Luqaasi 2
2
Yesuusichi Shiijjo
(Maatiyoosi 1:18-25)
1Aroobee yemeenooch Awugisixoosi Qesaari#2:1 Qesaari, Roomi taatoone. bi taateebeeti aagetoo bulliich beeti asho haddaa bi kobereyemmoyich awaajjiye. 2Ebiyoo Qerenoosi Sooriyee showooch iraashoo tunee bi beehooba, batti batt ashi shigo haddeeꞌi kobereehe. 3Ebich asho bulli haddeyoyich bi katemi katemooch hammiye.
4Yooseefi wotta Daawitichi yaroonaa yoodoona bi tunetoyich, Galiilee showooch beeti Naazireetee tiyiꞌi, Yihudee showooch beeti Beetilehemi getteebeeti Daawiti Katemooch, 5bi shigo kobereyemmoyich, shaagga bi maakkiiti Maariyamina tookkii hammiye; areyoo gutte kashechine. 6Boonoshiyoo Beetilehem shaggiꞌi arooch boonoshi beetaa, Maariyami bi shiyemmi aabo shaggiye. 7Aroochaa bi qaabbe bushoonoo shiyahan. Arooba iibbeenaꞌoch kexooch boonoshi qeyemmi xaaꞌoo aalletoyich, gaggeroon buroommi qoreddoona caaccaꞌa yegillooch#2:7 Yegilloo, miimo maayemmi mooyo arooch gedaa bi maabeeti qiicoone. tokketiihan.
Yesuusichi Shiijjoon Qiddeenaꞌoyich Maraakeenaꞌo Geto
8Arooba are showooch xumoona bagoon quyeebee gaddooch qeyiibeeti qiddeenaꞌo beetinaꞌone. 9Doonochi maraakoo ebi qiddeenaꞌoyich bekkehe; Doonochi oogee yiiree bekko boonoshi guudoona waccii bekkehe; boonoshiyoo oogichii shattiyeete. 10Are Yeerichi maraakoo boonoshich ishichiye: “Shattaahote! Asho bullich oogeti emiroo tunemmi mishiraachoon ittoshich and gettemmo taane. 11Hanaach Daawiti Katemooch Wodiyecho ittoshich shiijjetone; biyoo Kiristoosi#2:11 Giriikee noonoona Kiristoosi, wotta Hibiree noonoona Masihi geto, “Huutteto” getone. getteeti Doonone. 12Ebi ittoshich malletoo tunemmone: Gaggeroo buroommi qoreddoona caaccee yegillooch tokketeꞌi beeton danemmo ittoshine” iye.
13Bekkech meeti mattiqutte shimaajji maraakeenaꞌo are maraakoona tookkii bekkeheete; Yeerin galleteebee ishichiyeete:
14“Shimaajji shimaayooch beeti Yeerich oogee yiiroo tunebe!
Showoochoo Yeeri boonoshina emiriti asheenaꞌoyich diggoo tunebe” iyeete.
15Hini are maraakeenaꞌo qiddeenaꞌo waanee shimaayooch boonoshi hammiichaa, qiddeenaꞌo boonoshinaa boonoshina “Eke illa Beetilehem beddaahaa hambone; Doono nooch arichiiti hini tuneti mooyon beegone” iyeete.
16Ebina qiddeenaꞌo bekkech tiyii afaafinoona hammiꞌi Maariyaminaa Yooseefinon, yegillooch tokketee beeti gaggeroonoo daneheete. 17Beeggiꞌi, boonoshich getteti hini gaggeroochi mooyon asheenaꞌoyich arichiiheete. 18Waayetinaꞌo bulliyoo are qiddeenaꞌo boonoshich gettiti mooyon worganeheete. 19Tunetaa Maariyami hini mooyo bullin bi mullooch kotiichaa kichaa kindii beehan. 20Qiddeenaꞌoyich getteti mooyo ceenniye; ebich boonoshi waayetonaa boonoshi beeggito bullinoyich Yeerin oogiibee, galleteebeenoo wotteheete.
Yesuusi Shigeyoo
21Gaggeroo shiijjeti shimitte qemo ceenaa bi dokireehooba, bi indee maacooch yeqqefeyaan bi beetaa maraakoo gettitoommon, bi shigoon Yesuusi#2:21 Yesuusi geto, “Yeeri wodiihe” getone. iꞌi shigiiheete.
