Maatiyoosi 12
12
Ayihudeenaꞌochi Shambeteechon Fariseenaꞌo Echo
(Maariqoosi 2:23-28; Luqaasi 6:1-5)
1Ebiyee gubb, Yesuusi shambetee aabooba teepphee goyee daggoona beshehe. Arooba bi dabbeenaꞌo shaaceꞌi teepphee moochoon kuxxii maaheete.#Yibba. 23:25 2Kuxxii boonoshi maa beetaa, Fariseenaꞌo beeggiꞌi Yesuusin “Ebiyoche, shambetee aabooba Muusichi Sheeroo bajjiton ne dabbeenaꞌo tunii beetinaꞌone” iyeete.
3Yesuusi boonoshich ishichiye: “Daawitinaa biinna tookkii beetinaꞌona boonoshi shaacehooba Daawiti tuniiton shemmeyaachote? 4Yeerichi kexooch giyiꞌi qeesheenaꞌoyichalli boonoshich daaggeyaani yaaree koshon biinnaa biinna tookkii beetinaꞌona maatinaꞌone.#1 Saam. 21:1-6 5Qeesheenaꞌo yaafee kexooch shambetee aaboon boonoshi quyo qajjitaa, axaaxoo boonoshich tunee qayon Muusichi Sheeroochee shemmeyaachote?#Had. 28:9-10 6Tunebaani ittoshich gettoye: Yaafee kexoyee besho hiniich beetone. 7Wotta Yeeri ‘Deejjoyee ariqqoon shunnoye’#Hos. 6:6 bi ito ama geto gaata bi tunoon ittoshi ariito gaata, axaaxoon shuuneyaaneenaꞌo toommooch nallaachesho ittoshine. 8Ashi Bushoo shambetoyich Doonone” iye.
Kishoo Qometi Uroon Yesuusi Wodiyoo
(Maariqoosi 3:1-6; Luqaasi 6:6-11)
9Yesuusi aroochee besheꞌi Ayihudeenaꞌo kiceebeeti kexooch giyiye. 10Aroochoo bi kishoo qometi uro beehe. Arooch beetinaꞌo Yesuusin taggoyich qaawiꞌi, “Shambetooba biiyeton wodiyoon Muusichi Sheeroo daaggite?” iꞌi biin echeheete.
11Yesuusi wochiꞌi, “Ittoshi daggoochee bagechi asho, are bi bago shambetooba oppooch bi dihigaata, oppoochee geechi kichaachehe? 12Asho bagoyee am shaahoon beshoone! Ebich Muusichi Sheeroo shambetooba deꞌe shuunoon daaggiye” iye.
13Ebiyee gubb, Yesuusi kishoo qometi uroon “Ne kishoon yaggibe” iye. Biyoo yaggiye; bekkech are qometi kishoo ohe kishoochoommon shaahiꞌi iiwoo tunehe. 14Ebich arooch beeti Fariseenaꞌo kechiꞌi, “Hini Yesuusin aabichiree wuxibona?” iꞌi echeeheete.
Isiyaasichi Keemee Ceeno
15Yesuusi boonoshi shalligoon ariiꞌi aroochee bare xaaꞌooch tiyii hammiye. Dofee asheenaꞌo biin dabbiꞌi hammiyeete; biiyechinaꞌo bullinoo wodiihe. 16“Bareenaꞌoyich taachon gettaahote” iꞌi boonoshich gettiye. 17Arooba Yeerichi keemechi Isiyaasichi noonoona ishichiꞌi bi gettito ceenniye:
18“ ‘Ebiyoche, taach bi wocheyemmoyich ta kaacceti ta naayo,
ta shunnaabeeto, taanoo emirikkito hinine.
Ta Ayaanoon bi toommooch kotiyemmo taane;
biyoo dayinnetoon Aageteenaꞌoyich gettemmone.
19Gajjiteyaachemmone; woyee cookaachemmone;
keejje kaattoochaa bi qaaroon kichi yibbaateyaachemmone;
20kopheeti shombeqoon tiishaachemmone;
taha bedditi ceechoonoo takkaachemmone.
