Mishiraachechinaꞌo 2
2
Yesuusichi Asheenaꞌo Toommooch Yaafe Ayaano Kindoo
1Baaraachee#2:1 Baaraachoo, Beshee Baaroyee gubb aache qemooba baareebeeti Maayi Qeci Baaroone; Lew. 23:15-21 beeton ciin. aabo shagaa,#Lew. 23:15-16; Yibba. 16:9-11 Yesuusichi asheenaꞌo bulli ikkooch kiceeꞌi beeheete. 2Diqqoona giidechi yongee qaaroommi qaaro shimaayoochee waayeehe; koteꞌi boonoshi beeti kexoochoo ceenniye. 3Qaaqqee aaxxee nalloommon qoodeeꞌi, boonoshi bulli toommooch kindoon beeggiyeete. 4Boonoshi bulli Yaafe Ayaanoona ceenniyeete; bekkech Yaafe Ayaano boonoshich hakkoon imaa boonoshi ariyaani noonoona yibbaateheete.
5Arooba showee toommo bulliich beeti asheenaꞌo daggoochee Yeerich qeyiibeeti Ayihudeenaꞌo Yerusaalem wotteꞌi beeheete. 6Ebi areenaꞌo daggoochee hini qaaroon waayeꞌi dofee asheenaꞌo kiceeheete. Boonoshi showi showee noonoona Yesuusichi asheenaꞌo yibbaatetaa waayeꞌi gaabbiyeete. 7Oogichii worganeebee ishichiyeete: “Hini yibbaateebeeti asheenaꞌo bulli Galiilee asheenaꞌo tooneenaꞌone? 8Ishigaata, no shiijjee showi showee noonoon amoona ariiheete? 9No Faaritee, Meedee, Elaamee, Mesopotaamee, Yihudee, Qephadooqee, Faantoosee, Isiyee, 10-11Firigee, Fenfulee, Gibitsee, Qereni gafee gaꞌooch beeti Liibiyee waati no, Roomee waati iibbe Ayihudo noonnaa Ayihudeenaꞌo waan wotteti noonna,#2:10-11 Ebi asheenaꞌo bare nuggisheenaꞌoyich goyinnoon qajjiꞌi, Ayihudeenaꞌo goyinneebeeti Nuggishoo Yeerich goyinneya wotteti, bare yaroochee tuneti asheenaꞌone. Qerixeesee, Arabee showoocheenoo waati no, Yeeri shuuneti gaakkechi shuunoon no showi showee noonoona boonoshi yibbaatetaa waayaabeeto noone” iyeete. 12Arooch beetinaꞌo bulli worganeebee, boonoshi hallemmi mooyon tuushiꞌi “Ebi ama getone?” iyeete.
13Tunebaani bareenaꞌo “Uchii masheꞌiniye” iibee cooqqirii cooneheete.
Pheexiroosi Yibbaateti Yibbaatoo
14Arooba Pheexiroosi aaraa ikkeenaꞌona tookkii neexeechii bi qaaroon oogichiꞌi ishichiye: “Ayihudeenaꞌote, wotta Yerusaalem beeti asheenaꞌote, ittoshi bulli hini mooyon ta getaa, ibere mulloona elle waayebote. 15Ittoshi gabitoommon hini asheenaꞌo mashetinaꞌo tooneenaꞌone. Batt haree keejje saatoone. 16Tunebaani hini tuneebeeto, keemechi Yoꞌeeli gettiti mooyone:
17‘Yeeri ishichii beetone:
“Yemeenee ciirooba ebiyoommon tunemmone:
Meeno taheti asho bulli toommooch
ta Ayaanoon woniyemmo taane.
Ittoshi anaami bushiisheenaꞌonaa maache bushiisheenaꞌona
keemoon keemmemminaꞌone;
ittoshi daggeexi gurimaasheenaꞌo
yaaꞌoon beeggemminaꞌone;
geeneenaꞌoo gumon gummemminaꞌone.
