Maariqoosi 15
15
Phelaaxoosi Aafooch Yesuusi Neexo
(Maatiyoosi 27:1-2,11-14; Luqaasi 23:1-5; Yowannisi 18:28-38)
1 Dechara maaddoona qeeshee ukkireenaꞌo, showee geeneenaꞌonaa Muusichi Sheeree dojjechinaꞌona, Ayihudee nallechinaꞌo bullina tookkii boonoshi echeetoyee gubb, Yesuusin cuchiiꞌi daammii Phelaaxoosich beshiiꞌi immiyeete.
2Phelaaxoosi Yesuusin “Ne Ayihudeenaꞌo taatoo neene?” iꞌi echehe.
Yesuusi wochiꞌi, “Newolla gettaa beetine” iye.
3Arooba qeeshee ukkireenaꞌo bi toommooch taggoon yaaqqiyeete. 4Phelaaxoosi wotta guttinnoon Yesuusin “Noonoo wochaachemmo neene? Ambiche taggoon ne toommooch boonoshi yaaqqii beeto gaata waayeyaachine?” iꞌi echehe. 5Tunebaani Phelaaxoosi worganemmi wottoon Yesuusi minnakanna getaanoon qajjiye.
Qitee Nalloo Yesuusi Toommooch Nalleyoo
(Maatiyoosi 27:15-26; Luqaasi 23:13-25; Yowannisi 18:39–19:16)
6Phelaaxoosi nati natona hini baaree aabooba cucheꞌi beetinaꞌo daggoochee asheenaꞌo biishe iꞌi boonoshi qollemmi ikke uroon biichii beetone. 7Arooba showee toommooch gino tiijjii ashoon wuxiꞌi cucheti, hukkechinaꞌo daggoochee tuneti, Barbaani getteebeeti uro cuyee kexooch beetone. 8Dofee asheenaꞌo Phelaaxoosi waan giddeꞌi doyeetoommon boonoshich bi tuniyemmoyich biin qolleheete.
9Phelaaxoosi wochiꞌi asheenaꞌon “Ayihudeenaꞌo taatoon ta biishon shunniyote?” iꞌi echehe. 10Bi ishichito, qeeshee ukkireenaꞌo biin beshii boonoshi immito qanaateꞌi bi tunoon ariibeeto bi tunetoyichiye. 11Tunebaani qeeshee ukkireenaꞌo “ ‘Yesuusin toonoone; Barbaanin nooch biishe’ getiree qollebote” iꞌi asheenaꞌon kocciyeete.
12Ebich Phelaaxoosi wochinnoon “Hini ‘Ayihudeenaꞌo taatoo’ ittoshi ii beeton aabichibote?” iꞌi echehe.
13Asheenaꞌo wochiꞌi, “Yoode!” iꞌi cookeeheete.
14Phelaaxoosiyoo, “Amoyichiye? Bi gondochi amoone?” iꞌi echehe.
Tunetaa boonoshi wochiꞌi, “Yoode!” iꞌi caagee cangecheheete.
15Ebich Phelaaxoosi asheenaꞌon emirikkoyicha iꞌi Barbaanin biichiichii Yesuusin arengoona bi xoobbiitoyee gubb, bi yooddeyemmoyich beshii immiye.
Yesuusin Ginechinaꞌo Coono
(Maatiyoosi 27:27-31; Yowannisi 19:2-3)
16Arooba ginee naayinaꞌo Firatoriyoo getteebeeti iraashoochi kibbooch daammiꞌi echeti boonoshi guuphinaꞌo bullin ikkooch ceeggii kiciyeete. 17Yesuusich damere tahoon tajjiyeete; taatee malletoon tuneti gubbichoon angixoochee gengiꞌinoo bi qellooch ukiiheete. 18Aroochee “Ayihudeenaꞌo taatoocho, ne taatittino manjibe” iibee mooꞌee diggiyoon diggiiheete. 19Wotta bi qelloon shimeree gumboona xoobbiyeete; cudonoo bi toommooch cuddiyeete; wotta guteneꞌi goyinneheete. 20Eechiꞌi boonoshi coonetoyee gubb, boonoshi tajjiti damere tahoon shoottiichii, biichon tajjiꞌi yoodoyich daammiyeete.
