Mbete Fe laɓna Tempuki 16
16
1Pɔl ke Silas si ka̧h Derbe ke Listere#16.1 Derbe ke Listere ɓa puhri ké Pɔl ka̧h ke Barnabas ɓil mbete Fe laɓna Tempuki 14.6-20.. Mí ku ziŋ nzuk-dih fal Ŋgermbay a hani. Riŋ ye ɓa Timote. Sa̧w ye ɓa ziɓ ké fál mah#16.1 Í ki̧ Mbete Sa̧w fe 3.15 ɓay tu ɓay fe mí ziɓri ki̧ sa̧w nzukri ké fál mah. Dum law : Nzuk ké mbuŋ Zezu ta-a. Ku ki̧ sa̧w ye ké fál mah ye Mari.. Mah ye kan law tul Ŋgermbay. Bah ye ɓa gerek. 2Nzuk yi̧n ɓil Ŋgermbayri ké Listere, ké Yikoniyam, ku lu lakna ɓay Timote ɓa suki. 3Pɔl yih ɓay hi̧ ni ké na ɓa bɔh sina woyri. Kandɔkaw, Pɔl hi̧ Timote kuŋ ndi̧w ɓayu ké ziɓri ké kaɓ tusiɓa-aw ko ni ɓa ziɓ, mí ku tu-tu ɓahri se, bah ye ɓa gerek. 4Puhri gbam kú-u kal ké ri le, ku ƴo sɔk sa̧w nzuk Ŋgermbayri salɓay ké gun nzak pihnari ke ŋgernzuk vul misoŋri ké Zurusalem kuŋ ra#16.4 Í ki̧ Mbete Fe laɓna Tempuki 15.22-29 ɓay tu ɓay salɓay ké gun nzak pihnari ke ŋgernzuk vul misoŋri ké Zurusalem kuŋ., kú ƴo tulu. 5Kaŋ mí sa̧w nzuk Ŋgermbayri ƴo ŋger ké ɓil kan law woyri kpatara. Namri gbam, ŋgi̧na woyri si ma pol pol.
6Bale ku si ké tusiɓa Firizi-Galaɗ ɓay fe le, Tempuki gboh niri sí tusiɓa Azi#16.6 Azi a gelay ta ɓa tusiɓa Sinwa ya. Azi-ay na ɓil tusiɓa Turki a guri-ay. ɓay sɔk ɓay Ŋgermbay ké ri.
Tempuki pih Pɔl si Maseduwan
7Ku ka̧h mahful sekle tusiɓa Misi. Ku yih ɓay rih tusiɓa Bitini, mí Tem Zezu hi̧ niri ful rih-u ya. 8Ku mbi ful tusiɓa Misi, mí ku ɗer si Torowa, puh a luki ké ɓel mahmbih Medeterani. 9Ke suŋaw, Pɔl lɔl. Ke ko nzuk Maseduwan a hani ƴo síɓa goŋ ni ɓahri : « Mú gi Maseduwan, mú so na. »
10Bol fal lɔlɔ Pɔl bale nah eɓ ful ɓay tɔr si Maseduwan#16.10 Luk, nzuk-vbeh mbete-ay mbu̧h hani ke Pɔlri. Sa̧wu mí ke vbeh ɓahri, nah.. Nah tu ɓahri, Ŋgerzah pih na ma ma ri ɓay náh si sɔk ɓaysuki lák mbay Ŋgermbay hi̧ nzukri.
