Mishiraachechinaꞌo 8
8
1Arooba Sawuli “Asheenaꞌo Isxifanoosin boonoshi wuxoo tatoone” itone.
Yesuusichi Asheenaꞌo Yookkeꞌi Shaco
Ebi arooba Yerusaalem beeti Yesuusichi asheenaꞌo toommooch oogeti duꞌo waahe. Mishiraachechinaꞌoyee damba Yesuusichi asheenaꞌo bulli Yihudee showoonaa Shamaaree showoonooch shaceheete. 2Ikkikke Yeerich qeyiti asheenaꞌo Isxifanoosin duukkiyeete; ooge eefonoo eeppiyeete. 3Tunebaani arooba Sawuli Yesuusichi asheenaꞌon kachaa kashoon tuushiiꞌi iritii beehe; boonoshi kexi kexooch giyiꞌi maacheenaꞌonaa anaaminaꞌonon shotti shottee kichiꞌi cuyee kexooch daammii cuchii beehe.
Shamaaree Showooch Mishiraachee Qaaro Getteyoo
4Hini shaceti asheenaꞌo boonoshi hammito bulliich Yeerichi qaaroon gettiyeete. 5Arooba Filipphoosi Shamaari katemooch hammiꞌi Kiristoosichon gettiye. 6Asheenaꞌo Filipphoosi yibbaatoon waayeꞌi, bi tuniibeeti gaakkechi malletoonoo beeggiꞌi, bi gettii beeton ikkooch ibere mulloona elleheete. 7Ebiyoo yinneenaꞌo oogeti qaaroona cookiibee meeti asheenaꞌo toommoochee boonoshi tiyitoyichiye; boonoshi ashittino qititi meeti asheenaꞌo, baata yesheenaꞌoo woditoyichiye. 8Ebich Shamaara beeti asheenaꞌo oogichii emiriyeete.
9Arooba are katemooch Simooni getteebeeti ikke uro beehe. Biyoo, bi kaayiibeeti kaayoona Shamaaree asheenaꞌon worganikkiibee echetone; aroo wotta “Ta oogoo taane” ii beehe. 10Gishiishoochee tiijjiꞌi ogoogooch beddaahaa boonoshi bulli “Hini uro Oogeti Giidecho getteebeeti Yeerichi giidoone” iibee ikkooch tuneꞌi waayee beeheete. 11Meeti yemeenoon bi kaayaa beeggitinaꞌo worganeebee, bi getoon waayee beeheete. 12Tunebaani Filipphoosi Yeerichi taatittineechonaa Yesuus Kiristoosichi shigeechonon boonoshich mishiraachee qaaroon bi getaa waayeꞌi, boonoshi mulloon Yesuusi toommooch tooꞌiiti maacheenaꞌonaa anaaminaꞌona aacona afaalleeheete. 13Simooniyoo wotta bi mulloon Yesuusi toommooch tooꞌiiꞌi aacona afaalleehe. Filipphoosi hammimmooch dabbiibee bi tuniibeeti malletoonaa gaakkechi mooyonon beeggiꞌi worganee beehe.
14Arooba Yerusaalem beeti mishiraachechinaꞌo Shamaaree asheenaꞌo Yeerichi qaaroyich deꞌa geton waayeꞌi, Pheexiroosinaa Yowannisinon boonoshi waan daachiiheete. 15Boonoshiyoo hammiꞌi, Yaafe Ayaano boonoshi toommooch bi kindemmoyich corootiyeete; 16ebin boonoshi corootito, Shamaaree asheenaꞌo Doono Yesuusichi shigoona aacona afaalleeteetalli, Yaafe Ayaano boonoshi toommooch batt kindoo bi qajjitoyichiye. 17Arooba Pheexiroosinaa Yowannisina are asheenaꞌochi toommooch kishoon boonoshi kotiitaa, Yaafe Ayaano boonoshi toommooch kindiye.
18Mishiraachechinaꞌo ashi toommooch kishoon kotiitaa, Yaafe Ayaano kindoon Simoon beeggiꞌi gijjoon kichii, 19“Ta kishoon bi toommooch ta kotiimmi asho bulli toommooch Yaafe Ayaano bi kindemmoyich, taach hinoommi giidoon imbote” iye.
