Mbete Marki 15
15
1Tipele za̧y, ŋgernzuk fe puhna Ŋgerzahri ke ŋgernzuk gun Izarayelri ke nzuk-sɔk mbete bolkusol Ŋgerzahri, a woyri gbam nzuk-kuŋ salɓayri-aw ŋga̧h tul ɓay woyri ɓay i Zezu. Sa gelaw mí ku ŋga̧h ni si keni ndoh ndɔk guvener Pilaɗ. 2Mí Pilaɗ vbi ni ɓay ɓahri : « A wo mú-u ɓa mbay ziɓri ra le ? »
Zezu ba, yih nzak ye ɓahri : « Nzak wo mí ɓah-aw. »
3Ŋgernzuk fe puhna Ŋgerzahri dir ɓay ku̧ tul Zezu. 4Mí Pilaɗ el vbi Zezu ɓay ɓahri : « Mu fér ɓay woyri ya le ? Daɓa ɓayri kú-u goh mu keni-ay ra wa, mu lah ya lo ? »
5Zezu ba, fer ɓay a hani ndi̧ kari ya. Fe-u hi̧ Pilaɗ kaɓ yer.
6Gelke ti̧hmbih-i guy buma ka̧h le, Pilaɗ ƴo sel mgbal ké ziɓri yih ɓayu mbew. 7Nzukbaa ŋgomna a hani mbew na vul mgbal ke nzuk yeri. Riŋ ye ɓa Bar-Abba. A ye ke nzuk yeri ra ku ruh ŋgermu ke ŋgomna. Ku i hul pi. 8Dale daɓa nzukri gi goŋ Pilaɗ ɓay ké sel mgbal kandɔk ké ɓa fe laɓna ye ke nam ti̧hmbih-i guy buma woyri. 9Bale Pilaɗ vbi niri ɓahri : « I yih ɓay mí sel mbay ziɓri ra le wo ? » 10Ke tu ɓahri se, ɓa sere mí hi̧ ŋgernzuk fe puhna Ŋgerzahri ndoh Zezu ndɔk ye.
11Mí ŋgernzuk fe puhna Ŋgerzahri zukru law daɓa nzukri hi̧ kú sɔk Pilaɗ ɓá sel Bar-Abba poŋ Zezu. 12Mí Pilaɗ ba, el vbi niri ɓahri : « A a̧w ba, a fe mí-i láɓ ziŋ nzukay ké i ɗi ni ɓa mbay ziɓri ra le ? »
13Bale ku ur ke ɓay ra ɓáy ɓahri : « Ɓar ni ɓar gaŋ. »
14Mí Pilaɗ ɓahri : « Suya fe gaŋ mí ke laɓ mah ziŋ hul ké tul kpuh vbatay le wo ? »
Bale ku vba̧ nzak ɓa mgbe-u gurum gurum : « Ɓar ni ɓar gaŋ. » 15Bale Pilaɗ sel Bar-Abba ɓay voh law nzukri. Ke el ndoh Zezu ndɔk soze yeri. Ku zɔr ni ke ndehdɔŋ dara kú ɓar ni ɓáy.
16Mí sozeri maŋ Zezu tɔr si rih kerpuh Pilaɗ bale, ku ɗi tɔr soze a ɓoruri gbam gi mbu̧h tul ye. 17Ku ndoh ni mah gar ké si̧h ɓa mah gar mbay. Ku kaŋ ŋgatukru ɓa guɓatul mbay ndoh tul ye pi. 18Dale ku ku̧ vah ni ɓahri : « Soko woiri wo, mbay ziɓri. »
19Ku vba̧ tul ye ke ka̧wkpuh kɔy kɔy. Ku sa-sam ku̧ nun ye, mí ku el huk pol ye dim ni kandɔk mbayri kú-u ƴo dimu kaŋ. 20Ku sak ni mah niri bale, ku lu mah gar mbay ra el ndoh ni gar ye, mí ku si ziŋ ni ɓay ɓar ni ké tul kpuh vbatay.
