Luqaasi 5
5
Awudde Asheenaꞌon Yesuusi Ceego
(Maatiyoosi 4:18-22; Maariqoosi 1:16-20)
1-2Ikke areddoon Yesuusi Genshareexee baharee gashooch neexee beehe; ebi baharee gashooch beeti gutte gishiishi markabeenaꞌon beeggiye. Haashe yesheenaꞌoo aroochee kindiꞌi boonoshi haashe yeshe dabboon aacona machii beeheete. Arooba arooch wotta dofee asheenaꞌo Yeerichi qaaroon waayoyich Yesuusin guuddiꞌi xuꞌee beeheete. 3Ebich Yesuusi gishiishi markabeenaꞌoochee Simoonichooch giyiꞌi Simoonin “Eke hini markabeen showoochee giishechoon gubb aaco waan giddiibe” iye. Aroyee gubb Yesuusi are markabeech koteechii asheenaꞌoyich dojjiye.
4Yibbaatoon bi ciichitoyee gubb, Simoonin “Markabeen gejjo waan katichibe; haashee yeshoyich ittoshi dabboon dufiree haashoon yeshote” iye.
5Simooniyoo wochiꞌi, “Ta Doonocho, yichi xumo bullin haashee dabboon duppaabee amoonolla yeshaanoon maraataꞌaaniye no hariito; tunebaani ne gettetoyicha getiree haashee dabboon duppehoye” iye.
6Haashee dabboonoo duppiꞌi meeti haashoon yechiyeete; boonoshi yechiti haashoo meettitoyich haashee dabbeenaꞌo keexeheete. 7Bare markabeech beeti boonoshi nuucheenaꞌon waaree boonoshi gaachemmoyich kappiyeete. Areenaꞌoo waaꞌi markabeech haashoon ikkooch gutiyeete; are ikkooch guteeti haashee maggo gutte markabeenaꞌon aaco qooxx beddimmi wottoon ikkooch gutiꞌi ceechiyeete.
8Simoon Pheexiroosi ebin beeggiꞌi Yesuusichi baatooch dihiꞌi, “Ta Doonocho, tayee wohe! Axaaxecho taane” iye. 9Ishin bi gettito, ebiyoommi meeti haashoon boonoshi yeshon biinnaa biinna tookkii beetinaꞌo bullina boonoshi worganetoyichiye. 10Ebiyoommon wotta Simoonichi nuucheenaꞌo Zebidiyoosi bushiisheenaꞌo Yaaqobinaa Yowannisina worganeheete.
Yesuusiyoo Simoonin “Shattaahine! Ebiyee bekk haashoon ne yeshoommon, ashoon ta waan qaawi yeshiree deebemmo neene” iye. 11Boonoshiyoo markabeenaꞌon showooch kichii neechiichii bulli mooyon qajjiꞌi biin dabbiyeete.
Qeddee Shaddee Biiyechi Uroon Yesuusi Wodiyoo
(Maatiyoosi 8:1-4; Maariqoosi 1:40-45)
12Yesuusi ikke katemooch bi beetaa, bi ashittino bullin qeddee shaddee biiyoona biiyeti ikke uro hini are katemooch beehe. Biyoo Yesuusin beeggiꞌi bi baroona guufeechii, “Ta Doonocho, ne daaggigaata, taan wodiyoon hakkihine” iꞌi qollehe.
13Yesuusiyoo bi kishoon uro toommooch kotiiꞌi, “Daaggiyoye, wodibe!” iye. Bekkech uro qeddee shaddee biiyoochee wodiye.
14Yesuusi biich “Ebi ne wodoon konichona gettaahine! Tunebaani and hamiree ne ashittinoon qeeshoyich bekkiibe. Ne wodoon asheenaꞌo bulli xiishemmoyich, Muusi bi sheerooch deejjibote iꞌi bi kooriti deejjoon Yeerich deejjibe”#Lew. 14:1-4 iꞌi kupphii gettiꞌi daachiihe.