11Ké Torowa, nah puh gel kaɓna ɓil kumbon. Nah tɔr si Samutarasi. Tipele-u, nah puh gel kaɓna ɓil kumbon si Neyapol. 12Ké gelaw nah ur si Filipi, puh a luki ɓil distirik a hani ké Maseduwan. Puh-aw, gel pihna ŋgomna-u ɓa rɔmri. Nah kaɓ ri nam mah fe. 13Nam ɔkna ka̧h bale, nah ti̧h ke ɓil puh-aw si ɓel mbih#16.13 Ku mbu̧h hani ɓel mbih ɓa fe laɓna ziɓri kandɔk kú-u wɔk ɗikma tukala dara ku goŋ Ŋgerzah. Sa̧wu mí ku si ɓel mbih a uh-u ɓayu. . Nah ker ɓahri, nah zíŋ gel-goŋ Ŋgerzah ziɓri#16.13 Ku ti̧h kala ma gel-goŋ Ŋgerzah ziɓri ɓayu ké vul misoŋ ta ɓil puh ya. Ké ta̧w ziɓri, wo̧rori ɓá laɓ boh dara kú mboh vul misoŋ ké ɓil puh ɓáy.. Nah ka̧h. Mí nah ziŋ wu̧yri mí mbu̧h hani ké ri. Nah kaɓ ƴo lu mberem ziŋ niri. 14Wu̧y mbew ké sakra wu̧yri-aw, riŋ ye ɓa Ledi. Pihna ye ɓa ɗam yargar ké lari-u ɓa ŋgeru. Sa̧w puh ye ɓa Tiyatir. Ke ɓa ziɓ ya, mí ke ƴo dim Ŋgerzah ziɓri. Ke ƴo lah ɓay wah bale, Gaŋ tul feri riw mgbur law ye ŋgah hi̧ ni ke ya̧ ɓay mberem Pɔl ke law rihna. 15A ye ke nzuk kerpuh yeri, ku ti̧h mbih batem. Bol falu, ke goŋ na ɓay náh si puh ye. Ke ɓahri, nah ko ni, ke kan law tul Gaŋ tul feri riw ɓa ketina le, náh si kaɓ puh ye.
Ke goŋ na ke kɔkrɔya ɓay náh ya̧ ɓay ye.
16-17Nam ké nah ti̧h ɓay si ma gel-goŋ Ŋgerzah ra dale, gun tikla a hani ɓa mgbal, nzɔh nun wah, mí ke el dih fal wah. A ye-aw, záh ƴo ziŋ ni hi̧ ni ke na ɓa nzuk fe kona. Pihna ye ƴo gi ke lari ɓa ŋgi̧-u hi̧ bahgaŋ yeri. Ke dih fal wah kparvbaw. Ke vba̧ nzak le, ke vba̧ ra ɓáy ɓahri : « Nzukri-ay ɓa gun-laɓ pihna Ŋgerzah ké deɓ ye ta-a. Ku ƴo sɔk wuri mahful kaɓ ke ɔkna ɓa ŋgɔh. »
18Ke laɓ kaŋ nam ke nam hi̧ law Pɔl fa̧h. Mí ke sɔɓ nun bale, ke ɓah hi̧ záh ra ɓahri : « Ke riŋ Ŋgermbay Zezu, mi sɔk mu, mú ti̧h ke tul gun wu̧yaw. »
Mí záh ra ti̧h ke sa̧wseh-u gaŋ.
19Bahgaŋ yeri ko ɓahri, ŋgoro fe su̧na woyri vbar da, mí ku mgba Pɔl ke Silas. Ku kɔklɔ niri kpola kpola si gel-kuŋ salɓay. 20Ku ka̧h ta̧w ŋgernzuk-kuŋ salɓay Rɔmri. Ku ɓahri : « Nzukayri-ay ɓa ziɓ. Ku ƴo gbur puh wah ke ɓay. 21Ku ƴo sɔk fe a a̧y ké a wah, nzuk tusiɓa Rɔmri, nah mah laɓu ya. Nah mah ya̧-u ya pi. »
22Daɓa nzukri ur ku̧ tul Pɔl ke Silas. Ŋgernzukri gɔh gar Pɔl ke Silas ratata ratata, mí ku hi̧ gunbɔk pihnari vba̧ niri ke ka̧wkpuh vbir vbir. 23Ku vba̧ niri ndɔk ŋgi̧ mbamba dara mí ku si ziŋ niri mbih vul mgbal. Ku ɓah hi̧ ŋgernzuk soze-kɔr mgbalri ɓá mbih niri liɓ liɓ ɓa suki. 24Ke lah nzak pihna-aw bale, ke mbih niri vul mgbal gel a gbu̧h-u, mí ke ɓar bɔk woyri ke ɗah a yih-u#16.24 Ɗah ɓa kpuh kú-u fel mí ku ɓar kpuhaw mbih keni bɔk mgbalri..