21Simu ké Siren a ye bah Aleksander ke Rufus, ke ur ke kala gi ma Zurusalem. Sozeri ɓá ko ni ƴo kalna, mí ku hah ni suk kpuh vbatay hul Zezu. 22Ku ɓaŋ Zezu si ka̧h Golgota. Golgota sɔk ɓahri, gbogbotul. 23Ku hi̧ ni yim kú-u zukru ke sa̧wkpuh mir#15.23 Ɓay tu ɓay sa̧wkpuh mir, í ki̧ ɓay mir ɓil Mbete-ƴah tɔh riŋri.. Mí ke sa-a. 24-25Sa̧wseh toŋndɔk mbew bale ku ɓar Zezu ké tul kpuh vbatay. Mí ku fa̧h gar ye kehr ku̧ ke gelu gelu, ku nda ɓele keni. A ge ge le i nzuku a ye, nzuku a ye. 26Ku vbeh fe salɓay hul ye kan gbekre, mí ku ɓar fál síɓa tul ye. Salɓayu vbeh kandɔkay : « Mbay ziɓri. »
27Ku ɓar nzukbaa ŋgomnari seɗe ké ta̧w ye. Nzuk a mbewu ké fál ndɔk lakna ye, nzuk a seɗe-u ba, ké fál ndɔk kperu ye. 28#15.28 Mbete sa̧w nzak a haniri ta ke gel ki̧na-u ya. Ɓayu ku ten ke ɓil Mbete Esaïe 53.12. 29-30Nzukri ké ƴo kalna te tul woyri ɓoko ɓoko ƴo far ni keni ɓahri : « A ha̧h, a wo ké mu ɓahri, mu háw vul kani Ŋgerzah, mí mu él mboh ƴo gelu ɓil nam say ra, mú ya̧ mun wo, mú ɗer ke tul kpuh-ay. »
31Ŋgernzuk fe puhna Ŋgerzahri ke nzuk-sɔk mbete bolkusol Ŋgerzahri ƴo sak ni. Ku ƴo ɓahri : « Ke ya̧ nzuk a ɓoruri mí ke mah ya̧ mun ye ya dih. 32A ye Ŋgermbay mbay gun Izarayelri ra, ké ɗer ke tul kpuh-ay hi̧ náh ko. Le náh kan law tul ye. »
Nzukbaa ŋgomnari kú-u ɓar niri ké ta̧w Zezu ƴo far ni pi.
33Seh ƴo tul puh bale, tirim ya̧ gel ké tusiɓa gbam kpu̧ru ka̧h sa̧wseh say bɔklew. 34Sa̧wseh say ka̧h, Zezu ɗi fe ɓeleŋ ɓahri : « Eloyi Eloyi lema sabaktani. »
Ɓayu yih ɓahri : « Ŋgerzah bi, Ŋgerzah bi wo, ɓay fe mú-u poŋ mi diw le#15.34 Ɓayay na ɓil Mbete Siŋ (Psaumes) 22.1. Mbete Deutéronome 21.23 sɔk ɓahri, nzuk ké hu tul kpuh vbatay le salɓay ƴo tul ye. ? » 35Nzuk a haniri ƴo ɓel ye ɗih ya, ku lah fe ɗina ye ra, ku ɓahri : « Í ko. Ke ƴo ɗi Eli gun nzak pihna Ŋgerzah a lewsa̧. »
36Bale nzuk mbew ur ke ɗukna si mbi sifoŋ ŋga̧h ké nzak ka̧wkpuh, ke ɓaŋ ndoh yim a su̧h-u, mí ke ndar si tuŋ nzak Zezu ɓay ké ƴo̧k. Ku ɓahri : « Í poŋ. Náh ko wuri, Eli gun nzak pihna Ŋgerzah ra ɓay gi ɗer ni mini ani le ? »
37Bale Zezu vba̧ nzak ɓeleŋ, ke ɗer haŋ fo̧h mí hi̧ law ye toh. 38Baw gar a yih-u ké kuŋ gel ƴona Ŋgerzah ke gel ƴona nzukri ké ɓil vul kani gɔh tir ke síɓa ka̧h siɓa#15.38 Gel ƴona Ŋgerzah ɓa gel ké bɔk nzuk ta nda ri ya. Mbay nzuk fe puhna Ŋgerzah ke hȩk ye mí ɓay si ri bɔk mbew ɓil mbihmbam mbew. Í mgba Mbete Ebereri 9.12,25 tuh ke gel ki̧na-ay..
