Mbete Fe laɓna Tempuki 21
21
Pɔl ka̧h Zurusalem
1Bol fal ké nah vbar ŋgernzuk misoŋ Efezeri, kehr hani wah se law se-se, mí nah puh gel kaɓna ɓil kumbon si kparak ka̧h Kos. Tipele, nah si Rodeh, falu nah kal si Patara. 2Ké gelaw, nah ziŋ kumbon-si Fonizi#21.2 Ur ke Patara si Fonizi laɓ salful sɔɗ tɔtɔklɔ ke bon niŋ falu niŋ (644)., nah hil ɓilu, mí nah tɔr. 3-4Nah si si si, nah toŋ tɔɓ ke tusiɓa Siper, mí nah poŋ tusiɓa-aw ma fál ndɔk kperu wah. Nah si Tir ké tusiɓa Siri, nah dah, nah ŋga̧h kumbon ké ri. Ku ɗer suknari, mí ku laɓ nam toŋndɔk say. A wah ba, nah ƴah nzuk-dih fal Ŋgermbayri, mí nah ziŋ niri. Nah kaɓ ziŋ niri ɓil namri-aw. Tempuki ƴo sɔk niri koseh ké ɓay ziŋ Pɔl, mí ku ɓah hi̧ ni ké si Zurusalem ya. 5Nam toŋndɔk sayaw ɔh bale, nah ur tɔr. Wo̧rori, wu̧yri, gunri riw ɓaŋ na ti̧h ke ka̧w puh si ka̧h nzak mahmbih. Nah huk siɓa, nah goŋ Ŋgerzah. 6Nah vbar haniri, mí nah el hil ɓil kumbon ra. A woyri ba, ku el ma puh.
7Nah ur ké Tir si Tolome. Nah vah yi̧n wah ɓil Ŋgermbayri ké ri. Nah kaɓ ziŋ niri nam mbew. 8Tipele-u, nah tɔr si Sezareh. Nah ɗer ké puh Filiɓ nzuk ka-kah ɓay Ŋgermbay#21.8 Í ki̧ Mbete Fe laɓna Tempuki 8.40 ɓay tu ɓay Filiɓ. Ke kaɓ Sezareh laɓ mbihmbam bon seɗe da.. Pol sa̧, ke ƴo sakra nzukri toŋndɔk say#21.8 Í ki̧ Mbete Fe laɓna Tempuki 6.3-6 ɓay tu ɓay nzukri toŋndɔk say-ay. ké wal fe su̧na hi̧ wu̧y sehri ké Zurusalem ra pi. Nah na puh ye. 9Ke mbuŋ gun wu̧yri niŋ. Ku mbi mun woyri hi̧ Ŋgerzah. Ku ya̧ wo̧ro ya. Tempuki ƴo ɓaŋ ɓay ndoh nzak woyri hi̧ ku ɓah nzak pihna-u. 10-11Nah kaɓ ri nam mah fe bale, Agabus#21.10-11 Í ki̧ Mbete Fe laɓna Tempuki 11.27,28 ɓay tu ɓay Agabus. gun nzak pihna Ŋgerzah ké Zude ɗer gi ta̧w wah. Ke sel sal-ŋga̧h si̧h Pɔl, ke ŋga̧h keni bɔk Pɔl ke ndɔk ye. Ke el ɓahri, Tempuki ɓahri, ziɓri ké Zurusalem ɓay ŋga̧h nzuk salay ra kaŋ pi. Ku póŋ ni ndoh ndɔk sa̧wnzuk a ɓoruri. 12Nah lah ɓayaw kaŋ bale, a wah ke yi̧n wah ɓil Ŋgermbayri ké puh-aw, nah laɓ kɔkrɔya hi̧ Pɔl ké hil si Zurusalem ya. 13Wara mí, ke yih nzak wah ɓahri : « Ɓay fe mí i vuh rew hi̧ law bi sa̧h ? A bi le, ta ɓa ŋga̧hna ké Zurusalem kaŋto ya. Ɓa ra hul kara, mi lek mun bi ɓay hu ɓay hi̧ riŋ Gaŋ wah Zezu ɓá mgbe ma pol pol. »
14Nah ta̧h vana sɔɓ kerɓay ye kpu̧y, mí nah el kaɓ ɗeŋ, mí nah ɓahri, Ŋgerzah ɓá laɓ kandɔk ké-e yih.
