Mbete Rɔmri 5
5
1Kandɔk ké sa̧w wah mbew ke Ŋgerzah ɓa záh wah ɓay sal in ye ké ɗɔ-ɗɔrna ya ra, mí náh mgba wuri ɗeŋ ké nah ziŋ ké ta̧w Ŋgerzah ɓay Gaŋ wah Ŋgermbay Zezu, 2Tumbɔl ye mí nah ziŋ ful-ƴo ta̧w Ŋgerzah ɓay mgba suki ye ké nah ƴo wuri ɓilu-ay, mí náh vba̧ wuri haŋ ɓay riŋ ɗina Ŋgerzah ké ƴo geŋ na. 3Náh vba̧ wuri haŋ ɓay riŋ ɗina-u kaŋto ya wara le, náh vba̧ wuri haŋ ɓil koseh pi ɓay fe le, nah tu-tu goso koseh ra ɓa sú̧h law. 4Goso sú̧h law ɓa law ké vbo kandɔk lari kú-u vbo lu vbi̧ri-u poŋ mun lari-u. Mun law ra hi̧ law te tul suki ké ƴo gina.
5Mí law ké te tul suki-aw ra ɓaŋ su̧hru kan nun nzuku ya ɓay fe le, Ŋgerzah ku̧ law sana ye ké ɓil law wah tumbɔl Tempuki ké-e hi̧ na. 6Ké nah ta̧h yɔh ra Ŋgermbay hu ɓay tul wah nzuk-saŋ Ŋgerzahri ke sewu-aw. 7Ɓay hi̧ nzuk a hani ɓá hu ɓay tul mbaŋ ye nzuk a ketina kara se mbamba. Ko ya le ɓay tul nzuk a suki mí nzuk pirmatul ɓay hu ɓay tul ye. 8Sew ké nah ɓa nzuk suya ɓáy ra, Ŋgermbay hu ɓay tul wah. Kandɔkaw mí nah ƴo ko law sana Ŋgerzah ké-e mbu̧h ziŋ na.
9Kaŋ dale aŋay ké Ŋgerzah ŋga̧h sal in ziŋ na ɓa záh wah ɓay sem Ŋgermbay da-ay, ɓay laɓ ani mí ke él hi̧ na ti̧h ɓil law fa̧hna ɓay tul Ŋgermbay ya le wo ? 10Sew ké nah ɓa nzukbaa Ŋgerzah ra, ke mgba nzak nzaw ziŋ na ke hul gun ye. Aŋay ké Ŋgerzah mgba ya̧h ziŋ na da-ay, ɓay laɓ ani mí ke él hi̧ sa̧w ɔkna wah ɓa ɔkna gun ye ya le wo ? 11Ta ɓa a a̧w kaŋto ya wara le nah vba̧ haŋ pi ɓay sa̧w wah ké ɓa Ŋgerzah. Sa̧w wah ɓa Ŋgerzah ɓay tul Gaŋ wah Ŋgermbay Zezu, ɓay tul ye mí Ŋgerzah mgba nzak nzaw ziŋ na.
12Ɓay tul nzuk mbew ké ɓa Adam mí Suya gi tusiɓa. Suya-aw ba, gi ke hul, mí hul ƴo tul nzuk pirmatulri gbam ɓay fe le, gbam woyri ku laɓ suya. 13Dara bolkusol Ŋgerzah ké Moyiz vbeh ɓá gi le, Suya ƴo ri ké tusiɓa da mí Ŋgerzah ki̧ fal suya ke riŋu riŋu ya ɓáy, ɓay bolkusol Moyiz ké ta-a. 14Mí ur ke tul Adam ka̧h sew ké Moyiz ya̧ bolkusol Ŋgerzah ra, hul ƴo lak mbay tul nzukri gbam, tul nzuk a a̧yri ké mba nzak bolkusol ye, mí mbá nzak woyri na ɓoɗ ke mbá nzak nunu a Adam. Adam ra, ba hani ke nzuk pirmatul a ye Zezu ké ƴo gina.
15Wara mí lawsuki Ŋgerzah ŋgi̧ kal mbá nzak Ŋgerzah ké Adam mba ka-kal. Ɓay tul mbá nzak Ŋgerzah nzuk mbew mí daɓa nzukri ziŋ hul keni, lawsuki Ŋgerzah ke fe hi̧na-u ké-e hi̧ na law mbew ba, ŋgi̧ hɔtɔk hɔtɔk kal tul hul ka-kal, mí daɓa nzukri ziŋ lawsuki ɓay tul nzuk pirmatul mbew a ye Ŋgermbay Zezu.