Yooseefinaa Maariyamina Yesuusin Yeerich Diiriyoo
22-24Ebiyee gubb, Muusichi Sheeree doyoommon xallittinee aabo ceennimmona, “Bi indee maacoochee shiichii shiijjeti anaamo bulli Doonoyich yaafeeto tunemmone” getaa Doonochi Sheeree Macaafooch bi kooreetoommon Yooseefinaa Maariyamina bushoon Doonochi aafooch giddiyoyich, wotta boonoshi giddiihooba Doonochi sheeree doyoommon, ebiyoo, “Gutte daabbicho woyee gutte uggee cobbelloo” bi getteetoommon, deejjoon deejjoyich bushoon Yerusaalem daammiyeete.
25Arooba are Yerusaalem Simooni getteebeeti ikke uro beehe; aroo Yeeri Israꞌeeleenaꞌon bi goggiyemmi aaboon quyee beehe; biyoo cadiqo tuneꞌi Yeerich qeyiibeeti uroone; wotta Yaafe Ayaanechone. 26Yaafe Ayaano “Doono Yeerichi Masihin beegaanoon qitaachemmo neene” iꞌi biich gettiye. 27Arooba Yaafe Ayaano malletetaa, tiyii hammiꞌi yaafee kexooch giyiye. Aroyee gubb Yesuusichi indeenaa Yooseefina Muusichi Sheeree doyoon biich ceechiya gaggeroo Yesuusin boonoshi giijjimmona, 28bekkech Simooni yechiꞌi tiqqehe; Yeerinoo galleteebee ishichiye:
29-32“Doono Yeero, aageteenaꞌo bulli aafooch ne qanniiti ne wodiyoon,
ta aafoona beeggeto taane.
Ebiyoo Aageteenaꞌo bullich iberoon bekkiyemmi bekko,
ne maccoo tuneti Israꞌeeleenaꞌoyich oogee yiiroone;
taach ne gettetoommon and ne guuno taan diggoona kashiibe” iye.
33Arooba Yooseefinaa gaggeroochi indeena Simooni yibbaateti gaggeroochi mooyon waayeꞌi worganeheete. 34-35Simooniyoo boonoshin diiriye. Gaggeroochi indee Maariyamichoo ishichiye: “Hini bushoo meetinaꞌochi maaceexi mooyon bi gaxxemmoyich, Israꞌeelee showeexi meetinaꞌon Yeeri aafoochee wokkiyoonaa katichoonoyich, asheenaꞌo biin boonoshi coonemmi malletoo bi tunemmoyich, Yeeri biin kaaccitone; ne kasheyoo wotta goraadoona kocheyemmine#2:34-35 Kasho goraadoona kocho bi bekkiibeeto, oogeti ayinoochee tiyitona maacerooniye.” iye.
36Ebiyoommon wotta Aseeri yoodeexi Fanuꞌeeli bushee Haanni getteebeeti ikke keemechi ure beehan; biyoo gidiidittinoona bi shaakkeeti shabaatte nati wottoon bi kenoona tookkaa beehan. 37Ebiyee gubb, bi eeno shinnaa awudde nato beddimmi wottoon xuumee tunaꞌa beebee geenahan; xumoonaa areddoonon coomoonaa corootoona Yeerichi maddaabee, yaafee kexoochee baraa ariyaaneene. 38Bekkech areegaata Yooseefinaa Maariyamina waan waaꞌa Yeerin galletahan; aroochee Yeeri Yerusaalem beeti asheenaꞌon xuuxoochee biisheree bi wodiyemmi aaboon quyee beetinaꞌo bullich are gaggere bushoochi mooyon gettahan.
Naazireet Yooseefinaa Maariyamina Wotto
39Yooseefinaa Maariyamina Doonochi Sheeree Macaafooch kooreeto bullin boonoshi ceechitoyee gubb, Galiilee showooch beeti boonoshi katemoo Naazireet wotteheete. 40Aroochaa gaggeroo dicciye; ariyoo ceenniti mullecho tuneꞌi kupphehe; Yeerichi wojjoo bi toommooch beehe.
