Mishiraachechinaꞌo 22
22
1“Ta maneenaꞌonaa ta niheenaꞌonote! And hini ta taggaabeeti taggeechon ittoshich ta getaa elle waayebote” iye. 2Boonoshi Hibiree noonoona bi yibbaatetaa waayeꞌi, aafichoyee beshoon shashewimiꞌi elleheete.
Biyoo ishichiye: 3“Ta Kiliqee showooch beeti Xeriseesi katemooch shiijjeti Ayihudo taane; Gamaleel waanee no qaabbechinaꞌochi sheeroon doyaabee hini Yerusaalemiyee ta dicceto; sheeroon manjii ariiꞌa, hanaach ittoshi bulli tunii beetoommon Yeerich ta mulloochee tiijjaꞌa hajjeebeeti uro taane. 4Wotta maacheenaꞌonaa anaaminaꞌonon cuchaꞌa cuyee kexooch beshii immaabee, Yesuusichi gommon dabbii beetinaꞌon qitooch beddaahaa duꞌiito taane. 5Ebi iberoo tunoon qeeshee guudoonaa Ayihudee nallechinaꞌona ta miixeenaꞌone. Ebiyee boonoshi waanee Damaasiqa beeti Ayihudeenaꞌoyich koorichoon yechaꞌa, ‘Yerusaalemaa Ayihudee nallechinaꞌo xuꞌee nalloon kittinneenaꞌo toommooch nallibeete’ iyaꞌa, are Damaasiqi kittinneenaꞌon cuyiree, Yerusaalem deeba hammaa beeho” iye.
Yesuus Waan Bi Wottoon Phawuloosi Geto
(Mishiraachechinaꞌo 9:1-19; 26:12-18)
6Ebichi hillooch Phawuloosi daakkiꞌi ishichiye: “Hammaa Damaasiqa shagg ta beddemmona, aabee qellayooch, diqq xeeyo xeejja iꞌi waccoommon, shimaayoochee ta guudoona waccii aaxxehe. 7Bekkech showooch dihaachaa, ‘Sawulo, Sawulo! Taan ne duꞌiibeeto amoyichiye?’ ii beeti qaaroon waayeho.
8“Tawoo wochaꞌa, ‘Ta Doonocho, ne koni neene?’ iyo.
“Biyoo ‘Ne duꞌiibeeti Naazireetechi Yesuusi taane’ iye. 9Taanna tookkii hammii beetinaꞌo xeeyoochoommon bi waccoon beeggitinaꞌone; tunetaa taach gettiibeeti qaaroon waayeyaaneenaꞌone.
10“Tawoo ‘Ta Doonocho, aabichibote?’ iyo.
“Doono taach, ‘Tiyiree Damaasiqa gibe; Yeeri ne tuniyemmoyich bi maacciti mooyo bullin aroochaa waayemmo neene’ iye. 11Bekkee aaxxee naboona ta aafo ciinon bi qajjitoyich, taanna tookkii beeti asheenaꞌo ta kishoon yechiꞌi yaabiibee, Damaasiqa taan shakkiiheete.
12“Arooch Hanaani getteebeeti ikke uro beehe; Damaasiqa beeti Ayihudeenaꞌo bullina naadeeti, Yeerich qeyiibeeti, Muusichi Sheeroonoo quyeebeeti uroone. 13Biyoo ta waan waa ta gaꞌooch neexeꞌi, ‘Ta manoo Sawulo! Ne aafo ciine’ iye. Tawoo bekkech biin ciinno.
14“Biyoo ishichiye: ‘No qaabbechinaꞌochi Nuggishoo bi daaggoon ne ariyemmoyich, Cadiqoonoo beegiree are Cadiqoochi noonoochee kechiibeeti qaaroon ne waayemmoyich, shiichiꞌi neen kaaccitone. 15Ebin bi tuniito, ne beeggetonaa ne waayetonoyich asho bulli aafooch bi miixoo ne tunemmoyichiye. 16Andoo yagaanoon tiyiree bi shigoon ceegiree, aacona afaalleebe; ne axaaxoocheenoo xallebe’ iꞌi taach gettiye” iye.
