Mbete Rɔmri 3
3
1Mí kaŋaw ba, sa̧w nzuk ké ɓa ziɓ ra ti̧h suk fál suŋ ? Kúŋ ndi̧w ké sɔk keni sal in ké Ŋgerzah ŋga̧h ziŋ ziɓri ɓa záh woyri, ɓa fe a kpakpaŋu le ? 2Ketina, sa̧w ziɓ ti̧h suk ɓa ŋgi̧-u ké ɓil feri gbam. Ɓay a ŋgeru mbew mí na-ay : Ŋgerzah hi̧ niri ku lah bolkusol ye ké-e ŋga̧h sal in ziŋ niri ɓay kú ƴo tulu. 3Mí ziɓri poŋ wahɓay, ku ƴo tulu mba kara, póŋ wahɓay woyri-aw hi̧ Ŋgerzah sel wahɓay ye le wo ? 4Ya ! Ke ta sel ya. Nzuk pirmatulri gbam ɓa nzuk-kuŋ ɓay mí ketina ye ɓay ti̧h-u kandɔk kú-u vbeh lewsa̧ ɓahri : Sal in wo ten tehɓay wo ɓahri, ndɔk wo ɗɔr sal in ya. Ketina wo ɓay ndih nzuk kuŋɓayri ké gel-kuŋ salɓay#3.4 Ɓayay na ɓil Mbete Siŋ 51.6. .
5Mí gelke póŋ wahɓay wah ten tehɓay Ŋgerzah ɓa teh-u, ɓay fe mí nah ɓah-u ɓáy le ? Mi mbi ɓay ɓahna nzuk pirmatulri kú-u ɓahri, haŋ fa̧hna Ŋgerzah ké tul suya wah na gelu gaŋ le wo ? 6Uwa, haŋ fa̧hna ye na gelu gaŋ. Ŋgerzah ɓa nzuk ketina ya ba, ke kúŋ salɓay tul nunmbam ke tusiɓa ani le wo#3.6 Sa̧w nzak vbeh ɓahri, kosmos. Kosmos sɔk feri gbam ké Ŋgerzah laɓ ké nunmbam ke tusiɓa. Ta ɓa tusiɓa kaŋto ya. ? 7Mu ɓay el ke vbiɓay ɓahri se, póŋ wahɓay nzukri hi̧ ketina Ŋgerzah ti̧h ɓay riŋ ɗina ye ba, ɓay fe mí salɓay mgba tul nzukri ɓa nzuk suyari ɓáy le ? 8Ko ya le, mu ɓay mbi ɓay ɓahna nzuk a hani-uri ké kuŋ ɓay ku̧ nzak wah ɓahri, a wah, nah ɓahri, náh laɓ wuri suya ɓay ten suki ? Nzukri ké ɓah kaŋaw, salɓay mah mgba tul woyri.
9-10Mí-aw ba, a wah ziɓri, nah mba tul sa̧wnzuk a ɓoruri mba le wo ? Kaŋ ya. Mi ten ɓay ké mgba tul nzuk pirmatulri pol da#3.9-10 Ɓay tu ɓay ké Pɔl ten ké tul nzukri, ziɓri ke sa̧wnzuk a ɓoruri, í ki̧ Mbete Rɔmri 1.18-32; 2.17-25.. A wah ke sa̧wnzuk a ɓoruri mbɔk, suya mgba na ɓa mgbal kandɔk kú-u vbeh lewsa̧ ɓahri,
Nzuk ké ƴo tul wahɓay Ŋgerzah ta-a, nzuk mbew kara ta-a.
11 Nzuk ké ker ɓay a kpakpaŋu ta-a, nzuk ké ƴah Ŋgerzah ta-a.
12 Gbam, ku ɓa kɔk nzukri, ku el ti̧h suk ya, ku mah haniri bin.
Nzuk-laɓ suki ta-a, nzuk mbew kara ta-a # 3.12 Mbete Siŋ (Psaumes) 14.1-3 ke 53.2-4..
13 Nzak woyri ɓa lɔkɔ hul,
haw woyri mbah ke kuŋɓay.
Pom soy zeh mí ti̧h ke nzak rim woyri # 3.13 Mbete Siŋ (Psaumes) 140.4 ke 5.10..