Ebin bi tuniyemmo,
dayinneto wudoon bi danemmoyich bi tuniimmi wottooniye.
21Aageteenaꞌo biin gibenemminaꞌone’
iꞌi Yeeri gettitone”#Isi. 42:1-4 iye.
Yesuusinaa Beelzebulina
(Maariqoosi 3:20-30; Luqaasi 11:14-23)
22Ebiyee gubb, yinno bi toommooch beeti aaf dooge, noona miime uroon Yesuus waan deebiyeete. Yesuusi are uroon wodiihe; uroo ciinonaa yibbaatoonon hakkiye. 23Ebich asheenaꞌo bulli worganeꞌi, “Hini uro Daawitichi bushoo tunehe?” iyeete.
24Tunetaa Fariseenaꞌo ishin waayeꞌi, “Hini yinnee taatoo Beelzebulichi giidoonalli baroona yinnoon ashi toommoochee yoohaache” iyeete.
25Tunetaa Yesuusi boonoshi gaboon ariiꞌi boonoshich ishichiye: “Ikke taatee showooch beeti asheenaꞌo boonoshinaa boonoshina kaareꞌi shacegaata, are taatittine aallemmine. Wotta ikke katemooch woyee ikke kexooch beeti asheenaꞌo boonoshinaa boonoshina kaareꞌi shacegaata, are katemoo woyee are kexo neexeyaachemmone. 26Sheexaanoo Sheexaanoon asheenaꞌo toommoochee yookkiibeeto bi tunegaata, biinnaa biinna shacete getone. Illa bi taatittine aabichiree neexehane? 27Tawoo Beelzebulichi giidoona yinnoon asheenaꞌo toommoochee yookkaabeeto ta tunegaata, ittoshi bushiisheenaꞌo konichi giidoonane boonoshi yookkiibeeto? Ebich ittoshi bushiisheenaꞌo ittoshi toommooch nallemminaꞌone. 28Tunebaani ta Yeerichi Ayaanee giidoona yinnoon yookkaabeeto ta tunegaata, illa Yeerichi taatittine ittoshi waan shaggetine.
29“Wotta ikke uro shiichiꞌi giidechi uroon yechii cuyaanoon bi kexooch giyiꞌi bi gijjoon daamon aabichiree hakkehe? Kechi doonon yechii bi cuchitoyee gubb, bi gijjoo bullin daamon hakkemmone.
30“Taanna tookkii neexeyaano taan shixxii beetone; taanna tookkiinoo kicaano shaccii beetone. 31Ebich ittoshich gettoye: Asheenaꞌo shuuneebeeti axaaxoonaa boonoshi naageebeeti naago bullina maareyemmone; tunebaani Yaafe Ayaanoon naaggii beeti asho maaroon daneyaachemmone. 32Ashi Bushoo toommooch gondoon yibbaatee beeto bulli maareyemmone; tunebaani Yaafe Ayaano toommooch gondoon yibbaateebeeto bulli hini yemeenooch tunetaa woyemmi yemeenooch maaroon daneyaachemmone” iye.
Deꞌe Yibbaateechonaa Gonde Yibbaateechonon Yesuusi Dojjoo
(Luqaasi 6:43-45)
33Daakkiꞌi Yesuusi ishichiye: “Mixo bulli bi aafoona bi arichee beetoyich, deꞌe aafoon danoyich, deꞌe mixo ittoshich beemo qaawiihe; tunebaani gonde mixo ittoshich bi beegaata, gonde aafoon danemmo ittoshine. 34Hini xekeree bushiisheenaꞌote, ittoshi gondo tuneechi tiyi aabichiree deꞌe yibbaatoon yibbaato hakkehote? Asho bi gettiibeeto bi mullooch ceenniti mooyoocheeniye. 35Deꞌe asho bi mullooch bi kotiiti deꞌe mooyoochee deꞌoon kichiye. Gonde asho bi mullooch bi kotiiti gonde mooyoochee gondoon kichiye. 36Ta ittoshich gettoye: Asheenaꞌo yibbaateebeeti duube mooyo bullich nallaa gallooba Yeerich wochemminaꞌone. 37Ne noonoochee kechiti deꞌe mooyona Yeeri neech deꞌoon nallemmone; woyee ne noonoochee kechiti gonde mooyona Yeeri neech gondoon nallemmone” iye.
