Mishiraachechinaꞌo 14
14
Iqooniyoon Mishiraachee Qaaro Getteyoo
1Iqooniyoon beeti Ayihudeenaꞌo kiceebeeti kexooch Phawuloosinaa Barnabaasina tookkii giyiyeete; Yeerichi qaaroon kaachiꞌi boonoshi gettitoyich, Ayihudeenaꞌonaa Aageteenaꞌonochi daggoochee meeti asheenaꞌo boonoshi mulloon Yesuusi toommooch tooꞌiiheete. 2Tunebaani ebin qajjiti Ayihudeenaꞌo Aageteenaꞌon kocciꞌi, boonoshi mulloon Yesuusi toommooch tooꞌiiti asheenaꞌon oogichi boonoshi shixxemmoyich tuniiheete. 3Ebich Phawuloosinaa Barnabaasina Doono Yesuusichi mooyon aafoon kuppheꞌi gettiibee, arooch meeti agenoon koteheete. Doono Yesuusi boonoshi kishoona meeti worganikkiti malletoonaa gaakkechi shuunoonon bekkiibee, bi immemmi wojjeechon boonoshi gettiti wocho iberoo bi tunoon manjii beehe. 4Katemeexi asheenaꞌo bulli gutta qoodeeꞌi, qatinaꞌo Ayihudeenaꞌona tookkii, qatinaꞌo mishiraachechinaꞌona tookkii tuneheete. 5Arooba Aageteenaꞌonaa Ayihudeenaꞌona boonoshi ukkireenaꞌona tookkii tuneꞌi, Phawuloosinaa Barnabaasinon iritiyoonaa xaqqoona yexonoyich koceeheete. 6Boonoshiyoo ebin ariiꞌi Lisxirinaa Deribina getteebeeti katemeenaꞌonaa boonoshi gaꞌooch beeti showoonooch hammiyeete; ebi are katemeenaꞌo beeto Liqoonee showee daggoochiye. 7Aroochoo mishiraachee qaaroon gettiyeete.
Lisxira Mishiraachee Qaaro Getteyoo
8Arooba Lisxiri katemooch baatoo qometi ikke uro beehe. Biyoo bi shiijjetooch baatoona shaꞌee ariyaani uroone. 9Hini uro Phawuloosi yibbaatoon koteꞌi ellee beehe. Phawuloosi biin manjii ciinnii, wodoyich mulloon Yeeri toommooch tooꞌiito bi tunoon beeggiꞌi, 10bi qaaroon oogichiꞌi uroon “Tiyi kaameree neexebe” iye. Uroo kotoochee capphiꞌi tiyii neexehe; okk hach wottee shaꞌehe.
11Arooba kiceeti dofee asheenaꞌo Phawuloosi tuniiton beeggiꞌi, boonoshi qaaroon oogichiꞌi Liqoonee noonoona “Nuggisheenaꞌo ashoon shaahiꞌi no waan kinditeete” iyeete. 12Ebich Barnabaasin “Diyi”#14:12 Diyi, Giriikee asheenaꞌo beshe nuggishoo tuniiꞌi boonoshi goyinneebeeti nuggishoone. iyeete; Phawuloosin yibbaatoona beshoo bi tunetoyich, “Herimeni”#14:12 Herimeni, Giriikee asheenaꞌo “Nuggisheenaꞌochi wocheyechone” ii boonoshi goyinneebeeti nuggishoone. iyeete. 13Arooba katemee maach Diyichi yaafee kexo beetone; arooch shuuneebeeti, qeeshoo gattee wurinaꞌonaa gengaa cucheti mocee bungoonon katemee kellooch deebii, kiceeti dofee asheenaꞌona tookkii tuneꞌi boonoshich deejjiya qaawiye.