15Fal namri-aw, nah ŋga̧h sukna wah. Nah hil si Zurusalem. 16Nzuk-dih fal Ŋgermbayri ké Sezareh ɓaŋ na. Ku maŋ na si puh Nasoŋ ziɓ ké sa̧w puh ye ɓa Siper. Ke ƴo sakra nzuk a titiluri ké kan law tul Ŋgermbay. Nah si, mí ke mgba na gahru. 17Ka̧hna wah ké Zurusalem le, yi̧n wah ɓil Ŋgermbayri ya̧ na ke law rihna#21.17 Bɔh sina Pɔl a haniri, sa̧w woyri ɓa ziɓ ya. Sa̧w nzuk dih fal Ŋgermbayri ké Zurusalem ɓa ziɓ. Luk ƴo sɔk ɓay law in Ŋgermbay ké hi̧ ziɓri mbu̧h ke sa̧wnzuk a ɓoruri ɓa nzuk mbew..
18Tipele, Pɔl maŋ na si ta̧w Zak. Ŋgernzuk vul misoŋri riw mbu̧h hani ké ri pi. 19Nah vah niri, mí Pɔl el ndazi ɓay feri ké Ŋgerzah hi̧ ni ke laɓ ké haŋsekle sa̧wnzuk a ɓoruri. Ke ɓah ɓay ke nzaku nzaku gbam hi̧ niri. 20Ku lah ɓay ye bale, ku dim Ŋgerzah. Mí ku el lu mberem ziŋ ni ɓahri : « Yi̧n wah, mú ko daɓa yi̧n wah ziɓri ɓa ŋgi̧-u mí kan law tul Ŋgermbay, mí riw woyri ku ri̧h si̧w ké tul bolkusol ké Ŋgerzah hi̧ Moyiz vbeh. 21Ku lah ke nzak nzukri ɓahri se, mu ƴo sɔk ziɓri ké kaɓ sakra sa̧wnzuk a ɓoruri ɓá kuŋ ndi̧w ya, kú poŋ fe laɓna zih wahri, kú dih fal bolkusol Moyiz mba. 22Ku láh ɓahri, mu gi-gi. Nah láɓ ani ɓáy le ? 23Mú laɓ fe ké nah ɓay sɔk mu-ay : Nzukri niŋ ƴo ri-ay. Ku ziŋ law rihna ŋga̧h wahɓay-saŋ mun woyri hi̧ Ŋgerzah, mí nam-saŋ mun woyri ra ɔh da. 24Mú fa̧h niri si pol nzuk fe puhna Ŋgerzahri. Í laɓ fe laɓna mah si vul kani Ŋgerzah dara mú-u si ke fe puhna ɓay tul woyri. Kaŋ le ku mah su̧h tul woyri#21.24 Ku saŋ mun ke su̧h tul ɓay tul hul ya. Ku wahɓay saŋ mun woyri ke law rihna hi̧ Ŋgerzah. Í ki̧ Mbete Nombres 6.1-21 ɓay tu ɓay wahɓay ké Ŋgerzah hi̧ ziɓri hah keni mun woyri. Sew wahɓay ra, ku poŋ pirmatul sa.. Dale ziɓri gbam ɓay tu ɓahri, su̧hɓay kú-u lah ké tul wo ra ɓa kuŋɓay le, mu ƴo tul bolkusol Moyiz gaŋ. 25Mí sa̧wnzuk a ɓoruri ké kan law tul Ŋgermbay ra, ku ziŋ mbete#21.25 Í ki̧ Mbete Fe laɓna Tempuki 15.23-29 ɓay tu ɓay mbete-u. ké nah vbeh lewsa̧ sɔk niri bolkusol wah : Kú ɗih ke fe su̧na kú-u puh hi̧ záhri ɗi-ɗih, kú su̧ sem ya, hay a a̧y kú-u vbeh ya ra kú lak ya, kú laɓ nunpuki ya pi. »
26Tipele-u bale, Pɔl fa̧h nzukri ké niŋ ra. Ke si ziŋ niri laɓ fe laɓna-lek mun woyri ɓay rih gel ƴona ziɓri ké ɓil ila vul kani. Mí ku si ri. A ye, ke sɔk nzuk fe puhna nam ké-e ɓay gi ke fe puhna ɓay ɔh wahɓay ké nzukuri hah keni mun woyri.
