Maatiyoosi 14
14
Aacona Afaallechi Yowannisi Qitoo
(Maariqoosi 6:14-29; Luqaasi 9:7-9)
1Arooba Galiilee iraashoo Heroodisi#14:1 Hini Heroodisi, Antiphaasi getteebeeti Galiilee showee taatoone. Yesuusichi mooyon waayehe. 2Bi mikkirechinaꞌoyich “Hini Aacona Afaallechi Yowannisine; ebiyoommi gaakkechi mooyon tuniyoo bi hakkito, qitoochee tiyiꞌiniye” iye.
3-4Heroodisi bi ishichiti naboo ebine: Heroodisi bi manoo Filipphoosichi mechee Heroodiyaadin bi shaaggitoyich, Yowannisi tiyiꞌi biich “ ‘Ne manoochi mecheen shaage’ iꞌi Muusichi Sheeroo daaggaanoone” iye.#Lew. 18:16; 20:21 Heroodisi ureechi naboyich “Yowannisin yeshi cuyote” iꞌi bi ginee naayinaꞌoochee wochehe. Boonoshiyoo hammiꞌi yechii cuyee kexooch cuchiyeete. 5Heroodisi Yowannisin wuxiya qaawiye; tunetaa asheenaꞌo keemechon tuniiꞌi biin boonoshi ciinnii beetoyich boonoshin shattiye.
6Tunebaani ebiyee gubb, Heroodisichi shiijjee aabee baarooba Heroodiyaadichi bushee iibbeenaꞌo aafooch giyaa duubbaꞌa Heroodisin emirikkiyan. 7Ebich bi qollemmo amoonolla biich imma wogeꞌi gibenikkiye. 8Busheyoo bi indeena koceeꞌa, “Aacona Afaallechi Yowannisichi qelloon gafetoona and taach imbe” iyan. 9Arooba taatoo ayiniye; tunetaa bi wogeti wogoonaa biinna tookkii koteti iibbeenaꞌonoyicha iꞌi bi echeto biich icheyemmoyich gettiye. 10Aroochee cuyee kexooch wochii, Yowannisi qettoon kuchiihe. 11Bi qelloonoo gafetoona deebii busheyich immiyeete. Busheyoo daammaa bi indeyich immahan. 12Yowannisi dabbeenaꞌo hammii bi dubenoon deebiꞌi duukkiyeete; aroochee waaꞌi Yesuusich gettiyeete.
Uuche Humeenaꞌoyich Yesuusi Maanjoo
(Maariqoosi 6:32-44; Luqaasi 9:10-17; Yowannisi 6:1-14)
13Yesuusi ebin waayeꞌi, aroochee tiyii giishi markabeena ashaalli xaaꞌooch hammiye. Dofee asheenaꞌo ebin waayeꞌi katemoo bulliichee baatoona biin dabbiyeete. 14Yesuusi markabeechee kindiibee dofee asheenaꞌon beeggiꞌi bi maacoona ayiniye. Boonoshi daggooch beeti biiyechinaꞌon wodiihe.
15Aroochee showoo beshee womikkoo wottetaa, Yesuusichi dabbeenaꞌo bi waan giddeꞌi, “No beeto gafoo aalli xaaꞌoone; andoo showoo xumetone. Ebich hini dofee asheenaꞌon diggiiree daachiibe; gafoo beetooch hamiree maayoon boonoshi qellich kemebeete” iyeete.
16Tunetaa Yesuusi wochiꞌi, “Hammaayeete; ittoshi maanjibote” iye.
17Bi dabbeenaꞌoo “Hiniich nooch beeto uuche xekee koshonaa gutte haashoona baachiye” iyeete.
18Biyoo “Eke aroon taach deebote” iye. 19Asheenaꞌo bullin “Mocee toommooch kotebote” iye. Uuche xekee koshonaa gutte haashoonon tiijjii yechiꞌi, shimaajj ciinniichii Yeerin galletehe. Koshon tiichiꞌi bi dabbeenaꞌoyich immiye. Boonoshiyoo daammii asheenaꞌoyich qoomeheete. 20Bulliyoo maa michiyeete. Echeti kochi ooyoon bi dabbeenaꞌo aaraa gutte ogooge mokkoona ceechiꞌi tiijjiyeete. 21Genneenaꞌonaa bushiisheenaꞌona haddeyaanoon koshon maatinaꞌoochee doonjeenaꞌo baach uuche hum bedeenaꞌone.