Malletee Bekkiyoon Yesuusi Qayo
(Maariqoosi 8:11-12; Luqaasi 11:29-32)
38Arooba Muusichi Sheeree dojjechinaꞌonaa Fariseenaꞌonochi daggoochee ikkikkeenaꞌo tiyiꞌi Yesuusin “Dojjechocho, malletoon ne waanee beegga qaawiibeeto noone” iyeete.
39Tunetaa bi wochiꞌi ishichiye: “Hini gondoonaa yahechona tuneti shiijjeroo malletoon beegoyich qaawii beetone; tunetaa keemechi Yoonaasichi malletoyee besh bare malletoo biich icheyaachemmone. 40Yoonaasi ooge haashee maacooch keejje areddoonaa keejje xumoonon bi kotetoommon, ebiyoommon Ashi Bushoo showee maacooch keejje areddoonaa keejje xumoonon kotemmone.#Yoona. 1:17 41Nallaa gallooba Nanawi katemeexi asheenaꞌo neexeree hini yemeeneexi asheenaꞌon taggemminaꞌone; ebiyoo Yoonaasi Yeerichi wochoon bi getaa waayeꞌi axaaxee gommoochee Yeer waan boonoshi wottetoyichiye.#Yoona. 3:5 Andoo Yoonaasiyee besho hiniich beetone. 42Deshi-waanee waati taatee nallaa gallooba neexeree hini yemeeneexi asheenaꞌon taggemmine; ebiyoo Solomooni gettiibeeti shalligoon waayoyich showee tuggoochee bi waatoyichiye.#1 Taat. 10:1-10; 2 Kiin. 9:1-9,12 Ebiyoche, Solomooniyee besho hiniich beetone” iye.
Yinno Wotteꞌi Womo
(Luqaasi 11:24-26)
43Yesuusi aroochee daakkiꞌi ishichiye: “Yinno ashi toommoochee bi tiyitoyee gubb, bi kashemmi xaaꞌoon qaawiibee aachaalli showoona guuddiye; tunebaani daneyaanoon muccehe. 44Ebich ‘Ta kecheti kexooch wotteree hami gibona’ iꞌi wottee bi waahaa, are bi kechiti kexo qechoo tunee hidaa qanniꞌi beeton danehe. 45Aroyee gubb, hammiꞌi biyee gonde shabaatte bare yinneenaꞌon kicii dabbii deebiye; boonoshiyoo biinna tookkii arooch giyiꞌi koteheete; are uroyich aafichoyee andi beemo beshoon gondehe. Hini yemeenee gonde shiijjeroyich wotta ebiyoommon tunemmone” iye.
Yesuusichi Indeenaa Bi Maneenaꞌona
(Maariqoosi 3:31-35; Luqaasi 8:19-21)
46Ebiyee gubb, Yesuusi dofee asheenaꞌoyich getooch bi beetaa, bi indeenaa bi maneenaꞌona biinna daneya qaawiꞌi maaxooch neexeheete. 47[Asheenaꞌo daggoochee ikkoo tiyiꞌi, “Ne indeenaa ne maneenaꞌona neenna daneya qaawiꞌi maaxooch neexee beeteete” iye.]
48Tunetaa Yesuusi biich gettiti uroyich wochiꞌi ishichiye: “Ta indee aabine? Ta maneenaꞌochi wotta aaboshine?” iye. 49Bi kishoona bi dabbeenaꞌon kochii bekkiibee, “Ta indeenaa ta maneenaꞌona eboshine. 50Shimaayooch beeti ta Nihoochi daaggoon ceechii beetinaꞌo bulli taach manoo, maneenaa indeenane” iye.