14 Kusol woyri mbah ke fe haɓna hi̧ nzak woyri el zuŋ mbak mbak # 3.14 Mbete Siŋ (Psaumes) 10.7..
15 Ku takra ɓay fer sem nzukri.
16 Gel sina woyri gbam le, ku poŋ ɓeɓna ke koseh hi̧ nzukri.
17 Siŋ sina ɗeŋ le, ku tu ya # 3.17 Mbete Esaïe 59.7-8..
18 Hȩ́k Ŋgerzah ta nun woyri ya.
19Nah tu wuri ɓahri se, ɓayri ké na ɓil mbete bolkusol Ŋgerzah ko ɓay nzukri ké bolkusolu ŋga̧h tul woyri mí ƴo tuh nzak nzuk pirmatulri gbam dale, salɓay ra mgba keni nzuk tusiɓari da. 20Kaŋ mí fe laɓna bolkusol ké mah hi̧ sa̧w nzuk a som siɓa a hani mbew ƴo ke Ŋgerzah ɓa záh ye ta-a#3.20 Mbete Siŋ (Psaumes) 143.2.. Ɓayu ké bolkusol ra, ƴo sɔk nzuk suya ye.
21Mí aŋay ba, sal in ké Ŋgerzah ŋga̧h ziŋ nzuk pirmatulri ɓa záh woyri dan bolkusol ra ten mun da, mí fe vbehna Moyiz ke fe vbehna gun nzak pihna Ŋgerzahri te-teh ɓay ketina sal inu lewsa̧ kaŋ. 22Sal in Ŋgerzah ra ŋga̧h ɓay Ŋgermbay Zezu ké ŋga̧h sal in ɓa law mbew ziŋ Ŋgerzah, mí na ɓay tul nzuk a suŋ suŋ ké kan law sa tul Zezu. Ŋgerzah kehr sa̧wnzukri ya, ziɓri ké ƴo ke mbete bolkusol ye ke sa̧wnzuk a ɓoruri, ke kehr niri ya, 23ɓayu ké nzukri gbam kew oh, mí ku mah riŋ ɗina Ŋgerzah mba. 24Mí law Ŋgerzah rih ni, ke ndar ndɔk ye, mí ke mgba in ziŋ nzukri ké Mbay Zezu sel niri ɓil mgbal, ke ti̧h ɓa záh woyri. 25A ye Mbay Zezu ra, Ŋgerzah mbi ni sɔk keni in ye ké-e mgba ziŋ nzukri. Ŋgerzah ya̧ sem ye ké fer ku̧ gel kani ɓa fe puhna ké sel nzuk pirmatulri ɓay wahɓay ké-e ƴo tulu. Sew a polri-aw, ke kuŋ salɓay tul suya nzukri ya ɓáy. 26Ke ƴo ik law ye geŋ sew a guri ɓay ten ketina ye ɓa teh-u, sɔk keni ƴó tul ketina ye pi, ŋgá̧h sal in ye ziŋ nzukri ɓa záh woyri pi, a woyri ké sal in ké Zezu ŋga̧h ziŋ Ŋgerzah mgba tul woyri.
27Mí-aw ba, vbá̧ haŋ ɓay sa̧w wah ƴo ri ɓáy le ? Ta-a ! Ɓay bolkusol fe mí vbá̧ haŋ ta-a le ? Ɓay bolkusol ké Ŋgerzah ŋga̧h ziŋ ziɓri kú-u mbi laɓ keni pihna-u le ? Vbá̧ haŋ ta ri ya. Ɓay kanlaw ké tul Nzuk bolkusol mí nah vba̧ haŋ ɓayu. 28Nah tu wuri te-teh, nzuk pirmatul ƴo ke Ŋgerzah ɓa záh ye ɓay law ye ké te sa tul Ŋgerzah, ta ɓa ɓay fe laɓna bolkusol ya. 29Mí dale Ŋgerzah ɓa záh ziɓri ke hȩk le ? Ke ta ɓa záh sa̧wnzuk a ɓoruri pi, ya le ? Ketina gaŋ, ke ɓa záh sa̧wnzuk a ɓoruri pi. 30Kandɔk ké Ŋgerzah ɓa mbew yaŋ, ke ɓa záh sa̧w ziɓri ké ƴo kuŋ ndi̧w#3.30 Ɓay tu ɓay sa̧w fe laɓna-kuŋ ndi̧w ziɓri, í ki̧ Mbete Sa̧w fe 17.1-13., sa̧wu ɓa kanlaw. Kaŋ pi mí ke ɓa záh sa̧wnzuk ndi̧w ɓɔlri ɓay kanlaw pi. 31Kaŋ dale nah to suyɓay bolkusol ké Ŋgerzah ŋga̧h ziŋ ziɓri ma fal ɓay soh gelu ke kanlaw le ? Kaŋ ya, nah ɓahri se, bolkusol ƴo ri gaŋ.