Ziɓri mgba Pɔl ké vul kani Ŋgerzah
27Ɓil namri toŋndɔk say ké Pɔl wahɓay hi̧ fe puhna ɓá ɔh ra, ziɓri ké ur ke tusiɓa Azi si Zurusalem, ku ko ni ké gel ƴona ziɓri ké ɓil ila vul kani Ŋgerzah, mí ku zukru kerɓay ziɓ a ɓoruri gbam hi̧ law woyri fa̧h, mí ku mgba ni. 28Ku vba̧ nzak ɓeleŋ ɓeleŋ ɓahri : « Nzuk Izarayelri wo, í gi so na. Gunwo̧ro-ay ha̧rma ke gelri gbam. Ke ƴo sɔk nzukri riw ɓahri, bolkusol Moyiz ke sa̧w wah Izarayelri ke vul kani-ay ɓa fe a garu dara mí ke fa̧h sa̧wnzuk a ɓoruri gi rih ɓil ila gel ƴona ziɓri-ay ɓeɓ keni vul Ŋgerzah-ay. »
29Ku ɓah kaŋ ɓayu ké ku ko Torofin#21.29 Í ki̧ Mbete Fe laɓna Tempuki 20.4 ɓay tu ɓay Torofin Ke ta ɓa gun Izarayel ya. Sa̧w ye na ɓoɗ ke sa̧w Pɔl ké ɓa ziɓ. nzuk Efeze ɓil ka̧w puh ke Pɔl, mí ku ker ɓahri, Pɔl hi̧ ni ke rih ɓil ila gel ƴona ziɓri ké vul kani Ŋgerzah ra pi. 30Ɓayu ya̧ ka̧w puh riw. Nzukri ɗuk yir ke gelri ɓoɗ ɓoɗ gi mbu̧h hani mer mer. Ku mgba Pɔl kɔklɔ ni kpola kpola si keni kala ila vul kani Ŋgerzah. Ku tuh nzakful-si ɓil ila vul kani Ŋgerzah liɓ liɓ. 31Ku yih ɓay i Pɔl, mí kerɓay nzuk Zurusalemri ké zukru-aw ka̧h ta̧w ŋgernzuk kumandah soze Rɔmri. 32Ke fa̧h kumandahri ke soze woyri ɓa gah-u ɗuk keni si ta̧w daɓa nzukri ké mbah tul hani mer mer ra. Ku ko ŋgernzuk sozeri ke soze woyri bale, ku poŋ vba̧ Pɔl. 33Ŋgernzuk kumandah ra loh si ta̧w Pɔl, mí ke mgba ni. Ke hi̧ ku ŋga̧h ndɔk ye ke sal lari seɗe. Ke el vbi ɓahri, nzuku-ay ɓa ge le ? A fe mí ke laɓ le ? 34Ké sakra daɓari-aw, a ge ge le, ɓah ɓay ye ɓoɗ ɓoɗ. Ku zukru ɓay maŋ. Ŋgernzuk kumandah ziŋ ful tu sa̧wɓayu ya ɓay tul suhɓay woyri ra, ke hi̧ ku si ke Pɔl ma gel kaɓna sozeri. 35-36Daɓa nzukri dih fal woyri wuh wuh. Ku vba̧ nzak ɓahri, i ni i. Ku ka̧h polkɔkɔ gel kaɓna sozeri ɓay hil ma ma ri bale, sozeri mbi ni suk ɓay daɓa nzukri ké mgbɔr mbamba. 37Sozeri toŋ ɗih ya ɓay rih ziŋ ni ma gel kaɓna woyri bale, ku ɗer ni hi̧ Pɔl ƴo síɓa, mí Pɔl vbi ŋgernzuk kumandah ɓahri : « Mi zíŋ ful ɓah ɓay le ? »
Mí ke el vbi ni ɓahri : « Mu ɓah nzak gerek ɓah wa ? 38Mí le mu ta ɓa nzuk Eziɓte a ye ké-e fa̧h nzukri sɔɗ sɔɗ boh gel niŋ (4.000) si ku̧ ɓil suy ke fe remri gbur keni puh ra ya. »
39Pɔl yih nzak ye ɓahri : « A bi le, mi ɓa ziɓ. Ku mbuŋ mi ké Tarsi ké tusiɓa Silisi puh ké riŋu mgbe mbamba. Mi vbi wuri ful ɓay ɓah ɓay hi̧ nzuk biri. »
40Ke hi̧ ni ful. Ke ɔr ndɔk hi̧ nzukri ɓay kú lah ni. Ku ɔk nzak woyri kelek, mí ke ɓah ɓay hi̧ niri ke nzak ebere ɓahri :
ទើបបានជ្រើសរើសហើយ៖
Mbete Fe laɓna Tempuki 21: SIAFNK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.