18Aroobee yemeenooch ta guuninaꞌonaa gonneenaꞌonochi toommooch
ta Ayaanoon woniyemmo taane;
keemoonoo keemmemminaꞌone.
19Gaakkechi shuunoon damba shimaayooch,
worganikkiti malletoonoo desh showooch, bekkiyemmo taane;
damoo, qaaqqoo, cufee duulloo tunemmone.
20Arooba oogeti magge mooyo halleyemmi,
Doonochi aabo womoyee shiichi,
aabe manderemmine; ageneyoo damoo tunemmine.
21Doonochi shigoon ceeggimmo bulli wodemmone” itone’ iye.#Yoꞌeel. 2:28-32
22“Hini Israꞌeeleenaꞌote, andoo hini mooyon waayebote: Ittoshi qelloona ittoshi arii beetoommon, Naazireetechi Yesuusi koni bi tunoon, Yeeri biinna ittoshi daggooch bi shuuneti gaakkechi shuunoona, worganikkiti mooyonaa malletoona xiisheetone. 23Ebiyee Yeeri bi hajjee shalligoonaa bi ariyoona ittoshich beshiitaa bi ichemmoyich shiichiꞌi maaccitone; ittoshiyoo gonde asheenaꞌo kishoona yooddiiꞌi wuxiihote. 24Tunebaani Yeeri qitee maaxoon aalliiꞌi, qitoochee biin tiijjiye; ebiyoo qitoo biin yechii neechoon hakkoo bi qajjitoyichiye. 25Daawiti ebi aroochon ishichitone:
‘Bulli aaboon Doonon ta aaf ciinnehoye;
bi ta qanne badd bi beetoyich ta mullo gaabbaache.
26-27Ebich ta mullo emiriye;
ta heciyoo oogeti emiroona yibbaatehe.
Siꞌooloochee taan kichemmo ne tunetoyich,
ne yaafoo taan oꞌe getiree daaggaachemmo ne tunetoyich,
hini qitemmi ta meeno wotta gibenoona beeyemmone.
28Kashee gommon taach bekkiito neene;
neenna tookki ta tunehooba,
oogichi taan emirikkemmo neene’#Shod. 16:8-11 itone.
29“Ta maneenaꞌote! No qaabbechi Daawiti qitii duukkoon, bi duukketi masho hanaach beddaahaa hiniich beemonoo ittoshich xalla geton hakkiyoye. 30Tunetaa Daawiti kashoona beebee, keemecho bi tunetoyich, Yeeri ‘Ne yaroochee ikkoon ne taatee qeenooch kotiyemmo taane’#2 Saam. 7:12-13; Shod. 132:11 iꞌi bi wogeti wogoon bi ariitoyich, 31Kiristoosi qitoochee timichon shiichii beeggiꞌi, ‘Biyoo Siꞌoolooch echeyaanoone; bi meenoo oꞌaanoone’ iꞌi gettiye. 32Illa hini Yesuusin Yeeri qitoochee tiijjitone; no bulli ebi mooyoyich miixoo noone. 33Andoo Yeerichi qanne badd oogoona koteꞌi bi Nihoo Yeeri gibenikkiti Yaafe Ayaanoon bi waanee deqqiꞌi, hini and ittoshi beeggii beetonaa waayee beetonon ukkiye. 34-35Daawiti shimaajj keyaanoone; tunetaa aroo,
‘Doono Yeeri, ta Doonon,
“Ne etteenaꞌon ne baatee dechiich ta tuniimmi wottoon,
ta qannooch kotebe” itone’#Shod. 110:1 iye.
36“Illa Yeeri hini ittoshi yooddiiti Yesuusin, Doononaa Kiristoosinon bi tuniyoon Israꞌeelee asho bulli manjiiree ariibe” iye.
37Asheenaꞌo ishin waayeꞌi, boonoshi mulloona xeejjii miijjiyeete. Pheexiroosinaa bare mishiraachechinaꞌonon “No maneenaꞌote, ebich and aabichibona?” iꞌi echeheete.