Yesuusi Yooddeyoo
(Maatiyoosi 27:32-44; Luqaasi 23:26-43; Yowannisi 19:17-27)
21Hammii boonoshi beetaa, Iskindiroosinaa Rofoosinochi nihoo Qerenechi Simooni goyechi gafoochee waa beshee bi beetaa daneꞌi, “Masqaloon shaage” iꞌi yechiyeete. 22Aroochee Golgooti getteebeeti xaꞌooch Yesuusin daammiyeete; Golgooti geto “Qellee Koofee Xaaꞌoo” getone. 23Arooch shaggiiꞌi hareboo bacceeti woyinee uyoon uye iꞌi biich immiyeete; tunebaani uyaanoon qajjiye. 24Aroochee masqalee toommooch biin yooddiyeete; bi tahoonoo boonoshi ikkikkoyich shaggemmon ariyoyich ixoon kuxxiꞌi qoodeeheete.#Shod. 22:18
25Boonoshi yooddito maaddee keejje saatoochiye. 26Boonoshi taggee malletoo tuneti “Ayihudeenaꞌochi Taatoo” ii beeton kooritinaꞌone. 27Wotta biinna tookkii gutte bokkeenaꞌon ikkoon bi qanne badd, ikkoonoo bi yooche badd yooddiyeete. 28[Arooba Yaafe Macaafooch “Sheeroon shaaddetinaꞌona tookkii haddeehe”#Isi. 53:12 getaa kooreeto ceenniye.] 29Aroona besheebeeti gommechinaꞌo boonoshi qelloon shuurikkiibee naageheete. “Eeh, yaafee kexon happiichi wochiree keejje qemona haggeshocho! 30Eke masqalee toommoochee kindiree ne qelloon wodibe” iyeete.
31Wotta qeeshee ukkireenaꞌonaa Muusichi Sheeree dojjechinaꞌona cooneebee boonoshinaa boonoshina ishichiyeete: “Bareenaꞌon wodiito bi qelloon wodiyoo mawiihe! 32Beegiree no iberiyemmoyich Israꞌeelee taatoo Kiristoosi eke and masqaloochee kindibe” iyeete. Arooba biinna tookkii yooddeti bokkeenaꞌo wotta biin naaggiyeete.
Yesuusi Qitoo
(Maatiyoosi 27:45-56; Luqaasi 8:2-3; 23:44-49; Yowannisi 19:28-30)
33Haree shiritte saatoochee tiijjiꞌi yiixiye saato beddimmi wottoon showoo bulli manderehe. 34Yiixiye saato ceenaa, Yesuusi “Eloohe, Eloohe! Lamaa sabaqitaani?” iꞌi bi qaaroon oogichiꞌi cookiye. Ishi geto “Ta Nuggishoocho, ta Nuggishoocho! Amoyich taan qajjenne?” getone.#Shod. 22:1
35Areegaata arooch neexee beetinaꞌoochee ikkikkeenaꞌo waayeꞌi, “Ebiyoche, Eliyaasin ceeggii beete!” iyeete.
36Bekkech are asheenaꞌo daggoochee ikkoo woccii hammii, kiikkere woyinee uyee daggooch isponjoon hacciꞌi deebii, “Eke qayote; Eliyaasi waaree biin bi kindiyemmo gaata beegone” iibee shimeree gumboona bi noonooch giddiiꞌi uchiye.
37Yesuusi oogichiꞌi bi cookitoyee gubb, bi kasho abbetehe.
38Arooba yaafee kexooch tippeeti maccillaatoo dambee tiijjiꞌi desh beddaahaa gutte badd kappheeꞌi keexee kechiye. 39Areegaata masqalee ciinooch neexeꞌi beeti balle ginee iraashoo Yesuusi aabichii [cookiꞌi] bi kasho abbeteto gaata beeggiꞌi, “Iberoon hini uro Yeerichi Bushoone” iye.