Ayihudee Dojjechinaꞌon Yesuusi Worganikkoo
41 Beshee Baarooba, Maariyaminaa Yooseefina boonoshi doyoommon Yerusaalem hammii beeheete. 42Ebich Yesuusin bi shiijjeti aaraa gutte natooba yechiꞌi are baaree doyoommon Yerusaalem hammiyeete. 43Aroochaa baaree aabeenaꞌon boonoshi beshiitoyee gubb kexooch wottee boonoshi beetaa, bushoo Yesuusi Yerusaalem kuxee echehe; tunebaani bi indee Maariyaminaa Yooseefina bi echoon ariyaaneenaꞌone. 44Gommechinaꞌo daggooch beeto boonoshich bi shaahaa, ikke heeyi gommon hammiyeete. Aroochee boonoshi xibeenaꞌonaa boonoshi ariibeeti asho bullina daggooch qaawiyeete. 45Tunebaani mucceꞌi, qaawiibee Yerusaalem wotteheete. 46Keejje qemoyee gubb dojjechinaꞌo daggooch koteꞌi elleebee wochii boonoshin echee bi beetaa, yaafee kexoochaa daneheete. 47Bi yibbaatoon waayetinaꞌo bulli gaawe bi shalligoonaa tate bi wochoonoyich worganeheete. 48Yooseefinaa Maariyamina boonoshi bushoon beeggiꞌi worganeheete. Bi indeyoo “Ta bushoochoo, amoyich ebi shaahoon noon iritiinne? Ne nihoonaa taanna xuuxaꞌa neen qaawaan toone no beeto?” iyan.
49Biyoo boonoshich “Amoyichiye taan ittoshi qaawiibeeto? Ta Nihoo kexooch tun ta bedon ariyaachote?” iye. 50Boonoshiyoo boonoshich bi gettito amo gaata shalligaaneenaꞌone.
51Aroochee boonoshina tookkii wotteꞌi Naazireet hammiye. Boonoshichoo deꞌa iꞌi wochee beehe. Bi indeyoo hini mooyo bullin bi mullooch kotii beehan. 52Yesuusiyoo Yeerinaa asheenaꞌona naadeebee, ariyoonaa neexoonon daakkii beehe.
ទើបបានជ្រើសរើសហើយ៖
Luqaasi 2: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Luqaasi 2
2
Yesuusichi Shiijjo
(Maatiyoosi 1:18-25)
1Aroobee yemeenooch Awugisixoosi Qesaari#2:1 Qesaari, Roomi taatoone. bi taateebeeti aagetoo bulliich beeti asho haddaa bi kobereyemmoyich awaajjiye. 2Ebiyoo Qerenoosi Sooriyee showooch iraashoo tunee bi beehooba, batti batt ashi shigo haddeeꞌi kobereehe. 3Ebich asho bulli haddeyoyich bi katemi katemooch hammiye.
4Yooseefi wotta Daawitichi yaroonaa yoodoona bi tunetoyich, Galiilee showooch beeti Naazireetee tiyiꞌi, Yihudee showooch beeti Beetilehemi getteebeeti Daawiti Katemooch, 5bi shigo kobereyemmoyich, shaagga bi maakkiiti Maariyamina tookkii hammiye; areyoo gutte kashechine. 6Boonoshiyoo Beetilehem shaggiꞌi arooch boonoshi beetaa, Maariyami bi shiyemmi aabo shaggiye. 7Aroochaa bi qaabbe bushoonoo shiyahan. Arooba iibbeenaꞌoch kexooch boonoshi qeyemmi xaaꞌoo aalletoyich, gaggeroon buroommi qoreddoona caaccaꞌa yegillooch#2:7 Yegilloo, miimo maayemmi mooyo arooch gedaa bi maabeeti qiicoone. tokketiihan.
Yesuusichi Shiijjoon Qiddeenaꞌoyich Maraakeenaꞌo Geto
8Arooba are showooch xumoona bagoon quyeebee gaddooch qeyiibeeti qiddeenaꞌo beetinaꞌone. 9Doonochi maraakoo ebi qiddeenaꞌoyich bekkehe; Doonochi oogee yiiree bekko boonoshi guudoona waccii bekkehe; boonoshiyoo oogichii shattiyeete. 10Are Yeerichi maraakoo boonoshich ishichiye: “Shattaahote! Asho bullich oogeti emiroo tunemmi mishiraachoon ittoshich and gettemmo taane. 11Hanaach Daawiti Katemooch Wodiyecho ittoshich shiijjetone; biyoo Kiristoosi#2:11 Giriikee noonoona Kiristoosi, wotta Hibiree noonoona Masihi geto, “Huutteto” getone. getteeti Doonone. 12Ebi ittoshich malletoo tunemmone: Gaggeroo buroommi qoreddoona caaccee yegillooch tokketeꞌi beeton danemmo ittoshine” iye.