Aageteenaꞌoyich Mishiraachee Qaaroon Getta Phawuloosi Kaacceyoo
17Phawuloosi daakkiꞌi ishichiye: “Ebiyee gubb Yerusaalem wottaꞌa, yaafee kexoochaa corootaabee yaaꞌoon beeggeho. 18Doono Yesuusi taach bekkeꞌi ishichiye: ‘Kaateree Yerusaalemee keye; hini katemooch beetinaꞌo taachon ne miixaa beeton waayeyaachemminaꞌone’ iye.
19“Tawoo wochaꞌa, ‘Ta Doonocho, Ayihudeenaꞌo kiceebeeti kexo bulliich hammaabee, boonoshi mulloon ne toommooch tooꞌii beetinaꞌon ta cuyonaa ta xoobonon arii beetinaꞌone; 20ne miixoo tuneti Isxifanoosin boonoshi wuxiyoobolla, ta qelloona boonoshi gaꞌooch neexaꞌa, “Bi qitoo tatoone” iyaꞌa wuxitinaꞌochi tahoon quyeto taane’ iyo.
21“Biyoo wochiꞌi, ‘Wohooch beeti Aageteenaꞌo waan neen wochemmo taane; ebich tiyiree hambe’ iꞌi gettiye” iye.
22Phawuloosi Aageteenaꞌochon tiijjiꞌi bi gettimmi wottoon, asheenaꞌo bi yibbaatoon waayee beeheete; ebin waayeꞌi bekkech boonoshi qaaroon oogichiꞌi, “Ebiyoommi uro showee toommoochee aallebe! Ebiyoommi uro kashoona beeyi bedaache!” iibee cookeeheete.
23Boonoshi tahoon shoottii duppiꞌi, buttoon shimaayooch shakkiibee, cookee beeheete. 24Ebich hume ginee iraashoo ginechinaꞌo Phawuloosin kaambooch boonoshi giijjemmoyich gettiye. Aree hillooch “Asheenaꞌo hini uro toommooch ebichi wottoon boonoshi cookeeto, amoon bi aalliito gaata, arengoona xoobibee manjii echebote” iꞌi gettiye. 25Shachoona cuchiꞌi xoobba boonoshi iyaa, Phawuloosi bi gaꞌooch neexeebeeti balle ginee iraashoon “Roomi showee ashoon nallaalloon ittoshi xoobbemmoyich, ittoshich daaggeete?” iꞌi echehe.
26Balle ginee iraashoo ishin waayeꞌi, hume ginee iraashoo waan hammiꞌi, “Amoon halliyane ne ii beeto? Hini uro Roomi showee ashoone” iye.
27Hume ginee iraashoo Phawuloos waan hammiꞌi, “Hino, Roomi showee asho neene? Eke taach gete” iye.
Biyoo “Eeha, Roomi showee asho taane” iye.
28Hume ginee iraashoo wochiꞌi, “Ta Roomi showee asho tunoon wodde gijjoonane ta daneto” iye.
Phawuloosi “Ta Roomi shiijjeroo taane” iye.
29Ebich biin echeya boonoshi gabiton bekkech qajjiꞌi hammiyeete; wotta hume ginee iraashoo Phawuloosi Roomi showee asho bi tunoon ariiꞌi bi cuchiitoyich shattiye.
Ayihudee Nallechinaꞌo Aafooch Phawuloosi Neexo
30 Dechara hume ginee iraashoo Ayihudeenaꞌo Phawuloosin taggeti naboo amo gaata iberoon ariiya qaawiꞌi, qeeshee ukkireenaꞌonaa Ayihudee nallechinaꞌo bullinon ceeggiꞌi kiciye; Phawuloosin biichii, daammiꞌi boonoshi aafooch neechiye.
