Maatiyoosi 22
22
Gaaree Shaahiyoo
(Luqaasi 14:15-24)
1Daakkiꞌi Yesuusi bare shaahiyoona boonoshich gettiye; ishichiinoo iye: 2“Shimaajji taatittine ebiyoommine: Ikke taatoo bi bushoochi gaaroyich gifiroon qanniihe. 3Gaarooch ceekkeetinaꞌon boonoshi kicemmoyich bi wochee bushiisheenaꞌon boonoshi waan daachiihe; tunetaa ceekketi asheenaꞌo womon shunaaneenaꞌone.
4“Taatoo bare wocheyechinaꞌon wochinnoon wochehe; ishichiinoo iye: ‘Ceekkeeti gaarechinaꞌo waan hamiree, “Ebiyoche, gaaree maayoon qanniito taane; maaꞌeenaꞌonaa gubbeneenaꞌona basheetinaꞌone; mooyo bulli gawaateetone; ebich gaarooch wobote” getote’ iye.
5“Hammii boonoshi getaa, ceekkeetinaꞌo gaaroon qallayiꞌi ikkoo bi goyooch, baroo bi giixooch hammiye. 6Echeenaꞌo wocheetinaꞌon yechiꞌi boonoshi kashoon yulliiheete; wuxiinoo iyeete. 7Taatoo ebin waayeꞌi oogichii kaarehe; bi naayinaꞌon daachiiꞌi are wuxitinaꞌon wuxiihe; boonoshi katemoonoo michiihe.
8“Ebiyee gubb, taatoo bare wocheyechinaꞌoyich ishichiye: ‘Gaaree gifiroo qannitone; tunetaa ceekkeetinaꞌo bedditinaꞌo tuneyaaneenaꞌone. 9Illa keejje kaattooch keyiree ittoshi danemmi asho bullin gaaree kexooch ceegote’ iye. 10Ebina are wocheyechinaꞌo gommooch kechiꞌi boonoshi daneto bullin, gondeenaꞌonoo, deꞌeenaꞌonoo kiciyeete; gaaree kexooch gaarechinaꞌo ceenniyeete.
11“Tunebaani taatoo ceekkeeti asheenaꞌon beegga gaaree kexooch giyiꞌi, asheenaꞌo daggooch gaaree tahoon taheyaani ikke uroon beeggiye. 12Biich ishichiye: ‘Ta xiboocho, gaaree tahoon taheyaanoon aabichaꞌa gaaree kexooch giyenne?’ iye. Uroo cikkii qajjiye.
13“Arooba taatoo bi naayinaꞌon ‘Hini uroon bi kishoonaa bi baatoonon cuyiree maach manderooch kichi dufote. Aroochaa eefonaa gashee qaayona tunemmone’ iye.
14“Ceekkeetinaꞌo meetinaꞌone; tunetaa kaachetinaꞌo giishecheenaꞌone” iye.
Qesaarich Qaraxee Qoco
(Maariqoosi 12:13-17; Luqaasi 20:20-26)
15Ebiyee gubb, Fariseenaꞌo hammiꞌi, “Aabichiree hini Yesuusin bi yibbaatoon muriciibona?” iꞌi echeeheete. 16Boonoshi dabbeenaꞌon Heroodisi asheenaꞌona tookkii Yesuusin boonoshi echemmoyich daachiiheete. Boonoshiyoo hammiꞌi, “Dojjechocho, ibere moochecho ne tunoon, ibere mooyona Yeerichi gommichon ne dojjoon ariibeeto noone. Ashoon giisho, oogoo getaachine; ebich konicholla beshii shappii dabiyaachine. 17Illa and amoon gabaa beetine? Eke nooch gete: Qesaarich#22:17 Qesaari, Roomi taatoone. qaraxee qocon Muusichi Sheeroo daaggitee, daaggaache?” iꞌi echeheete.
18Yesuusiyoo boonoshi gonde gaboon ariiꞌi, “Hini ittoshi maacoon xalloo shaahii beetinaꞌote, amoyich taan muriciiya qaawii beetote? 19Eke taach qaraxo qocheebeeti gijjoon bekkiibote” iye. Boonoshiyoo ikke diinaaroon biich deebiꞌi bekkiiheete. 20Biyoo “Hini gijjee toommooch beeti malletoonaa kooreeti shigoona konichone?” iꞌi echehe.
21Boonoshiyoo “Qesaarichone” iyeete.
Yesuusiyoo “Ishigaata, Qesaarichon Qesaarich, Yeerichonoo Yeerich imbote” iye.
22Boonoshiyoo ebin waayeꞌi worganeebee qajjii hammiyeete.
