Maariqoosi 7
7
Ashi Doyoona Yeerichi Qaaroon Hoxeeto Tuniyoo
(Maatiyoosi 15:1-9)
1Ikkikke Fariseenaꞌonaa Yerusaalemee waati Muusichi Sheeree dojjechinaꞌona Yesuus waan giddee kiceeꞌi boonoshi beetaa, 2Yesuusichi dabbeenaꞌo daggoochee ikkikkeenaꞌo eeꞌe kishoona, ebi geto aacona afaalleyaani kishoona maayoon boonoshi maa beetaa beeggiyeete. 3Fariseenaꞌonaa bare Ayihudeenaꞌo bullina qaabbechinaꞌochi doyoon quyoyich eeꞌoochee xalloyich boonoshi kishoon aacona macheyaanoon maataacheete. 4Gabiyoochee wotteꞌi Ayihudeenaꞌochi doyoochoommon macheyaanoon maataacheete. Wotta xoofoon, baaretoon, gafetoon, [qeenon] mayonaa eboshiyoommi meeti doyeenaꞌonon ceechii beetinaꞌone.
5Ebich Fariseenaꞌonaa Muusichi Sheeree dojjechinaꞌona Yesuusin “Ne dabbeenaꞌo eeꞌe kishoona maayoon maabee, no qaabbechinaꞌochi doyoon boonoshi shaaddeebeeto amoyichiye?” iꞌi echeheete.
6-7Biyoo wochiꞌi ishichiye: “Isiyaasi hini maacoon xalloo shaahiibeeti ittoshichon,
‘Hini asheenaꞌo boonoshi noonoona taan oogii beetinaꞌone;
tunetaa boonoshi mullo ta waanee oogeton wohone.
Ashi doyoon Yeerichi qaaro tuniiꞌi dojjiibee,
duuboon taach goyinneheete’#Isi. 29:13
iꞌi bi kooritoommon bi keemmito iberooniye. 8Ittoshi Yeerichi sheeroon qajjiichii ashi doyoon ceechii beetote” iye.
9Daakkiꞌi ishichiye: “Ittoshi doyoon ceechoyich Yeerichi sheeroon qeexxee kiin bechaachote. 10Muusi ‘Ne indeenaa ne nihoonon oogiibe’#Key. 20:12; Yibba. 5:16 wotta ‘Bi indeen woyee bi nihoon naaggimmoo qitibe’#Key. 21:17; Lew. 20:9 itone. 11Tunetaa ittoshi ishichiyote: ‘Ikke uro bi nihoon woyee bi indeen “Ittoshich ta immemmon Yeerich kichito taane; Yeerich yaafeetone” bi getigaata, 12hini uro bi nihoonaa bi indeenon dego qaawiyaache’ ii beeto ittoshine. 13Ebichi gommona ittoshi dojjiibeeti doyoona Yeerichi qaaroon hoxeeto tuniihote. Wotta ebiyoommi meeti mooyon tuniihote” iye.
Ashoon Eeꞌiibeeti Mooyo
(Maatiyoosi 15:10-20)
14Wotta Yesuusi dofee asheenaꞌon bi waan ceeggiꞌi, “Ittoshi bulli ta waanee waayebote! Shalligibote! 15Ashoon eeꞌiibeeto ashi waanee kechiibeet mooyoani, ashi waan giyiibeeti ashoon eeꞌiibeeti mooyo cir aalloone. 16[Illa waayeebeeti waajjecho koniyoona waayebe]” iye.
17Aree hillooch Yesuusi asheenaꞌo waanee bariꞌi kexooch bi giyitoyee gubb, bi dabbeenaꞌo “Ebi shaahiyoo ama getone?” iꞌi echeheete. 18Yesuusi wochiꞌi, “Wotta ittoshi mulloochoo giyaache? Manjeebeeti maayo ashoon eeꞌiiyee qayon ariyaachote? 19Maayo ashi maacooch giyiꞌi maach keyoyee damba, ashi mullooch giyaache” iye. Ebina Yesuusi maayo bulli xalloo tunoon arichiihe.
20Wotta Yesuusi ishichiye: “Ashoon eeꞌiibeeto ashi mulloochee kechiibeeti mooyone. 21Ashi mulloochee kechii beetinaꞌo, gonde gaboo, yahoo, gaayo, wuxoo, 22shunee mamo, hiriggoo, gondo, dawushoo, yeelliibeeti kaayo, qanaato, oono, geecoo, shalligee shappoo, eboshine. 23Ebi gondo bulli ashi mulloochee kechiꞌi ashoon eeꞌiihe” iye.
Yesuusi Wodiyecho Tunoon Ikke Ure Iberiyoo
(Maatiyoosi 15:21-28)
24Yesuusi aroochee tiyiꞌi Xiroosi katemee gaꞌooch beeti showooch hammii ikke kexooch giyiye. Arooch bi beemon asho koniyoona ariyemmoyich shunaanoone; tunetaa aashoon hakkaanoone. 25Bekkech yinno giisheche bi bushee toommooch beeti ure Yesuusichon waayaꞌa waa bi baatooch dihiyan. 26Biyoo Sooriyee showooch beeti Finqechee, Giriikee noonoon yibbaataabeeti ureene. Areyoo Yesuusin “Ta bushee toommoochee yinnoon yoohe” iyaꞌa qollahan.