39Kumandah ƴo ɗih ya ko kona ma tul Zezu. Ke ko ɔ́h tɔr ɔkna Zezu bale, ke ɓahri : « Nzukay, ke ɓa gun Ŋgerzah gaŋ. »
40Wu̧yri ƴo ri pi. Ku ƴo ɓa ɗih-u ké sar gel ké gel-ɓar Zezu ƴo ko kona. Ké sakra wu̧yri-aw, Mari ké Makdala ƴo ri, Mari ké ɓa mah Zoze ke toŋnafal ye Zak ra ƴo ri, Salome ƴo ri pi. 41Wu̧yri-aw, Zezu ƴo Galile le, ku dih fal ye ƴo so ni. Daɓa wu̧y a ɓoruri ké ɓaŋ Zezu si ka̧h Zurusalem ƴo gel-ɓar ni ra pi.
42Seh na nzȩh. Sa̧wseh ka̧h ɓay lek feri dara nam a seɗe-u ɓil nam ti̧hmbih-i guy buma ɓá ka̧h. Nam a seɗe-u ɓa baw nam ɔkna ké sakra nam ti̧hmbih-uri. 43Nzuk a luki ké sakra ŋgernzuk-kuŋ salɓayri mbew ƴo ri. Riŋ ye ɓa Zezeɓ ké Arimate. A ye ra ke ɓaŋ law ye te tul lák mbay Ŋgerzah. Ke su̧h law. Ke si ta̧w Pilaɗ, mí ke vbi ni hul Zezu. 44Pilaɗ lah Zezu hu da. Le ɓayu na ni yer. Ke ɗi kumandah ra, mí ke vbi ni ɓayu, Zezu hu-hu gaŋ mini ani le ? 45Ke lah ké ta̧w kumandah ɓahri, Zezu hu-hu bale, ke poŋ ful hi̧ Zezeɓ si ɗer hul Zezu ra. 46Zezeɓ yeh ladara a taŋ fi̧nak fi̧nak. Ke ɗer hul Zezu, mí ke kuh hulu keni si mbek ɓil hoh kasaw kú-u fel lewsa̧ ɓay mbek hulri ɓilu#15.46 Hoh kasaw ké nzukri fel ɓay mbek ri hulri le, ku fel ɓay mbek hul mbew yaŋ ya. Ɓa gel mbek yi̧nri. Í mgba Mbete Sa̧w fe 23.17-20 ke gel ki̧na 49.29 32 pi. . Ku kikri mah kasaw mbih nzaku. 47Mari ké Makdala ke Mari mah Zoze ko gel kú-u mbek ri hul ra.
ទើបបានជ្រើសរើសហើយ៖
Mbete Marki 15: SIAFNK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.
Mbete Marki 15
15
1Tipele za̧y, ŋgernzuk fe puhna Ŋgerzahri ke ŋgernzuk gun Izarayelri ke nzuk-sɔk mbete bolkusol Ŋgerzahri, a woyri gbam nzuk-kuŋ salɓayri-aw ŋga̧h tul ɓay woyri ɓay i Zezu. Sa gelaw mí ku ŋga̧h ni si keni ndoh ndɔk guvener Pilaɗ. 2Mí Pilaɗ vbi ni ɓay ɓahri : « A wo mú-u ɓa mbay ziɓri ra le ? »
Zezu ba, yih nzak ye ɓahri : « Nzak wo mí ɓah-aw. »
3Ŋgernzuk fe puhna Ŋgerzahri dir ɓay ku̧ tul Zezu. 4Mí Pilaɗ el vbi Zezu ɓay ɓahri : « Mu fér ɓay woyri ya le ? Daɓa ɓayri kú-u goh mu keni-ay ra wa, mu lah ya lo ? »
5Zezu ba, fer ɓay a hani ndi̧ kari ya. Fe-u hi̧ Pilaɗ kaɓ yer.
6Gelke ti̧hmbih-i guy buma ka̧h le, Pilaɗ ƴo sel mgbal ké ziɓri yih ɓayu mbew. 7Nzukbaa ŋgomna a hani mbew na vul mgbal ke nzuk yeri. Riŋ ye ɓa Bar-Abba. A ye ke nzuk yeri ra ku ruh ŋgermu ke ŋgomna. Ku i hul pi. 8Dale daɓa nzukri gi goŋ Pilaɗ ɓay ké sel mgbal kandɔk ké ɓa fe laɓna ye ke nam ti̧hmbih-i guy buma woyri. 9Bale Pilaɗ vbi niri ɓahri : « I yih ɓay mí sel mbay ziɓri ra le wo ? » 10Ke tu ɓahri se, ɓa sere mí hi̧ ŋgernzuk fe puhna Ŋgerzahri ndoh Zezu ndɔk ye.