Qitoyee Gubb Shaago Woyee Shaakkeyoo Aallo Bi Tuno
(Maariqoosi 12:18-27; Luqaasi 20:27-40)
23Ebi arooba “Qititinaꞌo tiyaachemminaꞌone” ii beeti Saduuqeenaꞌo daggoochee ikkikkeenaꞌo Yesuus waan waaꞌi ishichii echeheete: 24“Dojjechocho, Muusi ‘Ikke uro mecheen shaaggiꞌi bushoon shiyaanoon bi qitigaata, bi manoo are ureen woraashiree bi manoyich bushoon keribe’#Yibba. 25:5-6 itone. 25Illa shabaatte maneenaꞌo noonna tookkii beetaa, boonoshi daggoochee qaabboo mecheen shaaggiꞌi bushoon shiyaanoon qitiye. Ebina bi hilloo are ureen woraashiye. 26Ebiyoommon wotta guttinnoo, keejjinnoo, shabaattinnooch beddaahaa bulli are ureen woraashiꞌi bushoon shiyaanoon qitii ciireheete. 27Ciiroochaa ure qitiyane. 28Illa hini shabaatteenaꞌo are ureen shaaggitinaꞌone. Ebich qititinaꞌo tiyiyooba mechee bi tunemmo konichiye?” iꞌi echeheete.
29Yesuusi wochiꞌi ishichiye: “Yaafe Macaafo gettii beetonaa Yeerichi giidoonon ittoshi tuushitoyich muricciyote. 30Qititinaꞌo tiyiyooba, boonoshi tunemmo, shimaajji maraakeenaꞌoommonalli shaagaacheete; shaakkeyaacheete. 31Wotta qititinaꞌo timichon Yeeri ittoshich gettiton cir shemmeyaachote? 32Ebiyoo ‘Ta Abrahamichi Nuggishoo, Yisaaqichi Nuggishoo, Yaaqobichi Nuggishoo taane’#Key. 3:6 ii beetone. Illa kashechinaꞌochi Nuggishoani qititinaꞌochi Nuggishoo toonoone” iye.
33Dofee asheenaꞌo ebin waayeꞌi bi yibbaatoon worganeheete.
Bulliyee Beshe Sheeroo
(Maariqoosi 12:28-34; Luqaasi 10:25-28)
34Aree hillooch Yesuusi Saduuqeenaꞌon wochemmi noonee bi mucciyoon Fariseenaꞌo waayeꞌi ikkooch kiceeꞌi bi waan waaheete. 35Boonoshi daggoochee ikke Muusichi Sheeree dojjecho Yesuusin muriciiya qaawiꞌi, 36“Dojjechocho, sheeroo bulliichee besho aabine?” iꞌi echehe.
37Yesuusiyoo wochiꞌi ishichiye: “ ‘Ne Nuggishoo Doono Yeerin ceeni ne mulloona, ceeni ne kashoona, ceeni ne shalligoona shune’#Yibba. 6:5 ii beetone. 38Qaabboonaa inde sheeroona ebine. 39Ebin shaahiibeeti guttinnee sheeroo ‘Neenoommi ne manoon neenna tachiree shune’#Lew. 19:18 ii beetone. 40Muusichi Sheeroonaa keemechinaꞌona dojjito bulli hini gutte sheereenaꞌona tuggeetone” iye.
Kiristoosichon Yesuusi Echo
(Maariqoosi 12:35-37; Luqaasi 20:41-44)
41 Fariseenaꞌo kiceeꞌi boonoshi beetaa, Yesuusi ishichiꞌi boonoshin echehe: 42“Kiristoosichon amoon gabii beetote? Bi konichi bushoone?” iꞌi echehe.
Boonoshi wochiꞌi, “Daawitichi bushoone” iꞌi wochiyeete.
43Yesuusiyoo “Ishigaata, Daawiti Yaafe Ayaano biich shalligichaa, ‘Doono’ iꞌi aakkiya ceeggiye? Daawiti ishichiꞌi gettitone:
44‘Doono Yeeriyoo ta Doonon,
“Ne etteenaꞌon ne baatee dechiich ta dichimmi wottoon
ta qannooch kotebe” itone’#Shod. 110:1 iye.
45“Illa Daawiti biin ‘Doono’ itone. Ishigaata, aabichiree bi bushoo tunehe?” iye. 46Arooba ikke qaaroonona wochoyich hakkito koniyoona aalloone. Aroobee aaboochee tiijjiꞌi Yesuusin echoyich aafoon kuppheto koniyoona aalloone.