15Tunetaa Yesuusichi mooyo aafichoyee beshoon are showoo bulliich waayeehe. Ebich dofee asheenaꞌo bi waanee waayoonaa boonoshi biiyoochee wodoonoyich bi waan kiceeheete. 16Tunebaani Yesuusi meeti aaboon boonoshiyee wokkii barahooch hammiꞌi corootii beehe.
Ashittino Qititi Uroon Yesuusi Wodiyoo
(Maatiyoosi 9:1-8; Maariqoosi 2:1-12)
17Ikke areddoon, Yesuusi asheenaꞌoyich dojjii bi beetaa, Galiilee showoonaa Yihudee showoonooch beeti gafeenaꞌo bulliichee, wotta Yerusaalemeenoo waati Fariseenaꞌonaa Muusichi Sheeree dojjechinaꞌona arooch kotee beeheete. Yesuusi biiyechinaꞌon bi wodiyemmi Doonochi giidoo bi toommooch beetone. 18Arooba asheenaꞌo bi ashittino qititi ikke uroon shaaꞌoona shaageꞌi Yesuus waan deebiyeete; Yesuusi beeti kexooch giijjiree bi aafooch kotiiya qiicceheete. 19Kiceeti asheenaꞌo meettitoyich, boonoshi giijjemmi gommon mucceꞌi kechi toommooch kechiyeete; kechi aafoon happiꞌi ashittino qititi uroon qeyiꞌi bi beeti shaaꞌoona tookkii woderoona kiceeti ashi daggooch beeti Yesuusi aafooch kindiiheete.
20Ebich Yesuusi bi toommooch mulloon boonoshi tooꞌiyoon beeggiꞌi, “Hini uroocho, ne axaaxoo maareetone” iye.
21Areegaata Muusichi Sheeree dojjechinaꞌonaa Fariseenaꞌona “Ebi Yeerin naaggiibeeto konine? Ikke Yeeriyee damba ashi axaaxoon maaroon hakkemmo konine?” iꞌi gabiyeete.
22Tunebaani Yesuusi boonoshi mulloona ishichii boonoshi gaboon ariiꞌi, “Ittoshi mulloona amoyich ebin shalligiyote? 23Ashittino qititi uroon ‘Ne axaaxoo maareetone’ getonaa ‘Tiyiree hambe’ getonoochee kettoo aabine? 24Tunetaa Ashi Bushoo hini showee toommoochaa ashi axaaxoon maaroyich hakkoo biich beemon ittoshi ariyemmoyich” iꞌi bi ashittino qititi uroon “Hini uroocho, and tiyi ne shaaꞌoon shaagiree ne kexooch hambe” iye. 25Arooba asheenaꞌo beeggii beetaa, ashittino qititi uro bekkech motekkimii tiyiꞌi, tokketee bi beeti shaaꞌoon tiijjii shaaggiꞌi Yeerin galleteebee bi kexooch hammiye. 26Ebina asheenaꞌo bulli worganeheete; Yeerin oogiiꞌi, “Hanaach worganikkiti mooyon beeggeto noone” iibee oogichiꞌi shattiyeete.
Lewin Yesuusi Ceego
(Maatiyoosi 9:9-13; Maariqoosi 2:13-17)
27Ebiyee gubb, Yesuusi aroochee kechii hammiibee, Lewi getteebeeti gabiyee guudoon qaraxo kucheebeeti gabberooch kotee bi beetaa ciinniꞌi, “Taan dabbibe” iye. 28Aroo bullin qajjiꞌi Yesuusin dabbiye.
29Aroyee gubb Lewi bi kexooch oogeti gifiroon Yesuusich qanniihe. Arooba Yesuusinaa Lewina tookkiꞌi madooch koteti gabiyee guudeenaꞌonaa bare asheenaꞌona meetinaꞌone. 30Ebich Fariseenaꞌonaa boonoshi guuphinaꞌo tuneti Muusichi Sheeree dojjechinaꞌona “Amoyichiye gabiyee guudeenaꞌonaa axaaxechinaꞌona tookkiꞌi maa uchii ittoshi beeto?” iꞌi Yesuusichi dabbeenaꞌo toommooch guruuxeeheete.