ទើបបានជ្រើសរើសហើយ៖
Mishiraachechinaꞌo 22: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Mishiraachechinaꞌo 22
22
1“Ta maneenaꞌonaa ta niheenaꞌonote! And hini ta taggaabeeti taggeechon ittoshich ta getaa elle waayebote” iye. 2Boonoshi Hibiree noonoona bi yibbaatetaa waayeꞌi, aafichoyee beshoon shashewimiꞌi elleheete.
Biyoo ishichiye: 3“Ta Kiliqee showooch beeti Xeriseesi katemooch shiijjeti Ayihudo taane; Gamaleel waanee no qaabbechinaꞌochi sheeroon doyaabee hini Yerusaalemiyee ta dicceto; sheeroon manjii ariiꞌa, hanaach ittoshi bulli tunii beetoommon Yeerich ta mulloochee tiijjaꞌa hajjeebeeti uro taane. 4Wotta maacheenaꞌonaa anaaminaꞌonon cuchaꞌa cuyee kexooch beshii immaabee, Yesuusichi gommon dabbii beetinaꞌon qitooch beddaahaa duꞌiito taane. 5Ebi iberoo tunoon qeeshee guudoonaa Ayihudee nallechinaꞌona ta miixeenaꞌone. Ebiyee boonoshi waanee Damaasiqa beeti Ayihudeenaꞌoyich koorichoon yechaꞌa, ‘Yerusaalemaa Ayihudee nallechinaꞌo xuꞌee nalloon kittinneenaꞌo toommooch nallibeete’ iyaꞌa, are Damaasiqi kittinneenaꞌon cuyiree, Yerusaalem deeba hammaa beeho” iye.
Yesuus Waan Bi Wottoon Phawuloosi Geto
(Mishiraachechinaꞌo 9:1-19; 26:12-18)
6Ebichi hillooch Phawuloosi daakkiꞌi ishichiye: “Hammaa Damaasiqa shagg ta beddemmona, aabee qellayooch, diqq xeeyo xeejja iꞌi waccoommon, shimaayoochee ta guudoona waccii aaxxehe. 7Bekkech showooch dihaachaa, ‘Sawulo, Sawulo! Taan ne duꞌiibeeto amoyichiye?’ ii beeti qaaroon waayeho.
8“Tawoo wochaꞌa, ‘Ta Doonocho, ne koni neene?’ iyo.
“Biyoo ‘Ne duꞌiibeeti Naazireetechi Yesuusi taane’ iye. 9Taanna tookkii hammii beetinaꞌo xeeyoochoommon bi waccoon beeggitinaꞌone; tunetaa taach gettiibeeti qaaroon waayeyaaneenaꞌone.
10“Tawoo ‘Ta Doonocho, aabichibote?’ iyo.
“Doono taach, ‘Tiyiree Damaasiqa gibe; Yeeri ne tuniyemmoyich bi maacciti mooyo bullin aroochaa waayemmo neene’ iye. 11Bekkee aaxxee naboona ta aafo ciinon bi qajjitoyich, taanna tookkii beeti asheenaꞌo ta kishoon yechiꞌi yaabiibee, Damaasiqa taan shakkiiheete.
12“Arooch Hanaani getteebeeti ikke uro beehe; Damaasiqa beeti Ayihudeenaꞌo bullina naadeeti, Yeerich qeyiibeeti, Muusichi Sheeroonoo quyeebeeti uroone. 13Biyoo ta waan waa ta gaꞌooch neexeꞌi, ‘Ta manoo Sawulo! Ne aafo ciine’ iye. Tawoo bekkech biin ciinno.
14“Biyoo ishichiye: ‘No qaabbechinaꞌochi Nuggishoo bi daaggoon ne ariyemmoyich, Cadiqoonoo beegiree are Cadiqoochi noonoochee kechiibeeti qaaroon ne waayemmoyich, shiichiꞌi neen kaaccitone. 15Ebin bi tuniito, ne beeggetonaa ne waayetonoyich asho bulli aafooch bi miixoo ne tunemmoyichiye. 16Andoo yagaanoon tiyiree bi shigoon ceegiree, aacona afaalleebe; ne axaaxoocheenoo xallebe’ iꞌi taach gettiye” iye.