ទើបបានជ្រើសរើសហើយ៖
Maatiyoosi 22: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Maatiyoosi 22
22
Gaaree Shaahiyoo
(Luqaasi 14:15-24)
1Daakkiꞌi Yesuusi bare shaahiyoona boonoshich gettiye; ishichiinoo iye: 2“Shimaajji taatittine ebiyoommine: Ikke taatoo bi bushoochi gaaroyich gifiroon qanniihe. 3Gaarooch ceekkeetinaꞌon boonoshi kicemmoyich bi wochee bushiisheenaꞌon boonoshi waan daachiihe; tunetaa ceekketi asheenaꞌo womon shunaaneenaꞌone.
4“Taatoo bare wocheyechinaꞌon wochinnoon wochehe; ishichiinoo iye: ‘Ceekkeeti gaarechinaꞌo waan hamiree, “Ebiyoche, gaaree maayoon qanniito taane; maaꞌeenaꞌonaa gubbeneenaꞌona basheetinaꞌone; mooyo bulli gawaateetone; ebich gaarooch wobote” getote’ iye.
5“Hammii boonoshi getaa, ceekkeetinaꞌo gaaroon qallayiꞌi ikkoo bi goyooch, baroo bi giixooch hammiye. 6Echeenaꞌo wocheetinaꞌon yechiꞌi boonoshi kashoon yulliiheete; wuxiinoo iyeete. 7Taatoo ebin waayeꞌi oogichii kaarehe; bi naayinaꞌon daachiiꞌi are wuxitinaꞌon wuxiihe; boonoshi katemoonoo michiihe.
8“Ebiyee gubb, taatoo bare wocheyechinaꞌoyich ishichiye: ‘Gaaree gifiroo qannitone; tunetaa ceekkeetinaꞌo bedditinaꞌo tuneyaaneenaꞌone. 9Illa keejje kaattooch keyiree ittoshi danemmi asho bullin gaaree kexooch ceegote’ iye. 10Ebina are wocheyechinaꞌo gommooch kechiꞌi boonoshi daneto bullin, gondeenaꞌonoo, deꞌeenaꞌonoo kiciyeete; gaaree kexooch gaarechinaꞌo ceenniyeete.
11“Tunebaani taatoo ceekkeeti asheenaꞌon beegga gaaree kexooch giyiꞌi, asheenaꞌo daggooch gaaree tahoon taheyaani ikke uroon beeggiye. 12Biich ishichiye: ‘Ta xiboocho, gaaree tahoon taheyaanoon aabichaꞌa gaaree kexooch giyenne?’ iye. Uroo cikkii qajjiye.
13“Arooba taatoo bi naayinaꞌon ‘Hini uroon bi kishoonaa bi baatoonon cuyiree maach manderooch kichi dufote. Aroochaa eefonaa gashee qaayona tunemmone’ iye.
14“Ceekkeetinaꞌo meetinaꞌone; tunetaa kaachetinaꞌo giishecheenaꞌone” iye.
Qesaarich Qaraxee Qoco
(Maariqoosi 12:13-17; Luqaasi 20:20-26)
15Ebiyee gubb, Fariseenaꞌo hammiꞌi, “Aabichiree hini Yesuusin bi yibbaatoon muriciibona?” iꞌi echeeheete. 16Boonoshi dabbeenaꞌon Heroodisi asheenaꞌona tookkii Yesuusin boonoshi echemmoyich daachiiheete. Boonoshiyoo hammiꞌi, “Dojjechocho, ibere moochecho ne tunoon, ibere mooyona Yeerichi gommichon ne dojjoon ariibeeto noone. Ashoon giisho, oogoo getaachine; ebich konicholla beshii shappii dabiyaachine. 17Illa and amoon gabaa beetine? Eke nooch gete: Qesaarich#22:17 Qesaari, Roomi taatoone. qaraxee qocon Muusichi Sheeroo daaggitee, daaggaache?” iꞌi echeheete.
18Yesuusiyoo boonoshi gonde gaboon ariiꞌi, “Hini ittoshi maacoon xalloo shaahii beetinaꞌote, amoyich taan muriciiya qaawii beetote? 19Eke taach qaraxo qocheebeeti gijjoon bekkiibote” iye. Boonoshiyoo ikke diinaaroon biich deebiꞌi bekkiiheete. 20Biyoo “Hini gijjee toommooch beeti malletoonaa kooreeti shigoona konichone?” iꞌi echehe.
21Boonoshiyoo “Qesaarichone” iyeete.
Yesuusiyoo “Ishigaata, Qesaarichon Qesaarich, Yeerichonoo Yeerich imbote” iye.