31Yesuusi wochiꞌi ishichiye: “Biiyechinaꞌoyichalli wodeenaꞌoyich aakumo qaawiyaache. 32Axaaxee gommoochee Yeer waan boonoshi wottemmoyich, axaaxechinaꞌonalli cadiqeenaꞌon ceegoyich waataano taane” iye.
Coomeechon Yesuusi Dojjoo
(Maatiyoosi 9:14-17; Maariqoosi 2:18-22)
33Ebi are asheenaꞌo Yesuusich “Yowannisi dabbeenaꞌo meeti areddoon coomii corootii beetinaꞌone; wotta Fariseenaꞌochi dabbeenaꞌo ebiyoommon coomii corootii beetinaꞌone. Tunebaani ne dabbeenaꞌo coomaacheete; cikkii maa uchiyeete” iyeete.
34Yesuusiyoo wochiꞌi, “Woꞌee keno boonoshina tookkii bi beetaa, miyaateenaꞌon coomiyoon hakkehote? 35Tunebaani woꞌee keno boonoshi waanee baremmi aabo woyemmone; arooba coomemminaꞌone” iye.
36Daakkiꞌi shaahiyoona boonoshich ishichiꞌi gettiye: “Andire qoreddoochee keexxiꞌi geene tahooch xefeebeeto aalloone; tunebaani andire tahoon bi keexi gaata, hini are andire tahoon duubiiniye bi ito; wotta andire xefo geenoona doyaache. 37Ebiyee wotta geene mollexxooch gaare woyinee uyoon kotiibeeti asho aalloone; bi kotiigaata, are gaare woyinee uyo kashi gaata, mollexxoon gaakkemmone; uyo ufemmone; mollexxoo duubemmone. 38Ebich koniyoona gaare woyinee uyoon andire mollexxoochiye bi kotiibeeto. 39Kachiti woyinee uyoon uchii doyiichii gaare uyoon qaawiibeeto koniyoona aalloone; ebiyoo ‘Kachiti woyinee uyo shaawone’ bi ii beetoyichiye” iye.
ទើបបានជ្រើសរើសហើយ៖
Luqaasi 5: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Luqaasi 5
5
Awudde Asheenaꞌon Yesuusi Ceego
(Maatiyoosi 4:18-22; Maariqoosi 1:16-20)
1-2Ikke areddoon Yesuusi Genshareexee baharee gashooch neexee beehe; ebi baharee gashooch beeti gutte gishiishi markabeenaꞌon beeggiye. Haashe yesheenaꞌoo aroochee kindiꞌi boonoshi haashe yeshe dabboon aacona machii beeheete. Arooba arooch wotta dofee asheenaꞌo Yeerichi qaaroon waayoyich Yesuusin guuddiꞌi xuꞌee beeheete. 3Ebich Yesuusi gishiishi markabeenaꞌoochee Simoonichooch giyiꞌi Simoonin “Eke hini markabeen showoochee giishechoon gubb aaco waan giddiibe” iye. Aroyee gubb Yesuusi are markabeech koteechii asheenaꞌoyich dojjiye.
4Yibbaatoon bi ciichitoyee gubb, Simoonin “Markabeen gejjo waan katichibe; haashee yeshoyich ittoshi dabboon dufiree haashoon yeshote” iye.
5Simooniyoo wochiꞌi, “Ta Doonocho, yichi xumo bullin haashee dabboon duppaabee amoonolla yeshaanoon maraataꞌaaniye no hariito; tunebaani ne gettetoyicha getiree haashee dabboon duppehoye” iye.
6Haashee dabboonoo duppiꞌi meeti haashoon yechiyeete; boonoshi yechiti haashoo meettitoyich haashee dabbeenaꞌo keexeheete. 7Bare markabeech beeti boonoshi nuucheenaꞌon waaree boonoshi gaachemmoyich kappiyeete. Areenaꞌoo waaꞌi markabeech haashoon ikkooch gutiyeete; are ikkooch guteeti haashee maggo gutte markabeenaꞌon aaco qooxx beddimmi wottoon ikkooch gutiꞌi ceechiyeete.