27Tunetaa Yesuusi wochiꞌi, “Bushiisheenaꞌochi maayoon tiijjiꞌi kunaaneenaꞌoyich dufo tato toonoone; bushiisheenaꞌo shiichiree maa miyiichibeete” iye.
28Ure wochaꞌa, “Ishi iberoone, ta Doonocho, tunetaa kunaaneenaꞌolla bushiisheenaꞌo maabeeti madee baatooch oojjiti ooyoon maciꞌi maa beetinaꞌone” iyan.
29Yesuusi ureyich “Ne getteto tatoone. Ebich wotteree ne kexooch hambe. Yinno ne bushee toommoochee tiyitone” iye.
30Bi kexooch hammaꞌa bi bushee toommoochee yinno tiyiichaa qeenooch qeyaꞌa beetin danehan.
Waamo Ullee Heciyoo Tippeti Uroon Yesuusi Wodiyoo
31Wotta Yesuusi Xiroosee showoochee kechii Sidoonee showoona besheꞌi, Aashire Katemoona Galiilee baharooch waahe. 32Arooba asheenaꞌo bi waamo ullee bi heciyoo tippeti ikke uroon arooch Yesuus waan deebiꞌi, “Ne kishoon hini uroochi toommooch kotiibe” iꞌi qolleheete.
33Yesuusi uroon dofee asheenaꞌo daggoochee ikke badd kichiꞌi bi kishee yapheroon uroochi waamooch giijjiye. Wotta cudon kushitee (kuujjii) bi heciyoon shafehe. 34Kaama shimaajj ciinnii kachiꞌi, “Eftaaha” iye. Ishi geto, qecheebe getone. 35Uroochi waamo bekkech qecheeꞌi waayehe; bi eciyoo biicheꞌi xallii yibbaatehe.
36Ebiyee gubb, Yesuusi are xaaꞌooch beeti asheenaꞌoyich “Konichona qaareyaahote” iꞌi gettiye. Tunetaa boonoshich qaareyaahote bi itoyee beshoon woriyeete. 37Ishin waayeti asheenaꞌo oogichii worganeꞌi, “Bullin gaawichitone; ulleenaꞌo waayemmoyich, heciya tippeenaꞌo yibbaatemmoyich tunii beetone” iyeete.
ទើបបានជ្រើសរើសហើយ៖
Maariqoosi 7: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Maariqoosi 7
7
Ashi Doyoona Yeerichi Qaaroon Hoxeeto Tuniyoo
(Maatiyoosi 15:1-9)
1Ikkikke Fariseenaꞌonaa Yerusaalemee waati Muusichi Sheeree dojjechinaꞌona Yesuus waan giddee kiceeꞌi boonoshi beetaa, 2Yesuusichi dabbeenaꞌo daggoochee ikkikkeenaꞌo eeꞌe kishoona, ebi geto aacona afaalleyaani kishoona maayoon boonoshi maa beetaa beeggiyeete. 3Fariseenaꞌonaa bare Ayihudeenaꞌo bullina qaabbechinaꞌochi doyoon quyoyich eeꞌoochee xalloyich boonoshi kishoon aacona macheyaanoon maataacheete. 4Gabiyoochee wotteꞌi Ayihudeenaꞌochi doyoochoommon macheyaanoon maataacheete. Wotta xoofoon, baaretoon, gafetoon, [qeenon] mayonaa eboshiyoommi meeti doyeenaꞌonon ceechii beetinaꞌone.
5Ebich Fariseenaꞌonaa Muusichi Sheeree dojjechinaꞌona Yesuusin “Ne dabbeenaꞌo eeꞌe kishoona maayoon maabee, no qaabbechinaꞌochi doyoon boonoshi shaaddeebeeto amoyichiye?” iꞌi echeheete.
6-7Biyoo wochiꞌi ishichiye: “Isiyaasi hini maacoon xalloo shaahiibeeti ittoshichon,
‘Hini asheenaꞌo boonoshi noonoona taan oogii beetinaꞌone;
tunetaa boonoshi mullo ta waanee oogeton wohone.
Ashi doyoon Yeerichi qaaro tuniiꞌi dojjiibee,
duuboon taach goyinneheete’#Isi. 29:13
iꞌi bi kooritoommon bi keemmito iberooniye. 8Ittoshi Yeerichi sheeroon qajjiichii ashi doyoon ceechii beetote” iye.
9Daakkiꞌi ishichiye: “Ittoshi doyoon ceechoyich Yeerichi sheeroon qeexxee kiin bechaachote. 10Muusi ‘Ne indeenaa ne nihoonon oogiibe’#Key. 20:12; Yibba. 5:16 wotta ‘Bi indeen woyee bi nihoon naaggimmoo qitibe’#Key. 21:17; Lew. 20:9 itone. 11Tunetaa ittoshi ishichiyote: ‘Ikke uro bi nihoon woyee bi indeen “Ittoshich ta immemmon Yeerich kichito taane; Yeerich yaafeetone” bi getigaata, 12hini uro bi nihoonaa bi indeenon dego qaawiyaache’ ii beeto ittoshine. 13Ebichi gommona ittoshi dojjiibeeti doyoona Yeerichi qaaroon hoxeeto tuniihote. Wotta ebiyoommi meeti mooyon tuniihote” iye.