40-41Wotta ikkikke genneenaꞌo wokkii neexeechii ciinnii beeheete. Yesuusi Galiilee showooch bi beehooba boonoshi daggooch biin dabbii deggii gaacheebeeti Magidalechi Maariyami, Yaaqobi giishonaa Yoosinochi indee Maariyaminaa Soloomina eboshi beetinaꞌone. Biinna tookkii Yerusaalem kechiti meeti bare genneenaꞌo beetinaꞌone.
Yesuusi Duukko
(Maatiyoosi 27:57-61; Luqaasi 23:50-56; Yowannisi 19:38-42)
42Aroochee womikkoo wotteꞌi shambetoo gimooch giddehe. Ayihudeenaꞌochi Qanniyee aabo bi tunetoyich, 43Ayihudeenaꞌo oogiibeeti nallecho tuneti Arimaatechi Yooseefi waahe. Biyoo wotta woyemmi Yeerichi taatittineen quyeebeeti uroone. Aroo aafoon kuppheꞌi Phelaaxoosi aafooch giddeꞌi, “Yesuusichi cahoon taach imbe” iꞌi qollehe. 44Phelaaxoosi “Yesuusi aabi goora kaatee qitiye?” iꞌi worganehe. Ebich masqalee ciinooch neexeti balle ginee iraashoon ceekkiiꞌi, “Yesuusichi kasho kechii yagite?” iꞌi echehe. 45Hini are balle ginee iraashoo waanee Yesuusi qitoon xiishii manjiiꞌi tiyii Yooseefich daaggiye. 46Aroochee Yooseefi andire kaafenoon kemeꞌi, Yesuusichi cahoon masqaloochee kindii kaappiye. Xaqqee guudoochee gooshee shuuneeti oppooch daammii duukkiye. Wotta ooge xaqqoon gederikkiꞌi are oppee kelloon hicciye. 47Arooba Magidalechi Maariyaminaa Yoosichi indee Maariyamina Yesuusi aabiich bi duukketo gaata ciinnii beeheete.
ទើបបានជ្រើសរើសហើយ៖
Maariqoosi 15: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Maariqoosi 15
15
Phelaaxoosi Aafooch Yesuusi Neexo
(Maatiyoosi 27:1-2,11-14; Luqaasi 23:1-5; Yowannisi 18:28-38)
1 Dechara maaddoona qeeshee ukkireenaꞌo, showee geeneenaꞌonaa Muusichi Sheeree dojjechinaꞌona, Ayihudee nallechinaꞌo bullina tookkii boonoshi echeetoyee gubb, Yesuusin cuchiiꞌi daammii Phelaaxoosich beshiiꞌi immiyeete.
2Phelaaxoosi Yesuusin “Ne Ayihudeenaꞌo taatoo neene?” iꞌi echehe.
Yesuusi wochiꞌi, “Newolla gettaa beetine” iye.
3Arooba qeeshee ukkireenaꞌo bi toommooch taggoon yaaqqiyeete. 4Phelaaxoosi wotta guttinnoon Yesuusin “Noonoo wochaachemmo neene? Ambiche taggoon ne toommooch boonoshi yaaqqii beeto gaata waayeyaachine?” iꞌi echehe. 5Tunebaani Phelaaxoosi worganemmi wottoon Yesuusi minnakanna getaanoon qajjiye.
Qitee Nalloo Yesuusi Toommooch Nalleyoo
(Maatiyoosi 27:15-26; Luqaasi 23:13-25; Yowannisi 18:39–19:16)
6Phelaaxoosi nati natona hini baaree aabooba cucheꞌi beetinaꞌo daggoochee asheenaꞌo biishe iꞌi boonoshi qollemmi ikke uroon biichii beetone. 7Arooba showee toommooch gino tiijjii ashoon wuxiꞌi cucheti, hukkechinaꞌo daggoochee tuneti, Barbaani getteebeeti uro cuyee kexooch beetone. 8Dofee asheenaꞌo Phelaaxoosi waan giddeꞌi doyeetoommon boonoshich bi tuniyemmoyich biin qolleheete.