16Mí fe hi̧na-aw ŋgi̧ kal ɓeɓna ɓay nzuk mbew ké ɓa Adam ra ka-kal. Salɓay hul ɓay tul nzuk mbewaw mgba tul nzukri gbam, lawsuki Ŋgerzah ɓay tul sam mbá nzak ye ɓoɗ ɓoɗ gbam mí el ke nzukri ƴo mbew ziŋ ni dan ɓay ɓa záh woyri. 17Ɓay tul mbá nzak Ŋgerzah nzuk mbewu-aw mí hi̧ hul gi lak mbay tul nzuk pirmatulri, nzuk pirmatulri ké ziŋ lawsuki ke fe hi̧na Ŋgerzah ké-e hi̧ hɔtɔk hɔtɔk ra, ku ƴo mbew ke Ŋgerzah ɓa záh woyri, ku lák mbay ke ɔkna mba lák mbay hul mba-mba, ɓay tul nzuk mbew ké ɓa Ŋgermbay Zezu.
18Dale ɓay mbá nzak Ŋgerzah nzuk mbew mí salɓay hul mgba nzuk pirmatulri gbam, ɓay tul nzuk mbew ké ƴo tul bolkusol ba, káɓ ke ɔkna na ɓay nzuk pirmatulri gbam ké Ŋgerzah ɓa záh woyri. 19Mí ɓay tul nzuk mbew ké mba nzak Ŋgerzah ra, mí riŋ daɓa nzukri mgbe ɓa nzuk suyari. Kaŋ pi mí ɓay tul nzuk mbew ké lah nzak ra mí hi̧ daɓa nzukri ƴo mbew ke Ŋgerzah ɓa záh woyri.
20Kandɔkaw mí bolkusol ké Ŋgerzah hi̧ Moyiz vbeh gi ke mbá nzak bolkusol Ŋgerzah hi̧ seh ma pol pol. Gel a a̧y ké bolkusolu ƴo ri dale Suya ŋgi̧-ŋgi̧ ké ri pi, mí ɓa gel a a̧y ké lawsuki Ŋgerzah ŋgi̧ mbamba pi. 21Fe-u laɓ kaŋ ƴo hi̧ Suya lak mbay ye ke hul. Kaŋ mí lawsuki Ŋgerzah ba, lak mbay ye ɓay sal in ké-e ŋga̧h ra ɓaŋ nzuk si ka̧h ɔkna ké na ɓa ŋgɔh sew ke sew ɓay tul Ŋgermbay Zezu Gaŋ wah.
ទើបបានជ្រើសរើសហើយ៖
Mbete Rɔmri 5: SIAFNK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.
Mbete Rɔmri 5
5
1Kandɔk ké sa̧w wah mbew ke Ŋgerzah ɓa záh wah ɓay sal in ye ké ɗɔ-ɗɔrna ya ra, mí náh mgba wuri ɗeŋ ké nah ziŋ ké ta̧w Ŋgerzah ɓay Gaŋ wah Ŋgermbay Zezu, 2Tumbɔl ye mí nah ziŋ ful-ƴo ta̧w Ŋgerzah ɓay mgba suki ye ké nah ƴo wuri ɓilu-ay, mí náh vba̧ wuri haŋ ɓay riŋ ɗina Ŋgerzah ké ƴo geŋ na. 3Náh vba̧ wuri haŋ ɓay riŋ ɗina-u kaŋto ya wara le, náh vba̧ wuri haŋ ɓil koseh pi ɓay fe le, nah tu-tu goso koseh ra ɓa sú̧h law. 4Goso sú̧h law ɓa law ké vbo kandɔk lari kú-u vbo lu vbi̧ri-u poŋ mun lari-u. Mun law ra hi̧ law te tul suki ké ƴo gina.
5Mí law ké te tul suki-aw ra ɓaŋ su̧hru kan nun nzuku ya ɓay fe le, Ŋgerzah ku̧ law sana ye ké ɓil law wah tumbɔl Tempuki ké-e hi̧ na. 6Ké nah ta̧h yɔh ra Ŋgermbay hu ɓay tul wah nzuk-saŋ Ŋgerzahri ke sewu-aw. 7Ɓay hi̧ nzuk a hani ɓá hu ɓay tul mbaŋ ye nzuk a ketina kara se mbamba. Ko ya le ɓay tul nzuk a suki mí nzuk pirmatul ɓay hu ɓay tul ye. 8Sew ké nah ɓa nzuk suya ɓáy ra, Ŋgermbay hu ɓay tul wah. Kandɔkaw mí nah ƴo ko law sana Ŋgerzah ké-e mbu̧h ziŋ na.
