Roomi 4
4
Abrahamichi Shaahiyoo
1Illa meenona no qaabbecho tuneti Abrahami ebi mooyoyich amoon danete getote? 2Abrahami bi shuuneti shuunoona bi cadiqito gaata, bi geecemmi mooyo beeyeshone; tunebaani Yeeri aafooch biin geeciyemmi mooyo biich aalloone. 3Yaafe Macaafoochaa ama getteete? “Abrahami mulloon Yeeri toommooch tooꞌiihe; ebi bi mullee tooꞌiyoo Yeeri aafoochaa biin cadiqiihe”#Hal. 15:6 getteetone.
4Shuuneebeeti ashich qocheebeeti shumaayoo bi hiishoommoani, wojjoommo tuniitaa haddeyaache. 5Tunebaani amoonolla shuuneyaanoon, axaaxechon cadiqiibeeti Yeeri toommooch bi mulloon tooꞌiiti ashich, Yeeri ebi bi mullee tooꞌiyoon cadiqoo tuniiꞌi haddiye. 6Ebiyoommon Daawiti wotta shuunoona tuneyaanoon, Yeeri cadiqo tuniiꞌi bi hadditi asho diireeto tuneechon ishichii gettitone:
7“Boonoshi shuuneti hukkoon Yeeri maaritti asheenaꞌo,
boonoshi axaaxoonoo Yeeri oppeti asheenaꞌo, diireetinaꞌone;
8Doono bi axaaxoon cir haddaachemmi asho
diireetone”#Shod. 32:1-2 itone.
9Illa ebi Daawiti gettiti diiroo dokireetinaꞌoyich baachiye? Toonoone. Dokireyaaneenaꞌoyichoonane. Ebiyoo Yaafe Macaafoochee ta gettetoommon, “Abrahami Yeeri toommooch mulloon bi tooꞌiyoo Yeeri aafoochaa biin cadiqiihe.” 10Am shaahe gommona biin cadiqiihe? Dokiree bi iichaanane woyee dokireyaan bi beeteenane? Dokiree bi iichaa toonoone; dokireyaan bi beetenane. 11Dokireyaan beebee, mulloon Yeeri toommooch bi tooꞌitoyich cadiqoon danehe. Aroyee gubboo bi dokireyoo bi cadiqoon miixeebeeti malletoo tunehe. Ebich boonoshiyoo wotta cadiqeenaꞌo tuneree boonoshi haddeyemmoyich, dokireyaanoon mulloon Yeeri toommooch tooꞌii beetinaꞌo bullich nihoone. 12Dokireetinaꞌoyichoo nihoone. Ebiyoo boonoshi dokireetoyich tuneyaanoon, no nihoo tuneti Abrahami dokireyaan beebee, mulloon Yeeri toommooch bi tooꞌiitoommon, mulloon boonoshi tooꞌitoyichiye.
13Abrahaminaa bi yareenaꞌonoyich “Alemoon woraashemmo ittoshine” iꞌi Yeeri gibenikkitone. Ebi gibenoon Yeeri gibenikkito, Abrahami Yeeri toommooch mulloon bi tooꞌiyoona bi cadiqitoyichalli, Muusichi Sheeroon ceechii bi quyetoyich toonoone. 14Sheeroon ceechitinaꞌo Yeeri gibenikkiti gibenoon danemminaꞌo boonoshi tunegaata, Yeeri toommooch mullee tooꞌiyoo duubo tunete getone; Yeeri gibenikkiti gibenoo duubo tunete getone. 15Sheeroo Yeerichi kaaree shiixxoon deebiye; tunebaani sheeroo aalloon sheeree shaaddo aalloone.