14Tunebaani mishiraachechi Barnabaasinaa Phawuloosina ishin waayeꞌi, boonoshi tahoon keexxiꞌi, asheenaꞌo daggooch wocciyeete; cookiibeenoo ishichiyeete: 15“Hini asheenaꞌote! Ebin amoyich shuunee beetote? No ittoshiyoommi asho noone. Hiniich no waato, hini duube mooyinaꞌoyich goyinnoochee shimaayoonaa showoonon, baharoonoo, boonoshi daggooch beetinaꞌo bullinoo halliti, beeyecho tuneti Yeer waan ittoshi wottemmoyich, mishiraachee qaaroon ittoshich gettaniye. 16Besheti yemeenooba aageteenaꞌo bulli boonoshi shunniti gommona boonoshi hammemmoyich Yeeri boonoshin qajjiye. 17Tunebaani shimaayoochee amiyon dichiibee, maayo aafemmi yarimmoon immiibee, no maayoon abbetiibee, oogichii noon emirikkiibeenoo, Nuggishoo bi tunoon manjiibeeti deꞌe shuunee shuunoon kuxaanoone” iyeete. 18Ishichiꞌi gettiibee, asheenaꞌo deejjoon boonoshich deejjaachemmoyich wodde iritoona bajjiyeete.
19Arooba ikkikke Ayihudeenaꞌo Fesidee showooch beeti Antsooki katemoonaa Iqooniyooni katemoonoochee tiyiꞌi, Lisxiri katemooch waaheete; asheenaꞌon kocciꞌi Phawuloosin xaqqoona yexxiyeete. Boonoshich qitito bi shaahaa, katemoyee maach geechii kichii duppiyeete. 20Tunebaani Yesuusichi dabbeenaꞌo waa biin giichiꞌi neexemmona, tiyiꞌi katemooch giyiye. Dechara Barnabaasina tookkii Deribi katemooch hammiye.
Sooriyee Showooch Beeti Antsooka Phawuloosinaa Barnabaasina Wotto
21-22Phawuloosinaa Barnabaasina Deribi katemooch mishiraachee qaaroon gettiꞌi, meeti asheenaꞌon Yesuusichi dabbeenaꞌo tuniiheete. Ebiyee gubb Yesuusichi dabbeenaꞌo mulloon kupphiibee, boonoshi mulloon bi toommooch boonoshi tooꞌiiti Yesuusina manjiree boonoshi beeyemmoyich ciicciibee, “Yeerichi taatittineech gimoyich wodde iritoon beego nooch qaawiihe” iibee Lisxirinaa Iqooniyooninooch, Fesidee showooch beeti Antsooki katemoochoo wotteheete. 23Are katemeenaꞌooch beeti kittinnee guuphinaꞌo bulli toommooch geeneenaꞌon kaacciꞌi boonoshi ukkiriitoyee gubb, coomii corootiꞌi, boonoshi mulloon bi toommooch boonoshi tooꞌiiti Doono Yesuusich beshii immiyeete. 24Ebiyee gubb, Fesidee showoona besheꞌi, Fenfulee showooch hammiyeete. 25Are showooch beeti Ferigi katemooch mishiraachee qaaroon boonoshi gettitoyee gubb, baharee gashooch beeti Axaali katemooch hammiyeete.
26Aroochee wocheeton ciichiichii, shiichiꞌi Yesuusichi asheenaꞌo Yeeri bi wojjoona boonoshin bi quyemmoyich, biich boonoshi adereti, Sooriyee showooch beeti Antsooka markaboona hammiyeete. 27Boonoshi shaggitoyee gubb, kittinnee guuphi asheenaꞌon kiciꞌi, Yeeri boonoshina tookkii tuneꞌi bi tuniito bullin, Aageteenaꞌo Yesuusi toommooch mulloon tooꞌiyemmoyich kellee bi qechoonoo boonoshich gettiyeete. 28Arooch Yesuusichi dabbeenaꞌona tookkii meeti aaboon koteheete.
ទើបបានជ្រើសរើសហើយ៖
Mishiraachechinaꞌo 14: KBRC
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.