Aageteenaꞌoyich Mishiraachee Qaaroon Getta Phawuloosi Kaacceyoo
17Phawuloosi daakkiꞌi ishichiye: “Ebiyee gubb Yerusaalem wottaꞌa, yaafee kexoochaa corootaabee yaaꞌoon beeggeho. 18Doono Yesuusi taach bekkeꞌi ishichiye: ‘Kaateree Yerusaalemee keye; hini katemooch beetinaꞌo taachon ne miixaa beeton waayeyaachemminaꞌone’ iye.
19“Tawoo wochaꞌa, ‘Ta Doonocho, Ayihudeenaꞌo kiceebeeti kexo bulliich hammaabee, boonoshi mulloon ne toommooch tooꞌii beetinaꞌon ta cuyonaa ta xoobonon arii beetinaꞌone; 20ne miixoo tuneti Isxifanoosin boonoshi wuxiyoobolla, ta qelloona boonoshi gaꞌooch neexaꞌa, “Bi qitoo tatoone” iyaꞌa wuxitinaꞌochi tahoon quyeto taane’ iyo.
21“Biyoo wochiꞌi, ‘Wohooch beeti Aageteenaꞌo waan neen wochemmo taane; ebich tiyiree hambe’ iꞌi gettiye” iye.
22Phawuloosi Aageteenaꞌochon tiijjiꞌi bi gettimmi wottoon, asheenaꞌo bi yibbaatoon waayee beeheete; ebin waayeꞌi bekkech boonoshi qaaroon oogichiꞌi, “Ebiyoommi uro showee toommoochee aallebe! Ebiyoommi uro kashoona beeyi bedaache!” iibee cookeeheete.
23Boonoshi tahoon shoottii duppiꞌi, buttoon shimaayooch shakkiibee, cookee beeheete. 24Ebich hume ginee iraashoo ginechinaꞌo Phawuloosin kaambooch boonoshi giijjemmoyich gettiye. Aree hillooch “Asheenaꞌo hini uro toommooch ebichi wottoon boonoshi cookeeto, amoon bi aalliito gaata, arengoona xoobibee manjii echebote” iꞌi gettiye. 25Shachoona cuchiꞌi xoobba boonoshi iyaa, Phawuloosi bi gaꞌooch neexeebeeti balle ginee iraashoon “Roomi showee ashoon nallaalloon ittoshi xoobbemmoyich, ittoshich daaggeete?” iꞌi echehe.
26Balle ginee iraashoo ishin waayeꞌi, hume ginee iraashoo waan hammiꞌi, “Amoon halliyane ne ii beeto? Hini uro Roomi showee ashoone” iye.
27Hume ginee iraashoo Phawuloos waan hammiꞌi, “Hino, Roomi showee asho neene? Eke taach gete” iye.
Biyoo “Eeha, Roomi showee asho taane” iye.
28Hume ginee iraashoo wochiꞌi, “Ta Roomi showee asho tunoon wodde gijjoonane ta daneto” iye.
Phawuloosi “Ta Roomi shiijjeroo taane” iye.
29Ebich biin echeya boonoshi gabiton bekkech qajjiꞌi hammiyeete; wotta hume ginee iraashoo Phawuloosi Roomi showee asho bi tunoon ariiꞌi bi cuchiitoyich shattiye.
Ayihudee Nallechinaꞌo Aafooch Phawuloosi Neexo
30 Dechara hume ginee iraashoo Ayihudeenaꞌo Phawuloosin taggeti naboo amo gaata iberoon ariiya qaawiꞌi, qeeshee ukkireenaꞌonaa Ayihudee nallechinaꞌo bullinon ceeggiꞌi kiciye; Phawuloosin biichii, daammiꞌi boonoshi aafooch neechiye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.