13Bekkech meeti mattiqutte shimaajji maraakeenaꞌo are maraakoona tookkii bekkeheete; Yeerin galleteebee ishichiyeete:
14“Shimaajji shimaayooch beeti Yeerich oogee yiiroo tunebe!
Showoochoo Yeeri boonoshina emiriti asheenaꞌoyich diggoo tunebe” iyeete.
15Hini are maraakeenaꞌo qiddeenaꞌo waanee shimaayooch boonoshi hammiichaa, qiddeenaꞌo boonoshinaa boonoshina “Eke illa Beetilehem beddaahaa hambone; Doono nooch arichiiti hini tuneti mooyon beegone” iyeete.
16Ebina qiddeenaꞌo bekkech tiyii afaafinoona hammiꞌi Maariyaminaa Yooseefinon, yegillooch tokketee beeti gaggeroonoo daneheete. 17Beeggiꞌi, boonoshich getteti hini gaggeroochi mooyon asheenaꞌoyich arichiiheete. 18Waayetinaꞌo bulliyoo are qiddeenaꞌo boonoshich gettiti mooyon worganeheete. 19Tunetaa Maariyami hini mooyo bullin bi mullooch kotiichaa kichaa kindii beehan. 20Qiddeenaꞌoyich getteti mooyo ceenniye; ebich boonoshi waayetonaa boonoshi beeggito bullinoyich Yeerin oogiibee, galleteebeenoo wotteheete.
Yesuusi Shigeyoo
21Gaggeroo shiijjeti shimitte qemo ceenaa bi dokireehooba, bi indee maacooch yeqqefeyaan bi beetaa maraakoo gettitoommon, bi shigoon Yesuusi#2:21 Yesuusi geto, “Yeeri wodiihe” getone. iꞌi shigiiheete.
Yooseefinaa Maariyamina Yesuusin Yeerich Diiriyoo
22-24Ebiyee gubb, Muusichi Sheeree doyoommon xallittinee aabo ceennimmona, “Bi indee maacoochee shiichii shiijjeti anaamo bulli Doonoyich yaafeeto tunemmone” getaa Doonochi Sheeree Macaafooch bi kooreetoommon Yooseefinaa Maariyamina bushoon Doonochi aafooch giddiyoyich, wotta boonoshi giddiihooba Doonochi sheeree doyoommon, ebiyoo, “Gutte daabbicho woyee gutte uggee cobbelloo” bi getteetoommon, deejjoon deejjoyich bushoon Yerusaalem daammiyeete.
25Arooba are Yerusaalem Simooni getteebeeti ikke uro beehe; aroo Yeeri Israꞌeeleenaꞌon bi goggiyemmi aaboon quyee beehe; biyoo cadiqo tuneꞌi Yeerich qeyiibeeti uroone; wotta Yaafe Ayaanechone. 26Yaafe Ayaano “Doono Yeerichi Masihin beegaanoon qitaachemmo neene” iꞌi biich gettiye. 27Arooba Yaafe Ayaano malletetaa, tiyii hammiꞌi yaafee kexooch giyiye. Aroyee gubb Yesuusichi indeenaa Yooseefina Muusichi Sheeree doyoon biich ceechiya gaggeroo Yesuusin boonoshi giijjimmona, 28bekkech Simooni yechiꞌi tiqqehe; Yeerinoo galleteebee ishichiye:
29-32“Doono Yeero, aageteenaꞌo bulli aafooch ne qanniiti ne wodiyoon,
ta aafoona beeggeto taane.
Ebiyoo Aageteenaꞌo bullich iberoon bekkiyemmi bekko,
ne maccoo tuneti Israꞌeeleenaꞌoyich oogee yiiroone;
taach ne gettetoommon and ne guuno taan diggoona kashiibe” iye.