9Phelaaxoosi wochiꞌi asheenaꞌon “Ayihudeenaꞌo taatoon ta biishon shunniyote?” iꞌi echehe. 10Bi ishichito, qeeshee ukkireenaꞌo biin beshii boonoshi immito qanaateꞌi bi tunoon ariibeeto bi tunetoyichiye. 11Tunebaani qeeshee ukkireenaꞌo “ ‘Yesuusin toonoone; Barbaanin nooch biishe’ getiree qollebote” iꞌi asheenaꞌon kocciyeete.
12Ebich Phelaaxoosi wochinnoon “Hini ‘Ayihudeenaꞌo taatoo’ ittoshi ii beeton aabichibote?” iꞌi echehe.
13Asheenaꞌo wochiꞌi, “Yoode!” iꞌi cookeeheete.
14Phelaaxoosiyoo, “Amoyichiye? Bi gondochi amoone?” iꞌi echehe.
Tunetaa boonoshi wochiꞌi, “Yoode!” iꞌi caagee cangecheheete.
15Ebich Phelaaxoosi asheenaꞌon emirikkoyicha iꞌi Barbaanin biichiichii Yesuusin arengoona bi xoobbiitoyee gubb, bi yooddeyemmoyich beshii immiye.
Yesuusin Ginechinaꞌo Coono
(Maatiyoosi 27:27-31; Yowannisi 19:2-3)
16Arooba ginee naayinaꞌo Firatoriyoo getteebeeti iraashoochi kibbooch daammiꞌi echeti boonoshi guuphinaꞌo bullin ikkooch ceeggii kiciyeete. 17Yesuusich damere tahoon tajjiyeete; taatee malletoon tuneti gubbichoon angixoochee gengiꞌinoo bi qellooch ukiiheete. 18Aroochee “Ayihudeenaꞌo taatoocho, ne taatittino manjibe” iibee mooꞌee diggiyoon diggiiheete. 19Wotta bi qelloon shimeree gumboona xoobbiyeete; cudonoo bi toommooch cuddiyeete; wotta guteneꞌi goyinneheete. 20Eechiꞌi boonoshi coonetoyee gubb, boonoshi tajjiti damere tahoon shoottiichii, biichon tajjiꞌi yoodoyich daammiyeete.
Yesuusi Yooddeyoo
(Maatiyoosi 27:32-44; Luqaasi 23:26-43; Yowannisi 19:17-27)
21Hammii boonoshi beetaa, Iskindiroosinaa Rofoosinochi nihoo Qerenechi Simooni goyechi gafoochee waa beshee bi beetaa daneꞌi, “Masqaloon shaage” iꞌi yechiyeete. 22Aroochee Golgooti getteebeeti xaꞌooch Yesuusin daammiyeete; Golgooti geto “Qellee Koofee Xaaꞌoo” getone. 23Arooch shaggiiꞌi hareboo bacceeti woyinee uyoon uye iꞌi biich immiyeete; tunebaani uyaanoon qajjiye. 24Aroochee masqalee toommooch biin yooddiyeete; bi tahoonoo boonoshi ikkikkoyich shaggemmon ariyoyich ixoon kuxxiꞌi qoodeeheete.#Shod. 22:18
25Boonoshi yooddito maaddee keejje saatoochiye. 26Boonoshi taggee malletoo tuneti “Ayihudeenaꞌochi Taatoo” ii beeton kooritinaꞌone. 27Wotta biinna tookkii gutte bokkeenaꞌon ikkoon bi qanne badd, ikkoonoo bi yooche badd yooddiyeete. 28[Arooba Yaafe Macaafooch “Sheeroon shaaddetinaꞌona tookkii haddeehe”#Isi. 53:12 getaa kooreeto ceenniye.] 29Aroona besheebeeti gommechinaꞌo boonoshi qelloon shuurikkiibee naageheete. “Eeh, yaafee kexon happiichi wochiree keejje qemona haggeshocho! 30Eke masqalee toommoochee kindiree ne qelloon wodibe” iyeete.