11Mí ŋgernzuk fe puhna Ŋgerzahri zukru law daɓa nzukri hi̧ kú sɔk Pilaɗ ɓá sel Bar-Abba poŋ Zezu. 12Mí Pilaɗ ba, el vbi niri ɓahri : « A a̧w ba, a fe mí-i láɓ ziŋ nzukay ké i ɗi ni ɓa mbay ziɓri ra le ? »
13Bale ku ur ke ɓay ra ɓáy ɓahri : « Ɓar ni ɓar gaŋ. »
14Mí Pilaɗ ɓahri : « Suya fe gaŋ mí ke laɓ mah ziŋ hul ké tul kpuh vbatay le wo ? »
Bale ku vba̧ nzak ɓa mgbe-u gurum gurum : « Ɓar ni ɓar gaŋ. » 15Bale Pilaɗ sel Bar-Abba ɓay voh law nzukri. Ke el ndoh Zezu ndɔk soze yeri. Ku zɔr ni ke ndehdɔŋ dara kú ɓar ni ɓáy.
16Mí sozeri maŋ Zezu tɔr si rih kerpuh Pilaɗ bale, ku ɗi tɔr soze a ɓoruri gbam gi mbu̧h tul ye. 17Ku ndoh ni mah gar ké si̧h ɓa mah gar mbay. Ku kaŋ ŋgatukru ɓa guɓatul mbay ndoh tul ye pi. 18Dale ku ku̧ vah ni ɓahri : « Soko woiri wo, mbay ziɓri. »
19Ku vba̧ tul ye ke ka̧wkpuh kɔy kɔy. Ku sa-sam ku̧ nun ye, mí ku el huk pol ye dim ni kandɔk mbayri kú-u ƴo dimu kaŋ. 20Ku sak ni mah niri bale, ku lu mah gar mbay ra el ndoh ni gar ye, mí ku si ziŋ ni ɓay ɓar ni ké tul kpuh vbatay.
21Simu ké Siren a ye bah Aleksander ke Rufus, ke ur ke kala gi ma Zurusalem. Sozeri ɓá ko ni ƴo kalna, mí ku hah ni suk kpuh vbatay hul Zezu. 22Ku ɓaŋ Zezu si ka̧h Golgota. Golgota sɔk ɓahri, gbogbotul. 23Ku hi̧ ni yim kú-u zukru ke sa̧wkpuh mir#15.23 Ɓay tu ɓay sa̧wkpuh mir, í ki̧ ɓay mir ɓil Mbete-ƴah tɔh riŋri.. Mí ke sa-a. 24-25Sa̧wseh toŋndɔk mbew bale ku ɓar Zezu ké tul kpuh vbatay. Mí ku fa̧h gar ye kehr ku̧ ke gelu gelu, ku nda ɓele keni. A ge ge le i nzuku a ye, nzuku a ye. 26Ku vbeh fe salɓay hul ye kan gbekre, mí ku ɓar fál síɓa tul ye. Salɓayu vbeh kandɔkay : « Mbay ziɓri. »
27Ku ɓar nzukbaa ŋgomnari seɗe ké ta̧w ye. Nzuk a mbewu ké fál ndɔk lakna ye, nzuk a seɗe-u ba, ké fál ndɔk kperu ye. 28#15.28 Mbete sa̧w nzak a haniri ta ke gel ki̧na-u ya. Ɓayu ku ten ke ɓil Mbete Esaïe 53.12. 29-30Nzukri ké ƴo kalna te tul woyri ɓoko ɓoko ƴo far ni keni ɓahri : « A ha̧h, a wo ké mu ɓahri, mu háw vul kani Ŋgerzah, mí mu él mboh ƴo gelu ɓil nam say ra, mú ya̧ mun wo, mú ɗer ke tul kpuh-ay. »
31Ŋgernzuk fe puhna Ŋgerzahri ke nzuk-sɔk mbete bolkusol Ŋgerzahri ƴo sak ni. Ku ƴo ɓahri : « Ke ya̧ nzuk a ɓoruri mí ke mah ya̧ mun ye ya dih. 32A ye Ŋgermbay mbay gun Izarayelri ra, ké ɗer ke tul kpuh-ay hi̧ náh ko. Le náh kan law tul ye. »
Nzukbaa ŋgomnari kú-u ɓar niri ké ta̧w Zezu ƴo far ni pi.
