Luqaasi 13
13
Yeer Waan Wotteyaani Asheenaꞌo Qitoo
1Arooba asheenaꞌo Yesuus waan waaꞌi, “Galiilee asheenaꞌo daggoochee ikkikkeenaꞌo deejjoon boonoshi deejjii beetaa, Phelaaxoosi boonoshin wuxiꞌi boonoshi damoon deejjoona baccitone” iꞌi gettiyeete. 2Yesuusiyoo wochiꞌi boonoshich ishichiye: “Hini are Galiilee asheenaꞌo ebiyoommona boonoshi qititoyich, bare Galiilee asheenaꞌo bulliyee beshe axaaxechinaꞌo ittoshich shaahii beeteete? 3Ittoshich gettoye: Ebi toonoone! Tunebaani axaaxee gommoochee Yeer waan wottoo ittoshi qayigaata, ittoshi bulli ebiyoommon aallemmo ittoshine. 4Wotta Silohami kote aachi gaꞌooch hakketi ooge xaqqee dilaaloo shekireꞌi wuxiti aaraa shimitte asheenaꞌo Yerusaalem beeti bare asheenaꞌo bulliyee beshe gondoon shuunetinaꞌo ittoshich shaahii beeteete? 5Ittoshich gettoye: Ebi toonoone! Tunebaani axaaxee gommoochee Yeer waan ittoshi wottoo qayigaata, ittoshi bulli ebiyoommon aallemmo ittoshine” iye.
Aafeyaani Balaasee Michi Shaahiyoo
6Yesuusi ebi shaahiyoon ishichiꞌi gettiye: “Ikke uroyich bi bechiti meeti woyinee goyee daggooch becheeti ikke balaasee mixi beehan. ‘Are balaaseech aafo beeyemmone’ ii hammiꞌi amoonolla muccehe. 7Biyoo woyinee goyee quyechon ‘Hini balaasee mixiichee aafoon daneya besheti keejje naton bi aafemmi goorooch shaꞌaabee amoonolla daneyaano taane. Kuxiree baye; amee naboyichiye gamini xaaꞌoon baad yechaa bi duubiibeeto?’ iye.
8“Tunebaani woyinee goyee quyecho wochiꞌi, ‘Doonocho, bi guudoon goyiree iboon ta tiqqiitaa, eke bekkebuye. Hini naton wotta haaꞌiibe. 9Gubbich bi aafegaata, beebuye. Qajjaa bi mawigaata, arooba kuchebuye’ iꞌi gettiye” iye.
Goobeti Ureen Yesuusi Wodiyoo
10Shambetooba Ayihudeenaꞌo kiceebeeti kexinaꞌoochee ikkoochaa Yesuusi boonoshich dojjii beehe. 11Arooba maachi biiyoona yechaꞌa aaraa shimitta natteti ure are ashi daggooch beehan; ureyoo are biiyee naboona goobetine; kaamaꞌa neexoonoo hakkaaneene. 12Yesuusiyoo hini are ureen ciinniꞌi, “Haane, ta waan wobe” iye. Bi waammona, “Ne biiyoochee wodibe” iye. 13Bi kishoonoo ure toommooch bi kotiitaa, kaamaꞌa neexahan; aroochee Yeerin galletahan.
14Tunebaani Ayihudeenaꞌo kiceebeeti kechi ukkiroo, Yesuusi shambetooba ureen bi wodiitoyich ippeꞌi tiyii arooch beeti dofee asheenaꞌon “Muusichi Sheeroo ikke shabaattee daggooch shiritte qemon no shuunemmoyich daaggitone; ebi are shiritte areddee daggooch waaree ittoshi biiyoochee wodibotalli, shambetooba tuneyaachemmone” iye.
15Arooba Doono Yesuusi tiyiꞌi, “Hini ittoshi maacoon xalloo shaahiibeeti asheenaꞌote! Ittoshi daggoochee shambetooba bi gattoon woyee bi kuroon bi tippetoochee biichiꞌi aaco uchiya daamaano konine? 16Aaraa shimitte nati wottoon Sheexaanoo cuchiti hini Abrahami yareexi ureen shambetooba ebi bi cuchetoochee biich bedaachote?” iye.
17Ebin Yesuusi yibbaatee bi beetaa, bi shuunoon bayoyich qiiccetinaꞌo bulli yeelleheete; tunebaani ebi shaahe worganikkiti mooyo bullin bi shuunetoyich, asheenaꞌo bulli emiriyeete.