38Pheexiroosi wochiꞌi, “Axaaxee gommoochee Yeer waan wottebote. Yeeri ittoshi axaaxoon bi maaremmoyich, ittoshi ikkikkoona Yesuus Kiristoosichi shigoona aacona afaalleebote; Yaafe Ayaanee wojjoon deqqemmo ittoshine. 39Gibenikkeeti gibeno ittoshinaa ittoshi bushiishoonoyich, no Doono Yeeriyoo bi waan bi ceeggiibeeti, wohooch beetinaꞌonoyichiye” iye.
40Meeti bare qaaroona boonoshich miixeebee, “Hini xumme shiijjeree toommooch woyemmi naxoochee ittoshi qelloon wodiibote” iꞌi ciicciye. 41Aroochee Pheexiroosi gettiti yibbaatoon waayeꞌi, iberiitinaꞌo aacona afaalleeheete. Ebina keejje hum bede asheenaꞌo Yesuusichi asheenaꞌo toommooch daakkeeheete.
Yesuusichi Asheenaꞌo Ikkittino
42Are asheenaꞌo mishiraachechinaꞌochi doyoon waayeebee, ikkottinoona beebee, maayoon ikkooch maabee, manjii corootii beeheete. 43Arooba mishiraachechinaꞌo wodde gaakkechi shuunoonaa worganikkiti malletoonon boonoshi bekkiitoyich asheenaꞌo bulli oogichii worganeheete. 44Yesuusichi asheenaꞌo bulli ikkooch tuneꞌi, boonoshi hajjito bullin ikkooch gogeheete. 45Boonoshi showoonaa boonoshi hajjitonon kemmiꞌi, ashich qaawiitoommon qoodii beeheete. 46Bulli aaboon ikkooch yaafee kexooch kiceebee, boonoshi kexi kexooch ataalleebee, emiroonaa gaawe mulloona ikkooch maa beeheete. 47Yeerin galleteebee asheenaꞌo bullina naadee beeheete. Doonoo wodemminaꞌon qemi qemona boonoshi toommooch daakkii beehe.
ទើបបានជ្រើសរើសហើយ៖
Mishiraachechinaꞌo 2: KBRC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Mishiraachechinaꞌo 2
2
Yesuusichi Asheenaꞌo Toommooch Yaafe Ayaano Kindoo
1Baaraachee#2:1 Baaraachoo, Beshee Baaroyee gubb aache qemooba baareebeeti Maayi Qeci Baaroone; Lew. 23:15-21 beeton ciin. aabo shagaa,#Lew. 23:15-16; Yibba. 16:9-11 Yesuusichi asheenaꞌo bulli ikkooch kiceeꞌi beeheete. 2Diqqoona giidechi yongee qaaroommi qaaro shimaayoochee waayeehe; koteꞌi boonoshi beeti kexoochoo ceenniye. 3Qaaqqee aaxxee nalloommon qoodeeꞌi, boonoshi bulli toommooch kindoon beeggiyeete. 4Boonoshi bulli Yaafe Ayaanoona ceenniyeete; bekkech Yaafe Ayaano boonoshich hakkoon imaa boonoshi ariyaani noonoona yibbaateheete.
5Arooba showee toommo bulliich beeti asheenaꞌo daggoochee Yeerich qeyiibeeti Ayihudeenaꞌo Yerusaalem wotteꞌi beeheete. 6Ebi areenaꞌo daggoochee hini qaaroon waayeꞌi dofee asheenaꞌo kiceeheete. Boonoshi showi showee noonoona Yesuusichi asheenaꞌo yibbaatetaa waayeꞌi gaabbiyeete. 7Oogichii worganeebee ishichiyeete: “Hini yibbaateebeeti asheenaꞌo bulli Galiilee asheenaꞌo tooneenaꞌone? 8Ishigaata, no shiijjee showi showee noonoon amoona ariiheete? 9No Faaritee, Meedee, Elaamee, Mesopotaamee, Yihudee, Qephadooqee, Faantoosee, Isiyee, 10-11Firigee, Fenfulee, Gibitsee, Qereni gafee gaꞌooch beeti Liibiyee waati no, Roomee waati iibbe Ayihudo noonnaa Ayihudeenaꞌo waan wotteti noonna,#2:10-11 Ebi asheenaꞌo bare nuggisheenaꞌoyich goyinnoon qajjiꞌi, Ayihudeenaꞌo goyinneebeeti Nuggishoo Yeerich goyinneya wotteti, bare yaroochee tuneti asheenaꞌone. Qerixeesee, Arabee showoocheenoo waati no, Yeeri shuuneti gaakkechi shuunoon no showi showee noonoona boonoshi yibbaatetaa waayaabeeto noone” iyeete. 12Arooch beetinaꞌo bulli worganeebee, boonoshi hallemmi mooyon tuushiꞌi “Ebi ama getone?” iyeete.