Mbete Fe laɓna Tempuki 21
21
Pɔl ka̧h Zurusalem
1Bol fal ké nah vbar ŋgernzuk misoŋ Efezeri, kehr hani wah se law se-se, mí nah puh gel kaɓna ɓil kumbon si kparak ka̧h Kos. Tipele, nah si Rodeh, falu nah kal si Patara. 2Ké gelaw, nah ziŋ kumbon-si Fonizi#21.2 Ur ke Patara si Fonizi laɓ salful sɔɗ tɔtɔklɔ ke bon niŋ falu niŋ (644)., nah hil ɓilu, mí nah tɔr. 3-4Nah si si si, nah toŋ tɔɓ ke tusiɓa Siper, mí nah poŋ tusiɓa-aw ma fál ndɔk kperu wah. Nah si Tir ké tusiɓa Siri, nah dah, nah ŋga̧h kumbon ké ri. Ku ɗer suknari, mí ku laɓ nam toŋndɔk say. A wah ba, nah ƴah nzuk-dih fal Ŋgermbayri, mí nah ziŋ niri. Nah kaɓ ziŋ niri ɓil namri-aw. Tempuki ƴo sɔk niri koseh ké ɓay ziŋ Pɔl, mí ku ɓah hi̧ ni ké si Zurusalem ya. 5Nam toŋndɔk sayaw ɔh bale, nah ur tɔr. Wo̧rori, wu̧yri, gunri riw ɓaŋ na ti̧h ke ka̧w puh si ka̧h nzak mahmbih. Nah huk siɓa, nah goŋ Ŋgerzah. 6Nah vbar haniri, mí nah el hil ɓil kumbon ra. A woyri ba, ku el ma puh.
7Nah ur ké Tir si Tolome. Nah vah yi̧n wah ɓil Ŋgermbayri ké ri. Nah kaɓ ziŋ niri nam mbew. 8Tipele-u, nah tɔr si Sezareh. Nah ɗer ké puh Filiɓ nzuk ka-kah ɓay Ŋgermbay#21.8 Í ki̧ Mbete Fe laɓna Tempuki 8.40 ɓay tu ɓay Filiɓ. Ke kaɓ Sezareh laɓ mbihmbam bon seɗe da.. Pol sa̧, ke ƴo sakra nzukri toŋndɔk say#21.8 Í ki̧ Mbete Fe laɓna Tempuki 6.3-6 ɓay tu ɓay nzukri toŋndɔk say-ay. ké wal fe su̧na hi̧ wu̧y sehri ké Zurusalem ra pi. Nah na puh ye. 9Ke mbuŋ gun wu̧yri niŋ. Ku mbi mun woyri hi̧ Ŋgerzah. Ku ya̧ wo̧ro ya. Tempuki ƴo ɓaŋ ɓay ndoh nzak woyri hi̧ ku ɓah nzak pihna-u. 10-11Nah kaɓ ri nam mah fe bale, Agabus#21.10-11 Í ki̧ Mbete Fe laɓna Tempuki 11.27,28 ɓay tu ɓay Agabus. gun nzak pihna Ŋgerzah ké Zude ɗer gi ta̧w wah. Ke sel sal-ŋga̧h si̧h Pɔl, ke ŋga̧h keni bɔk Pɔl ke ndɔk ye. Ke el ɓahri, Tempuki ɓahri, ziɓri ké Zurusalem ɓay ŋga̧h nzuk salay ra kaŋ pi. Ku póŋ ni ndoh ndɔk sa̧wnzuk a ɓoruri. 12Nah lah ɓayaw kaŋ bale, a wah ke yi̧n wah ɓil Ŋgermbayri ké puh-aw, nah laɓ kɔkrɔya hi̧ Pɔl ké hil si Zurusalem ya. 13Wara mí, ke yih nzak wah ɓahri : « Ɓay fe mí i vuh rew hi̧ law bi sa̧h ? A bi le, ta ɓa ŋga̧hna ké Zurusalem kaŋto ya. Ɓa ra hul kara, mi lek mun bi ɓay hu ɓay hi̧ riŋ Gaŋ wah Zezu ɓá mgbe ma pol pol. »
14Nah ta̧h vana sɔɓ kerɓay ye kpu̧y, mí nah el kaɓ ɗeŋ, mí nah ɓahri, Ŋgerzah ɓá laɓ kandɔk ké-e yih.