16-17Ebich sheeroyich hajjeeꞌi beetinaꞌo ikkeetinaꞌoyich baach tuneyaanoon, Abrahamichoommon mulloon tooꞌiiti bi yareenaꞌo bullich wotta gibenee qaaro manjemmoyich, are gibenoo Yeerichi wojjoommo bi tunemmoyich, Yeeri toommooch mullee tooꞌiyoonane bi daneebeeto. Ebich biyoo “Meeti aageteenaꞌoyich nihoon neen tuniihoye”#Hal. 17:5; Gala. 3:7 getaa bi kooreetoommon, qititinaꞌoyich kashoon immiibeeti, aalloonoo beeto tuniiꞌi neechiibeeti, bi toommooch mulloon bi tooꞌiiti Yeeri aafoochaa no bulli nihoone.
18“Ne yaroo ebiyoommon meettemmone”#Hal. 15:5 getaa Yaafe Macaafooch bi kooreetoommon, gibeno aalli xaaꞌooch gibeneꞌi iberiihe; ebina meeti aageteenaꞌochi nihoo tunehe. 19Balle natt bedd bedditi geeno bi tunetaanoona, qititoommo tuneti bi ashittinoonaa shuuqqiti Saarichi maacoonon gabiꞌi Yeeri toommooch mulloon tooꞌiyoochee gubb wotteyaanoone. 20-21Yeerich oogoon immiibee, Yeeri biich gibenikkiti gibenoon ceechemmo bi tunoon xiishiꞌi mullee tooꞌiyoona kupphehalli, ibariyaache getona Yeeri gibenikkiti gibenee qaaroyich axiraacheyaanoone. 22Ebichiye [wotta] “Yeeri toommooch mulloon bi tooꞌiyoo Yeeri aafoochaa biin cadiqiihe”#Hal. 15:6 bi getteeto. 23Tunebaani Yaafe Macaafooch “Yeeri aafoochaa biin cadiqiihe” getteeti qaaro bi kooreeto Abrahamich baach toonoone; 24-25noochoonane bi kooreeto. No xuꞌee naboyich qitoyich beshiitaa icheti, noon cadiqiyoyich tiyiti no Doono Yesuusin qitoochee tiijjiti Yeeri toommooch no mulloon tooꞌiibeeti noonoo cadiqiiyane.#Isi. 53:4-5
ទើបបានជ្រើសរើសហើយ៖
Roomi 4: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Roomi 4
4
Abrahamichi Shaahiyoo
1Illa meenona no qaabbecho tuneti Abrahami ebi mooyoyich amoon danete getote? 2Abrahami bi shuuneti shuunoona bi cadiqito gaata, bi geecemmi mooyo beeyeshone; tunebaani Yeeri aafooch biin geeciyemmi mooyo biich aalloone. 3Yaafe Macaafoochaa ama getteete? “Abrahami mulloon Yeeri toommooch tooꞌiihe; ebi bi mullee tooꞌiyoo Yeeri aafoochaa biin cadiqiihe”#Hal. 15:6 getteetone.
4Shuuneebeeti ashich qocheebeeti shumaayoo bi hiishoommoani, wojjoommo tuniitaa haddeyaache. 5Tunebaani amoonolla shuuneyaanoon, axaaxechon cadiqiibeeti Yeeri toommooch bi mulloon tooꞌiiti ashich, Yeeri ebi bi mullee tooꞌiyoon cadiqoo tuniiꞌi haddiye. 6Ebiyoommon Daawiti wotta shuunoona tuneyaanoon, Yeeri cadiqo tuniiꞌi bi hadditi asho diireeto tuneechon ishichii gettitone:
7“Boonoshi shuuneti hukkoon Yeeri maaritti asheenaꞌo,
boonoshi axaaxoonoo Yeeri oppeti asheenaꞌo, diireetinaꞌone;
8Doono bi axaaxoon cir haddaachemmi asho
diireetone”#Shod. 32:1-2 itone.
