Mbete Rɔmri 7
7
1Uwa, yi̧n biri, i tu wuri bolkusol ké Ŋgerzah hi̧ Moyiz vbeh tu-tu. Mi ƴo ɓah hi̧ wuri ɓahri, bolkusol ɓa mbay tul nzuk ke sew ké-e kaɓ tukala ɓáy. 2Kandɔk bolkusol-ya̧ hani, bolkusol ra ŋga̧h wu̧y ke wo̧ro sew ké wah ye kaɓ tukala ɓáy. Mí wah ye hu dale, bolkusol ŋga̧h wu̧yu mba. 3Sa̧wu mí wah ye ra hu ya ɓáy, mí ke mbi wo̧ro a ɓoru le, ku ɗi ni ɓa wu̧y nunpuki. Wah ye hu dale, bolkusol ŋga̧h ni mba. Ke ya̧ wo̧ro a ɓoru fal hul wah ye kara, riŋ wu̧y nunpuki ɗi tul ye ya.
4Kaŋ mí yi̧n biri, i hu wuri mí bolkusol ŋga̧h wuri mba. Sa̧w mbuŋna woiri a som siɓa ra ŋga̧h wuri mba. Ke hul Ŋgermbay, i hu ziŋ ni, mí i sɔɓ ɓa sa̧w nzuk ye a ye ké-e ti̧h ké sakra hulri ɓay hi̧ sa̧w wah ɓá leh lehna ké mah nun Ŋgerzah. 5Sew sa̧w mbuŋna wah a som siɓa ra, ɗaka haymun a suya-uri ɓoɗ ɓoɗ gi ke bolkusol Moyiz, mí mun wah ƴo hi̧ nah tasa̧y fe-uri ɓayu, mí nah el leh lehna ké mah hul. 6Mí aŋay sal bolkusol ra nzom ké tul wah da. Nah hu poŋ fe ké ŋga̧h na hi̧ siŋ sina mgbal wah sɔɓ ɓa siŋ sina nzuk pirmatul a foyu ké sa̧wu ɓa Tempuki, ta ɓa mbí bolkusol ké na ɓil mbete laɓ keni pihna ɓa nzuk pirmatul a titilu ké sa̧wu ɓa som siɓa ra ya.
7Mí a a̧w ba, nah el ɓáh ani ? Bolkusol ɓa Suya le ? Kaŋ ya. Mi tu Suya ke riŋ ye ɓay tul bolkusol. Bolkusol sɔk mi ɓahri, mu ɓáŋ law kan tul fe nzuk ya. Gelke bolkusolu ta-a le, mi ta tu ɓahri, ɓáŋ law kan tul fe nzuk ɓa fe a suya-u ya. 8Bolkusol gi bale, Suya mbi bolkusolaw ruklu law bi keni ke sam ɓáŋ law kan tul fe nzuk ɓoɗ ɓoɗ, ɓayu ké bolkusol ta-a le, Suya kara ta-a pi. 9Lewsa̧, ké bolkusol ta-a ɓáy ra, mi ƴo kaɓ fe bi. Mí bolkusol gi bale, Suya ten mun. 10Mi hu ɓayu. Mi ko ɓayri ké na ɓil bolkusol mah hi̧ mi kaɓ ke ɔkna ra el si ziŋ mi ma hul, 11ɓayu ké Suya gi mbi ɓayri ké na ɓil bolkusol mí rɔk mi el i mi keni. 12Kaŋ mí bolkusol ɓa nunu a Ŋgerzah. Ɓayri ké na ɓil bolkusol ɓa nunu a Ŋgerzah, ɓa ketina, su-su.
13Mí-aw ba, ɓayri ké ɓa suki ra wa el ti̧h ɓa fe-i mi le ? Kaŋ ya. Ɓay hi̧ Suya ɓá ten mun ye ɓa teh-u ɓa su ya gaŋ le, ke ɓay a suki-aw Suya gi ke hul dale, ɓayri ké na ɓil bolkusol ten Suya ɓa su ya kal ŋgɔŋ.
14Nah tu-tu, sa̧w bolkusol ɓa Tem Ŋgerzah, sa̧w mbuŋna bi ba, ɓa som siɓa, mí mbɔl bi ba, ɓa mgbal Suya,
15ɓayu ké fe ké mi ƴo laɓu-ay, kal tul bi ka-kal.
Fe ké mi yih laɓu le, mi laɓ ya,
mí fe ké mi fu̧y laɓu ba, mí-i ƴo laɓu.