25Pɔl ke Silas ƴo goŋ Ŋgerzah ke siŋ dimna ke haŋgel. Tɔr mgbal a ɓoruri te suk ƴo lah-u. 26Wara mí tusiɓa laŋ yik yik. Diŋ vul mgbal kara laŋ pi. Sa gelaw mí nzak vulri mgbur, sal lari kú-u ŋga̧h keni mgbalri sel riw. 27Ŋgernzuk soze-kɔr mgbalri ra ba, tom yirkiɗ ke nam le, ke ko nzak vul mgbal na ŋgah ŋgah. Ke ker ɓahri, mgbalri ɗuk da. Bale ke lu mahwu̧y pevbȩɗ ɓay i keni tul ye. 28Mí Pɔl ɓah ɓay ɓeleŋ hi̧ ni ɓahri : « Mú i tul wo ya. Nah ƴo ri-ay gbam wah. »
29Ŋgernzuk soze-kɔr mgbalri ra vbi hɔrɔ. Ku hi̧ ni hɔrɔ. Ke ɗuk ɓa gah-u rih tul Pɔl ke Silas. Mun ye to kpak kpak, ke huk siɓa gburuk ké pol woyri. 30Ke ten niri ke ɓil vul a gbu̧h-u ra, mí ke vbi niri ɓahri : « Ŋgernzukri, mi láɓ ani ɓay kaɓ ke ɔkna ɓa ŋgɔh ra le ? »
31Ku yih nzak ye ɓahri : « Mú kan law tul Ŋgermbay Zezu, Gaŋ tul feri riw le, ke yá̧ mu ɓa gun puh lakna ye, a wo ke nzuk kerpuh wori. »
32Ku sɔk ni ɓay Gaŋ tul feri riw, a ye ke nzuk kerpuh yeri gbam, ku lah. 33Suŋaw gaŋ mí ŋgernzuk soze-kɔr mgbalri ra maŋ niri si wɔk no̧ko woyri. Bol falu mí ke hi̧ niri, ku soh ni mbih batem, a ye ke nzuk yeri riw. 34Ke maŋ Pɔl ke Silas si puh ye. Ke mgba niri ɓa suki, ke hi̧ niri fe su̧na. A ye ke nzuk yeri, ku ziŋ mun rihna ɓayu kú-u kan law tul Ŋgerzah.
35Tipele teh mí ŋgernzuk-kuŋ salɓay Rɔmri pih soze woyri si sɔk ŋgernzuk soze-kɔr mgbalri ɓahri, ké poŋ nzukawri ɓá tɔr.
36Ŋgernzuk soze-kɔr mgbalri ra el sɔk Pɔl ɓahri : « Ŋgernzuk-kuŋ salɓayri pih nzak pihna hi̧ mi ɓay mí poŋ wuri. Kaŋ dale í ti̧h, í si wuri ɓa suki wara. »
37Mí Pɔl el ke ɓay hi̧ sozeri ké gi ra ɓahri : « Ku kuŋ salɓay ké tul wah ya, mí ku vba̧ na ké nun nzukri mgbum, a wah ké nah ɓa gun puh lakna Rɔmri dara mí ku mbih na ké vul mgbal. Mí aŋay le, ku yih ɓay náh ƴa-ƴahra, mí náh ti̧h. Ta laɓ kandɔkaw ya. Kú gi ten na ke mun woyri gaŋ. »
38Sozeri ké gi ke nzak pihna ŋgernzuk-kuŋ salɓay Rɔmri ra el si ndazi ɓayu hi̧ niri. Ku lah ɓahri se, Pɔl ke Silas ɓa gun puh lakna Rɔmri bale, hȩkme laɓ niri. 39Ŋgernzukri ra ur gi ta̧w woyri gɔl niri. Ku ten niri ké ɓil vul mgbal. Ku goŋ niri kú tɔr ké puh woyri. 40Mí Pɔl ke Silas ti̧h, ku si puh Ledi. Ku ziŋ nzuk yi̧n ɓil Ŋgermbayri ké ri. Ku hew niri ke ɓay Ŋgermbay, mí ku tɔr.
ទើបបានជ្រើសរើសហើយ៖
Mbete Fe laɓna Tempuki 16: SIAFNK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.