31Wotta qeeshee ukkireenaꞌonaa Muusichi Sheeree dojjechinaꞌona cooneebee boonoshinaa boonoshina ishichiyeete: “Bareenaꞌon wodiito bi qelloon wodiyoo mawiihe! 32Beegiree no iberiyemmoyich Israꞌeelee taatoo Kiristoosi eke and masqaloochee kindibe” iyeete. Arooba biinna tookkii yooddeti bokkeenaꞌo wotta biin naaggiyeete.
Yesuusi Qitoo
(Maatiyoosi 27:45-56; Luqaasi 8:2-3; 23:44-49; Yowannisi 19:28-30)
33Haree shiritte saatoochee tiijjiꞌi yiixiye saato beddimmi wottoon showoo bulli manderehe. 34Yiixiye saato ceenaa, Yesuusi “Eloohe, Eloohe! Lamaa sabaqitaani?” iꞌi bi qaaroon oogichiꞌi cookiye. Ishi geto “Ta Nuggishoocho, ta Nuggishoocho! Amoyich taan qajjenne?” getone.#Shod. 22:1
35Areegaata arooch neexee beetinaꞌoochee ikkikkeenaꞌo waayeꞌi, “Ebiyoche, Eliyaasin ceeggii beete!” iyeete.
36Bekkech are asheenaꞌo daggoochee ikkoo woccii hammii, kiikkere woyinee uyee daggooch isponjoon hacciꞌi deebii, “Eke qayote; Eliyaasi waaree biin bi kindiyemmo gaata beegone” iibee shimeree gumboona bi noonooch giddiiꞌi uchiye.
37Yesuusi oogichiꞌi bi cookitoyee gubb, bi kasho abbetehe.
38Arooba yaafee kexooch tippeeti maccillaatoo dambee tiijjiꞌi desh beddaahaa gutte badd kappheeꞌi keexee kechiye. 39Areegaata masqalee ciinooch neexeꞌi beeti balle ginee iraashoo Yesuusi aabichii [cookiꞌi] bi kasho abbeteto gaata beeggiꞌi, “Iberoon hini uro Yeerichi Bushoone” iye.
40-41Wotta ikkikke genneenaꞌo wokkii neexeechii ciinnii beeheete. Yesuusi Galiilee showooch bi beehooba boonoshi daggooch biin dabbii deggii gaacheebeeti Magidalechi Maariyami, Yaaqobi giishonaa Yoosinochi indee Maariyaminaa Soloomina eboshi beetinaꞌone. Biinna tookkii Yerusaalem kechiti meeti bare genneenaꞌo beetinaꞌone.
Yesuusi Duukko
(Maatiyoosi 27:57-61; Luqaasi 23:50-56; Yowannisi 19:38-42)
42Aroochee womikkoo wotteꞌi shambetoo gimooch giddehe. Ayihudeenaꞌochi Qanniyee aabo bi tunetoyich, 43Ayihudeenaꞌo oogiibeeti nallecho tuneti Arimaatechi Yooseefi waahe. Biyoo wotta woyemmi Yeerichi taatittineen quyeebeeti uroone. Aroo aafoon kuppheꞌi Phelaaxoosi aafooch giddeꞌi, “Yesuusichi cahoon taach imbe” iꞌi qollehe. 44Phelaaxoosi “Yesuusi aabi goora kaatee qitiye?” iꞌi worganehe. Ebich masqalee ciinooch neexeti balle ginee iraashoon ceekkiiꞌi, “Yesuusichi kasho kechii yagite?” iꞌi echehe. 45Hini are balle ginee iraashoo waanee Yesuusi qitoon xiishii manjiiꞌi tiyii Yooseefich daaggiye. 46Aroochee Yooseefi andire kaafenoon kemeꞌi, Yesuusichi cahoon masqaloochee kindii kaappiye. Xaqqee guudoochee gooshee shuuneeti oppooch daammii duukkiye. Wotta ooge xaqqoon gederikkiꞌi are oppee kelloon hicciye. 47Arooba Magidalechi Maariyaminaa Yoosichi indee Maariyamina Yesuusi aabiich bi duukketo gaata ciinnii beeheete.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.