20Arooba Pheexiroosi tiyiꞌi ishichiye: “ ‘Yeerichi wojjoon gijjoona danebona’ iyaꞌa ne gabitoyich ne gijjoo neenna tookkiree aallebe! 21Ne mullo Yeeri aafooch kaamoo toonoone; ebich hini shuunee gogecho tunoon hakkaachine. 22Illa hini xumme ne gaboochee Yeer waan wottebe. Yeerin ne qolletaa, diqqich ebi ne mullee gondoochee neen maaremmo tunemmone. 23Caammere qanaato ne mullooch ceenonaa axaaxee waanjee daggooch ne beemonon beeggaabeeto taane” iye.
24Aroochee Simooni wochiꞌi, “Hini ittoshi gettitoochee ikkolla ta toommooch bi shagaachemmoyich ittoshi taach Doono waan corootibote” iye.
25Pheexiroosinaa Yowannisina asheenaꞌoyich manjiiꞌi boonoshi miixetonaa Doonochi qaaroon boonoshi gettitonoyee gubb, Yerusaalem wotteebee Shamaaree showooch beeti meeti katemooch mishiraachee qaaroon gettiyeete.
Filipphoosi Topphiyee Iraashoyich Mishiraachee Qaaroon Geto
26-28Ikke areddoon ikke Topphiyee asho Yeerich goyinneya Yerusaalem hammiye. Hini uro guruushoone; Topphiyee taatee Hindeekichi araaqee iraashoone.#8:26-28 Araaqee iraashoo taatoochi qiiceenaꞌo bulli toommooch iraashoo tuneti ashoone. Are uro bi hammitoochee bi showooch gaarina wotteebee, keemechi Isiyaasi kooriti macaafoon shemmee beehe.
Arooba Doonochi maraakoo Filipphoosin “Tiyiree deshi-waan, Yerusaalemee Gaaza daammiibeeti gommooch hambe” iye. Are gommo barahee gommone. Biyoo tiyiꞌi hammiye. 29Arooba Filipphoosin Yaafe Ayaano “Gaari toommooch beeti uro waan giddebe” iye.
30Filipphoosiyoo woccii hammiꞌi, uro keemechi Isiyaasi kooriti macaafoon bi shemmee beetaa waayehe. Aroochee “Iberoon ne shemmaabeeto ne mullooch giyii beete?” iꞌi echehe.
31Aroo wochiꞌi, “Taach kaachi gettemmi asho aalloon aabichiree ta mullooch giyehe?” iye. Gaariich keyiree biinna tookki bi kotemmoyich Filipphoosin qollehe.
32Uro shemmeebeeti macaafee kuxo ebine:
“Bago biin guuremmon bi dabboommon biin guuremminaꞌon dabbiye;
bi eexon caggii beetinaꞌo aafooch cikkii qajjiibeeti bagoochoommon bi noonoon wochaanoone.
33Cooneehe; xuꞌee nalloon bi toommooch nalliyeete;
‘Bi kasho showee toommooch beeyaaye’#Isi. 53:7-8 getaa bi bachetoyich,
bi shiijjeroon konine haddoon hakkemmo?”
ii beetoniye.
34Uroo Filipphoosin, “Keemecho koniniye bi gettiibeeto? Biiniyee barooniye bi gettiibeeto? Eke taach gete” iꞌi echehe. 35Filipphoosiyoo wochiꞌi are bi shemmeti macaafee kuxoochee tiijjiꞌi, Yesuusichon gettiibeeti mishiraachee qaaroon biich gettiye.
36Tookkii gommo hammiibee aaco beetooch shaggiyeete; uro tiyiꞌi, “Ebiyoche, hiniich aaco beete; aacona ta afaalleyaachemmoyich, taan bajjemmi mooyo amoone?” iꞌi echehe. 37[Filipphoosiyoo “Ceeni ne mulloon Yesuusi toommooch ne tooꞌiigaata, neen bajjemmi mooyo aalloone” iye. “Ta, Yesuus Kiristoosi Yeerichi Bushoo bi tunoon iberiihoye” iye.] 38Aroochee uro gaari neexemmoyich gettiye. Filipphoosinaa biinna gutteꞌi aacooch kindiyeete; Filipphoosiyoo biin aacona afaalliye. 39Aacoochee boonoshi kechimmona, Doonochi Ayaano Filipphoosin diqqoona tiijjiꞌi daammiye. Uroo guttinnoon biin beegaanoone; emiriibee bi gommon yechiye. 40Filipphoosi Azaxooni katemooch bi shago arichehe; aroochee Qesaariya bi shaggimmi wottoon katemoo bulliich mishiraachee qaaroon gettiibee beshee beehe.