8Simoon Pheexiroosi ebin beeggiꞌi Yesuusichi baatooch dihiꞌi, “Ta Doonocho, tayee wohe! Axaaxecho taane” iye. 9Ishin bi gettito, ebiyoommi meeti haashoon boonoshi yeshon biinnaa biinna tookkii beetinaꞌo bullina boonoshi worganetoyichiye. 10Ebiyoommon wotta Simoonichi nuucheenaꞌo Zebidiyoosi bushiisheenaꞌo Yaaqobinaa Yowannisina worganeheete.
Yesuusiyoo Simoonin “Shattaahine! Ebiyee bekk haashoon ne yeshoommon, ashoon ta waan qaawi yeshiree deebemmo neene” iye. 11Boonoshiyoo markabeenaꞌon showooch kichii neechiichii bulli mooyon qajjiꞌi biin dabbiyeete.
Qeddee Shaddee Biiyechi Uroon Yesuusi Wodiyoo
(Maatiyoosi 8:1-4; Maariqoosi 1:40-45)
12Yesuusi ikke katemooch bi beetaa, bi ashittino bullin qeddee shaddee biiyoona biiyeti ikke uro hini are katemooch beehe. Biyoo Yesuusin beeggiꞌi bi baroona guufeechii, “Ta Doonocho, ne daaggigaata, taan wodiyoon hakkihine” iꞌi qollehe.
13Yesuusiyoo bi kishoon uro toommooch kotiiꞌi, “Daaggiyoye, wodibe!” iye. Bekkech uro qeddee shaddee biiyoochee wodiye.
14Yesuusi biich “Ebi ne wodoon konichona gettaahine! Tunebaani and hamiree ne ashittinoon qeeshoyich bekkiibe. Ne wodoon asheenaꞌo bulli xiishemmoyich, Muusi bi sheerooch deejjibote iꞌi bi kooriti deejjoon Yeerich deejjibe”#Lew. 14:1-4 iꞌi kupphii gettiꞌi daachiihe.
15Tunetaa Yesuusichi mooyo aafichoyee beshoon are showoo bulliich waayeehe. Ebich dofee asheenaꞌo bi waanee waayoonaa boonoshi biiyoochee wodoonoyich bi waan kiceeheete. 16Tunebaani Yesuusi meeti aaboon boonoshiyee wokkii barahooch hammiꞌi corootii beehe.
Ashittino Qititi Uroon Yesuusi Wodiyoo
(Maatiyoosi 9:1-8; Maariqoosi 2:1-12)
17Ikke areddoon, Yesuusi asheenaꞌoyich dojjii bi beetaa, Galiilee showoonaa Yihudee showoonooch beeti gafeenaꞌo bulliichee, wotta Yerusaalemeenoo waati Fariseenaꞌonaa Muusichi Sheeree dojjechinaꞌona arooch kotee beeheete. Yesuusi biiyechinaꞌon bi wodiyemmi Doonochi giidoo bi toommooch beetone. 18Arooba asheenaꞌo bi ashittino qititi ikke uroon shaaꞌoona shaageꞌi Yesuus waan deebiyeete; Yesuusi beeti kexooch giijjiree bi aafooch kotiiya qiicceheete. 19Kiceeti asheenaꞌo meettitoyich, boonoshi giijjemmi gommon mucceꞌi kechi toommooch kechiyeete; kechi aafoon happiꞌi ashittino qititi uroon qeyiꞌi bi beeti shaaꞌoona tookkii woderoona kiceeti ashi daggooch beeti Yesuusi aafooch kindiiheete.
20Ebich Yesuusi bi toommooch mulloon boonoshi tooꞌiyoon beeggiꞌi, “Hini uroocho, ne axaaxoo maareetone” iye.
21Areegaata Muusichi Sheeree dojjechinaꞌonaa Fariseenaꞌona “Ebi Yeerin naaggiibeeto konine? Ikke Yeeriyee damba ashi axaaxoon maaroon hakkemmo konine?” iꞌi gabiyeete.