16Mí fe ké mi sa laɓu ya mí-i laɓ le, sɔk ɓahri, mi tu-tu, bolkusolu su-su. 17Dale ta ɓa a bi mí-i laɓ suya-aw mba wara le, ɓa Suya ké ɗeh puh ké haymun bi. 18Mi tu-tu, suki ɗeh puh ké haymun bi ya, sɔk ɓahri, ɓay laɓ suki ɓa fe bi, mí ɓay laɓ suki-aw le, mi laɓ ya,
19ɓayu ké suki ké mi yih laɓu ra, mi laɓ ya.
Suya ké mi sa laɓu ya ra ma, mí-i ƴo laɓu.
20Mí gelke mi laɓ suya ké mi sa-a ra le, ta ɓa a bi mí-i laɓ suya-aw mba dale, ɓa Suya ké ɗeh puh ké mun bi munu. 21-22Mi ko le, bolkusol Ŋgerzah na kandɔkay : Mi yih mbi-u ɓay laɓ keni suki ɓayu ké law bi rih mi keɗ keɗ ké tul bolkusol Ŋgerzah#7.21-22 Ziɓri sa ɓay bolkusol Ŋgerzah sa-sa. Í ki̧ Mbete Siŋ (Psaumes) mah-u 19 ke mah-u 119 ɓay lah ɓay siŋ ké ziɓri ɗi keni bolkusol Ŋgerzah. Í ki̧ gel ki̧na boh falu seɗe-ay pi., mí Tukala ba, ƴo ɗih ya ziŋ mi. 23Mí mi ko bolkusol Ŋgerzah laɓ pihna seɗe. A mbewu hi̧ mun bi ƴo ruh ŋgermu ɓay ketina ké mi tu-tu ké ɓa pihna a seɗe-u, mí mun bi el hi̧ mi rih ɓil mgbal Suya ké gi ke pihna a mbew ra mí-i laɓ keni suya ye.
24A bi ke mun bi kara mi kaɓ baseh ! A ge mí ɓay ten mi ke ɓil mun hay a hulu-ay le ? 25Law in ɓa nzuku a Ŋgerzah ɓay tul Ŋgermbay Zezu, Gaŋ wah.
Kandɔkaw mí ke tul bi le, mi ƴo lah bolkusol Ŋgerzah, mí ke mun hay bi ba, mi ƴo lah bolkusol Suya.
ទើបបានជ្រើសរើសហើយ៖
Mbete Rɔmri 7: SIAFNK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.
Mbete Rɔmri 7
7
1Uwa, yi̧n biri, i tu wuri bolkusol ké Ŋgerzah hi̧ Moyiz vbeh tu-tu. Mi ƴo ɓah hi̧ wuri ɓahri, bolkusol ɓa mbay tul nzuk ke sew ké-e kaɓ tukala ɓáy. 2Kandɔk bolkusol-ya̧ hani, bolkusol ra ŋga̧h wu̧y ke wo̧ro sew ké wah ye kaɓ tukala ɓáy. Mí wah ye hu dale, bolkusol ŋga̧h wu̧yu mba. 3Sa̧wu mí wah ye ra hu ya ɓáy, mí ke mbi wo̧ro a ɓoru le, ku ɗi ni ɓa wu̧y nunpuki. Wah ye hu dale, bolkusol ŋga̧h ni mba. Ke ya̧ wo̧ro a ɓoru fal hul wah ye kara, riŋ wu̧y nunpuki ɗi tul ye ya.
4Kaŋ mí yi̧n biri, i hu wuri mí bolkusol ŋga̧h wuri mba. Sa̧w mbuŋna woiri a som siɓa ra ŋga̧h wuri mba. Ke hul Ŋgermbay, i hu ziŋ ni, mí i sɔɓ ɓa sa̧w nzuk ye a ye ké-e ti̧h ké sakra hulri ɓay hi̧ sa̧w wah ɓá leh lehna ké mah nun Ŋgerzah. 5Sew sa̧w mbuŋna wah a som siɓa ra, ɗaka haymun a suya-uri ɓoɗ ɓoɗ gi ke bolkusol Moyiz, mí mun wah ƴo hi̧ nah tasa̧y fe-uri ɓayu, mí nah el leh lehna ké mah hul. 6Mí aŋay sal bolkusol ra nzom ké tul wah da. Nah hu poŋ fe ké ŋga̧h na hi̧ siŋ sina mgbal wah sɔɓ ɓa siŋ sina nzuk pirmatul a foyu ké sa̧wu ɓa Tempuki, ta ɓa mbí bolkusol ké na ɓil mbete laɓ keni pihna ɓa nzuk pirmatul a titilu ké sa̧wu ɓa som siɓa ra ya.