ទើបបានជ្រើសរើសហើយ៖
Mishiraachechinaꞌo 8: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Mishiraachechinaꞌo 8
8
1Arooba Sawuli “Asheenaꞌo Isxifanoosin boonoshi wuxoo tatoone” itone.
Yesuusichi Asheenaꞌo Yookkeꞌi Shaco
Ebi arooba Yerusaalem beeti Yesuusichi asheenaꞌo toommooch oogeti duꞌo waahe. Mishiraachechinaꞌoyee damba Yesuusichi asheenaꞌo bulli Yihudee showoonaa Shamaaree showoonooch shaceheete. 2Ikkikke Yeerich qeyiti asheenaꞌo Isxifanoosin duukkiyeete; ooge eefonoo eeppiyeete. 3Tunebaani arooba Sawuli Yesuusichi asheenaꞌon kachaa kashoon tuushiiꞌi iritii beehe; boonoshi kexi kexooch giyiꞌi maacheenaꞌonaa anaaminaꞌonon shotti shottee kichiꞌi cuyee kexooch daammii cuchii beehe.
Shamaaree Showooch Mishiraachee Qaaro Getteyoo
4Hini shaceti asheenaꞌo boonoshi hammito bulliich Yeerichi qaaroon gettiyeete. 5Arooba Filipphoosi Shamaari katemooch hammiꞌi Kiristoosichon gettiye. 6Asheenaꞌo Filipphoosi yibbaatoon waayeꞌi, bi tuniibeeti gaakkechi malletoonoo beeggiꞌi, bi gettii beeton ikkooch ibere mulloona elleheete. 7Ebiyoo yinneenaꞌo oogeti qaaroona cookiibee meeti asheenaꞌo toommoochee boonoshi tiyitoyichiye; boonoshi ashittino qititi meeti asheenaꞌo, baata yesheenaꞌoo woditoyichiye. 8Ebich Shamaara beeti asheenaꞌo oogichii emiriyeete.
9Arooba are katemooch Simooni getteebeeti ikke uro beehe. Biyoo, bi kaayiibeeti kaayoona Shamaaree asheenaꞌon worganikkiibee echetone; aroo wotta “Ta oogoo taane” ii beehe. 10Gishiishoochee tiijjiꞌi ogoogooch beddaahaa boonoshi bulli “Hini uro Oogeti Giidecho getteebeeti Yeerichi giidoone” iibee ikkooch tuneꞌi waayee beeheete. 11Meeti yemeenoon bi kaayaa beeggitinaꞌo worganeebee, bi getoon waayee beeheete. 12Tunebaani Filipphoosi Yeerichi taatittineechonaa Yesuus Kiristoosichi shigeechonon boonoshich mishiraachee qaaroon bi getaa waayeꞌi, boonoshi mulloon Yesuusi toommooch tooꞌiiti maacheenaꞌonaa anaaminaꞌona aacona afaalleeheete. 13Simooniyoo wotta bi mulloon Yesuusi toommooch tooꞌiiꞌi aacona afaalleehe. Filipphoosi hammimmooch dabbiibee bi tuniibeeti malletoonaa gaakkechi mooyonon beeggiꞌi worganee beehe.
14Arooba Yerusaalem beeti mishiraachechinaꞌo Shamaaree asheenaꞌo Yeerichi qaaroyich deꞌa geton waayeꞌi, Pheexiroosinaa Yowannisinon boonoshi waan daachiiheete. 15Boonoshiyoo hammiꞌi, Yaafe Ayaano boonoshi toommooch bi kindemmoyich corootiyeete; 16ebin boonoshi corootito, Shamaaree asheenaꞌo Doono Yesuusichi shigoona aacona afaalleeteetalli, Yaafe Ayaano boonoshi toommooch batt kindoo bi qajjitoyichiye. 17Arooba Pheexiroosinaa Yowannisina are asheenaꞌochi toommooch kishoon boonoshi kotiitaa, Yaafe Ayaano boonoshi toommooch kindiye.
18Mishiraachechinaꞌo ashi toommooch kishoon kotiitaa, Yaafe Ayaano kindoon Simoon beeggiꞌi gijjoon kichii, 19“Ta kishoon bi toommooch ta kotiimmi asho bulli toommooch Yaafe Ayaano bi kindemmoyich, taach hinoommi giidoon imbote” iye.