9Kaŋ dale aŋay ké Ŋgerzah ŋga̧h sal in ziŋ na ɓa záh wah ɓay sem Ŋgermbay da-ay, ɓay laɓ ani mí ke él hi̧ na ti̧h ɓil law fa̧hna ɓay tul Ŋgermbay ya le wo ? 10Sew ké nah ɓa nzukbaa Ŋgerzah ra, ke mgba nzak nzaw ziŋ na ke hul gun ye. Aŋay ké Ŋgerzah mgba ya̧h ziŋ na da-ay, ɓay laɓ ani mí ke él hi̧ sa̧w ɔkna wah ɓa ɔkna gun ye ya le wo ? 11Ta ɓa a a̧w kaŋto ya wara le nah vba̧ haŋ pi ɓay sa̧w wah ké ɓa Ŋgerzah. Sa̧w wah ɓa Ŋgerzah ɓay tul Gaŋ wah Ŋgermbay Zezu, ɓay tul ye mí Ŋgerzah mgba nzak nzaw ziŋ na.
12Ɓay tul nzuk mbew ké ɓa Adam mí Suya gi tusiɓa. Suya-aw ba, gi ke hul, mí hul ƴo tul nzuk pirmatulri gbam ɓay fe le, gbam woyri ku laɓ suya. 13Dara bolkusol Ŋgerzah ké Moyiz vbeh ɓá gi le, Suya ƴo ri ké tusiɓa da mí Ŋgerzah ki̧ fal suya ke riŋu riŋu ya ɓáy, ɓay bolkusol Moyiz ké ta-a. 14Mí ur ke tul Adam ka̧h sew ké Moyiz ya̧ bolkusol Ŋgerzah ra, hul ƴo lak mbay tul nzukri gbam, tul nzuk a a̧yri ké mba nzak bolkusol ye, mí mbá nzak woyri na ɓoɗ ke mbá nzak nunu a Adam. Adam ra, ba hani ke nzuk pirmatul a ye Zezu ké ƴo gina.
15Wara mí lawsuki Ŋgerzah ŋgi̧ kal mbá nzak Ŋgerzah ké Adam mba ka-kal. Ɓay tul mbá nzak Ŋgerzah nzuk mbew mí daɓa nzukri ziŋ hul keni, lawsuki Ŋgerzah ke fe hi̧na-u ké-e hi̧ na law mbew ba, ŋgi̧ hɔtɔk hɔtɔk kal tul hul ka-kal, mí daɓa nzukri ziŋ lawsuki ɓay tul nzuk pirmatul mbew a ye Ŋgermbay Zezu.
16Mí fe hi̧na-aw ŋgi̧ kal ɓeɓna ɓay nzuk mbew ké ɓa Adam ra ka-kal. Salɓay hul ɓay tul nzuk mbewaw mgba tul nzukri gbam, lawsuki Ŋgerzah ɓay tul sam mbá nzak ye ɓoɗ ɓoɗ gbam mí el ke nzukri ƴo mbew ziŋ ni dan ɓay ɓa záh woyri. 17Ɓay tul mbá nzak Ŋgerzah nzuk mbewu-aw mí hi̧ hul gi lak mbay tul nzuk pirmatulri, nzuk pirmatulri ké ziŋ lawsuki ke fe hi̧na Ŋgerzah ké-e hi̧ hɔtɔk hɔtɔk ra, ku ƴo mbew ke Ŋgerzah ɓa záh woyri, ku lák mbay ke ɔkna mba lák mbay hul mba-mba, ɓay tul nzuk mbew ké ɓa Ŋgermbay Zezu.
18Dale ɓay mbá nzak Ŋgerzah nzuk mbew mí salɓay hul mgba nzuk pirmatulri gbam, ɓay tul nzuk mbew ké ƴo tul bolkusol ba, káɓ ke ɔkna na ɓay nzuk pirmatulri gbam ké Ŋgerzah ɓa záh woyri. 19Mí ɓay tul nzuk mbew ké mba nzak Ŋgerzah ra, mí riŋ daɓa nzukri mgbe ɓa nzuk suyari. Kaŋ pi mí ɓay tul nzuk mbew ké lah nzak ra mí hi̧ daɓa nzukri ƴo mbew ke Ŋgerzah ɓa záh woyri.
20Kandɔkaw mí bolkusol ké Ŋgerzah hi̧ Moyiz vbeh gi ke mbá nzak bolkusol Ŋgerzah hi̧ seh ma pol pol. Gel a a̧y ké bolkusolu ƴo ri dale Suya ŋgi̧-ŋgi̧ ké ri pi, mí ɓa gel a a̧y ké lawsuki Ŋgerzah ŋgi̧ mbamba pi. 21Fe-u laɓ kaŋ ƴo hi̧ Suya lak mbay ye ke hul. Kaŋ mí lawsuki Ŋgerzah ba, lak mbay ye ɓay sal in ké-e ŋga̧h ra ɓaŋ nzuk si ka̧h ɔkna ké na ɓa ŋgɔh sew ke sew ɓay tul Ŋgermbay Zezu Gaŋ wah.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.