15Fal namri-aw, nah ŋga̧h sukna wah. Nah hil si Zurusalem. 16Nzuk-dih fal Ŋgermbayri ké Sezareh ɓaŋ na. Ku maŋ na si puh Nasoŋ ziɓ ké sa̧w puh ye ɓa Siper. Ke ƴo sakra nzuk a titiluri ké kan law tul Ŋgermbay. Nah si, mí ke mgba na gahru. 17Ka̧hna wah ké Zurusalem le, yi̧n wah ɓil Ŋgermbayri ya̧ na ke law rihna#21.17 Bɔh sina Pɔl a haniri, sa̧w woyri ɓa ziɓ ya. Sa̧w nzuk dih fal Ŋgermbayri ké Zurusalem ɓa ziɓ. Luk ƴo sɔk ɓay law in Ŋgermbay ké hi̧ ziɓri mbu̧h ke sa̧wnzuk a ɓoruri ɓa nzuk mbew..
18Tipele, Pɔl maŋ na si ta̧w Zak. Ŋgernzuk vul misoŋri riw mbu̧h hani ké ri pi. 19Nah vah niri, mí Pɔl el ndazi ɓay feri ké Ŋgerzah hi̧ ni ke laɓ ké haŋsekle sa̧wnzuk a ɓoruri. Ke ɓah ɓay ke nzaku nzaku gbam hi̧ niri. 20Ku lah ɓay ye bale, ku dim Ŋgerzah. Mí ku el lu mberem ziŋ ni ɓahri : « Yi̧n wah, mú ko daɓa yi̧n wah ziɓri ɓa ŋgi̧-u mí kan law tul Ŋgermbay, mí riw woyri ku ri̧h si̧w ké tul bolkusol ké Ŋgerzah hi̧ Moyiz vbeh. 21Ku lah ke nzak nzukri ɓahri se, mu ƴo sɔk ziɓri ké kaɓ sakra sa̧wnzuk a ɓoruri ɓá kuŋ ndi̧w ya, kú poŋ fe laɓna zih wahri, kú dih fal bolkusol Moyiz mba. 22Ku láh ɓahri, mu gi-gi. Nah láɓ ani ɓáy le ? 23Mú laɓ fe ké nah ɓay sɔk mu-ay : Nzukri niŋ ƴo ri-ay. Ku ziŋ law rihna ŋga̧h wahɓay-saŋ mun woyri hi̧ Ŋgerzah, mí nam-saŋ mun woyri ra ɔh da. 24Mú fa̧h niri si pol nzuk fe puhna Ŋgerzahri. Í laɓ fe laɓna mah si vul kani Ŋgerzah dara mú-u si ke fe puhna ɓay tul woyri. Kaŋ le ku mah su̧h tul woyri#21.24 Ku saŋ mun ke su̧h tul ɓay tul hul ya. Ku wahɓay saŋ mun woyri ke law rihna hi̧ Ŋgerzah. Í ki̧ Mbete Nombres 6.1-21 ɓay tu ɓay wahɓay ké Ŋgerzah hi̧ ziɓri hah keni mun woyri. Sew wahɓay ra, ku poŋ pirmatul sa.. Dale ziɓri gbam ɓay tu ɓahri, su̧hɓay kú-u lah ké tul wo ra ɓa kuŋɓay le, mu ƴo tul bolkusol Moyiz gaŋ. 25Mí sa̧wnzuk a ɓoruri ké kan law tul Ŋgermbay ra, ku ziŋ mbete#21.25 Í ki̧ Mbete Fe laɓna Tempuki 15.23-29 ɓay tu ɓay mbete-u. ké nah vbeh lewsa̧ sɔk niri bolkusol wah : Kú ɗih ke fe su̧na kú-u puh hi̧ záhri ɗi-ɗih, kú su̧ sem ya, hay a a̧y kú-u vbeh ya ra kú lak ya, kú laɓ nunpuki ya pi. »
26Tipele-u bale, Pɔl fa̧h nzukri ké niŋ ra. Ke si ziŋ niri laɓ fe laɓna-lek mun woyri ɓay rih gel ƴona ziɓri ké ɓil ila vul kani. Mí ku si ri. A ye, ke sɔk nzuk fe puhna nam ké-e ɓay gi ke fe puhna ɓay ɔh wahɓay ké nzukuri hah keni mun woyri.