33Arooba Yooseefinaa gaggeroochi indeena Simooni yibbaateti gaggeroochi mooyon waayeꞌi worganeheete. 34-35Simooniyoo boonoshin diiriye. Gaggeroochi indee Maariyamichoo ishichiye: “Hini bushoo meetinaꞌochi maaceexi mooyon bi gaxxemmoyich, Israꞌeelee showeexi meetinaꞌon Yeeri aafoochee wokkiyoonaa katichoonoyich, asheenaꞌo biin boonoshi coonemmi malletoo bi tunemmoyich, Yeeri biin kaaccitone; ne kasheyoo wotta goraadoona kocheyemmine#2:34-35 Kasho goraadoona kocho bi bekkiibeeto, oogeti ayinoochee tiyitona maacerooniye.” iye.
36Ebiyoommon wotta Aseeri yoodeexi Fanuꞌeeli bushee Haanni getteebeeti ikke keemechi ure beehan; biyoo gidiidittinoona bi shaakkeeti shabaatte nati wottoon bi kenoona tookkaa beehan. 37Ebiyee gubb, bi eeno shinnaa awudde nato beddimmi wottoon xuumee tunaꞌa beebee geenahan; xumoonaa areddoonon coomoonaa corootoona Yeerichi maddaabee, yaafee kexoochee baraa ariyaaneene. 38Bekkech areegaata Yooseefinaa Maariyamina waan waaꞌa Yeerin galletahan; aroochee Yeeri Yerusaalem beeti asheenaꞌon xuuxoochee biisheree bi wodiyemmi aaboon quyee beetinaꞌo bullich are gaggere bushoochi mooyon gettahan.
Naazireet Yooseefinaa Maariyamina Wotto
39Yooseefinaa Maariyamina Doonochi Sheeree Macaafooch kooreeto bullin boonoshi ceechitoyee gubb, Galiilee showooch beeti boonoshi katemoo Naazireet wotteheete. 40Aroochaa gaggeroo dicciye; ariyoo ceenniti mullecho tuneꞌi kupphehe; Yeerichi wojjoo bi toommooch beehe.
Ayihudee Dojjechinaꞌon Yesuusi Worganikkoo
41 Beshee Baarooba, Maariyaminaa Yooseefina boonoshi doyoommon Yerusaalem hammii beeheete. 42Ebich Yesuusin bi shiijjeti aaraa gutte natooba yechiꞌi are baaree doyoommon Yerusaalem hammiyeete. 43Aroochaa baaree aabeenaꞌon boonoshi beshiitoyee gubb kexooch wottee boonoshi beetaa, bushoo Yesuusi Yerusaalem kuxee echehe; tunebaani bi indee Maariyaminaa Yooseefina bi echoon ariyaaneenaꞌone. 44Gommechinaꞌo daggooch beeto boonoshich bi shaahaa, ikke heeyi gommon hammiyeete. Aroochee boonoshi xibeenaꞌonaa boonoshi ariibeeti asho bullina daggooch qaawiyeete. 45Tunebaani mucceꞌi, qaawiibee Yerusaalem wotteheete. 46Keejje qemoyee gubb dojjechinaꞌo daggooch koteꞌi elleebee wochii boonoshin echee bi beetaa, yaafee kexoochaa daneheete. 47Bi yibbaatoon waayetinaꞌo bulli gaawe bi shalligoonaa tate bi wochoonoyich worganeheete. 48Yooseefinaa Maariyamina boonoshi bushoon beeggiꞌi worganeheete. Bi indeyoo “Ta bushoochoo, amoyich ebi shaahoon noon iritiinne? Ne nihoonaa taanna xuuxaꞌa neen qaawaan toone no beeto?” iyan.
49Biyoo boonoshich “Amoyichiye taan ittoshi qaawiibeeto? Ta Nihoo kexooch tun ta bedon ariyaachote?” iye. 50Boonoshiyoo boonoshich bi gettito amo gaata shalligaaneenaꞌone.
51Aroochee boonoshina tookkii wotteꞌi Naazireet hammiye. Boonoshichoo deꞌa iꞌi wochee beehe. Bi indeyoo hini mooyo bullin bi mullooch kotii beehan. 52Yesuusiyoo Yeerinaa asheenaꞌona naadeebee, ariyoonaa neexoonon daakkii beehe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.