7Mí a a̧w ba, nah el ɓáh ani ? Bolkusol ɓa Suya le ? Kaŋ ya. Mi tu Suya ke riŋ ye ɓay tul bolkusol. Bolkusol sɔk mi ɓahri, mu ɓáŋ law kan tul fe nzuk ya. Gelke bolkusolu ta-a le, mi ta tu ɓahri, ɓáŋ law kan tul fe nzuk ɓa fe a suya-u ya. 8Bolkusol gi bale, Suya mbi bolkusolaw ruklu law bi keni ke sam ɓáŋ law kan tul fe nzuk ɓoɗ ɓoɗ, ɓayu ké bolkusol ta-a le, Suya kara ta-a pi. 9Lewsa̧, ké bolkusol ta-a ɓáy ra, mi ƴo kaɓ fe bi. Mí bolkusol gi bale, Suya ten mun. 10Mi hu ɓayu. Mi ko ɓayri ké na ɓil bolkusol mah hi̧ mi kaɓ ke ɔkna ra el si ziŋ mi ma hul, 11ɓayu ké Suya gi mbi ɓayri ké na ɓil bolkusol mí rɔk mi el i mi keni. 12Kaŋ mí bolkusol ɓa nunu a Ŋgerzah. Ɓayri ké na ɓil bolkusol ɓa nunu a Ŋgerzah, ɓa ketina, su-su.
13Mí-aw ba, ɓayri ké ɓa suki ra wa el ti̧h ɓa fe-i mi le ? Kaŋ ya. Ɓay hi̧ Suya ɓá ten mun ye ɓa teh-u ɓa su ya gaŋ le, ke ɓay a suki-aw Suya gi ke hul dale, ɓayri ké na ɓil bolkusol ten Suya ɓa su ya kal ŋgɔŋ.
14Nah tu-tu, sa̧w bolkusol ɓa Tem Ŋgerzah, sa̧w mbuŋna bi ba, ɓa som siɓa, mí mbɔl bi ba, ɓa mgbal Suya,
15ɓayu ké fe ké mi ƴo laɓu-ay, kal tul bi ka-kal.
Fe ké mi yih laɓu le, mi laɓ ya,
mí fe ké mi fu̧y laɓu ba, mí-i ƴo laɓu.
16Mí fe ké mi sa laɓu ya mí-i laɓ le, sɔk ɓahri, mi tu-tu, bolkusolu su-su. 17Dale ta ɓa a bi mí-i laɓ suya-aw mba wara le, ɓa Suya ké ɗeh puh ké haymun bi. 18Mi tu-tu, suki ɗeh puh ké haymun bi ya, sɔk ɓahri, ɓay laɓ suki ɓa fe bi, mí ɓay laɓ suki-aw le, mi laɓ ya,
19ɓayu ké suki ké mi yih laɓu ra, mi laɓ ya.
Suya ké mi sa laɓu ya ra ma, mí-i ƴo laɓu.
20Mí gelke mi laɓ suya ké mi sa-a ra le, ta ɓa a bi mí-i laɓ suya-aw mba dale, ɓa Suya ké ɗeh puh ké mun bi munu. 21-22Mi ko le, bolkusol Ŋgerzah na kandɔkay : Mi yih mbi-u ɓay laɓ keni suki ɓayu ké law bi rih mi keɗ keɗ ké tul bolkusol Ŋgerzah#7.21-22 Ziɓri sa ɓay bolkusol Ŋgerzah sa-sa. Í ki̧ Mbete Siŋ (Psaumes) mah-u 19 ke mah-u 119 ɓay lah ɓay siŋ ké ziɓri ɗi keni bolkusol Ŋgerzah. Í ki̧ gel ki̧na boh falu seɗe-ay pi., mí Tukala ba, ƴo ɗih ya ziŋ mi. 23Mí mi ko bolkusol Ŋgerzah laɓ pihna seɗe. A mbewu hi̧ mun bi ƴo ruh ŋgermu ɓay ketina ké mi tu-tu ké ɓa pihna a seɗe-u, mí mun bi el hi̧ mi rih ɓil mgbal Suya ké gi ke pihna a mbew ra mí-i laɓ keni suya ye.
24A bi ke mun bi kara mi kaɓ baseh ! A ge mí ɓay ten mi ke ɓil mun hay a hulu-ay le ? 25Law in ɓa nzuku a Ŋgerzah ɓay tul Ŋgermbay Zezu, Gaŋ wah.
Kandɔkaw mí ke tul bi le, mi ƴo lah bolkusol Ŋgerzah, mí ke mun hay bi ba, mi ƴo lah bolkusol Suya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.