Mishiraachechinaꞌo 14
14
Iqooniyoon Mishiraachee Qaaro Getteyoo
1Iqooniyoon beeti Ayihudeenaꞌo kiceebeeti kexooch Phawuloosinaa Barnabaasina tookkii giyiyeete; Yeerichi qaaroon kaachiꞌi boonoshi gettitoyich, Ayihudeenaꞌonaa Aageteenaꞌonochi daggoochee meeti asheenaꞌo boonoshi mulloon Yesuusi toommooch tooꞌiiheete. 2Tunebaani ebin qajjiti Ayihudeenaꞌo Aageteenaꞌon kocciꞌi, boonoshi mulloon Yesuusi toommooch tooꞌiiti asheenaꞌon oogichi boonoshi shixxemmoyich tuniiheete. 3Ebich Phawuloosinaa Barnabaasina Doono Yesuusichi mooyon aafoon kuppheꞌi gettiibee, arooch meeti agenoon koteheete. Doono Yesuusi boonoshi kishoona meeti worganikkiti malletoonaa gaakkechi shuunoonon bekkiibee, bi immemmi wojjeechon boonoshi gettiti wocho iberoo bi tunoon manjii beehe. 4Katemeexi asheenaꞌo bulli gutta qoodeeꞌi, qatinaꞌo Ayihudeenaꞌona tookkii, qatinaꞌo mishiraachechinaꞌona tookkii tuneheete. 5Arooba Aageteenaꞌonaa Ayihudeenaꞌona boonoshi ukkireenaꞌona tookkii tuneꞌi, Phawuloosinaa Barnabaasinon iritiyoonaa xaqqoona yexonoyich koceeheete. 6Boonoshiyoo ebin ariiꞌi Lisxirinaa Deribina getteebeeti katemeenaꞌonaa boonoshi gaꞌooch beeti showoonooch hammiyeete; ebi are katemeenaꞌo beeto Liqoonee showee daggoochiye. 7Aroochoo mishiraachee qaaroon gettiyeete.
Lisxira Mishiraachee Qaaro Getteyoo
8Arooba Lisxiri katemooch baatoo qometi ikke uro beehe. Biyoo bi shiijjetooch baatoona shaꞌee ariyaani uroone. 9Hini uro Phawuloosi yibbaatoon koteꞌi ellee beehe. Phawuloosi biin manjii ciinnii, wodoyich mulloon Yeeri toommooch tooꞌiito bi tunoon beeggiꞌi, 10bi qaaroon oogichiꞌi uroon “Tiyi kaameree neexebe” iye. Uroo kotoochee capphiꞌi tiyii neexehe; okk hach wottee shaꞌehe.
11Arooba kiceeti dofee asheenaꞌo Phawuloosi tuniiton beeggiꞌi, boonoshi qaaroon oogichiꞌi Liqoonee noonoona “Nuggisheenaꞌo ashoon shaahiꞌi no waan kinditeete” iyeete. 12Ebich Barnabaasin “Diyi”#14:12 Diyi, Giriikee asheenaꞌo beshe nuggishoo tuniiꞌi boonoshi goyinneebeeti nuggishoone. iyeete; Phawuloosin yibbaatoona beshoo bi tunetoyich, “Herimeni”#14:12 Herimeni, Giriikee asheenaꞌo “Nuggisheenaꞌochi wocheyechone” ii boonoshi goyinneebeeti nuggishoone. iyeete. 13Arooba katemee maach Diyichi yaafee kexo beetone; arooch shuuneebeeti, qeeshoo gattee wurinaꞌonaa gengaa cucheti mocee bungoonon katemee kellooch deebii, kiceeti dofee asheenaꞌona tookkii tuneꞌi boonoshich deejjiya qaawiye.