ទើបបានជ្រើសរើសហើយ៖
Mbete Rɔmri 3: SIAFNK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.
Mbete Rɔmri 3
3
1Mí kaŋaw ba, sa̧w nzuk ké ɓa ziɓ ra ti̧h suk fál suŋ ? Kúŋ ndi̧w ké sɔk keni sal in ké Ŋgerzah ŋga̧h ziŋ ziɓri ɓa záh woyri, ɓa fe a kpakpaŋu le ? 2Ketina, sa̧w ziɓ ti̧h suk ɓa ŋgi̧-u ké ɓil feri gbam. Ɓay a ŋgeru mbew mí na-ay : Ŋgerzah hi̧ niri ku lah bolkusol ye ké-e ŋga̧h sal in ziŋ niri ɓay kú ƴo tulu. 3Mí ziɓri poŋ wahɓay, ku ƴo tulu mba kara, póŋ wahɓay woyri-aw hi̧ Ŋgerzah sel wahɓay ye le wo ? 4Ya ! Ke ta sel ya. Nzuk pirmatulri gbam ɓa nzuk-kuŋ ɓay mí ketina ye ɓay ti̧h-u kandɔk kú-u vbeh lewsa̧ ɓahri : Sal in wo ten tehɓay wo ɓahri, ndɔk wo ɗɔr sal in ya. Ketina wo ɓay ndih nzuk kuŋɓayri ké gel-kuŋ salɓay#3.4 Ɓayay na ɓil Mbete Siŋ 51.6. .
5Mí gelke póŋ wahɓay wah ten tehɓay Ŋgerzah ɓa teh-u, ɓay fe mí nah ɓah-u ɓáy le ? Mi mbi ɓay ɓahna nzuk pirmatulri kú-u ɓahri, haŋ fa̧hna Ŋgerzah ké tul suya wah na gelu gaŋ le wo ? 6Uwa, haŋ fa̧hna ye na gelu gaŋ. Ŋgerzah ɓa nzuk ketina ya ba, ke kúŋ salɓay tul nunmbam ke tusiɓa ani le wo#3.6 Sa̧w nzak vbeh ɓahri, kosmos. Kosmos sɔk feri gbam ké Ŋgerzah laɓ ké nunmbam ke tusiɓa. Ta ɓa tusiɓa kaŋto ya. ? 7Mu ɓay el ke vbiɓay ɓahri se, póŋ wahɓay nzukri hi̧ ketina Ŋgerzah ti̧h ɓay riŋ ɗina ye ba, ɓay fe mí salɓay mgba tul nzukri ɓa nzuk suyari ɓáy le ? 8Ko ya le, mu ɓay mbi ɓay ɓahna nzuk a hani-uri ké kuŋ ɓay ku̧ nzak wah ɓahri, a wah, nah ɓahri, náh laɓ wuri suya ɓay ten suki ? Nzukri ké ɓah kaŋaw, salɓay mah mgba tul woyri.
9-10Mí-aw ba, a wah ziɓri, nah mba tul sa̧wnzuk a ɓoruri mba le wo ? Kaŋ ya. Mi ten ɓay ké mgba tul nzuk pirmatulri pol da#3.9-10 Ɓay tu ɓay ké Pɔl ten ké tul nzukri, ziɓri ke sa̧wnzuk a ɓoruri, í ki̧ Mbete Rɔmri 1.18-32; 2.17-25.. A wah ke sa̧wnzuk a ɓoruri mbɔk, suya mgba na ɓa mgbal kandɔk kú-u vbeh lewsa̧ ɓahri,
Nzuk ké ƴo tul wahɓay Ŋgerzah ta-a, nzuk mbew kara ta-a.
11 Nzuk ké ker ɓay a kpakpaŋu ta-a, nzuk ké ƴah Ŋgerzah ta-a.
12 Gbam, ku ɓa kɔk nzukri, ku el ti̧h suk ya, ku mah haniri bin.
Nzuk-laɓ suki ta-a, nzuk mbew kara ta-a # 3.12 Mbete Siŋ (Psaumes) 14.1-3 ke 53.2-4..
13 Nzak woyri ɓa lɔkɔ hul,
haw woyri mbah ke kuŋɓay.
Pom soy zeh mí ti̧h ke nzak rim woyri # 3.13 Mbete Siŋ (Psaumes) 140.4 ke 5.10..