20Arooba Pheexiroosi tiyiꞌi ishichiye: “ ‘Yeerichi wojjoon gijjoona danebona’ iyaꞌa ne gabitoyich ne gijjoo neenna tookkiree aallebe! 21Ne mullo Yeeri aafooch kaamoo toonoone; ebich hini shuunee gogecho tunoon hakkaachine. 22Illa hini xumme ne gaboochee Yeer waan wottebe. Yeerin ne qolletaa, diqqich ebi ne mullee gondoochee neen maaremmo tunemmone. 23Caammere qanaato ne mullooch ceenonaa axaaxee waanjee daggooch ne beemonon beeggaabeeto taane” iye.
24Aroochee Simooni wochiꞌi, “Hini ittoshi gettitoochee ikkolla ta toommooch bi shagaachemmoyich ittoshi taach Doono waan corootibote” iye.
25Pheexiroosinaa Yowannisina asheenaꞌoyich manjiiꞌi boonoshi miixetonaa Doonochi qaaroon boonoshi gettitonoyee gubb, Yerusaalem wotteebee Shamaaree showooch beeti meeti katemooch mishiraachee qaaroon gettiyeete.
Filipphoosi Topphiyee Iraashoyich Mishiraachee Qaaroon Geto
26-28Ikke areddoon ikke Topphiyee asho Yeerich goyinneya Yerusaalem hammiye. Hini uro guruushoone; Topphiyee taatee Hindeekichi araaqee iraashoone.#8:26-28 Araaqee iraashoo taatoochi qiiceenaꞌo bulli toommooch iraashoo tuneti ashoone. Are uro bi hammitoochee bi showooch gaarina wotteebee, keemechi Isiyaasi kooriti macaafoon shemmee beehe.
Arooba Doonochi maraakoo Filipphoosin “Tiyiree deshi-waan, Yerusaalemee Gaaza daammiibeeti gommooch hambe” iye. Are gommo barahee gommone. Biyoo tiyiꞌi hammiye. 29Arooba Filipphoosin Yaafe Ayaano “Gaari toommooch beeti uro waan giddebe” iye.
30Filipphoosiyoo woccii hammiꞌi, uro keemechi Isiyaasi kooriti macaafoon bi shemmee beetaa waayehe. Aroochee “Iberoon ne shemmaabeeto ne mullooch giyii beete?” iꞌi echehe.
31Aroo wochiꞌi, “Taach kaachi gettemmi asho aalloon aabichiree ta mullooch giyehe?” iye. Gaariich keyiree biinna tookki bi kotemmoyich Filipphoosin qollehe.
32Uro shemmeebeeti macaafee kuxo ebine:
“Bago biin guuremmon bi dabboommon biin guuremminaꞌon dabbiye;
bi eexon caggii beetinaꞌo aafooch cikkii qajjiibeeti bagoochoommon bi noonoon wochaanoone.
33Cooneehe; xuꞌee nalloon bi toommooch nalliyeete;
‘Bi kasho showee toommooch beeyaaye’#Isi. 53:7-8 getaa bi bachetoyich,
bi shiijjeroon konine haddoon hakkemmo?”
ii beetoniye.
34Uroo Filipphoosin, “Keemecho koniniye bi gettiibeeto? Biiniyee barooniye bi gettiibeeto? Eke taach gete” iꞌi echehe. 35Filipphoosiyoo wochiꞌi are bi shemmeti macaafee kuxoochee tiijjiꞌi, Yesuusichon gettiibeeti mishiraachee qaaroon biich gettiye.
36Tookkii gommo hammiibee aaco beetooch shaggiyeete; uro tiyiꞌi, “Ebiyoche, hiniich aaco beete; aacona ta afaalleyaachemmoyich, taan bajjemmi mooyo amoone?” iꞌi echehe. 37[Filipphoosiyoo “Ceeni ne mulloon Yesuusi toommooch ne tooꞌiigaata, neen bajjemmi mooyo aalloone” iye. “Ta, Yesuus Kiristoosi Yeerichi Bushoo bi tunoon iberiihoye” iye.] 38Aroochee uro gaari neexemmoyich gettiye. Filipphoosinaa biinna gutteꞌi aacooch kindiyeete; Filipphoosiyoo biin aacona afaalliye. 39Aacoochee boonoshi kechimmona, Doonochi Ayaano Filipphoosin diqqoona tiijjiꞌi daammiye. Uroo guttinnoon biin beegaanoone; emiriibee bi gommon yechiye. 40Filipphoosi Azaxooni katemooch bi shago arichehe; aroochee Qesaariya bi shaggimmi wottoon katemoo bulliich mishiraachee qaaroon gettiibee beshee beehe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.