13Tunebaani bareenaꞌo “Uchii masheꞌiniye” iibee cooqqirii cooneheete.
Pheexiroosi Yibbaateti Yibbaatoo
14Arooba Pheexiroosi aaraa ikkeenaꞌona tookkii neexeechii bi qaaroon oogichiꞌi ishichiye: “Ayihudeenaꞌote, wotta Yerusaalem beeti asheenaꞌote, ittoshi bulli hini mooyon ta getaa, ibere mulloona elle waayebote. 15Ittoshi gabitoommon hini asheenaꞌo mashetinaꞌo tooneenaꞌone. Batt haree keejje saatoone. 16Tunebaani hini tuneebeeto, keemechi Yoꞌeeli gettiti mooyone:
17‘Yeeri ishichii beetone:
“Yemeenee ciirooba ebiyoommon tunemmone:
Meeno taheti asho bulli toommooch
ta Ayaanoon woniyemmo taane.
Ittoshi anaami bushiisheenaꞌonaa maache bushiisheenaꞌona
keemoon keemmemminaꞌone;
ittoshi daggeexi gurimaasheenaꞌo
yaaꞌoon beeggemminaꞌone;
geeneenaꞌoo gumon gummemminaꞌone.
18Aroobee yemeenooch ta guuninaꞌonaa gonneenaꞌonochi toommooch
ta Ayaanoon woniyemmo taane;
keemoonoo keemmemminaꞌone.
19Gaakkechi shuunoon damba shimaayooch,
worganikkiti malletoonoo desh showooch, bekkiyemmo taane;
damoo, qaaqqoo, cufee duulloo tunemmone.
20Arooba oogeti magge mooyo halleyemmi,
Doonochi aabo womoyee shiichi,
aabe manderemmine; ageneyoo damoo tunemmine.
21Doonochi shigoon ceeggimmo bulli wodemmone” itone’ iye.#Yoꞌeel. 2:28-32
22“Hini Israꞌeeleenaꞌote, andoo hini mooyon waayebote: Ittoshi qelloona ittoshi arii beetoommon, Naazireetechi Yesuusi koni bi tunoon, Yeeri biinna ittoshi daggooch bi shuuneti gaakkechi shuunoona, worganikkiti mooyonaa malletoona xiisheetone. 23Ebiyee Yeeri bi hajjee shalligoonaa bi ariyoona ittoshich beshiitaa bi ichemmoyich shiichiꞌi maaccitone; ittoshiyoo gonde asheenaꞌo kishoona yooddiiꞌi wuxiihote. 24Tunebaani Yeeri qitee maaxoon aalliiꞌi, qitoochee biin tiijjiye; ebiyoo qitoo biin yechii neechoon hakkoo bi qajjitoyichiye. 25Daawiti ebi aroochon ishichitone:
‘Bulli aaboon Doonon ta aaf ciinnehoye;
bi ta qanne badd bi beetoyich ta mullo gaabbaache.
26-27Ebich ta mullo emiriye;
ta heciyoo oogeti emiroona yibbaatehe.
Siꞌooloochee taan kichemmo ne tunetoyich,
ne yaafoo taan oꞌe getiree daaggaachemmo ne tunetoyich,
hini qitemmi ta meeno wotta gibenoona beeyemmone.