Baharee Aachi Toommona Yesuusi Shaꞌo
(Maariqoosi 6:45-52; Yowannisi 6:15-21)
22Yesuusi bi dabbeenaꞌoyich ishichiye: “Asheenaꞌon ta deennemmi wottoon markabeech giyiree beqach tayee shiichiree kimbote” iꞌi gettiye. 23Asheenaꞌo bullin bi deennitoyee gubb, corootiya bi ikkeeto geppooch kechiye. Bi ikkeeto arooch bi beetaa, showoo xumehe. 24Arooba markabe aroochee wokkahan; giidechi yongo markabeyee aafaa tiyaa, are markabeen aachi aayo tappehe.
25Qaabbe baakkee kuuhooch Yesuusi baharee toommona shaꞌeebee boonoshi waan waahe. 26Bi dabbeenaꞌo baharee toommona shaꞌeebee bi womon beeggiꞌi, yoogoone iꞌi keqqoona shatee cookiyeete.
27Bekkech Yesuusi boonoshich “Kupphebote! Taane, shattaahote” iye.
28Arooba Pheexiroosi tiyiꞌi, “Ta Doonocho, ne gaata, aachi toommona shaꞌeree ne waan ta woyemmoyich gete” iye.
29Yesuusiyoo “Wobe” iye.
Pheexiroosi markabeechee kindiꞌi aachi toommona shaꞌeebee Yesuus waan hammiye. 30Tunebaani giidechi yongoon beeggiꞌi shattiye; aaco biin qooxximmona, “Ta Doonocho, taan wodiibe” iꞌi cookiye.
31Bekkech Yesuusi bi kishoon yaggii yechiꞌi tiyii, “Hini, ta toommooch ne mulloon tooꞌiyaanoocho, ne mulloon amoyich guttiinne?” iye.
32Gutteenaꞌoo markabee toommooch boonoshi kechimmona yongo qajjiye. 33Markabee toommooch beetinaꞌo “Iberoon Yeerichi Bushoo neene” iꞌi Yesuusich yittii goyinneheete.
Genshareexee Showooch Beeti Biiyechinaꞌon Yesuusi Wodiyoo
(Maariqoosi 6:53-56)
34Yesuusinaa bi dabbeenaꞌona baharoon kimmiꞌi Genshareexee showooch shaggiyeete. 35Are showooch beetinaꞌo Yesuusin ariiꞌi, aree guudooch beeti showooch wochii, biiyechinaꞌo Yesuus waan woyemmoyich tuniiꞌi, 36biiyechinaꞌo bi qoreddee caappoonolla boonoshi yechemmoyich qolleheete. Yechitinaꞌo bulli wodiyeete.
ទើបបានជ្រើសរើសហើយ៖
Maatiyoosi 14: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Maatiyoosi 14
14
Aacona Afaallechi Yowannisi Qitoo
(Maariqoosi 6:14-29; Luqaasi 9:7-9)
1Arooba Galiilee iraashoo Heroodisi#14:1 Hini Heroodisi, Antiphaasi getteebeeti Galiilee showee taatoone. Yesuusichi mooyon waayehe. 2Bi mikkirechinaꞌoyich “Hini Aacona Afaallechi Yowannisine; ebiyoommi gaakkechi mooyon tuniyoo bi hakkito, qitoochee tiyiꞌiniye” iye.
3-4Heroodisi bi ishichiti naboo ebine: Heroodisi bi manoo Filipphoosichi mechee Heroodiyaadin bi shaaggitoyich, Yowannisi tiyiꞌi biich “ ‘Ne manoochi mecheen shaage’ iꞌi Muusichi Sheeroo daaggaanoone” iye.#Lew. 18:16; 20:21 Heroodisi ureechi naboyich “Yowannisin yeshi cuyote” iꞌi bi ginee naayinaꞌoochee wochehe. Boonoshiyoo hammiꞌi yechii cuyee kexooch cuchiyeete. 5Heroodisi Yowannisin wuxiya qaawiye; tunetaa asheenaꞌo keemechon tuniiꞌi biin boonoshi ciinnii beetoyich boonoshin shattiye.
6Tunebaani ebiyee gubb, Heroodisichi shiijjee aabee baarooba Heroodiyaadichi bushee iibbeenaꞌo aafooch giyaa duubbaꞌa Heroodisin emirikkiyan. 7Ebich bi qollemmo amoonolla biich imma wogeꞌi gibenikkiye. 8Busheyoo bi indeena koceeꞌa, “Aacona Afaallechi Yowannisichi qelloon gafetoona and taach imbe” iyan. 9Arooba taatoo ayiniye; tunetaa bi wogeti wogoonaa biinna tookkii koteti iibbeenaꞌonoyicha iꞌi bi echeto biich icheyemmoyich gettiye. 10Aroochee cuyee kexooch wochii, Yowannisi qettoon kuchiihe. 11Bi qelloonoo gafetoona deebii busheyich immiyeete. Busheyoo daammaa bi indeyich immahan. 12Yowannisi dabbeenaꞌo hammii bi dubenoon deebiꞌi duukkiyeete; aroochee waaꞌi Yesuusich gettiyeete.