33Seh ƴo tul puh bale, tirim ya̧ gel ké tusiɓa gbam kpu̧ru ka̧h sa̧wseh say bɔklew. 34Sa̧wseh say ka̧h, Zezu ɗi fe ɓeleŋ ɓahri : « Eloyi Eloyi lema sabaktani. »
Ɓayu yih ɓahri : « Ŋgerzah bi, Ŋgerzah bi wo, ɓay fe mú-u poŋ mi diw le#15.34 Ɓayay na ɓil Mbete Siŋ (Psaumes) 22.1. Mbete Deutéronome 21.23 sɔk ɓahri, nzuk ké hu tul kpuh vbatay le salɓay ƴo tul ye. ? » 35Nzuk a haniri ƴo ɓel ye ɗih ya, ku lah fe ɗina ye ra, ku ɓahri : « Í ko. Ke ƴo ɗi Eli gun nzak pihna Ŋgerzah a lewsa̧. »
36Bale nzuk mbew ur ke ɗukna si mbi sifoŋ ŋga̧h ké nzak ka̧wkpuh, ke ɓaŋ ndoh yim a su̧h-u, mí ke ndar si tuŋ nzak Zezu ɓay ké ƴo̧k. Ku ɓahri : « Í poŋ. Náh ko wuri, Eli gun nzak pihna Ŋgerzah ra ɓay gi ɗer ni mini ani le ? »
37Bale Zezu vba̧ nzak ɓeleŋ, ke ɗer haŋ fo̧h mí hi̧ law ye toh. 38Baw gar a yih-u ké kuŋ gel ƴona Ŋgerzah ke gel ƴona nzukri ké ɓil vul kani gɔh tir ke síɓa ka̧h siɓa#15.38 Gel ƴona Ŋgerzah ɓa gel ké bɔk nzuk ta nda ri ya. Mbay nzuk fe puhna Ŋgerzah ke hȩk ye mí ɓay si ri bɔk mbew ɓil mbihmbam mbew. Í mgba Mbete Ebereri 9.12,25 tuh ke gel ki̧na-ay..
39Kumandah ƴo ɗih ya ko kona ma tul Zezu. Ke ko ɔ́h tɔr ɔkna Zezu bale, ke ɓahri : « Nzukay, ke ɓa gun Ŋgerzah gaŋ. »
40Wu̧yri ƴo ri pi. Ku ƴo ɓa ɗih-u ké sar gel ké gel-ɓar Zezu ƴo ko kona. Ké sakra wu̧yri-aw, Mari ké Makdala ƴo ri, Mari ké ɓa mah Zoze ke toŋnafal ye Zak ra ƴo ri, Salome ƴo ri pi. 41Wu̧yri-aw, Zezu ƴo Galile le, ku dih fal ye ƴo so ni. Daɓa wu̧y a ɓoruri ké ɓaŋ Zezu si ka̧h Zurusalem ƴo gel-ɓar ni ra pi.
42Seh na nzȩh. Sa̧wseh ka̧h ɓay lek feri dara nam a seɗe-u ɓil nam ti̧hmbih-i guy buma ɓá ka̧h. Nam a seɗe-u ɓa baw nam ɔkna ké sakra nam ti̧hmbih-uri. 43Nzuk a luki ké sakra ŋgernzuk-kuŋ salɓayri mbew ƴo ri. Riŋ ye ɓa Zezeɓ ké Arimate. A ye ra ke ɓaŋ law ye te tul lák mbay Ŋgerzah. Ke su̧h law. Ke si ta̧w Pilaɗ, mí ke vbi ni hul Zezu. 44Pilaɗ lah Zezu hu da. Le ɓayu na ni yer. Ke ɗi kumandah ra, mí ke vbi ni ɓayu, Zezu hu-hu gaŋ mini ani le ? 45Ke lah ké ta̧w kumandah ɓahri, Zezu hu-hu bale, ke poŋ ful hi̧ Zezeɓ si ɗer hul Zezu ra. 46Zezeɓ yeh ladara a taŋ fi̧nak fi̧nak. Ke ɗer hul Zezu, mí ke kuh hulu keni si mbek ɓil hoh kasaw kú-u fel lewsa̧ ɓay mbek hulri ɓilu#15.46 Hoh kasaw ké nzukri fel ɓay mbek ri hulri le, ku fel ɓay mbek hul mbew yaŋ ya. Ɓa gel mbek yi̧nri. Í mgba Mbete Sa̧w fe 23.17-20 ke gel ki̧na 49.29 32 pi. . Ku kikri mah kasaw mbih nzaku. 47Mari ké Makdala ke Mari mah Zoze ko gel kú-u mbek ri hul ra.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.