Mbete Fe laɓna Tempuki 16
16
1Pɔl ke Silas si ka̧h Derbe ke Listere#16.1 Derbe ke Listere ɓa puhri ké Pɔl ka̧h ke Barnabas ɓil mbete Fe laɓna Tempuki 14.6-20.. Mí ku ziŋ nzuk-dih fal Ŋgermbay a hani. Riŋ ye ɓa Timote. Sa̧w ye ɓa ziɓ ké fál mah#16.1 Í ki̧ Mbete Sa̧w fe 3.15 ɓay tu ɓay fe mí ziɓri ki̧ sa̧w nzukri ké fál mah. Dum law : Nzuk ké mbuŋ Zezu ta-a. Ku ki̧ sa̧w ye ké fál mah ye Mari.. Mah ye kan law tul Ŋgermbay. Bah ye ɓa gerek. 2Nzuk yi̧n ɓil Ŋgermbayri ké Listere, ké Yikoniyam, ku lu lakna ɓay Timote ɓa suki. 3Pɔl yih ɓay hi̧ ni ké na ɓa bɔh sina woyri. Kandɔkaw, Pɔl hi̧ Timote kuŋ ndi̧w ɓayu ké ziɓri ké kaɓ tusiɓa-aw ko ni ɓa ziɓ, mí ku tu-tu ɓahri se, bah ye ɓa gerek. 4Puhri gbam kú-u kal ké ri le, ku ƴo sɔk sa̧w nzuk Ŋgermbayri salɓay ké gun nzak pihnari ke ŋgernzuk vul misoŋri ké Zurusalem kuŋ ra#16.4 Í ki̧ Mbete Fe laɓna Tempuki 15.22-29 ɓay tu ɓay salɓay ké gun nzak pihnari ke ŋgernzuk vul misoŋri ké Zurusalem kuŋ., kú ƴo tulu. 5Kaŋ mí sa̧w nzuk Ŋgermbayri ƴo ŋger ké ɓil kan law woyri kpatara. Namri gbam, ŋgi̧na woyri si ma pol pol.
6Bale ku si ké tusiɓa Firizi-Galaɗ ɓay fe le, Tempuki gboh niri sí tusiɓa Azi#16.6 Azi a gelay ta ɓa tusiɓa Sinwa ya. Azi-ay na ɓil tusiɓa Turki a guri-ay. ɓay sɔk ɓay Ŋgermbay ké ri.
Tempuki pih Pɔl si Maseduwan
7Ku ka̧h mahful sekle tusiɓa Misi. Ku yih ɓay rih tusiɓa Bitini, mí Tem Zezu hi̧ niri ful rih-u ya. 8Ku mbi ful tusiɓa Misi, mí ku ɗer si Torowa, puh a luki ké ɓel mahmbih Medeterani. 9Ke suŋaw, Pɔl lɔl. Ke ko nzuk Maseduwan a hani ƴo síɓa goŋ ni ɓahri : « Mú gi Maseduwan, mú so na. »
10Bol fal lɔlɔ Pɔl bale nah eɓ ful ɓay tɔr si Maseduwan#16.10 Luk, nzuk-vbeh mbete-ay mbu̧h hani ke Pɔlri. Sa̧wu mí ke vbeh ɓahri, nah.. Nah tu ɓahri, Ŋgerzah pih na ma ma ri ɓay náh si sɔk ɓaysuki lák mbay Ŋgermbay hi̧ nzukri.