9Illa ebi Daawiti gettiti diiroo dokireetinaꞌoyich baachiye? Toonoone. Dokireyaaneenaꞌoyichoonane. Ebiyoo Yaafe Macaafoochee ta gettetoommon, “Abrahami Yeeri toommooch mulloon bi tooꞌiyoo Yeeri aafoochaa biin cadiqiihe.” 10Am shaahe gommona biin cadiqiihe? Dokiree bi iichaanane woyee dokireyaan bi beeteenane? Dokiree bi iichaa toonoone; dokireyaan bi beetenane. 11Dokireyaan beebee, mulloon Yeeri toommooch bi tooꞌitoyich cadiqoon danehe. Aroyee gubboo bi dokireyoo bi cadiqoon miixeebeeti malletoo tunehe. Ebich boonoshiyoo wotta cadiqeenaꞌo tuneree boonoshi haddeyemmoyich, dokireyaanoon mulloon Yeeri toommooch tooꞌii beetinaꞌo bullich nihoone. 12Dokireetinaꞌoyichoo nihoone. Ebiyoo boonoshi dokireetoyich tuneyaanoon, no nihoo tuneti Abrahami dokireyaan beebee, mulloon Yeeri toommooch bi tooꞌiitoommon, mulloon boonoshi tooꞌitoyichiye.
13Abrahaminaa bi yareenaꞌonoyich “Alemoon woraashemmo ittoshine” iꞌi Yeeri gibenikkitone. Ebi gibenoon Yeeri gibenikkito, Abrahami Yeeri toommooch mulloon bi tooꞌiyoona bi cadiqitoyichalli, Muusichi Sheeroon ceechii bi quyetoyich toonoone. 14Sheeroon ceechitinaꞌo Yeeri gibenikkiti gibenoon danemminaꞌo boonoshi tunegaata, Yeeri toommooch mullee tooꞌiyoo duubo tunete getone; Yeeri gibenikkiti gibenoo duubo tunete getone. 15Sheeroo Yeerichi kaaree shiixxoon deebiye; tunebaani sheeroo aalloon sheeree shaaddo aalloone.
16-17Ebich sheeroyich hajjeeꞌi beetinaꞌo ikkeetinaꞌoyich baach tuneyaanoon, Abrahamichoommon mulloon tooꞌiiti bi yareenaꞌo bullich wotta gibenee qaaro manjemmoyich, are gibenoo Yeerichi wojjoommo bi tunemmoyich, Yeeri toommooch mullee tooꞌiyoonane bi daneebeeto. Ebich biyoo “Meeti aageteenaꞌoyich nihoon neen tuniihoye”#Hal. 17:5; Gala. 3:7 getaa bi kooreetoommon, qititinaꞌoyich kashoon immiibeeti, aalloonoo beeto tuniiꞌi neechiibeeti, bi toommooch mulloon bi tooꞌiiti Yeeri aafoochaa no bulli nihoone.
18“Ne yaroo ebiyoommon meettemmone”#Hal. 15:5 getaa Yaafe Macaafooch bi kooreetoommon, gibeno aalli xaaꞌooch gibeneꞌi iberiihe; ebina meeti aageteenaꞌochi nihoo tunehe. 19Balle natt bedd bedditi geeno bi tunetaanoona, qititoommo tuneti bi ashittinoonaa shuuqqiti Saarichi maacoonon gabiꞌi Yeeri toommooch mulloon tooꞌiyoochee gubb wotteyaanoone. 20-21Yeerich oogoon immiibee, Yeeri biich gibenikkiti gibenoon ceechemmo bi tunoon xiishiꞌi mullee tooꞌiyoona kupphehalli, ibariyaache getona Yeeri gibenikkiti gibenee qaaroyich axiraacheyaanoone. 22Ebichiye [wotta] “Yeeri toommooch mulloon bi tooꞌiyoo Yeeri aafoochaa biin cadiqiihe”#Hal. 15:6 bi getteeto. 23Tunebaani Yaafe Macaafooch “Yeeri aafoochaa biin cadiqiihe” getteeti qaaro bi kooreeto Abrahamich baach toonoone; 24-25noochoonane bi kooreeto. No xuꞌee naboyich qitoyich beshiitaa icheti, noon cadiqiyoyich tiyiti no Doono Yesuusin qitoochee tiijjiti Yeeri toommooch no mulloon tooꞌiibeeti noonoo cadiqiiyane.#Isi. 53:4-5
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.