Ziɓri mgba Pɔl ké vul kani Ŋgerzah
27Ɓil namri toŋndɔk say ké Pɔl wahɓay hi̧ fe puhna ɓá ɔh ra, ziɓri ké ur ke tusiɓa Azi si Zurusalem, ku ko ni ké gel ƴona ziɓri ké ɓil ila vul kani Ŋgerzah, mí ku zukru kerɓay ziɓ a ɓoruri gbam hi̧ law woyri fa̧h, mí ku mgba ni. 28Ku vba̧ nzak ɓeleŋ ɓeleŋ ɓahri : « Nzuk Izarayelri wo, í gi so na. Gunwo̧ro-ay ha̧rma ke gelri gbam. Ke ƴo sɔk nzukri riw ɓahri, bolkusol Moyiz ke sa̧w wah Izarayelri ke vul kani-ay ɓa fe a garu dara mí ke fa̧h sa̧wnzuk a ɓoruri gi rih ɓil ila gel ƴona ziɓri-ay ɓeɓ keni vul Ŋgerzah-ay. »
29Ku ɓah kaŋ ɓayu ké ku ko Torofin#21.29 Í ki̧ Mbete Fe laɓna Tempuki 20.4 ɓay tu ɓay Torofin Ke ta ɓa gun Izarayel ya. Sa̧w ye na ɓoɗ ke sa̧w Pɔl ké ɓa ziɓ. nzuk Efeze ɓil ka̧w puh ke Pɔl, mí ku ker ɓahri, Pɔl hi̧ ni ke rih ɓil ila gel ƴona ziɓri ké vul kani Ŋgerzah ra pi. 30Ɓayu ya̧ ka̧w puh riw. Nzukri ɗuk yir ke gelri ɓoɗ ɓoɗ gi mbu̧h hani mer mer. Ku mgba Pɔl kɔklɔ ni kpola kpola si keni kala ila vul kani Ŋgerzah. Ku tuh nzakful-si ɓil ila vul kani Ŋgerzah liɓ liɓ. 31Ku yih ɓay i Pɔl, mí kerɓay nzuk Zurusalemri ké zukru-aw ka̧h ta̧w ŋgernzuk kumandah soze Rɔmri. 32Ke fa̧h kumandahri ke soze woyri ɓa gah-u ɗuk keni si ta̧w daɓa nzukri ké mbah tul hani mer mer ra. Ku ko ŋgernzuk sozeri ke soze woyri bale, ku poŋ vba̧ Pɔl. 33Ŋgernzuk kumandah ra loh si ta̧w Pɔl, mí ke mgba ni. Ke hi̧ ku ŋga̧h ndɔk ye ke sal lari seɗe. Ke el vbi ɓahri, nzuku-ay ɓa ge le ? A fe mí ke laɓ le ? 34Ké sakra daɓari-aw, a ge ge le, ɓah ɓay ye ɓoɗ ɓoɗ. Ku zukru ɓay maŋ. Ŋgernzuk kumandah ziŋ ful tu sa̧wɓayu ya ɓay tul suhɓay woyri ra, ke hi̧ ku si ke Pɔl ma gel kaɓna sozeri. 35-36Daɓa nzukri dih fal woyri wuh wuh. Ku vba̧ nzak ɓahri, i ni i. Ku ka̧h polkɔkɔ gel kaɓna sozeri ɓay hil ma ma ri bale, sozeri mbi ni suk ɓay daɓa nzukri ké mgbɔr mbamba. 37Sozeri toŋ ɗih ya ɓay rih ziŋ ni ma gel kaɓna woyri bale, ku ɗer ni hi̧ Pɔl ƴo síɓa, mí Pɔl vbi ŋgernzuk kumandah ɓahri : « Mi zíŋ ful ɓah ɓay le ? »
Mí ke el vbi ni ɓahri : « Mu ɓah nzak gerek ɓah wa ? 38Mí le mu ta ɓa nzuk Eziɓte a ye ké-e fa̧h nzukri sɔɗ sɔɗ boh gel niŋ (4.000) si ku̧ ɓil suy ke fe remri gbur keni puh ra ya. »
39Pɔl yih nzak ye ɓahri : « A bi le, mi ɓa ziɓ. Ku mbuŋ mi ké Tarsi ké tusiɓa Silisi puh ké riŋu mgbe mbamba. Mi vbi wuri ful ɓay ɓah ɓay hi̧ nzuk biri. »
40Ke hi̧ ni ful. Ke ɔr ndɔk hi̧ nzukri ɓay kú lah ni. Ku ɔk nzak woyri kelek, mí ke ɓah ɓay hi̧ niri ke nzak ebere ɓahri :
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.