Shanaafee Aafee Shaahiyoo
(Maatiyoosi 13:31-32; Maariqoosi 4:30-32)
18Ebiyee gubb, Yesuusi ishichiye: “Yeerichi taatittine am shaaheene getote? Woyee amee shaahiyoona shaahiibote? 19Asho daammii bi daaddooch shookkiti shanaafee aafeeniye bi shaahaabeeto. Collaꞌa bi diccehooba mixochoommon gafgappahan; shimaajji kafeenaꞌo waaꞌi bi atooch koteheete” iye.
Bukee Shittee Shaahiyoo
(Maatiyoosi 13:33)
20Wotta Yesuusi “Yeerichi taatittine am shaaheene getote? 21Ikke ure bukoo tiyimmi wottoon daammaꞌa keejje qunnee buddinoona tookkaa xiriqqaꞌa bi kotiiti bukee shittoommine” iye.
Xebbe Kello
(Maatiyoosi 7:13-14,21-23)
22Ebiyee gubb, Yesuusi Yerusaalem hammiibee, katemeenaꞌonaa gafeenaꞌonooch beetinaꞌoyich dojjiibee beshehe. 23Arooba ikke uro Yesuusin “Doonocho, wodemminaꞌo giishecheenaꞌone?” iꞌi echehe.
Yesuusiyoo wochiꞌi arooch beeti asheenaꞌoyich ishichiye: 24“Xebbe kelloona gimoyich qiiccebote. Ittoshich gettoye: Meetinaꞌo gimoyich qaawemminaꞌone; tunebaani hakkaacheete. 25Kechi doono kotoochee tiyii kelloon bi tuggemmona, ittoshi maaxooch neexeechi, ‘Doonocho, nooch qechibe’ getiree kelloon qoppemmo ittoshine.
“Biyoo ittoshich wochiree, ‘Koni ittoshi gaata, amoochee ittoshi waato gaatoo, ariyaano taane’ gettemmone.
26“Arooba ‘Neenna tookkaa maato noone; ucheto noone; no addibaaboochaa nooch dojjito neene’ getooch giyemmo ittoshine.
27“Biyoo ‘Ittoshich gettoye: Koni ittoshi gaata, amoochee ittoshi waato gaatoo ariyaano taane; hini hukkechinaꞌote, ittoshi bulli ta waanee wohote’ gettemmone.
28“Abrahaminaa Yisaaqina, Yaaqobinaa keemechinaꞌo bullina Yeerichi taatittineech giyii boonoshi kotoon ittoshi beegiyooba, ittoshiyoo maaxooch dupperee echeechi, aroochaa eefonaa gashee qaayona ittoshich tunemmone. 29Wotta asheenaꞌo aabi-keyonaa aabi-gimonoochee, deshi-waaninaa dambi-waaninoochee woyemminaꞌone; Yeerichi taatittineech giyiree gifiree maayoon maaya kotemminaꞌone. 30Illa ebiyoche, gubbetinaꞌo getteetinaꞌoochee ikkikkeenaꞌo shiichemminaꞌone; shiichitinaꞌo getteetinaꞌoochee ikkikkeenaꞌo gubbemminaꞌone” iye.
Yerusaalemi Asheenaꞌon Yesuusi Shuno
(Maatiyoosi 23:37-39)
31Arooba Fariseenaꞌo daggoochee ikkikkeenaꞌo Yesuus waan giddeꞌi, “Heroodisi neen wuxiya qaawii beetone. Ebich hiniichee tiyiree hambe” iyeete.
32Boonoshichoo ishichiye: “Hamiree okk ebi boqqelloyich#13:32 Boqqello, bi getteto dawushecho bi tunoon bekkiyoyichiye., ‘ “Hanaachinaa yaachinon asheenaꞌo toommoochee yinneenaꞌon yookkemmo taane; biiyetinaꞌonoo wodiyemmo taane; sharittane hini shuunoon ta ciichemmo” itone’ getote. 33Tunebaani keemecho Yerusaalemaanalli maachaa qitaachemmone; ebich hanaachinaa yaachina, sharittoo ta gommon qaxiremmo taane.
34“Keemechinaꞌon wuxiibeeti hini Yerusaalemi asheenaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin kicoyich ambiche wottoon shunnetote! Tunetaa ittoshi qaawaano ittoshine. 35Ebiyoche, ittoshi kexo onoo tuneree echemmone. Ittoshich gettoye: ‘Doono Yeerichi shigoona waabeeto diireebe!’#Shod. 118:26 ittoshi immi wottoon taan cir beegaachemmo ittoshine” iye.
