Maariqoosi 5
5
Yinno Bi Toommooch Beeti Uroon Yesuusi Wodiyoo
(Maatiyoosi 8:28-34; Luqaasi 8:26-39)
1Yesuusinaa bi dabbeenaꞌona baharoon kimmiꞌi beqach beeti Gergeseenee showooch shaggiyeete. 2Yesuusi giishi markabeechee bi kindimmona yinno bi toommooch beeti uro maasho beetoochee kechiꞌi bekkech biinna danehe. 3Hini are uro bi beemo maashee daggoochiye. Sansalatoonolla cuchii neechon hakkiti asho arooba aalloone. 4Meeti aaboon, bi kishoon sansalatoona, bi baatoonoo qoqqaannoona cuchee beehe; tunebaani sansalatoon kuxxii qoqqaannoonoo tiichii beehe; biin yechii neechoon hakkito koniyoona aalloone. 5Areddoonaa xumoonon maashoonaa geppoonooch kechiichii bulli aaboon bunnee beehe; wotta bi ashittinoon xaqqoona qoopphii huccii beehe.
6Hini are uro Yesuusin wohoochaa ciinniꞌi bi waan woccii hammii biich goyinnehe. 7-8Arooba Yesuusi “Hini yinnoocho, uro toommoochee tibe” iye. Ebich uro oogichii cookiꞌi, “Beshe Nuggishoo Yeerichi Bushoo Yesuuso, ta mooyooch neen amo geddiye? ‘Taan yulliyaahine’ iyaꞌa Yeerina neen yecheto taane” iye.
9Arooba Yesuusi “Ne shigo konine?” iꞌi echehe.
“Meeto no tunetoyich, ta shigo Legiyoono#5:9 Ikke Legiyoono, shiritte hum bede Roomi ginee naayinaꞌon yechitone. getteehe” iꞌi wochiye. 10Wotta Yesuusin “Hini showoochee noon yookkaahine” iꞌi kupphii qollehe.
11Arooch beeti geppee gaꞌooch meeti gudichi goton qiddeenaꞌo qiddee maanjii beeheete. 12Ebich yinneenaꞌo Yesuusin “Hini are gudini toommooch hami no kotemmoyich daaggibe” iꞌi qolleheete. 13Yesuusiyoo “Hamiree kotebote” iye. Bekkech yinneenaꞌo uro toommoochee tiyiꞌi are gudininaꞌo toommooch hammii koteheete. Aroochee gutte hum bede gudininaꞌo ikkotteꞌi giidechi qaaꞌooch guufeꞌi kindii baharee gejjoona manjeeheete.
14Arooba gudichi qiddeenaꞌo wocona hammiꞌi ebin katemoonaa bi guudeexi goyechi gafoonooch gettiyeete. Ebich waayeti asheenaꞌo “Mooyo amo gaata beegone” iꞌi waaheete. 15Yesuus waan shaggiꞌi, Legiyooni getteebeeti yinneenaꞌo yechiti uro wodiꞌi, bi tahoon tahee kotee beeton beeggiꞌi shattiyeete. 16Shiichii boonoshi aafoona beeggiti asheenaꞌo yinneenaꞌo yechiti uroochi mooyonaa gudininaꞌonochi mooyonon boonoshich gettiyeete. 17Arooba are showee asheenaꞌo Yesuusin “No showoochee keye” iꞌi qolleheete.
18Ebich Yesuusi hamma iꞌi markabeech bi kechii beetaa, yinneenaꞌo gawukkiti uro “Neenna tookki hambona” iꞌi qollehe.
19Tunebaani Yesuusi daaggaanoone; biyoo “Ne kexooch hamiree ne kechi asheenaꞌoyich Doono neech am shaahe ooge mooyon bi tuniyoonaa neech bi ariqqoonon gete” iye. 20Uroo hammiꞌi, Aashire Katemoo getteebeeti showooch#5:20 Aashire Katemoo bi getteto, ebi showooch aashire katemeenaꞌo beetoyichiye. guuddiibee Yesuusi am shaahe ooge mooyon biich bi tuniito gaata getooch giyiye; bi getaa waayeti asheenaꞌo bulli worganeheete.