11Ké Torowa, nah puh gel kaɓna ɓil kumbon. Nah tɔr si Samutarasi. Tipele-u, nah puh gel kaɓna ɓil kumbon si Neyapol. 12Ké gelaw nah ur si Filipi, puh a luki ɓil distirik a hani ké Maseduwan. Puh-aw, gel pihna ŋgomna-u ɓa rɔmri. Nah kaɓ ri nam mah fe. 13Nam ɔkna ka̧h bale, nah ti̧h ke ɓil puh-aw si ɓel mbih#16.13 Ku mbu̧h hani ɓel mbih ɓa fe laɓna ziɓri kandɔk kú-u wɔk ɗikma tukala dara ku goŋ Ŋgerzah. Sa̧wu mí ku si ɓel mbih a uh-u ɓayu. . Nah ker ɓahri, nah zíŋ gel-goŋ Ŋgerzah ziɓri#16.13 Ku ti̧h kala ma gel-goŋ Ŋgerzah ziɓri ɓayu ké vul misoŋ ta ɓil puh ya. Ké ta̧w ziɓri, wo̧rori ɓá laɓ boh dara kú mboh vul misoŋ ké ɓil puh ɓáy.. Nah ka̧h. Mí nah ziŋ wu̧yri mí mbu̧h hani ké ri. Nah kaɓ ƴo lu mberem ziŋ niri. 14Wu̧y mbew ké sakra wu̧yri-aw, riŋ ye ɓa Ledi. Pihna ye ɓa ɗam yargar ké lari-u ɓa ŋgeru. Sa̧w puh ye ɓa Tiyatir. Ke ɓa ziɓ ya, mí ke ƴo dim Ŋgerzah ziɓri. Ke ƴo lah ɓay wah bale, Gaŋ tul feri riw mgbur law ye ŋgah hi̧ ni ke ya̧ ɓay mberem Pɔl ke law rihna. 15A ye ke nzuk kerpuh yeri, ku ti̧h mbih batem. Bol falu, ke goŋ na ɓay náh si puh ye. Ke ɓahri, nah ko ni, ke kan law tul Gaŋ tul feri riw ɓa ketina le, náh si kaɓ puh ye.
Ke goŋ na ke kɔkrɔya ɓay náh ya̧ ɓay ye.
16-17Nam ké nah ti̧h ɓay si ma gel-goŋ Ŋgerzah ra dale, gun tikla a hani ɓa mgbal, nzɔh nun wah, mí ke el dih fal wah. A ye-aw, záh ƴo ziŋ ni hi̧ ni ke na ɓa nzuk fe kona. Pihna ye ƴo gi ke lari ɓa ŋgi̧-u hi̧ bahgaŋ yeri. Ke dih fal wah kparvbaw. Ke vba̧ nzak le, ke vba̧ ra ɓáy ɓahri : « Nzukri-ay ɓa gun-laɓ pihna Ŋgerzah ké deɓ ye ta-a. Ku ƴo sɔk wuri mahful kaɓ ke ɔkna ɓa ŋgɔh. »
18Ke laɓ kaŋ nam ke nam hi̧ law Pɔl fa̧h. Mí ke sɔɓ nun bale, ke ɓah hi̧ záh ra ɓahri : « Ke riŋ Ŋgermbay Zezu, mi sɔk mu, mú ti̧h ke tul gun wu̧yaw. »
Mí záh ra ti̧h ke sa̧wseh-u gaŋ.
19Bahgaŋ yeri ko ɓahri, ŋgoro fe su̧na woyri vbar da, mí ku mgba Pɔl ke Silas. Ku kɔklɔ niri kpola kpola si gel-kuŋ salɓay. 20Ku ka̧h ta̧w ŋgernzuk-kuŋ salɓay Rɔmri. Ku ɓahri : « Nzukayri-ay ɓa ziɓ. Ku ƴo gbur puh wah ke ɓay. 21Ku ƴo sɔk fe a a̧y ké a wah, nzuk tusiɓa Rɔmri, nah mah laɓu ya. Nah mah ya̧-u ya pi. »
22Daɓa nzukri ur ku̧ tul Pɔl ke Silas. Ŋgernzukri gɔh gar Pɔl ke Silas ratata ratata, mí ku hi̧ gunbɔk pihnari vba̧ niri ke ka̧wkpuh vbir vbir. 23Ku vba̧ niri ndɔk ŋgi̧ mbamba dara mí ku si ziŋ niri mbih vul mgbal. Ku ɓah hi̧ ŋgernzuk soze-kɔr mgbalri ɓá mbih niri liɓ liɓ ɓa suki. 24Ke lah nzak pihna-aw bale, ke mbih niri vul mgbal gel a gbu̧h-u, mí ke ɓar bɔk woyri ke ɗah a yih-u#16.24 Ɗah ɓa kpuh kú-u fel mí ku ɓar kpuhaw mbih keni bɔk mgbalri..