Ashoon Eeꞌiibeeti Mooyo
(Maatiyoosi 15:10-20)
14Wotta Yesuusi dofee asheenaꞌon bi waan ceeggiꞌi, “Ittoshi bulli ta waanee waayebote! Shalligibote! 15Ashoon eeꞌiibeeto ashi waanee kechiibeet mooyoani, ashi waan giyiibeeti ashoon eeꞌiibeeti mooyo cir aalloone. 16[Illa waayeebeeti waajjecho koniyoona waayebe]” iye.
17Aree hillooch Yesuusi asheenaꞌo waanee bariꞌi kexooch bi giyitoyee gubb, bi dabbeenaꞌo “Ebi shaahiyoo ama getone?” iꞌi echeheete. 18Yesuusi wochiꞌi, “Wotta ittoshi mulloochoo giyaache? Manjeebeeti maayo ashoon eeꞌiiyee qayon ariyaachote? 19Maayo ashi maacooch giyiꞌi maach keyoyee damba, ashi mullooch giyaache” iye. Ebina Yesuusi maayo bulli xalloo tunoon arichiihe.
20Wotta Yesuusi ishichiye: “Ashoon eeꞌiibeeto ashi mulloochee kechiibeeti mooyone. 21Ashi mulloochee kechii beetinaꞌo, gonde gaboo, yahoo, gaayo, wuxoo, 22shunee mamo, hiriggoo, gondo, dawushoo, yeelliibeeti kaayo, qanaato, oono, geecoo, shalligee shappoo, eboshine. 23Ebi gondo bulli ashi mulloochee kechiꞌi ashoon eeꞌiihe” iye.
Yesuusi Wodiyecho Tunoon Ikke Ure Iberiyoo
(Maatiyoosi 15:21-28)
24Yesuusi aroochee tiyiꞌi Xiroosi katemee gaꞌooch beeti showooch hammii ikke kexooch giyiye. Arooch bi beemon asho koniyoona ariyemmoyich shunaanoone; tunetaa aashoon hakkaanoone. 25Bekkech yinno giisheche bi bushee toommooch beeti ure Yesuusichon waayaꞌa waa bi baatooch dihiyan. 26Biyoo Sooriyee showooch beeti Finqechee, Giriikee noonoon yibbaataabeeti ureene. Areyoo Yesuusin “Ta bushee toommoochee yinnoon yoohe” iyaꞌa qollahan.
27Tunetaa Yesuusi wochiꞌi, “Bushiisheenaꞌochi maayoon tiijjiꞌi kunaaneenaꞌoyich dufo tato toonoone; bushiisheenaꞌo shiichiree maa miyiichibeete” iye.
28Ure wochaꞌa, “Ishi iberoone, ta Doonocho, tunetaa kunaaneenaꞌolla bushiisheenaꞌo maabeeti madee baatooch oojjiti ooyoon maciꞌi maa beetinaꞌone” iyan.
29Yesuusi ureyich “Ne getteto tatoone. Ebich wotteree ne kexooch hambe. Yinno ne bushee toommoochee tiyitone” iye.
30Bi kexooch hammaꞌa bi bushee toommoochee yinno tiyiichaa qeenooch qeyaꞌa beetin danehan.
Waamo Ullee Heciyoo Tippeti Uroon Yesuusi Wodiyoo
31Wotta Yesuusi Xiroosee showoochee kechii Sidoonee showoona besheꞌi, Aashire Katemoona Galiilee baharooch waahe. 32Arooba asheenaꞌo bi waamo ullee bi heciyoo tippeti ikke uroon arooch Yesuus waan deebiꞌi, “Ne kishoon hini uroochi toommooch kotiibe” iꞌi qolleheete.
33Yesuusi uroon dofee asheenaꞌo daggoochee ikke badd kichiꞌi bi kishee yapheroon uroochi waamooch giijjiye. Wotta cudon kushitee (kuujjii) bi heciyoon shafehe. 34Kaama shimaajj ciinnii kachiꞌi, “Eftaaha” iye. Ishi geto, qecheebe getone. 35Uroochi waamo bekkech qecheeꞌi waayehe; bi eciyoo biicheꞌi xallii yibbaatehe.
36Ebiyee gubb, Yesuusi are xaaꞌooch beeti asheenaꞌoyich “Konichona qaareyaahote” iꞌi gettiye. Tunetaa boonoshich qaareyaahote bi itoyee beshoon woriyeete. 37Ishin waayeti asheenaꞌo oogichii worganeꞌi, “Bullin gaawichitone; ulleenaꞌo waayemmoyich, heciya tippeenaꞌo yibbaatemmoyich tunii beetone” iyeete.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.