeti axaaxoani, ta toono taane. 18Ta waan, ebi getoo ta meechi shuriyooch, gaawe mooyo aallo bi tunoon ariibeeto taane; gaawe mooyon tuniyoyich ta qaawitaanona, tuniyoon hakkaache. 19Ta shunaani gonde mooyonalli ta tuniyaabeeto, ta shunnaabeeti gaawe mooyon toonoone. 20Ta shunaani mooyon tuniibeeto ta tunegaata, aroon and tuniibeeto ta mullooch beeti axaaxoani, ta toono taane.
21Illa eechii shuuneebeeti sheeroon beeggaabeeto taane: Gaaweton tuniiya qaawaabee gondoon shuunoochee wohaache. 22Maaci ta mulloona Yeerichi sheeroona emiraabeeto taane. 23Tunebaani ta ashittinee quumoochaa shuuneebeeti bare sheeroon beeggaabeeto taane; ebiyoo ta mulloona ta emiraabeeti sheeroona tookkii koyeebeeti sheeroone; aroo ta quumeenaꞌo daggooch beeti axaaxee sheeroona taan keccii beetone. 24Ta am shaahoon maaceraabeeti asho taane! Hini qitooch bechiibeeti meenoochee konine taan wodiyemmo? 25No Doono Yesuus Kiristoosi waanaa Yeerich galleto bede.
Illa ta mulloona Yeerichi sheeroyich hajjeebeeto, tunebaani ta meenona axaaxee sheeroyich hajjeebeeto tuneto taane.
ទើបបានជ្រើសរើសហើយ៖
Roomi 7: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Roomi 7
7
Shaagee Samaanee Shaahiyoo
1Ta maneenaꞌote! Sheeroon ariibeeti ittoshich gettoye: Asho kashoona bi beemmi yemeenee wottoyich baach sheeroo biin hajjoon ariyaachote? 2Kenoon shaaggeti ure bi keno kashoona beemmi wottoon, biinna tookkaa shaagee samaanoona cuchetine; tunebaani bi keno qitigaata, bi kenoona tookkii biin cuchiti shaagee samaanee sheeroochee biichetine. 3Ebich bi keno kashoona bi beetaa, bare kenoon bi shaagigaata, shunoon maatine; tunebaani bi keno qitigaata, ebiyee aafi shaagee samaanee sheeroochee kechetine; bare kenoon bi shaagigaata, shunimaayeene getteyaachene.
4Ta maneenaꞌote! Ebiyoommon ittoshi wotta Kiristoosi masqalooch yoodaa bi qitiyooba, Muusichi Sheeroyich qitito ittoshine. Andoo aafoon Yeerich no aafemmoyich, qitoochee tiyiti Yesuusichi hajjoo tuneto ittoshine. 5Meechi gaboyich hajjeeꞌa no beetaa, sheeroo shuurikkiibeeti axaaxee qaatoo, qitooch bechiibeeti aafoon no aafemmoyich tuniyoyich, no ashittinee daggoochaa shuunee beehe. 6Tunebaani wonna no cucheti sheeroyich qitito noone; ebich Yeeri ebi sheeroochee and noon biichitone; ebichoo Yeerich no hajjeebeeto, Yaafe Ayaano noon yaabiibeeti andire gommonalli, kooreeti Muusichi Sheeroo gettiibeeti wonnee gommona toonoone.
Sheeroo Asho Axaaxoon Bi Shuunemmoyich Shuurikkiibeeto Bi Tuno
7Illa ama gettehone? Sheeroo axaaxoone? Ciroona toonoone! Tunebaani sheeroo getaanegaata, axaaxoo amo gaata ariyaachesho taane; wotta sheeroo qaatiyaahine bi getaanegaata, qaatoo amo gaata ariyaachesho taane.#Key. 20:17; Yibba. 5:21 8Tunebaani axaaxoo sheeroo gettiibeeti mooyona gommon daneꞌi bacheti meeti mooyinaꞌon ta qaatemmoyich taan shuurikkiye; sheeroo icheyaan beehooba, axaaxoo qititi ashoommi giidaalloone. 9Tawoo wonna sheeroo icheyaan beehooba, kashecho taane; tunebaani sheeroo gettiibeeti mooyo shagaa, arooba axaaxoo giidoon danehe; tawoo qitiyo. 10Kashoon imma gabeeti sheeroo gettiibeeti mooyo qitooch shakkii beeton tuneꞌi daneho. 11Axaaxoo gommon daneꞌi sheeroo gettiibeeti gommona taan dachitone; are sheeroo gettiibeeti mooyona taan wuxitone. 12Ebich Yeerichi sheeroo yaafoone; sheeroo gettiibeeti mooyoo yaafoone; kaamoonaa gaawetonane.
13Illa gaaweto tuneti mooyo qitoon ta toommooch shakkiihe? Ciroona shakkiyaanoone! Tunebaani ebin shakkiito axaaxoone; axaaxoo amo gaata bi galleyemmoyich ebi gaawe moochi gommona giyiꞌi qitoon ta toommooch shakkiihe. Ebich sheeroo gettiibeeti moochi gommona axaaxoo oogeti magge gondo bi tuno bekketone.
Ashi Mullee Daggeexi Koyo
14Sheeroo Yeerichi Ayaanoochee bi tunoon ariibeeto noone; tunebaani axaaxoyich hajjeya kechaꞌa meenon taheti asho taane. 15Amoon ta tuniyaabeeto gaata taach giyaanoone; ta shixxaabeeti mooyoniye ta tuniyaabeeto; tunebaani ta shunnaabeeti mooyon tuniyaano taane.#Gala. 5:17 16Ta shunaani mooyon tuniyaabeeto ta tunegaata, sheeroo gaaweto bi tunoon miixaabeeto taane. 17Ebi tunegaata, and aroon tuniibeeto ta mullooch beeti axaaxoani, ta toono taane. 18Ta waan, ebi getoo ta meechi shuriyooch, gaawe mooyo aallo bi tunoon ariibeeto taane; gaawe mooyon tuniyoyich ta qaawitaanona, tuniyoon hakkaache. 19Ta shunaani gonde mooyonalli ta tuniyaabeeto, ta shunnaabeeti gaawe mooyon toonoone. 20Ta shunaani mooyon tuniibeeto ta tunegaata, aroon and tuniibeeto ta mullooch beeti axaaxoani, ta toono taane.
21Illa eechii shuuneebeeti sheeroon beeggaabeeto taane: Gaaweton tuniiya qaawaabee gondoon shuunoochee wohaache. 22Maaci ta mulloona Yeerichi sheeroona emiraabeeto taane. 23Tunebaani ta ashittinee quumoochaa shuuneebeeti bare sheeroon beeggaabeeto taane; ebiyoo ta mulloona ta emiraabeeti sheeroona tookkii koyeebeeti sheeroone; aroo ta quumeenaꞌo daggooch beeti axaaxee sheeroona taan keccii beetone. 24Ta am shaahoon maaceraabeeti asho taane! Hini qitooch bechiibeeti meenoochee konine taan wodiyemmo? 25No Doono Yesuus Kiristoosi waanaa Yeerich galleto bede.
Illa ta mulloona Yeerichi sheeroyich hajjeebeeto, tunebaani ta meenona axaaxee sheeroyich hajjeebeeto tuneto taane.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.