ទើបបានជ្រើសរើសហើយ៖
Maatiyoosi 12: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Maatiyoosi 12
12
Ayihudeenaꞌochi Shambeteechon Fariseenaꞌo Echo
(Maariqoosi 2:23-28; Luqaasi 6:1-5)
1Ebiyee gubb, Yesuusi shambetee aabooba teepphee goyee daggoona beshehe. Arooba bi dabbeenaꞌo shaaceꞌi teepphee moochoon kuxxii maaheete.#Yibba. 23:25 2Kuxxii boonoshi maa beetaa, Fariseenaꞌo beeggiꞌi Yesuusin “Ebiyoche, shambetee aabooba Muusichi Sheeroo bajjiton ne dabbeenaꞌo tunii beetinaꞌone” iyeete.
3Yesuusi boonoshich ishichiye: “Daawitinaa biinna tookkii beetinaꞌona boonoshi shaacehooba Daawiti tuniiton shemmeyaachote? 4Yeerichi kexooch giyiꞌi qeesheenaꞌoyichalli boonoshich daaggeyaani yaaree koshon biinnaa biinna tookkii beetinaꞌona maatinaꞌone.#1 Saam. 21:1-6 5Qeesheenaꞌo yaafee kexooch shambetee aaboon boonoshi quyo qajjitaa, axaaxoo boonoshich tunee qayon Muusichi Sheeroochee shemmeyaachote?#Had. 28:9-10 6Tunebaani ittoshich gettoye: Yaafee kexoyee besho hiniich beetone. 7Wotta Yeeri ‘Deejjoyee ariqqoon shunnoye’#Hos. 6:6 bi ito ama geto gaata bi tunoon ittoshi ariito gaata, axaaxoon shuuneyaaneenaꞌo toommooch nallaachesho ittoshine. 8Ashi Bushoo shambetoyich Doonone” iye.
Kishoo Qometi Uroon Yesuusi Wodiyoo
(Maariqoosi 3:1-6; Luqaasi 6:6-11)
9Yesuusi aroochee besheꞌi Ayihudeenaꞌo kiceebeeti kexooch giyiye. 10Aroochoo bi kishoo qometi uro beehe. Arooch beetinaꞌo Yesuusin taggoyich qaawiꞌi, “Shambetooba biiyeton wodiyoon Muusichi Sheeroo daaggite?” iꞌi biin echeheete.
11Yesuusi wochiꞌi, “Ittoshi daggoochee bagechi asho, are bi bago shambetooba oppooch bi dihigaata, oppoochee geechi kichaachehe? 12Asho bagoyee am shaahoon beshoone! Ebich Muusichi Sheeroo shambetooba deꞌe shuunoon daaggiye” iye.
13Ebiyee gubb, Yesuusi kishoo qometi uroon “Ne kishoon yaggibe” iye. Biyoo yaggiye; bekkech are qometi kishoo ohe kishoochoommon shaahiꞌi iiwoo tunehe. 14Ebich arooch beeti Fariseenaꞌo kechiꞌi, “Hini Yesuusin aabichiree wuxibona?” iꞌi echeeheete.
Isiyaasichi Keemee Ceeno
15Yesuusi boonoshi shalligoon ariiꞌi aroochee bare xaaꞌooch tiyii hammiye. Dofee asheenaꞌo biin dabbiꞌi hammiyeete; biiyechinaꞌo bullinoo wodiihe. 16“Bareenaꞌoyich taachon gettaahote” iꞌi boonoshich gettiye. 17Arooba Yeerichi keemechi Isiyaasichi noonoona ishichiꞌi bi gettito ceenniye:
18“ ‘Ebiyoche, taach bi wocheyemmoyich ta kaacceti ta naayo,
ta shunnaabeeto, taanoo emirikkito hinine.
Ta Ayaanoon bi toommooch kotiyemmo taane;
biyoo dayinnetoon Aageteenaꞌoyich gettemmone.
19Gajjiteyaachemmone; woyee cookaachemmone;
keejje kaattoochaa bi qaaroon kichi yibbaateyaachemmone;
20kopheeti shombeqoon tiishaachemmone;
taha bedditi ceechoonoo takkaachemmone.