22Tunebaani Yesuusi boonoshi mulloona ishichii boonoshi gaboon ariiꞌi, “Ittoshi mulloona amoyich ebin shalligiyote? 23Ashittino qititi uroon ‘Ne axaaxoo maareetone’ getonaa ‘Tiyiree hambe’ getonoochee kettoo aabine? 24Tunetaa Ashi Bushoo hini showee toommoochaa ashi axaaxoon maaroyich hakkoo biich beemon ittoshi ariyemmoyich” iꞌi bi ashittino qititi uroon “Hini uroocho, and tiyi ne shaaꞌoon shaagiree ne kexooch hambe” iye. 25Arooba asheenaꞌo beeggii beetaa, ashittino qititi uro bekkech motekkimii tiyiꞌi, tokketee bi beeti shaaꞌoon tiijjii shaaggiꞌi Yeerin galleteebee bi kexooch hammiye. 26Ebina asheenaꞌo bulli worganeheete; Yeerin oogiiꞌi, “Hanaach worganikkiti mooyon beeggeto noone” iibee oogichiꞌi shattiyeete.
Lewin Yesuusi Ceego
(Maatiyoosi 9:9-13; Maariqoosi 2:13-17)
27Ebiyee gubb, Yesuusi aroochee kechii hammiibee, Lewi getteebeeti gabiyee guudoon qaraxo kucheebeeti gabberooch kotee bi beetaa ciinniꞌi, “Taan dabbibe” iye. 28Aroo bullin qajjiꞌi Yesuusin dabbiye.
29Aroyee gubb Lewi bi kexooch oogeti gifiroon Yesuusich qanniihe. Arooba Yesuusinaa Lewina tookkiꞌi madooch koteti gabiyee guudeenaꞌonaa bare asheenaꞌona meetinaꞌone. 30Ebich Fariseenaꞌonaa boonoshi guuphinaꞌo tuneti Muusichi Sheeree dojjechinaꞌona “Amoyichiye gabiyee guudeenaꞌonaa axaaxechinaꞌona tookkiꞌi maa uchii ittoshi beeto?” iꞌi Yesuusichi dabbeenaꞌo toommooch guruuxeeheete.
31Yesuusi wochiꞌi ishichiye: “Biiyechinaꞌoyichalli wodeenaꞌoyich aakumo qaawiyaache. 32Axaaxee gommoochee Yeer waan boonoshi wottemmoyich, axaaxechinaꞌonalli cadiqeenaꞌon ceegoyich waataano taane” iye.
Coomeechon Yesuusi Dojjoo
(Maatiyoosi 9:14-17; Maariqoosi 2:18-22)
33Ebi are asheenaꞌo Yesuusich “Yowannisi dabbeenaꞌo meeti areddoon coomii corootii beetinaꞌone; wotta Fariseenaꞌochi dabbeenaꞌo ebiyoommon coomii corootii beetinaꞌone. Tunebaani ne dabbeenaꞌo coomaacheete; cikkii maa uchiyeete” iyeete.
34Yesuusiyoo wochiꞌi, “Woꞌee keno boonoshina tookkii bi beetaa, miyaateenaꞌon coomiyoon hakkehote? 35Tunebaani woꞌee keno boonoshi waanee baremmi aabo woyemmone; arooba coomemminaꞌone” iye.
36Daakkiꞌi shaahiyoona boonoshich ishichiꞌi gettiye: “Andire qoreddoochee keexxiꞌi geene tahooch xefeebeeto aalloone; tunebaani andire tahoon bi keexi gaata, hini are andire tahoon duubiiniye bi ito; wotta andire xefo geenoona doyaache. 37Ebiyee wotta geene mollexxooch gaare woyinee uyoon kotiibeeti asho aalloone; bi kotiigaata, are gaare woyinee uyo kashi gaata, mollexxoon gaakkemmone; uyo ufemmone; mollexxoo duubemmone. 38Ebich koniyoona gaare woyinee uyoon andire mollexxoochiye bi kotiibeeto. 39Kachiti woyinee uyoon uchii doyiichii gaare uyoon qaawiibeeto koniyoona aalloone; ebiyoo ‘Kachiti woyinee uyo shaawone’ bi ii beetoyichiye” iye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.