Uuche Humeenaꞌoyich Yesuusi Maanjoo
(Maariqoosi 6:32-44; Luqaasi 9:10-17; Yowannisi 6:1-14)
13Yesuusi ebin waayeꞌi, aroochee tiyii giishi markabeena ashaalli xaaꞌooch hammiye. Dofee asheenaꞌo ebin waayeꞌi katemoo bulliichee baatoona biin dabbiyeete. 14Yesuusi markabeechee kindiibee dofee asheenaꞌon beeggiꞌi bi maacoona ayiniye. Boonoshi daggooch beeti biiyechinaꞌon wodiihe.
15Aroochee showoo beshee womikkoo wottetaa, Yesuusichi dabbeenaꞌo bi waan giddeꞌi, “No beeto gafoo aalli xaaꞌoone; andoo showoo xumetone. Ebich hini dofee asheenaꞌon diggiiree daachiibe; gafoo beetooch hamiree maayoon boonoshi qellich kemebeete” iyeete.
16Tunetaa Yesuusi wochiꞌi, “Hammaayeete; ittoshi maanjibote” iye.
17Bi dabbeenaꞌoo “Hiniich nooch beeto uuche xekee koshonaa gutte haashoona baachiye” iyeete.
18Biyoo “Eke aroon taach deebote” iye. 19Asheenaꞌo bullin “Mocee toommooch kotebote” iye. Uuche xekee koshonaa gutte haashoonon tiijjii yechiꞌi, shimaajj ciinniichii Yeerin galletehe. Koshon tiichiꞌi bi dabbeenaꞌoyich immiye. Boonoshiyoo daammii asheenaꞌoyich qoomeheete. 20Bulliyoo maa michiyeete. Echeti kochi ooyoon bi dabbeenaꞌo aaraa gutte ogooge mokkoona ceechiꞌi tiijjiyeete. 21Genneenaꞌonaa bushiisheenaꞌona haddeyaanoon koshon maatinaꞌoochee doonjeenaꞌo baach uuche hum bedeenaꞌone.
Baharee Aachi Toommona Yesuusi Shaꞌo
(Maariqoosi 6:45-52; Yowannisi 6:15-21)
22Yesuusi bi dabbeenaꞌoyich ishichiye: “Asheenaꞌon ta deennemmi wottoon markabeech giyiree beqach tayee shiichiree kimbote” iꞌi gettiye. 23Asheenaꞌo bullin bi deennitoyee gubb, corootiya bi ikkeeto geppooch kechiye. Bi ikkeeto arooch bi beetaa, showoo xumehe. 24Arooba markabe aroochee wokkahan; giidechi yongo markabeyee aafaa tiyaa, are markabeen aachi aayo tappehe.
25Qaabbe baakkee kuuhooch Yesuusi baharee toommona shaꞌeebee boonoshi waan waahe. 26Bi dabbeenaꞌo baharee toommona shaꞌeebee bi womon beeggiꞌi, yoogoone iꞌi keqqoona shatee cookiyeete.
27Bekkech Yesuusi boonoshich “Kupphebote! Taane, shattaahote” iye.
28Arooba Pheexiroosi tiyiꞌi, “Ta Doonocho, ne gaata, aachi toommona shaꞌeree ne waan ta woyemmoyich gete” iye.
29Yesuusiyoo “Wobe” iye.
Pheexiroosi markabeechee kindiꞌi aachi toommona shaꞌeebee Yesuus waan hammiye. 30Tunebaani giidechi yongoon beeggiꞌi shattiye; aaco biin qooxximmona, “Ta Doonocho, taan wodiibe” iꞌi cookiye.
31Bekkech Yesuusi bi kishoon yaggii yechiꞌi tiyii, “Hini, ta toommooch ne mulloon tooꞌiyaanoocho, ne mulloon amoyich guttiinne?” iye.
32Gutteenaꞌoo markabee toommooch boonoshi kechimmona yongo qajjiye. 33Markabee toommooch beetinaꞌo “Iberoon Yeerichi Bushoo neene” iꞌi Yesuusich yittii goyinneheete.
Genshareexee Showooch Beeti Biiyechinaꞌon Yesuusi Wodiyoo
(Maariqoosi 6:53-56)
34Yesuusinaa bi dabbeenaꞌona baharoon kimmiꞌi Genshareexee showooch shaggiyeete. 35Are showooch beetinaꞌo Yesuusin ariiꞌi, aree guudooch beeti showooch wochii, biiyechinaꞌo Yesuus waan woyemmoyich tuniiꞌi, 36biiyechinaꞌo bi qoreddee caappoonolla boonoshi yechemmoyich qolleheete. Yechitinaꞌo bulli wodiyeete.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.