Ebin bi tuniyemmo,
dayinneto wudoon bi danemmoyich bi tuniimmi wottooniye.
21Aageteenaꞌo biin gibenemminaꞌone’
iꞌi Yeeri gettitone”#Isi. 42:1-4 iye.
Yesuusinaa Beelzebulina
(Maariqoosi 3:20-30; Luqaasi 11:14-23)
22Ebiyee gubb, yinno bi toommooch beeti aaf dooge, noona miime uroon Yesuus waan deebiyeete. Yesuusi are uroon wodiihe; uroo ciinonaa yibbaatoonon hakkiye. 23Ebich asheenaꞌo bulli worganeꞌi, “Hini uro Daawitichi bushoo tunehe?” iyeete.
24Tunetaa Fariseenaꞌo ishin waayeꞌi, “Hini yinnee taatoo Beelzebulichi giidoonalli baroona yinnoon ashi toommoochee yoohaache” iyeete.
25Tunetaa Yesuusi boonoshi gaboon ariiꞌi boonoshich ishichiye: “Ikke taatee showooch beeti asheenaꞌo boonoshinaa boonoshina kaareꞌi shacegaata, are taatittine aallemmine. Wotta ikke katemooch woyee ikke kexooch beeti asheenaꞌo boonoshinaa boonoshina kaareꞌi shacegaata, are katemoo woyee are kexo neexeyaachemmone. 26Sheexaanoo Sheexaanoon asheenaꞌo toommoochee yookkiibeeto bi tunegaata, biinnaa biinna shacete getone. Illa bi taatittine aabichiree neexehane? 27Tawoo Beelzebulichi giidoona yinnoon asheenaꞌo toommoochee yookkaabeeto ta tunegaata, ittoshi bushiisheenaꞌo konichi giidoonane boonoshi yookkiibeeto? Ebich ittoshi bushiisheenaꞌo ittoshi toommooch nallemminaꞌone. 28Tunebaani ta Yeerichi Ayaanee giidoona yinnoon yookkaabeeto ta tunegaata, illa Yeerichi taatittine ittoshi waan shaggetine.
29“Wotta ikke uro shiichiꞌi giidechi uroon yechii cuyaanoon bi kexooch giyiꞌi bi gijjoon daamon aabichiree hakkehe? Kechi doonon yechii bi cuchitoyee gubb, bi gijjoo bullin daamon hakkemmone.
30“Taanna tookkii neexeyaano taan shixxii beetone; taanna tookkiinoo kicaano shaccii beetone. 31Ebich ittoshich gettoye: Asheenaꞌo shuuneebeeti axaaxoonaa boonoshi naageebeeti naago bullina maareyemmone; tunebaani Yaafe Ayaanoon naaggii beeti asho maaroon daneyaachemmone. 32Ashi Bushoo toommooch gondoon yibbaatee beeto bulli maareyemmone; tunebaani Yaafe Ayaano toommooch gondoon yibbaateebeeto bulli hini yemeenooch tunetaa woyemmi yemeenooch maaroon daneyaachemmone” iye.
Deꞌe Yibbaateechonaa Gonde Yibbaateechonon Yesuusi Dojjoo
(Luqaasi 6:43-45)
33Daakkiꞌi Yesuusi ishichiye: “Mixo bulli bi aafoona bi arichee beetoyich, deꞌe aafoon danoyich, deꞌe mixo ittoshich beemo qaawiihe; tunebaani gonde mixo ittoshich bi beegaata, gonde aafoon danemmo ittoshine. 34Hini xekeree bushiisheenaꞌote, ittoshi gondo tuneechi tiyi aabichiree deꞌe yibbaatoon yibbaato hakkehote? Asho bi gettiibeeto bi mullooch ceenniti mooyoocheeniye. 35Deꞌe asho bi mullooch bi kotiiti deꞌe mooyoochee deꞌoon kichiye. Gonde asho bi mullooch bi kotiiti gonde mooyoochee gondoon kichiye. 36Ta ittoshich gettoye: Asheenaꞌo yibbaateebeeti duube mooyo bullich nallaa gallooba Yeerich wochemminaꞌone. 37Ne noonoochee kechiti deꞌe mooyona Yeeri neech deꞌoon nallemmone; woyee ne noonoochee kechiti gonde mooyona Yeeri neech gondoon nallemmone” iye.