ទើបបានជ្រើសរើសហើយ៖
Luqaasi 13: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Luqaasi 13
13
Yeer Waan Wotteyaani Asheenaꞌo Qitoo
1Arooba asheenaꞌo Yesuus waan waaꞌi, “Galiilee asheenaꞌo daggoochee ikkikkeenaꞌo deejjoon boonoshi deejjii beetaa, Phelaaxoosi boonoshin wuxiꞌi boonoshi damoon deejjoona baccitone” iꞌi gettiyeete. 2Yesuusiyoo wochiꞌi boonoshich ishichiye: “Hini are Galiilee asheenaꞌo ebiyoommona boonoshi qititoyich, bare Galiilee asheenaꞌo bulliyee beshe axaaxechinaꞌo ittoshich shaahii beeteete? 3Ittoshich gettoye: Ebi toonoone! Tunebaani axaaxee gommoochee Yeer waan wottoo ittoshi qayigaata, ittoshi bulli ebiyoommon aallemmo ittoshine. 4Wotta Silohami kote aachi gaꞌooch hakketi ooge xaqqee dilaaloo shekireꞌi wuxiti aaraa shimitte asheenaꞌo Yerusaalem beeti bare asheenaꞌo bulliyee beshe gondoon shuunetinaꞌo ittoshich shaahii beeteete? 5Ittoshich gettoye: Ebi toonoone! Tunebaani axaaxee gommoochee Yeer waan ittoshi wottoo qayigaata, ittoshi bulli ebiyoommon aallemmo ittoshine” iye.
Aafeyaani Balaasee Michi Shaahiyoo
6Yesuusi ebi shaahiyoon ishichiꞌi gettiye: “Ikke uroyich bi bechiti meeti woyinee goyee daggooch becheeti ikke balaasee mixi beehan. ‘Are balaaseech aafo beeyemmone’ ii hammiꞌi amoonolla muccehe. 7Biyoo woyinee goyee quyechon ‘Hini balaasee mixiichee aafoon daneya besheti keejje naton bi aafemmi goorooch shaꞌaabee amoonolla daneyaano taane. Kuxiree baye; amee naboyichiye gamini xaaꞌoon baad yechaa bi duubiibeeto?’ iye.
8“Tunebaani woyinee goyee quyecho wochiꞌi, ‘Doonocho, bi guudoon goyiree iboon ta tiqqiitaa, eke bekkebuye. Hini naton wotta haaꞌiibe. 9Gubbich bi aafegaata, beebuye. Qajjaa bi mawigaata, arooba kuchebuye’ iꞌi gettiye” iye.
Goobeti Ureen Yesuusi Wodiyoo
10Shambetooba Ayihudeenaꞌo kiceebeeti kexinaꞌoochee ikkoochaa Yesuusi boonoshich dojjii beehe. 11Arooba maachi biiyoona yechaꞌa aaraa shimitta natteti ure are ashi daggooch beehan; ureyoo are biiyee naboona goobetine; kaamaꞌa neexoonoo hakkaaneene. 12Yesuusiyoo hini are ureen ciinniꞌi, “Haane, ta waan wobe” iye. Bi waammona, “Ne biiyoochee wodibe” iye. 13Bi kishoonoo ure toommooch bi kotiitaa, kaamaꞌa neexahan; aroochee Yeerin galletahan.
14Tunebaani Ayihudeenaꞌo kiceebeeti kechi ukkiroo, Yesuusi shambetooba ureen bi wodiitoyich ippeꞌi tiyii arooch beeti dofee asheenaꞌon “Muusichi Sheeroo ikke shabaattee daggooch shiritte qemon no shuunemmoyich daaggitone; ebi are shiritte areddee daggooch waaree ittoshi biiyoochee wodibotalli, shambetooba tuneyaachemmone” iye.
15Arooba Doono Yesuusi tiyiꞌi, “Hini ittoshi maacoon xalloo shaahiibeeti asheenaꞌote! Ittoshi daggoochee shambetooba bi gattoon woyee bi kuroon bi tippetoochee biichiꞌi aaco uchiya daamaano konine? 16Aaraa shimitte nati wottoon Sheexaanoo cuchiti hini Abrahami yareexi ureen shambetooba ebi bi cuchetoochee biich bedaachote?” iye.
17Ebin Yesuusi yibbaatee bi beetaa, bi shuunoon bayoyich qiiccetinaꞌo bulli yeelleheete; tunebaani ebi shaahe worganikkiti mooyo bullin bi shuunetoyich, asheenaꞌo bulli emiriyeete.