25Pɔl ke Silas ƴo goŋ Ŋgerzah ke siŋ dimna ke haŋgel. Tɔr mgbal a ɓoruri te suk ƴo lah-u. 26Wara mí tusiɓa laŋ yik yik. Diŋ vul mgbal kara laŋ pi. Sa gelaw mí nzak vulri mgbur, sal lari kú-u ŋga̧h keni mgbalri sel riw. 27Ŋgernzuk soze-kɔr mgbalri ra ba, tom yirkiɗ ke nam le, ke ko nzak vul mgbal na ŋgah ŋgah. Ke ker ɓahri, mgbalri ɗuk da. Bale ke lu mahwu̧y pevbȩɗ ɓay i keni tul ye. 28Mí Pɔl ɓah ɓay ɓeleŋ hi̧ ni ɓahri : « Mú i tul wo ya. Nah ƴo ri-ay gbam wah. »
29Ŋgernzuk soze-kɔr mgbalri ra vbi hɔrɔ. Ku hi̧ ni hɔrɔ. Ke ɗuk ɓa gah-u rih tul Pɔl ke Silas. Mun ye to kpak kpak, ke huk siɓa gburuk ké pol woyri. 30Ke ten niri ke ɓil vul a gbu̧h-u ra, mí ke vbi niri ɓahri : « Ŋgernzukri, mi láɓ ani ɓay kaɓ ke ɔkna ɓa ŋgɔh ra le ? »
31Ku yih nzak ye ɓahri : « Mú kan law tul Ŋgermbay Zezu, Gaŋ tul feri riw le, ke yá̧ mu ɓa gun puh lakna ye, a wo ke nzuk kerpuh wori. »
32Ku sɔk ni ɓay Gaŋ tul feri riw, a ye ke nzuk kerpuh yeri gbam, ku lah. 33Suŋaw gaŋ mí ŋgernzuk soze-kɔr mgbalri ra maŋ niri si wɔk no̧ko woyri. Bol falu mí ke hi̧ niri, ku soh ni mbih batem, a ye ke nzuk yeri riw. 34Ke maŋ Pɔl ke Silas si puh ye. Ke mgba niri ɓa suki, ke hi̧ niri fe su̧na. A ye ke nzuk yeri, ku ziŋ mun rihna ɓayu kú-u kan law tul Ŋgerzah.
35Tipele teh mí ŋgernzuk-kuŋ salɓay Rɔmri pih soze woyri si sɔk ŋgernzuk soze-kɔr mgbalri ɓahri, ké poŋ nzukawri ɓá tɔr.
36Ŋgernzuk soze-kɔr mgbalri ra el sɔk Pɔl ɓahri : « Ŋgernzuk-kuŋ salɓayri pih nzak pihna hi̧ mi ɓay mí poŋ wuri. Kaŋ dale í ti̧h, í si wuri ɓa suki wara. »
37Mí Pɔl el ke ɓay hi̧ sozeri ké gi ra ɓahri : « Ku kuŋ salɓay ké tul wah ya, mí ku vba̧ na ké nun nzukri mgbum, a wah ké nah ɓa gun puh lakna Rɔmri dara mí ku mbih na ké vul mgbal. Mí aŋay le, ku yih ɓay náh ƴa-ƴahra, mí náh ti̧h. Ta laɓ kandɔkaw ya. Kú gi ten na ke mun woyri gaŋ. »
38Sozeri ké gi ke nzak pihna ŋgernzuk-kuŋ salɓay Rɔmri ra el si ndazi ɓayu hi̧ niri. Ku lah ɓahri se, Pɔl ke Silas ɓa gun puh lakna Rɔmri bale, hȩkme laɓ niri. 39Ŋgernzukri ra ur gi ta̧w woyri gɔl niri. Ku ten niri ké ɓil vul mgbal. Ku goŋ niri kú tɔr ké puh woyri. 40Mí Pɔl ke Silas ti̧h, ku si puh Ledi. Ku ziŋ nzuk yi̧n ɓil Ŋgermbayri ké ri. Ku hew niri ke ɓay Ŋgermbay, mí ku tɔr.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.