Qititi Busheenaa Biiyeti Ureenon Yesuusi Wodiyoo
(Maatiyoosi 9:18-26; Luqaasi 8:40-56)
21Aroochee Yesuusi giishi markabeena baharoyee beqach wotteꞌi bi kimmitoyee gubb dofee asheenaꞌo baharee gashooch bi waan kiceeheete. 22Kiceeꞌi boonoshi beetaa, Ayihudeenaꞌo kiceebeeti kechi ukkireenaꞌo daggoochee ikkoo, Yaaroosi getteebeeto waahe. Waa Yesuusin ciinnii bi baatooch dihiꞌi, 23“Giishi ta busheechi kasho kech bedditone. Bi kasho wottetaa bi wodemmoyich waaree ne kishoon bi toommooch kotiibe” ii kupphiiꞌi qollehe. 24Yesuusiyoo uroona tookkii hammiye.
Bi hammii beetaa, dofee asheenaꞌo bi guudoona xuꞌeebee tookkii hammii beeheete. 25Arooba are asheenaꞌo daggooch ceeni aaraa gutte naton damoo ufeebeeti ure beehan. 26Aroyee aaf meeti aakumeenaꞌo waan shaꞌaabee doojjaꞌa sheweetine; tunetaa bi gijjoo bullin shaccaa bi ciichitaa, bi biiyo beshiyalli ketteyaanoone. 27-28Aroochee Yesuusichi woroon waayaꞌa, “Bi qoreddoon baach ta yeshigaata, wodemmi taane” iyaꞌa bi gabitoyich asheenaꞌo daggoona hammaꞌa gubbaa Yesuusichi qoreddoon yechahan. 29Yesuusichi qoreddoon bi yechemmona, bekkech ufeebeeti bi damoo neexehe. Arooba biiyoochee bi wodoo biich arichehe.
30Bekkech Yesuusi biiyechon wodiyee giidoo bi achoochee bi keyon ariiꞌi asheenaꞌo waan guuddii wotteꞌi, “Ta qoreddoon yechito konine?” iye.
31Bi dabbeenaꞌo wochiꞌi, “Dofee asheenaꞌo xuꞌeyoon beeggaabee, ‘Konine taan yechito?’ iyaꞌa echenne?” iyeete.
32Tunetaa Yesuusi biin yechiton beegga gubb wotteꞌi ashoon ciinnii beehe. 33Areegaata ure woditi bi tunoon ariiꞌa shattaa qewaabee, waa bi baatooch dihaꞌa iberoo bullin gettahan. 34Yesuusi wochiꞌi, “Ta busheene, ta toommooch mulloon ne tooꞌiyoo neen wodiitone. Diggoona hambe; biiyaꞌa ne shooddoochee kashebe” iye.
35Yesuusi ebin getooch bi beetaa, Ayihudeenaꞌo kiceebeeti kechi ukkiroo kexoochee asheenaꞌo waaꞌi Yaaroosin “Ne bushee qititine. Amoyich Dojjechon iritii beetine?” iyeete.
36Tunebaani Yesuusi ishin waayeꞌi Ayihudeenaꞌo kiceebeeti kechi ukkiroon “Shattaahine, Yeerich baach kuxe” iye.
37Aree hillooch Yesuusi Pheexiroosi, gutte maneenaꞌo Yaaqobinaa Yowannisinoyee damba koniyoona biinna tookki hammemmoyich daaggaanoone. 38Aroochee Ayihudeenaꞌo kiceebeeti kechi ukkiroo kexooch shaggiꞌi asheenaꞌo caagoon, eefonaa bunnoonon boonoshi meechoon ciinniye. 39Kexooch giyiꞌi, “Hini caagoonaa eefona amoone? Bushee tokketaanalli bi ito, qitaaneene” iye. 40Tunebaani asheenaꞌo oogichii coonee miiceheete.
Bullin “Kexoochee keyote” iꞌi bi kichitoyee gubb busheechi nihoon, indeenaa biinna tookkii hammiti bi dabbeenaꞌonon dabbiiꞌi bushee beeti gatooch giyiye. 41Giyii bushee kishoona yechiꞌi, “Xaallita qumi” iye; ebiyoo “Hini busheene, tibe iibeeto taane” getone. 42Busheyoo aaraa gutte nati busheene; ebich bekkech motekkimaa tiyaꞌa shaꞌahan. Arooba ebin beeggiti asheenaꞌo oogichii worganeheete. 43Yesuusi “Hini mooyon konichona gettaahote; ittoshi qelloon ariibote” iꞌi bi gettitoyee gubb, “Busheyich maayoon imbote” iye.