Shanaafee Aafee Shaahiyoo
(Maatiyoosi 13:31-32; Maariqoosi 4:30-32)
18Ebiyee gubb, Yesuusi ishichiye: “Yeerichi taatittine am shaaheene getote? Woyee amee shaahiyoona shaahiibote? 19Asho daammii bi daaddooch shookkiti shanaafee aafeeniye bi shaahaabeeto. Collaꞌa bi diccehooba mixochoommon gafgappahan; shimaajji kafeenaꞌo waaꞌi bi atooch koteheete” iye.
Bukee Shittee Shaahiyoo
(Maatiyoosi 13:33)
20Wotta Yesuusi “Yeerichi taatittine am shaaheene getote? 21Ikke ure bukoo tiyimmi wottoon daammaꞌa keejje qunnee buddinoona tookkaa xiriqqaꞌa bi kotiiti bukee shittoommine” iye.
Xebbe Kello
(Maatiyoosi 7:13-14,21-23)
22Ebiyee gubb, Yesuusi Yerusaalem hammiibee, katemeenaꞌonaa gafeenaꞌonooch beetinaꞌoyich dojjiibee beshehe. 23Arooba ikke uro Yesuusin “Doonocho, wodemminaꞌo giishecheenaꞌone?” iꞌi echehe.
Yesuusiyoo wochiꞌi arooch beeti asheenaꞌoyich ishichiye: 24“Xebbe kelloona gimoyich qiiccebote. Ittoshich gettoye: Meetinaꞌo gimoyich qaawemminaꞌone; tunebaani hakkaacheete. 25Kechi doono kotoochee tiyii kelloon bi tuggemmona, ittoshi maaxooch neexeechi, ‘Doonocho, nooch qechibe’ getiree kelloon qoppemmo ittoshine.
“Biyoo ittoshich wochiree, ‘Koni ittoshi gaata, amoochee ittoshi waato gaatoo, ariyaano taane’ gettemmone.
26“Arooba ‘Neenna tookkaa maato noone; ucheto noone; no addibaaboochaa nooch dojjito neene’ getooch giyemmo ittoshine.
27“Biyoo ‘Ittoshich gettoye: Koni ittoshi gaata, amoochee ittoshi waato gaatoo ariyaano taane; hini hukkechinaꞌote, ittoshi bulli ta waanee wohote’ gettemmone.
28“Abrahaminaa Yisaaqina, Yaaqobinaa keemechinaꞌo bullina Yeerichi taatittineech giyii boonoshi kotoon ittoshi beegiyooba, ittoshiyoo maaxooch dupperee echeechi, aroochaa eefonaa gashee qaayona ittoshich tunemmone. 29Wotta asheenaꞌo aabi-keyonaa aabi-gimonoochee, deshi-waaninaa dambi-waaninoochee woyemminaꞌone; Yeerichi taatittineech giyiree gifiree maayoon maaya kotemminaꞌone. 30Illa ebiyoche, gubbetinaꞌo getteetinaꞌoochee ikkikkeenaꞌo shiichemminaꞌone; shiichitinaꞌo getteetinaꞌoochee ikkikkeenaꞌo gubbemminaꞌone” iye.
Yerusaalemi Asheenaꞌon Yesuusi Shuno
(Maatiyoosi 23:37-39)
31Arooba Fariseenaꞌo daggoochee ikkikkeenaꞌo Yesuus waan giddeꞌi, “Heroodisi neen wuxiya qaawii beetone. Ebich hiniichee tiyiree hambe” iyeete.
32Boonoshichoo ishichiye: “Hamiree okk ebi boqqelloyich#13:32 Boqqello, bi getteto dawushecho bi tunoon bekkiyoyichiye., ‘ “Hanaachinaa yaachinon asheenaꞌo toommoochee yinneenaꞌon yookkemmo taane; biiyetinaꞌonoo wodiyemmo taane; sharittane hini shuunoon ta ciichemmo” itone’ getote. 33Tunebaani keemecho Yerusaalemaanalli maachaa qitaachemmone; ebich hanaachinaa yaachina, sharittoo ta gommon qaxiremmo taane.
34“Keemechinaꞌon wuxiibeeti hini Yerusaalemi asheenaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin kicoyich ambiche wottoon shunnetote! Tunetaa ittoshi qaawaano ittoshine. 35Ebiyoche, ittoshi kexo onoo tuneree echemmone. Ittoshich gettoye: ‘Doono Yeerichi shigoona waabeeto diireebe!’#Shod. 118:26 ittoshi immi wottoon taan cir beegaachemmo ittoshine” iye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.