22Boonoshiyoo ebin waayeꞌi worganeebee qajjii hammiyeete.
Qitoyee Gubb Shaago Woyee Shaakkeyoo Aallo Bi Tuno
(Maariqoosi 12:18-27; Luqaasi 20:27-40)
23Ebi arooba “Qititinaꞌo tiyaachemminaꞌone” ii beeti Saduuqeenaꞌo daggoochee ikkikkeenaꞌo Yesuus waan waaꞌi ishichii echeheete: 24“Dojjechocho, Muusi ‘Ikke uro mecheen shaaggiꞌi bushoon shiyaanoon bi qitigaata, bi manoo are ureen woraashiree bi manoyich bushoon keribe’#Yibba. 25:5-6 itone. 25Illa shabaatte maneenaꞌo noonna tookkii beetaa, boonoshi daggoochee qaabboo mecheen shaaggiꞌi bushoon shiyaanoon qitiye. Ebina bi hilloo are ureen woraashiye. 26Ebiyoommon wotta guttinnoo, keejjinnoo, shabaattinnooch beddaahaa bulli are ureen woraashiꞌi bushoon shiyaanoon qitii ciireheete. 27Ciiroochaa ure qitiyane. 28Illa hini shabaatteenaꞌo are ureen shaaggitinaꞌone. Ebich qititinaꞌo tiyiyooba mechee bi tunemmo konichiye?” iꞌi echeheete.
29Yesuusi wochiꞌi ishichiye: “Yaafe Macaafo gettii beetonaa Yeerichi giidoonon ittoshi tuushitoyich muricciyote. 30Qititinaꞌo tiyiyooba, boonoshi tunemmo, shimaajji maraakeenaꞌoommonalli shaagaacheete; shaakkeyaacheete. 31Wotta qititinaꞌo timichon Yeeri ittoshich gettiton cir shemmeyaachote? 32Ebiyoo ‘Ta Abrahamichi Nuggishoo, Yisaaqichi Nuggishoo, Yaaqobichi Nuggishoo taane’#Key. 3:6 ii beetone. Illa kashechinaꞌochi Nuggishoani qititinaꞌochi Nuggishoo toonoone” iye.
33Dofee asheenaꞌo ebin waayeꞌi bi yibbaatoon worganeheete.
Bulliyee Beshe Sheeroo
(Maariqoosi 12:28-34; Luqaasi 10:25-28)
34Aree hillooch Yesuusi Saduuqeenaꞌon wochemmi noonee bi mucciyoon Fariseenaꞌo waayeꞌi ikkooch kiceeꞌi bi waan waaheete. 35Boonoshi daggoochee ikke Muusichi Sheeree dojjecho Yesuusin muriciiya qaawiꞌi, 36“Dojjechocho, sheeroo bulliichee besho aabine?” iꞌi echehe.
37Yesuusiyoo wochiꞌi ishichiye: “ ‘Ne Nuggishoo Doono Yeerin ceeni ne mulloona, ceeni ne kashoona, ceeni ne shalligoona shune’#Yibba. 6:5 ii beetone. 38Qaabboonaa inde sheeroona ebine. 39Ebin shaahiibeeti guttinnee sheeroo ‘Neenoommi ne manoon neenna tachiree shune’#Lew. 19:18 ii beetone. 40Muusichi Sheeroonaa keemechinaꞌona dojjito bulli hini gutte sheereenaꞌona tuggeetone” iye.
Kiristoosichon Yesuusi Echo
(Maariqoosi 12:35-37; Luqaasi 20:41-44)
41 Fariseenaꞌo kiceeꞌi boonoshi beetaa, Yesuusi ishichiꞌi boonoshin echehe: 42“Kiristoosichon amoon gabii beetote? Bi konichi bushoone?” iꞌi echehe.
Boonoshi wochiꞌi, “Daawitichi bushoone” iꞌi wochiyeete.
43Yesuusiyoo “Ishigaata, Daawiti Yaafe Ayaano biich shalligichaa, ‘Doono’ iꞌi aakkiya ceeggiye? Daawiti ishichiꞌi gettitone:
44‘Doono Yeeriyoo ta Doonon,
“Ne etteenaꞌon ne baatee dechiich ta dichimmi wottoon
ta qannooch kotebe” itone’#Shod. 110:1 iye.
45“Illa Daawiti biin ‘Doono’ itone. Ishigaata, aabichiree bi bushoo tunehe?” iye. 46Arooba ikke qaaroonona wochoyich hakkito koniyoona aalloone. Aroobee aaboochee tiijjiꞌi Yesuusin echoyich aafoon kuppheto koniyoona aalloone.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.