ទើបបានជ្រើសរើសហើយ៖
Maariqoosi 5: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Maariqoosi 5
5
Yinno Bi Toommooch Beeti Uroon Yesuusi Wodiyoo
(Maatiyoosi 8:28-34; Luqaasi 8:26-39)
1Yesuusinaa bi dabbeenaꞌona baharoon kimmiꞌi beqach beeti Gergeseenee showooch shaggiyeete. 2Yesuusi giishi markabeechee bi kindimmona yinno bi toommooch beeti uro maasho beetoochee kechiꞌi bekkech biinna danehe. 3Hini are uro bi beemo maashee daggoochiye. Sansalatoonolla cuchii neechon hakkiti asho arooba aalloone. 4Meeti aaboon, bi kishoon sansalatoona, bi baatoonoo qoqqaannoona cuchee beehe; tunebaani sansalatoon kuxxii qoqqaannoonoo tiichii beehe; biin yechii neechoon hakkito koniyoona aalloone. 5Areddoonaa xumoonon maashoonaa geppoonooch kechiichii bulli aaboon bunnee beehe; wotta bi ashittinoon xaqqoona qoopphii huccii beehe.
6Hini are uro Yesuusin wohoochaa ciinniꞌi bi waan woccii hammii biich goyinnehe. 7-8Arooba Yesuusi “Hini yinnoocho, uro toommoochee tibe” iye. Ebich uro oogichii cookiꞌi, “Beshe Nuggishoo Yeerichi Bushoo Yesuuso, ta mooyooch neen amo geddiye? ‘Taan yulliyaahine’ iyaꞌa Yeerina neen yecheto taane” iye.
9Arooba Yesuusi “Ne shigo konine?” iꞌi echehe.
“Meeto no tunetoyich, ta shigo Legiyoono#5:9 Ikke Legiyoono, shiritte hum bede Roomi ginee naayinaꞌon yechitone. getteehe” iꞌi wochiye. 10Wotta Yesuusin “Hini showoochee noon yookkaahine” iꞌi kupphii qollehe.
11Arooch beeti geppee gaꞌooch meeti gudichi goton qiddeenaꞌo qiddee maanjii beeheete. 12Ebich yinneenaꞌo Yesuusin “Hini are gudini toommooch hami no kotemmoyich daaggibe” iꞌi qolleheete. 13Yesuusiyoo “Hamiree kotebote” iye. Bekkech yinneenaꞌo uro toommoochee tiyiꞌi are gudininaꞌo toommooch hammii koteheete. Aroochee gutte hum bede gudininaꞌo ikkotteꞌi giidechi qaaꞌooch guufeꞌi kindii baharee gejjoona manjeeheete.
14Arooba gudichi qiddeenaꞌo wocona hammiꞌi ebin katemoonaa bi guudeexi goyechi gafoonooch gettiyeete. Ebich waayeti asheenaꞌo “Mooyo amo gaata beegone” iꞌi waaheete. 15Yesuus waan shaggiꞌi, Legiyooni getteebeeti yinneenaꞌo yechiti uro wodiꞌi, bi tahoon tahee kotee beeton beeggiꞌi shattiyeete. 16Shiichii boonoshi aafoona beeggiti asheenaꞌo yinneenaꞌo yechiti uroochi mooyonaa gudininaꞌonochi mooyonon boonoshich gettiyeete. 17Arooba are showee asheenaꞌo Yesuusin “No showoochee keye” iꞌi qolleheete.
18Ebich Yesuusi hamma iꞌi markabeech bi kechii beetaa, yinneenaꞌo gawukkiti uro “Neenna tookki hambona” iꞌi qollehe.
19Tunebaani Yesuusi daaggaanoone; biyoo “Ne kexooch hamiree ne kechi asheenaꞌoyich Doono neech am shaahe ooge mooyon bi tuniyoonaa neech bi ariqqoonon gete” iye. 20Uroo hammiꞌi, Aashire Katemoo getteebeeti showooch#5:20 Aashire Katemoo bi getteto, ebi showooch aashire katemeenaꞌo beetoyichiye. guuddiibee Yesuusi am shaahe ooge mooyon biich bi tuniito gaata getooch giyiye; bi getaa waayeti asheenaꞌo bulli worganeheete.