Malletee Bekkiyoon Yesuusi Qayo
(Maariqoosi 8:11-12; Luqaasi 11:29-32)
38Arooba Muusichi Sheeree dojjechinaꞌonaa Fariseenaꞌonochi daggoochee ikkikkeenaꞌo tiyiꞌi Yesuusin “Dojjechocho, malletoon ne waanee beegga qaawiibeeto noone” iyeete.
39Tunetaa bi wochiꞌi ishichiye: “Hini gondoonaa yahechona tuneti shiijjeroo malletoon beegoyich qaawii beetone; tunetaa keemechi Yoonaasichi malletoyee besh bare malletoo biich icheyaachemmone. 40Yoonaasi ooge haashee maacooch keejje areddoonaa keejje xumoonon bi kotetoommon, ebiyoommon Ashi Bushoo showee maacooch keejje areddoonaa keejje xumoonon kotemmone.#Yoona. 1:17 41Nallaa gallooba Nanawi katemeexi asheenaꞌo neexeree hini yemeeneexi asheenaꞌon taggemminaꞌone; ebiyoo Yoonaasi Yeerichi wochoon bi getaa waayeꞌi axaaxee gommoochee Yeer waan boonoshi wottetoyichiye.#Yoona. 3:5 Andoo Yoonaasiyee besho hiniich beetone. 42Deshi-waanee waati taatee nallaa gallooba neexeree hini yemeeneexi asheenaꞌon taggemmine; ebiyoo Solomooni gettiibeeti shalligoon waayoyich showee tuggoochee bi waatoyichiye.#1 Taat. 10:1-10; 2 Kiin. 9:1-9,12 Ebiyoche, Solomooniyee besho hiniich beetone” iye.
Yinno Wotteꞌi Womo
(Luqaasi 11:24-26)
43Yesuusi aroochee daakkiꞌi ishichiye: “Yinno ashi toommoochee bi tiyitoyee gubb, bi kashemmi xaaꞌoon qaawiibee aachaalli showoona guuddiye; tunebaani daneyaanoon muccehe. 44Ebich ‘Ta kecheti kexooch wotteree hami gibona’ iꞌi wottee bi waahaa, are bi kechiti kexo qechoo tunee hidaa qanniꞌi beeton danehe. 45Aroyee gubb, hammiꞌi biyee gonde shabaatte bare yinneenaꞌon kicii dabbii deebiye; boonoshiyoo biinna tookkii arooch giyiꞌi koteheete; are uroyich aafichoyee andi beemo beshoon gondehe. Hini yemeenee gonde shiijjeroyich wotta ebiyoommon tunemmone” iye.
Yesuusichi Indeenaa Bi Maneenaꞌona
(Maariqoosi 3:31-35; Luqaasi 8:19-21)
46Ebiyee gubb, Yesuusi dofee asheenaꞌoyich getooch bi beetaa, bi indeenaa bi maneenaꞌona biinna daneya qaawiꞌi maaxooch neexeheete. 47[Asheenaꞌo daggoochee ikkoo tiyiꞌi, “Ne indeenaa ne maneenaꞌona neenna daneya qaawiꞌi maaxooch neexee beeteete” iye.]
48Tunetaa Yesuusi biich gettiti uroyich wochiꞌi ishichiye: “Ta indee aabine? Ta maneenaꞌochi wotta aaboshine?” iye. 49Bi kishoona bi dabbeenaꞌon kochii bekkiibee, “Ta indeenaa ta maneenaꞌona eboshine. 50Shimaayooch beeti ta Nihoochi daaggoon ceechii beetinaꞌo bulli taach manoo, maneenaa indeenane” iye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.