14 Kusol woyri mbah ke fe haɓna hi̧ nzak woyri el zuŋ mbak mbak # 3.14 Mbete Siŋ (Psaumes) 10.7..
15 Ku takra ɓay fer sem nzukri.
16 Gel sina woyri gbam le, ku poŋ ɓeɓna ke koseh hi̧ nzukri.
17 Siŋ sina ɗeŋ le, ku tu ya # 3.17 Mbete Esaïe 59.7-8..
18 Hȩ́k Ŋgerzah ta nun woyri ya.
19Nah tu wuri ɓahri se, ɓayri ké na ɓil mbete bolkusol Ŋgerzah ko ɓay nzukri ké bolkusolu ŋga̧h tul woyri mí ƴo tuh nzak nzuk pirmatulri gbam dale, salɓay ra mgba keni nzuk tusiɓari da. 20Kaŋ mí fe laɓna bolkusol ké mah hi̧ sa̧w nzuk a som siɓa a hani mbew ƴo ke Ŋgerzah ɓa záh ye ta-a#3.20 Mbete Siŋ (Psaumes) 143.2.. Ɓayu ké bolkusol ra, ƴo sɔk nzuk suya ye.
21Mí aŋay ba, sal in ké Ŋgerzah ŋga̧h ziŋ nzuk pirmatulri ɓa záh woyri dan bolkusol ra ten mun da, mí fe vbehna Moyiz ke fe vbehna gun nzak pihna Ŋgerzahri te-teh ɓay ketina sal inu lewsa̧ kaŋ. 22Sal in Ŋgerzah ra ŋga̧h ɓay Ŋgermbay Zezu ké ŋga̧h sal in ɓa law mbew ziŋ Ŋgerzah, mí na ɓay tul nzuk a suŋ suŋ ké kan law sa tul Zezu. Ŋgerzah kehr sa̧wnzukri ya, ziɓri ké ƴo ke mbete bolkusol ye ke sa̧wnzuk a ɓoruri, ke kehr niri ya, 23ɓayu ké nzukri gbam kew oh, mí ku mah riŋ ɗina Ŋgerzah mba. 24Mí law Ŋgerzah rih ni, ke ndar ndɔk ye, mí ke mgba in ziŋ nzukri ké Mbay Zezu sel niri ɓil mgbal, ke ti̧h ɓa záh woyri. 25A ye Mbay Zezu ra, Ŋgerzah mbi ni sɔk keni in ye ké-e mgba ziŋ nzukri. Ŋgerzah ya̧ sem ye ké fer ku̧ gel kani ɓa fe puhna ké sel nzuk pirmatulri ɓay wahɓay ké-e ƴo tulu. Sew a polri-aw, ke kuŋ salɓay tul suya nzukri ya ɓáy. 26Ke ƴo ik law ye geŋ sew a guri ɓay ten ketina ye ɓa teh-u, sɔk keni ƴó tul ketina ye pi, ŋgá̧h sal in ye ziŋ nzukri ɓa záh woyri pi, a woyri ké sal in ké Zezu ŋga̧h ziŋ Ŋgerzah mgba tul woyri.
27Mí-aw ba, vbá̧ haŋ ɓay sa̧w wah ƴo ri ɓáy le ? Ta-a ! Ɓay bolkusol fe mí vbá̧ haŋ ta-a le ? Ɓay bolkusol ké Ŋgerzah ŋga̧h ziŋ ziɓri kú-u mbi laɓ keni pihna-u le ? Vbá̧ haŋ ta ri ya. Ɓay kanlaw ké tul Nzuk bolkusol mí nah vba̧ haŋ ɓayu. 28Nah tu wuri te-teh, nzuk pirmatul ƴo ke Ŋgerzah ɓa záh ye ɓay law ye ké te sa tul Ŋgerzah, ta ɓa ɓay fe laɓna bolkusol ya. 29Mí dale Ŋgerzah ɓa záh ziɓri ke hȩk le ? Ke ta ɓa záh sa̧wnzuk a ɓoruri pi, ya le ? Ketina gaŋ, ke ɓa záh sa̧wnzuk a ɓoruri pi. 30Kandɔk ké Ŋgerzah ɓa mbew yaŋ, ke ɓa záh sa̧w ziɓri ké ƴo kuŋ ndi̧w#3.30 Ɓay tu ɓay sa̧w fe laɓna-kuŋ ndi̧w ziɓri, í ki̧ Mbete Sa̧w fe 17.1-13., sa̧wu ɓa kanlaw. Kaŋ pi mí ke ɓa záh sa̧wnzuk ndi̧w ɓɔlri ɓay kanlaw pi. 31Kaŋ dale nah to suyɓay bolkusol ké Ŋgerzah ŋga̧h ziŋ ziɓri ma fal ɓay soh gelu ke kanlaw le ? Kaŋ ya, nah ɓahri se, bolkusol ƴo ri gaŋ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.