14Tunebaani mishiraachechi Barnabaasinaa Phawuloosina ishin waayeꞌi, boonoshi tahoon keexxiꞌi, asheenaꞌo daggooch wocciyeete; cookiibeenoo ishichiyeete: 15“Hini asheenaꞌote! Ebin amoyich shuunee beetote? No ittoshiyoommi asho noone. Hiniich no waato, hini duube mooyinaꞌoyich goyinnoochee shimaayoonaa showoonon, baharoonoo, boonoshi daggooch beetinaꞌo bullinoo halliti, beeyecho tuneti Yeer waan ittoshi wottemmoyich, mishiraachee qaaroon ittoshich gettaniye. 16Besheti yemeenooba aageteenaꞌo bulli boonoshi shunniti gommona boonoshi hammemmoyich Yeeri boonoshin qajjiye. 17Tunebaani shimaayoochee amiyon dichiibee, maayo aafemmi yarimmoon immiibee, no maayoon abbetiibee, oogichii noon emirikkiibeenoo, Nuggishoo bi tunoon manjiibeeti deꞌe shuunee shuunoon kuxaanoone” iyeete. 18Ishichiꞌi gettiibee, asheenaꞌo deejjoon boonoshich deejjaachemmoyich wodde iritoona bajjiyeete.
19Arooba ikkikke Ayihudeenaꞌo Fesidee showooch beeti Antsooki katemoonaa Iqooniyooni katemoonoochee tiyiꞌi, Lisxiri katemooch waaheete; asheenaꞌon kocciꞌi Phawuloosin xaqqoona yexxiyeete. Boonoshich qitito bi shaahaa, katemoyee maach geechii kichii duppiyeete. 20Tunebaani Yesuusichi dabbeenaꞌo waa biin giichiꞌi neexemmona, tiyiꞌi katemooch giyiye. Dechara Barnabaasina tookkii Deribi katemooch hammiye.
Sooriyee Showooch Beeti Antsooka Phawuloosinaa Barnabaasina Wotto
21-22Phawuloosinaa Barnabaasina Deribi katemooch mishiraachee qaaroon gettiꞌi, meeti asheenaꞌon Yesuusichi dabbeenaꞌo tuniiheete. Ebiyee gubb Yesuusichi dabbeenaꞌo mulloon kupphiibee, boonoshi mulloon bi toommooch boonoshi tooꞌiiti Yesuusina manjiree boonoshi beeyemmoyich ciicciibee, “Yeerichi taatittineech gimoyich wodde iritoon beego nooch qaawiihe” iibee Lisxirinaa Iqooniyooninooch, Fesidee showooch beeti Antsooki katemoochoo wotteheete. 23Are katemeenaꞌooch beeti kittinnee guuphinaꞌo bulli toommooch geeneenaꞌon kaacciꞌi boonoshi ukkiriitoyee gubb, coomii corootiꞌi, boonoshi mulloon bi toommooch boonoshi tooꞌiiti Doono Yesuusich beshii immiyeete. 24Ebiyee gubb, Fesidee showoona besheꞌi, Fenfulee showooch hammiyeete. 25Are showooch beeti Ferigi katemooch mishiraachee qaaroon boonoshi gettitoyee gubb, baharee gashooch beeti Axaali katemooch hammiyeete.
26Aroochee wocheeton ciichiichii, shiichiꞌi Yesuusichi asheenaꞌo Yeeri bi wojjoona boonoshin bi quyemmoyich, biich boonoshi adereti, Sooriyee showooch beeti Antsooka markaboona hammiyeete. 27Boonoshi shaggitoyee gubb, kittinnee guuphi asheenaꞌon kiciꞌi, Yeeri boonoshina tookkii tuneꞌi bi tuniito bullin, Aageteenaꞌo Yesuusi toommooch mulloon tooꞌiyemmoyich kellee bi qechoonoo boonoshich gettiyeete. 28Arooch Yesuusichi dabbeenaꞌona tookkii meeti aaboon koteheete.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
SIM International, 2020.