28Kashee gommon taach bekkiito neene;
neenna tookki ta tunehooba,
oogichi taan emirikkemmo neene’#Shod. 16:8-11 itone.
29“Ta maneenaꞌote! No qaabbechi Daawiti qitii duukkoon, bi duukketi masho hanaach beddaahaa hiniich beemonoo ittoshich xalla geton hakkiyoye. 30Tunetaa Daawiti kashoona beebee, keemecho bi tunetoyich, Yeeri ‘Ne yaroochee ikkoon ne taatee qeenooch kotiyemmo taane’#2 Saam. 7:12-13; Shod. 132:11 iꞌi bi wogeti wogoon bi ariitoyich, 31Kiristoosi qitoochee timichon shiichii beeggiꞌi, ‘Biyoo Siꞌoolooch echeyaanoone; bi meenoo oꞌaanoone’ iꞌi gettiye. 32Illa hini Yesuusin Yeeri qitoochee tiijjitone; no bulli ebi mooyoyich miixoo noone. 33Andoo Yeerichi qanne badd oogoona koteꞌi bi Nihoo Yeeri gibenikkiti Yaafe Ayaanoon bi waanee deqqiꞌi, hini and ittoshi beeggii beetonaa waayee beetonon ukkiye. 34-35Daawiti shimaajj keyaanoone; tunetaa aroo,
‘Doono Yeeri, ta Doonon,
“Ne etteenaꞌon ne baatee dechiich ta tuniimmi wottoon,
ta qannooch kotebe” itone’#Shod. 110:1 iye.
36“Illa Yeeri hini ittoshi yooddiiti Yesuusin, Doononaa Kiristoosinon bi tuniyoon Israꞌeelee asho bulli manjiiree ariibe” iye.
37Asheenaꞌo ishin waayeꞌi, boonoshi mulloona xeejjii miijjiyeete. Pheexiroosinaa bare mishiraachechinaꞌonon “No maneenaꞌote, ebich and aabichibona?” iꞌi echeheete.
38Pheexiroosi wochiꞌi, “Axaaxee gommoochee Yeer waan wottebote. Yeeri ittoshi axaaxoon bi maaremmoyich, ittoshi ikkikkoona Yesuus Kiristoosichi shigoona aacona afaalleebote; Yaafe Ayaanee wojjoon deqqemmo ittoshine. 39Gibenikkeeti gibeno ittoshinaa ittoshi bushiishoonoyich, no Doono Yeeriyoo bi waan bi ceeggiibeeti, wohooch beetinaꞌonoyichiye” iye.
40Meeti bare qaaroona boonoshich miixeebee, “Hini xumme shiijjeree toommooch woyemmi naxoochee ittoshi qelloon wodiibote” iꞌi ciicciye. 41Aroochee Pheexiroosi gettiti yibbaatoon waayeꞌi, iberiitinaꞌo aacona afaalleeheete. Ebina keejje hum bede asheenaꞌo Yesuusichi asheenaꞌo toommooch daakkeeheete.
Yesuusichi Asheenaꞌo Ikkittino
42Are asheenaꞌo mishiraachechinaꞌochi doyoon waayeebee, ikkottinoona beebee, maayoon ikkooch maabee, manjii corootii beeheete. 43Arooba mishiraachechinaꞌo wodde gaakkechi shuunoonaa worganikkiti malletoonon boonoshi bekkiitoyich asheenaꞌo bulli oogichii worganeheete. 44Yesuusichi asheenaꞌo bulli ikkooch tuneꞌi, boonoshi hajjito bullin ikkooch gogeheete. 45Boonoshi showoonaa boonoshi hajjitonon kemmiꞌi, ashich qaawiitoommon qoodii beeheete. 46Bulli aaboon ikkooch yaafee kexooch kiceebee, boonoshi kexi kexooch ataalleebee, emiroonaa gaawe mulloona ikkooch maa beeheete. 47Yeerin galleteebee asheenaꞌo bullina naadee beeheete. Doonoo wodemminaꞌon qemi qemona boonoshi toommooch daakkii beehe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.