Qititi Busheenaa Biiyeti Ureenon Yesuusi Wodiyoo
(Maatiyoosi 9:18-26; Luqaasi 8:40-56)
21Aroochee Yesuusi giishi markabeena baharoyee beqach wotteꞌi bi kimmitoyee gubb dofee asheenaꞌo baharee gashooch bi waan kiceeheete. 22Kiceeꞌi boonoshi beetaa, Ayihudeenaꞌo kiceebeeti kechi ukkireenaꞌo daggoochee ikkoo, Yaaroosi getteebeeto waahe. Waa Yesuusin ciinnii bi baatooch dihiꞌi, 23“Giishi ta busheechi kasho kech bedditone. Bi kasho wottetaa bi wodemmoyich waaree ne kishoon bi toommooch kotiibe” ii kupphiiꞌi qollehe. 24Yesuusiyoo uroona tookkii hammiye.
Bi hammii beetaa, dofee asheenaꞌo bi guudoona xuꞌeebee tookkii hammii beeheete. 25Arooba are asheenaꞌo daggooch ceeni aaraa gutte naton damoo ufeebeeti ure beehan. 26Aroyee aaf meeti aakumeenaꞌo waan shaꞌaabee doojjaꞌa sheweetine; tunetaa bi gijjoo bullin shaccaa bi ciichitaa, bi biiyo beshiyalli ketteyaanoone. 27-28Aroochee Yesuusichi woroon waayaꞌa, “Bi qoreddoon baach ta yeshigaata, wodemmi taane” iyaꞌa bi gabitoyich asheenaꞌo daggoona hammaꞌa gubbaa Yesuusichi qoreddoon yechahan. 29Yesuusichi qoreddoon bi yechemmona, bekkech ufeebeeti bi damoo neexehe. Arooba biiyoochee bi wodoo biich arichehe.
30Bekkech Yesuusi biiyechon wodiyee giidoo bi achoochee bi keyon ariiꞌi asheenaꞌo waan guuddii wotteꞌi, “Ta qoreddoon yechito konine?” iye.
31Bi dabbeenaꞌo wochiꞌi, “Dofee asheenaꞌo xuꞌeyoon beeggaabee, ‘Konine taan yechito?’ iyaꞌa echenne?” iyeete.
32Tunetaa Yesuusi biin yechiton beegga gubb wotteꞌi ashoon ciinnii beehe. 33Areegaata ure woditi bi tunoon ariiꞌa shattaa qewaabee, waa bi baatooch dihaꞌa iberoo bullin gettahan. 34Yesuusi wochiꞌi, “Ta busheene, ta toommooch mulloon ne tooꞌiyoo neen wodiitone. Diggoona hambe; biiyaꞌa ne shooddoochee kashebe” iye.
35Yesuusi ebin getooch bi beetaa, Ayihudeenaꞌo kiceebeeti kechi ukkiroo kexoochee asheenaꞌo waaꞌi Yaaroosin “Ne bushee qititine. Amoyich Dojjechon iritii beetine?” iyeete.
36Tunebaani Yesuusi ishin waayeꞌi Ayihudeenaꞌo kiceebeeti kechi ukkiroon “Shattaahine, Yeerich baach kuxe” iye.
37Aree hillooch Yesuusi Pheexiroosi, gutte maneenaꞌo Yaaqobinaa Yowannisinoyee damba koniyoona biinna tookki hammemmoyich daaggaanoone. 38Aroochee Ayihudeenaꞌo kiceebeeti kechi ukkiroo kexooch shaggiꞌi asheenaꞌo caagoon, eefonaa bunnoonon boonoshi meechoon ciinniye. 39Kexooch giyiꞌi, “Hini caagoonaa eefona amoone? Bushee tokketaanalli bi ito, qitaaneene” iye. 40Tunebaani asheenaꞌo oogichii coonee miiceheete.
Bullin “Kexoochee keyote” iꞌi bi kichitoyee gubb busheechi nihoon, indeenaa biinna tookkii hammiti bi dabbeenaꞌonon dabbiiꞌi bushee beeti gatooch giyiye. 41Giyii bushee kishoona yechiꞌi, “Xaallita qumi” iye; ebiyoo “Hini busheene, tibe iibeeto taane” getone. 42Busheyoo aaraa gutte nati busheene; ebich bekkech motekkimaa tiyaꞌa shaꞌahan. Arooba ebin beeggiti asheenaꞌo oogichii worganeheete. 43Yesuusi “Hini mooyon konichona gettaahote; ittoshi qelloon ariibote” iꞌi bi gettitoyee gubb, “Busheyich maayoon imbote” iye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.